NO IORG
نووترين نووچه
Facebook

ئه‌ڤرۆ نيوز:
رێڤەبەرێ راگەھاندنا رێڤەبەریا گشتی یا پەروەردێ ل پارێزگەھا دھۆکێ بۆ ئەڤرۆ دیار کر کو ب بڕیارەکا جڤاتا وەزیرێن حوکمەتا ھەرێما کوردستانێ قوتابخانێن سەر ب وەزارەتا ئەوقافا حوکمەتا ھەرێما کوردستانێ ڤە یێن چار دەڤەرێن سەر ب پارێزگەھا دھۆکێ ڤە ھاتنە سەر ب میلاکێ رێڤەبەریا گشتی یا پەروەردا پارێزگەھا دھۆکێ ڤە.
ئەحمەد عەبدوللا زۆبێر، رێڤەبەرێ راگەھاندنا رێڤەبەریا گشتی یا پەروەردێ ل پارێزگەھا دھۆکێ ئاشکرا کر کو پشتی بڕیارەکا جڤاتا وەزیرێن حوکمەتا ھەرێما کوردستانێ دواناوەندیێن ئەوقافا ئیسلامی یێن (دھۆک، زاخۆ، ئاکرێ، نھێلێ) ھاتنە سەر ب میلاکێ رێڤەبەریا گشتی یا پەروەردا پارێزگەھا دھۆکێ ڤە و گۆت” نوکە ھەموو کارێن پێدڤی ژ لایێ وەزارەتا پەروەردێ ڤە بۆ ڤان دواناوەندیان ھاتینە ئەنجامدان و رێڤەبەریا مە ژی یا بەرھەڤە ب ھەموو رەنگان ھاریکاریان پێشکێشی ڤان دواناوەندیان بکەت”.

128

ئه‌ڤرۆنیۆز، ئه‌یاد به‌روارى:
ده‌زگه‌هێ هه‌والگیریا ئه‌لمانی دلته‌نگیا خوه‌ ژ بزاڤێن هنده‌ك توندره‌وێن ئاینی بۆ به‌لاڤكرنا هزرێن خوه‌ یێن ئایینی یێن توندره‌و دناڤ سه‌دان هزار په‌نابه‌رێن گه‌هشتینه‌ ئه‌لمانیا دیاركر، د هه‌مان ده‌مدا پۆلیسێن به‌رلین هه‌وه‌كا پشكنینێ ده‌ستپێكر ژ ئه‌گه‌رێ گومانێ ل سه‌ر هه‌بوونا تۆره‌كێ بۆ چه‌كداركرنێ ل مزگه‌فته‌كا وی باژێری.
ئۆفیسا پاراستنا دستووری ( هه‌والگیریا ناڤخوه‌یی یا ئه‌لمانی) ل دووڤ سایتێ (هافینگتۆن پۆست) دلته‌نگیا خوه‌ ژ بزاڤێن ئیسلامیان ل ئه‌لمانیا كو ل بن ناڤێ پێشكه‌شكرنا هاریكاریێن مرۆڤایه‌تی دیاركر، كو مفای ژ بارودۆخێ په‌نابه‌ران دبینن بۆ به‌لاڤكرنا هزرێن خوه‌ و گه‌هاندنا داخوازكرێن په‌نابه‌ریێ بۆ ناڤ رێزێن خوه‌.
هه‌والگیریا ئه‌لمانی دیاركر كو ئه‌و گرنگیه‌كا تایبه‌ت ب په‌نابه‌رێن گه‌نج دكه‌ن كو دبیت ببنه‌ پاریه‌كێ ب ساناهی بۆ ئیسلامیێن تونده‌ره‌و، د به‌رامبه‌ر ڤێ چه‌ندێ دا ده‌زگه‌هێن ئه‌منی ل ئه‌لمانیا ئاشكراكر كو وان چو پێزانینێن باوه‌رپێكری نینن ل دۆر هاتنا گرۆپێن جیهادی دناڤ په‌نابه‌ران دا بۆ ئه‌لمانیا.
ل دۆر هژمارا سه‌له‌فییان ل ئه‌لمانیا، هه‌والگیریا ئه‌لمانی د ده‌مێ سێ هه‌یڤیچن بۆری دا هژماره‌كا مه‌زن ژێ تۆماركرینه‌ و خویاكریه‌ كو هژمارا وان ژ 7500 كه‌سان یێن بووینه‌ 7900 كه‌س.
هه‌والگیریا ئه‌لمانی دیاركریه‌ ژی كو سێكا هژمارا وان وه‌لاتیێن ئه‌لمانی ئه‌وێن چووینه‌ دناڤ داعشێ دا ل عیراقێ و سووریێ یێن زڤرینه‌ ئه‌لمانیا و وان پێزانین یێن ل سه‌ر 70 كه‌سان هه‌ین كو بووینه‌ خودان شاره‌زاییه‌كا باش د شه‌ڕى دا.
دهێته‌ زانین هه‌تا نوكه‌ چو هێرشێن جیهادی یێن توندره‌و یێن مه‌زن ل ئه‌لمانیا نه‌هاتینه‌ روودان به‌رۆڤاژی هنده‌ك وه‌لاتێن دی یێن ئورۆپی، لێ د مه‌ها تاباخا 2015 ێ دا دو كه‌سێن دناڤ داعشێ دا ل سووریێ ب زمانێ ئه‌لمانی گه‌ف ل ئه‌لمانیا كربوون و پۆلیسێن ئه‌لمانی به‌ری چه‌ند رۆژان عیراقیه‌ك كوشت پشتى هێرشه‌ك كریه‌ سه‌ر پۆلیسه‌كا ژن ل به‌رلین و برینداركری و به‌رى نوكه‌ ژی تۆمه‌تا تیرۆری بۆ وی هاتبوو ئاراسته‌كرن.

ئەڤرۆ نیوز، زنار تۆڤی:
سەڕۆک وەزیرێ عێراقێ حەیدەر عەبادی رادگەهینیت کو هەرێما کوردستانێ نوکە سەربەخۆ نەفتا خۆ دفرۆشیت، له‌ورا به‌غدا ژی بەشە بۆدجەیێ وان یێ سالا 2016 ناهنێریت.
حەیدەر عەبادی بۆ چەندین دەزگەهێن میدیایی یێن عێراقێ دبێژیت: ژ ئەگەرێ هندێ کو حوکمەتا هەرێمێ ب رەنگەکێ سەربەخۆ نەفتا خۆ دفڕۆشیت و رادەستی حوکمەتا ناڤەندی ناکەن، لەورا ئەم ژی وەک حوکمەتا عێراقێ بەشە بۆدجەیێ وان نا هنێرین.
هەروەسا دیاڕکریە كو ئه‌و شەرێ راگەهاندنێ دگەل حوکمەتا هەرێمێ ناکەن لێ پێرابوونێن تایبەت بەرامبەر وان هەنە.

ئه‌ڤرۆ نیوز: ڤه‌ده‌ر ره‌شاڤایی:
ئێكه‌تیا ئه‌ورۆپا ب پرانیا ده‌نگان پلانا دابه‌شكرنا 120 هزار په‌نابه‌ران لسه‌ر 28 وه‌لاتێن ئه‌ورۆپی په‌سه‌ندكر.
دكۆمبوونا وه‌زیرێن وه‌لاتێن ئێكه‌تيا ئه‌رۆپا ل بروۆكسل ب پشته‌ڤانیا وه‌لاتێن زلهێز وه‌كی ئه‌لمانیا بۆ چاره‌سه‌ریا قه‌یرانا كۆچبه‌ران ئه‌ڤ بریاره‌ هاته‌ دان،
هه‌ڤده‌م وه‌لاتێن هه‌نگاریا، چیك، سلۆڤاكیا و رۆمانیا ل دژی ڤێ بریارێ ده‌نگ دا و پلان وه‌سا وه‌سفكر كو نه‌دجهێ خوه‌ دایه‌ بۆ بجهئینانێ.

126

ئەڤرۆ نیوز،زنار تۆڤی:
ئەڤرۆ ل دەمژمێر ۷ شەڤێ ل رۆژا سێشەمبی فرۆکێن سۆپایێ تورکی چەندین جهـ ب دژواری ل دەڤەرا بەڕواری بالا بۆ ماوێ پتر ژ نیڤ دەمژمێرێ بوردۆمانکرن.
مازن ئیدریس وەلاتیەکێ دەڤەرا بەرواری بالایە بۆ ئەڤرۆ نیوز خویاکر: لدەمژمێر ۷ ی شەڤ فڕۆکێن تورکی چەندین جهـ ل چیایێ مەتینا و گوندێ هێسێ و چەندین جهێن دی لسەر رووبارێ زێ ب دژواری بوردۆمانکرن و ل هەمان دەم دا فرۆکەیێن لێگەریانێ ل هنداڤ چیایێ مەتینا و دەڤەرا بەرواری بالا بۆ ماوێ پتر ژ دەمژمێرەکێ دگه‌ریان.

ئه‌ڤرۆ نیوز: ڤه‌ده‌ر ره‌شاڤایی:
دو وه‌زیرێن هه‌ده‌پێ د حكومتا كاربرێكه‌را توركیا دا ده‌ستژكاركێشانا خوه‌ ژ پۆستێن خوه‌ راگه‌هاندن وه‌ك نه‌رازیبوون لدژی سه‌ره‌ده‌ریكرنا حكومه‌تا توركیا لگه‌ل توندوتیژییا ل باكۆرێ كوردستانێ و هۆشداری دان ژ وێ یه‌كیچ كو هه‌لبژارتنێن په‌رله‌مانیێن داهاتی ل وی وه‌لاتی د مه‌ترسیێ دانه‌.
ده‌ستژكاركێشانا وه‌زیرێ گه‌شه‌پێدانێ موسلم دۆغان و وه‌زیرێ كارۆبارێن ئێكه‌تیا ئه‌ورۆپا عه‌لی حه‌یده‌ر كونجا دده‌مه‌كی دا هات كو توندوتیژیێن دناڤبه‌را په‌كه‌كێ و توركیا به‌ره‌ڤ ئاسته‌كێ بلند چووینه‌.

ئه‌ڤرۆ نیوز: ڤه‌ده‌ر ره‌شاڤایی:
مه‌سرۆر بارزانی سه‌رۆكێ جڤاتا ئێمناهییا هه‌رێما كوردستانێ گازنده‌ ژ هه‌ڤپه‌یمانییا دژی داعش دكه‌ت ب وێ یه‌كێ تۆمه‌تباردكه‌ت كو بۆ چه‌ندین مه‌هه‌ نه‌شیایه‌ هاریكاریان پێشكێشی پێشمه‌رگه‌ بكه‌ت، و خویادكه‌ت كو داوی بارێ هاریكاریێن هه‌ڤپه‌یمانیێ بۆ پێشمه‌رگه‌ی به‌ری 4 مه‌هان بوویه‌.
مه‌سرۆر بارزانی لسه‌ر تورا جڤاكیا تویته‌ری دبێژیت: راگرتنا هاریكاری و پشته‌ڤانیێ ژ پێشمه‌رگه‌ی چ به‌هانه‌یێن خوه‌ نینه‌، پێشمه‌رگه‌ به‌رهنگاری هێرشێن كیماوی بوویه‌ دده‌مه‌كی بتنێ هزار ماسكێن گازێ بۆ پێشمه‌رگه‌ی هاتینه‌ دابینكرن.”
ل داویێ ناڤهاتی گۆتیه‌ كو دڤێت هه‌ڤپه‌یمانی هاریكاریێن پتر بۆ هێزێن پێشمه‌رگه‌ێ كوردستانێ د شه‌رێد دژی تیرۆرستێن داعش دا دابین بكه‌ت .

ئه‌ڤرۆ نیوز: ڤه‌ده‌ر ره‌شاڤایی:
دادگه‌هه‌گا تێهه‌لچوونێ ل نیو ئۆرلیێنز، ئه‌مریكا بریار دا نه‌فتا حكومه‌تا هه‌رێما كوردستانێ ل ئه‌مریكا نه‌هێته‌ فرۆشتن.
هه‌روه‌كی كه‌نالێ بلۆمبێرگ به‌لاڤكری كو بۆ گه‌را پێنجێ بزاڤا هه‌رێما كوردستانێ بۆ وێ یه‌كێ پێداچوون د بریارا دادوه‌ری بهێـه‌ كرن بیه‌ر نه‌كه‌فت .
ل پارسال حكومه‌تا ناڤه‌ندی ل به‌غدا سكالا تۆماركربوو بۆ راوه‌ستاندنا گه‌شتیه‌ما بارهه‌لگرا نه‌فتا هه‌رێما كوردستانێ ل كه‌نارێن تكساس، ئه‌مریكا، ل وێ رۆژێ ڤێ كه‌یسێ ده‌ستپێكرییه‌ ، لێ لدووڤ بریارا دادگه‌هێ سه‌ره‌ده‌ری لگه‌ل نه‌فتا هه‌رێمێ ل ئه‌مریكا ناهێته‌ كرن.

ئه‌ڤرو نیوز ، نه‌وزاد زاده‌ هلورى :
نێزیكا حه‌فتیه‌كێ یه‌ كومسیونا بلندا سه‌ربه‌خۆیا هه‌لبژارتن و راپرسیێ یا حكومه‌تا هه‌رێما كوردستانێ ب رێیا ئه‌لیكترونى فورمان وه‌ردگریت و هه‌تا نها نێزیكێ 93 هزار فورم هاتینه‌ پێشكێشكرن.
لدۆر ڤێ یه‌كێ هندرین محه‌مه‌د سه‌روكێ كومسیونا بلندا سه‌ربه‌خۆیا هه‌لبژارتن و راپرسیێ یا حكومه‌تا هه‌رێما كوردستانێ راگه‌هاندیه‌ كو هه‌تا نها زێده‌ترى 92 هزار و 500 كه‌سان فورم پێشكێشكرینه‌ و گۆت :” كومسیوونا بلندا سه‌ربه‌خویا هه‌لبژاردن و راپرسیێ بو پركرنا میلاكى َخوه‌یێن ئوفیسا سه‌ره‌كى و ئوفیسێن پارێزگه‌هێن هه‌رێمێ 535 پوست راگه‌هاندینه‌ داكو ب هه‌رده‌می وه‌كو فه‌رمانبه‌ر بهێنه‌ دامه‌زراندن ، بو ڤێ مه‌ره‌مێ فورمان ب رێیا ئه‌لیكترونى وه‌ردگریت و ئه‌ڤه‌ نێزیكێ حه‌فتیه‌كێ یه‌ ده‌رگه‌هـ یێ ڤه‌كریه‌ و هه‌تا نها زێده‌ترى 92 هزار و 500 كه‌سان فورم پركرینه‌”
زێده‌تر گۆت : ” ژبه‌ر زۆریا فۆرمان و كێمیا پوستان نه‌چارین كو وه‌رگرتنا وان ب شێوه‌یێ به‌ریكانه‌ وه‌ربگرین ب شێوه‌یه‌كێ شه‌فاف )
كومسیونا بلندا سه‌ربه‌خویا هه‌لبژاردن و راپرسیێ یا حكومه‌تا هه‌رێما كوردستانێ رۆژا 15/9 ده‌رگه‌هێ ڤه‌كرنێ بو پركرنا پوستێن كومسیونێ ڤه‌كریه‌ و دوماهى ژڤان ژى هه‌تا روژا 28/9/2015 یه‌.”

89

ئه‌ڤرونیوز :كاروان باعه‌درى:
فروكه‌یێن هه‌فپه‌یمانا بنگه‌هێن داعشى ل نیڤا باژێرێ شنگالێ بۆمبه‌بارانكرن.
فه‌رمانده‌یی لیوا 4 یا هێزێن پێشمه‌رگه‌ی ل شنگالێ نادر خه‌مۆ بۆ ئه‌ڤرۆ نیوز گۆت: ده‌مژمێر 4 و نیڤى ئێڤاریا ئه‌ڤرو بنگه‌هێن داعش توپبارانكرن ئه‌وژى ل تاخێ صناعه‌ و ده‌ورا قبائل، لگورى پێزانێن گه‌هشتینه‌ مه‌ كارگه‌هه‌كا TNT یا ل تاخێ صناعه‌ بۆ و هه‌تا نها زى دیكیله‌كا مه‌زن یا ژ سه‌نته‌رى باژێرێ شنگالى دچیت.”

website security
WP Facebook Auto Publish Powered By : XYZScripts.com