ئه‌ڤرۆ نیۆز، قائید میرۆ:
ئه‌ڤرۆ تیرۆرستێن داعش كاتیۆشایه‌كادی هاڤێته سه‌نته‌رێ قه‌زا مه‌خموور و چو زیانێن گیانی نه‌بوون.
ژێده‌ره‌كێ ل قه‌زا مه‌خموور ب ئه‌ڤرۆ نیۆز راگه‌هاند” لڕۆژێن بۆری چه‌كدارێن داعش هژماره‌ك كاتیۆشا هاڤێتنه سه‌نته‌رێ قه‌زا مه‌خموور و ئه‌ڤرۆ ژی جاره‌كا دی سێ كاتیۆشا ژلایێ داعش ئاراسته‌ی سه‌نته‌رێ قه‌زایێ كرن، به‌لێ تنێ ئێك ژوان گه‌هشته ناڤ مه‌خموور و یێن دی ده‌رڤه‌ی مه‌خمووری كه‌فتن.
ژێده‌ری كۆ نه‌ڤیا ناڤێ وی بهێته به‌لاڤكرن گۆت ” ئه‌ڤه چه‌ندن جاره تیرۆرستێن داعش تۆپبارانا سه‌نته‌رێ قه‌زا مه‌خموور دكه‌ت، به‌لێ كاتیۆشایێن ئه‌ڤرۆ چو زیانێن گیانی نه‌بوون و نێزیك سایلۆیا مه‌خموور كه‌فتینه.
نووترين نووچه
- شانـدێن دانـوسـتاندكـار یـێن پـارتی و ئێـكـەتی كـۆمـبوون
- سەرۆك بارزانی ب رێكا ئێكڕێزییا كوردان بزاڤا خوە بەرهەڤكرنێ بۆ گوهۆڕینێن دەڤەرێ دكەت
- لویس ساكۆی دەلیڤەیا هەی ببیتە پاپایێ ڤاتیكانێ
- كەرتێ وزەیێ ل هەرێما كوردستانێ دێ زێدەتر بەرفرەهـ بیت
- هەكە پەكەكە چەكێ خوە ل شنگالێ ڕادەست بكەت دێ ئەو دەڤەر ئارام بیت
- شاندەکێ هەڤپشک یێ کوردان دێ ل گەل شامێ دانوستاندنان کەت
- سەرۆك بارزانی بۆ كۆنفرانسێ ئێكڕێزییا كوردان ل رۆژئاڤایێ كوردستانێ: ئێكگرتنا كوردان كلیلا چارەسەرییا ئێكجارییا پرسا كوردی یە ل سووریێ
- سەرۆكێ هەرێما كوردستانێ بەرهەڤی رێوڕەسمێ خاترخواستنا پاپا فرەنسیس ل ڤاتیكانێ بوو
- پشكا رەوشەنبیری و راگەهاندنا پارتی و دەزگەهێن گرێدای وێ وەفادارییا خوە بۆ رێبازا بارزانی دوپاتكر
- کۆنفرانسێ نەتەوەیی ل رۆژئاڤایێ کوردستانێ هاتە ساز کرن
سه‌ره‌كى Facebook
ده‌ینه‌سۆر هاتنه هه‌ولێرێ
ئه‌ڤرۆنیۆز، سالار دۆسكى:
په‌یڤدارێ ده‌سته‌یا گه‌شت و گوزارێ ل حوكمه‌تا هه‌رێما كوردستانێ ئاشكراكر كو بۆ جارا ئێكێ ل عیراقێ و كوردستانێ هولێن داخستی هاتینه ڤه‌كرن و په‌یكه‌رێن لسه‌ر شێوێ گیانه‌وه‌رێن مه‌ترسیدار وه‌ك ده‌ینه‌سۆران هاتینه دانان و ده‌نگ و ره‌نگ هه‌یه.
نادر روستى په‌یڤدارێ ده‌سته‌یا گه‌شت و گوزارێ ل حوكمه‌تا هه‌رێما كوردستانێ بۆ مالپه‌رێ ئه‌ڤرۆ نیۆز گۆت: ب پشته‌ڤانیا كه‌رتێ تایبه‌ت ل باژێرێ هه‌ولێرێ پاركا ده‌ینه‌سۆران ل باژێرێ یاریا ل مازى لاند هاته‌ڤه‌كرن و دناڤاهولێن داخستی دا هاتینه‌دانان و په‌یكه‌رێن ده‌ینه‌سوران ده‌نگ و ره‌نگ هه‌یه و دیسان دارستانێن ده‌ستكر هاتینه‌چێكرن وئه‌ڤه هاتیه‌كرن بۆ مه‌ره‌ما ئینانا گه‌شتیاران بۆ كوردستانێ و تایبه‌ت باژێرێ هه‌ولێرێ.
هێشتا گۆت: ئه‌ڤه په‌یكه‌رێن ده‌ینه‌سۆران هه‌موو بزاڤا دكه‌ن و گوشتى و گیایى دخون و ده‌نگى دكه‌ن و دیسان بزاڤا دكه‌ن و ئه‌ڤه شێوازه‌كێ نوویێ ئینانا گه‌شتیارانه ل كوردستانێ.
روستى زێده‌تر بۆ ئه‌ڤرۆ نیۆز گۆت: دیسان ژ بلى خوه‌شیێ و دیتنێ وه‌ك زانست ژى مفا ژێ دهێـته وه‌رگرتن و ده‌ست خوه‌شیێ ل كه‌رتێ تایبه‌ت دكه‌ین.
بەرەڤانێ ھەلبژارتیێ سووریێ دێ ھەڤبەستا زێرەڤانی ئیمزا کەت
ئەڤرۆ نیوز، زنار زوبێر:
یانا زێرەڤانی یا وەرزشی حنێرەکا مەزن کر د بازارێ ڤەگوھاستنا یاریکەران دا پشتی گەھشتیە رێکەفتنێ ل گەل یاریکەرێ ھەلبژارتیێ سووریێ یێ تەپا پَی مەجید حمسی بۆ ئیمزاکرنا ھەڤبەستا تیمێ ئەوا پشکدار د خولا ھەرێما کوردستانێ یا تەپا پێ دا بۆ یانێن نایاب.
د ڤی چارچوڤەی دا سلێمان رەمەزان راھێنەرێ تیما تەپا پێ یا زێرەڤانی د داخویانیەکا تایبەت دا بۆ سایتێ ئەڤرۆ نیوز گۆت: بۆ بھێزخستنا تیما تەپا پێ یا یانێ مە ب فەر زانی ھەڤبەستێ ل گەل یاریکەرێ ھەلبژارتیێ سووریێ یێ تەپا پێ مەجید حمسی ئیمزا بکەین و نوکە یاریکەرێ ناڤبری ل دھۆکێ یە بریارە سوبەھی رۆژا چارشەمبی ھەڤبەستا یانێ ب فەرمی ئیمزا بکەت و تنێ مایە رێکەفتنێ ل سەر بھایێ ھەڤبەستێ بکەین.
دھێتە زانین یاریکەرێ ناڤبری یاریکەرێ ھەلبژارتیێ تەپا پێ یا سووریێ یە و بەری نوکە یاری بۆ یانا سلێمانیێ و کەربەلا د خولا عیراقێ دا کریە و یاریێ ل ھێلا بەرەڤانیێ دکەت ل ڤی وەرزی چەندین ھەڤبەستێن یانێن خولا عیراقێ و بەحرێن رەدکرن و بریاردا بھێتە یانا زێرەڤانی د خولا ھەرێما کوردستانێ دا یاریێ بکەت.
ته‌رمێ هژماره‌كا چه‌كدارێن داعش گه‌هشتنه باژێڕێ مووسل
ئه‌ڤرۆ نیۆز، قائید میرۆ
ته‌رمێ هژماره‌كا زۆرا چه‌كدارێن داعش ل قه‌زا بێجی هاتنه ڤه‌گوهاستن بۆ نه‌خۆشخانه‌یێن باژێڕێ مووسل.
غه‌یاس سورچی، په‌یڤدارێ ئێكه‌تی نیشتیمانی كوردستان ل مووسل ب ئه‌ڤرۆ نیۆز راگه‌هاند” زانیاری ل نه‌خۆشخانه‌یێن باژێڕێ مووسل و نۆشداریا داد یا باژێڕێ گه‌هشتینه مه، ته‌رمێ نێزیكی سه‌د چه‌كدارێن داعش گه‌هشتینه نه‌خۆشخانه‌یێن باژێڕێ مووسل و دگه‌ل هژماره‌ك بریندار ژی هه‌نه.
سورچی گۆتژی” ئه‌ف چه‌كدارێن ته‌رمێن وان گه‌هشتینه باژێڕێ مووسل ل چه‌ند رۆژێن بۆری دا ژ ئه‌گه‌رێ شه‌ڕۆ پێكدادانێن ناڤبه‌را داعش و سوپایێ عێراقێ ل سنورێ قه‌زا بێجی هاتینه كوشتن
رۆژا جیهانى یا مۆزیكێ ل دهۆكێ دێ هێته ساخكرن
ئه‌ڤرۆ نیۆز، رێوار مزیرى:
ب هه‌لكه‌فتا رۆژا جیهانى یا مۆزیكێ، رێڤه‌به‌ریا ره‌وشه‌نبیرى و هونه‌رى ل دهۆكێ، رێڤه‌به‌ریا هونه‌رێ مۆزیكێ ل دهۆكێ دێ رۆژا جیهانى یا مۆزیكێ ب گێرانا كۆنسێرته‌كا ستران و مۆزیكێ ل رۆژا پێنجشه‌مبى 1/10/2015 ل ده‌مژمێر شه‌شى ئێڤارى ل هولا كۆنگره‌یان ل زانكۆیا دهۆكێ ساخكه‌ت.
سه‌مه‌دار مایى، رێڤه‌به‌رێ رێڤه‌به‌ریا هونه‌رێ مۆزیكێ ل دهۆكێ بۆ ئه‌ڤرۆ نیۆز گۆت:” د ڤێ كۆنسێرتێ دا دێ چه‌ندین هونه‌رمه‌ندێن باژێرێن (دهۆك، هه‌ولێر، سلێمانى) و تیپا رۆباد یا مۆزیكێ و كۆرالا په‌یمانگه‌ها هونه‌رێن جوان ل دهۆكێ پشكداربن”.
ناڤهاتى ئاماژه دا وێ چه‌ندێ كو هاتنه ژوورا ڤێ كونسێرتێ دێ یا بێ به‌رامبه‌ر بیت.
سه‌قايێ دهۆكێ د رۆژانێن جه‌ژنێ دا
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو ژ سوبه‌هى رۆژا چارشه‌مبى رێكه‌فتى 23ى ئيلۆنا 2015ێ و هه‌تا 27ێ ئيلۆنێ دێ سه‌قايێ هه‌رێمێ هه‌تا راده‌كى يێ شكه‌ستى بيت.
د نڤيساره‌كێ دا، پشكا پێشبينيان ل رێڤه‌به‌ريا كه‌شناسى و بيڤه‌له‌رزلێ ل هه‌رێما كوردستانێ راگه‌هاند كو ژ ئه‌نجامێ نزمبوونا فشارێن گه‌رما سالانه و هاتنا فشارێن بلندێن ده‌ريا ناڤه‌راست كو هه‌وايه‌كێ هين ل گه‌ل دايه ژ سوبه‌هى رۆژا چارشه‌مبى رێكه‌فتى 23ى ئيلۆنا 2015ێ گه‌هنه هه‌رێما كوردستانێ و پلێن گه‌رمێ دێ ب ئێك هه‌تا دو پلان هێنه خوار وه‌كو هه‌ڤبه‌ركى ل گه‌ل رۆژێن به‌رى نوكه.
دايه زانين ژى كو پشتى جه‌ژن ب دووماهى دهێت ئانكو ل 27ى ئيلۆنا 2015ێ جاره‌كا دى ئه‌ڤ پلێن گه‌رمێ دێ بلند بن ژ ئه‌نجامێ ڤه‌كێشانا فشارێن بلندێن ده‌ريا ناڤه‌راست ل سه‌ر هه‌رێما كوردستانێ.
ب وێنه: حه‌جيێن كوردستانێ به‌ر ب چيايێ عه‌ره‌فێ ب رێ كه‌فتن
ئه‌ڤرۆ نيوز:
كاروان ستۆنى نوونه‌رێ وه‌زاره‌تا ئه‌وقافێ بۆ كاروبارێن راگه‌هاندنێ د داخۆيانيه‌كا رۆژنامه‌ڤانى دا راگه‌هاند كو ئه‌ڤرۆ هه‌موو حه‌جيێن كوردستانێ ب مه‌ره‌ما بجهئينانا روكنێ سه‌ره‌كى يێ حه‌جێ به‌ر ب چيايێ عه‌ره‌فێ ب رێ كه‌فتن.
د ڤێ داخۆيانيا نڤيسكى دا يا دانه‌ك بۆ ئه‌ڤرۆ نيوز ره‌وانه‌كرى، ئاماژه ب وێ چه‌ندێ ژى كريه كو هه‌موو حه‌جيێن كوردستانێ ب سلامه‌تن و به‌رده‌وام تيمێن ساخله‌ميێ يێ ل گه‌ل دا و چاڤدێريا وان دكه‌ن و هه‌موو ئاماده‌كارى يێن بۆ هاتينه كرن و خزمه‌تا وان دهێته كرن.
ئه‌ڤ ساله سێ هزار و 656 حه‌جى ژ هه‌رێما كوردستانێ بۆ ب جهئينانا فه‌ريزا حه‌جێ به‌ر ب سعوديێ چووينه.
ره‌وشا زێر و زيڤى ل بازارێن دهۆكێ
ره‌وشا دراڤى ل بازارێن دهۆكێ
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 22ى ئيلۆنا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1235 |
| 1 يۆرۆيێ ئه‌ورۆپى | 1390 |
| 1 ليرێ توركى | 410 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
راسته هه‌ر په‌رله‌مانتاره‌ك دێ 25 مليۆنان دياريا جه‌ژنێ وه‌رگريت؟
ئەڤرۆ نیوز، سالار دۆسکی:
پشتی چەندین تورێن جڤاکی ھاتیە بەلاڤەکرن کو ھەر ئەندامەکێ پەرلەمانێ عیراقێ ٢٥ ملیۆن دینار وەک دیاریا جەژنێ وەرگرتینە، پەرلەمانتارەکێ کورد ل سەر بابەتی ھاتەدەنگ.
حاکم سەرحان سلێڤانەی، ئەندامێ پەرلەمانێ عیراقێ بۆ مالپەرێ ئەڤرۆ نیۆز گۆت: چ راستی بۆ دانا ٢٥ ملیۆن دیناران بۆ ھەر ئەندام پەرلەمانەکێ عیراقێ نین و بتنێ ئەڤە پرۆپاکندیە.
سەرحانی ئاشکراکر کو ئەڤە سێ جەژنە ل پەرلەمانێ عیراقێ و ھەتا نوکە چ جاران دیاریا جەژنێ نە وەرگرتیە و بتنێ ئەڤە پرۆپاکندە نە، گۆت: پارە نین و بتنێ ئەڤە پرۆپاكنده‌يه.
نيشاندان
WP Facebook Auto Publish Powered By : XYZScripts.com