ئەڤرۆ نیوز، زنار:
بریارە ئەڤ شەڤە دو یاری ژ کاسا شاھێ ئسپانیا و سێ یاری ژ خولا ئنگلیزی یا نایاب بھێنە کرن ب ڤی شێوەی ل خوارێ
کاسا شاھێ ئسپانیا
١٢/١/٢٠١٦
١٠:٣٠ دیبورتیڤو لاکیرونا _ میراندیس
١٠:٣٠ ئەشبیلیا _ ریال بیتیس
خولا ئنگلیزی یا نایاب
١٠:٤٥ نیوکاسل _ مانچستەر یونایتد
١٠:٤٥ ئەستون ڤێلا _ کریستال پالاس
١٠:٤٥ بورنموس _ وێستھام یونایتد
ئەڤرۆ نیوز:
پشتی ل حەفتیا بۆری ھونەرمەندێ ناڤدار( ئیبراھیم تاتلیس) ب شێوەکێ بلەز گەھاندیە نەخۆشخانەکا باژێرێ ئزمیرێ و چارەسەریا پێدڤی بۆ ھاتیە کرن، نۆشدارێن سەرپەرشتیا وی دکەن دبێژن: رۆژ بۆ رۆژێ رەوشا وی باشترە و ھەتا رادەکی یێ ژ مەترسیێ دەرباز بووی.
ئاژانسێن دەنگوباسان دیار دکەن کو نۆشداران ئەوا پێدڤی بۆ تاتلیسی کریە، و ئەڤە دو رۆژە رەوشا وی یا ساخلەمیێ بەر ب باشیێ دچیت، و ھەتا رادەکی یا جێگیرە.
ئیبراھیم تاتلیس بەری چەند سالان تووشی ھێرشەکێ ببوو، ھەر ل وی دەمی ژبەر سەختیا برینێن وی رەوانەی وەلاتێ ئەلمانیا ھاتبوو کرن و نشتەرگەریەکا سەری بۆ ھاتبوو کرن، ھەروەسا ل سالا بۆری ژی نشتەرگەریا دی ل نەخۆشخانەکا ئەمریکی بۆ ھاتبوو کرن و ھەتا رادەکی رەوشا وی باشتر لێ ھاتبوو.
دبیت ببەنە ئەلمانیا
ئەڤرۆ نيوز:
ب مەرەما وەرگرتنا چارەسەریێ، بەری دو رۆژان سترانبێژ عەبدولقەھار زاخۆیی بەر ب وەلاتێ تورکیا ڤە چوو و ل دووف گۆتنا ھندەک کەسێن نێزیکی وی ھەکە چارەسەریا وی ل وێرێ نەبیت دێ بەنە ئەلمانیا.
پشتی ل ھەیاما بۆری سترانبێژ عەبدولقەھار زاخۆیی تووشی نەخۆشیەکا ژ نشکەکێ ڤە بووی، سەرۆکێ ھەرێما کوردستانێ د پەیوەندیەکا تەلەفۆنی دا بەرھەڤیا خوە دیارکر ژبۆ رەوانەکرنا وی بۆ وەلاتێ تورکیا، و ل رۆژا 10/1/2016 د رێیا فرۆکخانا ھەولێرێ یا نێڤ دەولەتی دا گەھشتە ئەنقەرە، و نوکە چارەسەریا وی یا دھێتە کرن.
ئەڤرۆ نیوز:
شاندەکێ رێکخراوا کویکا یا کوری ب سەروکاتیا (ھان) رێڤەبەرێ گشتی یێ رێکخراوا کویکا ل کوردستانێ سەرەدانا رێڤەبەریا گشتی یا پەوەردا پارێزگەھا دھۆکێ کر .
ئەڤرۆ سپێدێ رێکەفتی 12/1/2016 عەبد یوسف ئەحمەد رێڤەبەرێ گشتی یێ پەروەردا پارێزگەھا دھۆکێ پێشوازیا رێڤەبەرێ گشتی یێ رێکخراوا کویکا یا کوری وشاندێ ل گەل دا کر .
د روینشتنەکێ دا بەحسێ قووناغاێن کاری ل کومەلگەھا ئیتووت یا پەروەردەیی کر و رێڤەبەرێ گشتی یێ پەروەردێ دا دیار کرن کو ئەو ئاریشا ھەی یا دابینکرنا کارەبێ بوو کومەلگەھا ناڤبری چارەسەر بوویە و رەزامەندیا جھێن پەیوەندیدار ھاتیە وەرگرتن و ل ڤان نێزیکان و د ماوێ (20) رۆژان دێ کارەب ھێتە دابین کرن.
ژ لایێ خوە ڤە رێڤەبەرێ گشتی یێ رێکخراوا کویکا دیار کر کو ل حەفتیا بھێت ھەموو کەلوپەلێن کۆمەلگەھێ دێ ژکوریا گەھنە پارێزگەھا دھۆکێ و ب دووماھی ھاتنا ڤان کاران ل ھەیڤا بھێت دێ پروژە کەڤیتە د خزمەتا پەروەردێ دا.
رێکخراوا کویکا یا کوری نێزیکی (9) ملیون دولاران ل ڤێ پروژەی مەزاختینە .
کومەلگەھا ناڤبری کومەلەگەھا پەروەردەیی و دێ خزمەتا ھەموو قوناغێن خواندنێ کەت ھەر ژ باخچێن زارۆیان ھەتا قووناغا ئامادەیی و ل سەر شێوازەکێ نوو و پێشکەفتی ھاتیە ئاڤاکرن.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا چارشه‌مبى رێكه‌فتى 13ى كانوونا دويێ يا 2016ێ دێ ئه‌وره‌كێ كێم يێ ڤه‌قه‌تياى ل ئه‌سمانى هه‌بيت و ل هنده‌ك ده‌ڤه‌ران دێ ئه‌و ئه‌ور پيچه‌كێ زێده‌تر بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته پێشبينيكرندێ ئه‌وره‌كێ كێم يێ ڤه‌قه‌تياى ل ئه‌سمانى هه‌بيت و ل هنده‌ك ده‌ڤه‌ران دێ ئه‌و ئه‌ور پيچه‌كێ زێده‌تر بيت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10 كم دا و هنده‌ك و ماوێ ديتنێ ژى 9 بۆ 10 كم بيت، پلێن گه‌رمێ ژى دێ د ناڤبه‌را (3 بۆ 13) پلان دا بيت.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 12ى كانوونا دويێ يا سالا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1250 |
| 1 يۆرۆيێ ئه‌ورۆپى | 1355 |
| 1 ليرێ توركى | 410 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.netبكه.
ئه‌ڤرۆ نيوز:
ل مه‌يدانا سولتان ئه‌حمه‌د ل سته‌مبۆل په‌قينه‌ك روودا، هه‌ر چه‌نده هه‌تا نوكه ژمارا كوشتى و برينداران نه‌هاتيه راگه‌هاندن، به‌لێ ب گۆره‌ى پێزانينێن ل به‌ر ده‌ست دبيت زێده‌ترى 10 كه‌سان هاتبنه كوشتن و نێزيكى 20 كه‌سان ژى بريندار ببن.
هه‌ر ب گۆره‌ى ژێده‌رێن ميديا توركى به‌لاڤكرين زێده‌ترى 10 ئه‌مبۆلانسان بريندار ڤه‌گوهاستينه و تيمێن هه‌وارهاتنا ده‌سپێكى گه‌هشتينه جهێ روودانێ بۆ چاره‌كرنا ده‌سپێكى يا برينداران و ئه‌و ده‌ڤه‌ر هاتيه گه‌مارودان.
هه‌ر چه‌نده هه‌تا نوكه كه‌سێ به‌رپرساتيا خوه ژ روودانێ ديار نه‌كريه، به‌لێ ژ به‌ر كو كريارا خوه كوژيه پێشبينى دهێته كرن چه‌كدارێن داعش ئه‌ڤ كاره ئه‌نجام دابيت.
ئه‌ڤرۆ نيوز:
ئه‌ڤرۆ به‌رى نيڤرۆ كۆمبوونا هه‌ردو مه‌كته‌بێن سياسى يێن پارتى ديموكراتى كوردستان و ئێكه‌تى نشتيمانى كوردستان ل نڤيسينگه‌ها نێچيرڤان بارزانى ل هه‌ولێر يا به‌رده‌وامه.
شاندێ ئێكه‌تيێ ژ هه‌ر ئێك ژ مه‌لا به‌ختيار و سه‌عدى ئه‌حمه‌د پيره و قوباد ته‌له‌بانى و عومه‌ر فه‌تاح پێكهاتينه و يێ پارتى ژى ژ هه‌ر ئێك ژ نێچيرڤان بارزانى و فازل ميرانى و مه‌حمود محه‌مه‌د و دلشاد شه‌هاب.
ب گۆره‌ى پێزانينێن ل به‌ر ده‌ست دێ ئێك ژ ته‌وه‌رێن گرنگێن ڤێ كۆمبوونێ دانوستاندن بيت ل سه‌ر هه‌بوون و نه‌بوونا گۆڕان د ناڤ حكومه‌تێ دا.
ئەڤرۆ نيوز:
وەزیرێ ڤەگوھاستنێ و گەھاندنێ یێ حوکمەتا ھەرێما کوردستانێ دیار کر کو سەرێ ھەیڤا بھێت دێ بریارا کێمکرنا بھایێن ئەنتێرنێتی ھێتە بجھئینان.
ل گۆر نووچەکێ ماڵپەڕێ فەرمیێ یەکگرتووی ئیسلامی کوردستان، مەولود باوەموراد، وەزیرێ ھەرێمێ بۆ کاروبارێن پەرلەمانی و وەزیرێ ڤەگوھاستنێ و گەھاندن ب وەکالەت ئاشکرا کریە کو نڤیسارا خوە بۆ ھەموو کۆمپانیێن ئەنترنێتێ ئاراستە کریە و داخواز ژێ کریە کو پابەندی بڕیارا وەزارەتێ ببن.
ھەروەسا د نووچەی دا ھاتیە کو وەزیرێ ڤەگوھاستنێ و گەھاندن ب وەکالەت پێشبینیێ دکەت کو ل دەستپێکا ھەیڤا شوباتا بھێت بریارا وەزارەتێ سەبارەتی کێمکرنا بھایێن ئەنترنێتێ ل ھەرێما کوردستانێ بکەڤیتە د وارێ بجھئینانێ دا.
مەولود باوەموراد ئاماژە ب وێئێکێ ژی کر کو وەزارەتێ ل سەر بھایێن نوو یێن کارتێن ئەنترنێتێ گەنگەشە ل گەل وان کۆمپانیان کریە و وەزارەتێ بڕیار دایە کو 30% ژ بھایان بھێنە کێمکرن.
نيشاندان
