ئهڤرۆ نیوز:
ئهڤرۆ نیوز:
پێكهاتێ چاڤهرێكرى یێ یاریا ریال و مالمو د جاما چامپیۆنز لیگ دا كو بریاره 9 و 45 دهقیقهى ئهڤ شهڤه بهێته سازكرن.
مالمۆ: ویلاند، یۆتون، کارڤالهۆ، بێنگتسۆن، ئارناسۆن، تینێرهۆڵم، بێرگێت، لویسکی، ئادو، ڕۆسێنبەرگ، جوردیچ.
ڕیال: ناڤاس، کارڤاخال، ڤاران، ناچۆ، مارسێلۆ، کرۆس، مۆدرێچ، ئسکۆ، ڤازکوێز، ڕۆناڵدۆ، بێنزێمە.
ئهڤرۆ نیوز:
ل دووڤ راپورتێن رۆژنامهڤانى یێن ئسپانیا، ئەندریاس ئێنێستا كاپتنێ بهرشهلهونه ژ ئهگهرێ وێ هنگاڤتنا ل یاریا شڤێدى تووش بووى، دێ بۆ ماوێ زێدهتر ژ ههیڤهكێ ژ یاریگههان دووركهڤیت.
ب ڤێ چهندێ لویس ئێنریکی د ماوێ كێمتر ژ حهفتیهكێ دا دو ستێرێن گرنگ ژ دهستدان و ژ بهر سزایێ فیفایێ نهشێت جهێ وان ژى پر بكهت.
ئهڤرۆ نیوز:
حهجیهكێ كورد كو ل رۆژا ئێكێ یا جهژنا قوربان ژ كاروانێ حهجیێن كوردستانێ دهێنه دابرین و بهرزه دبیت، هاته دیتن پشتى كو 5 روژان بێ سهروشوین بووى.
كاروان ستونى نوێنهرێ وهزارهتا ئهوقافێ بۆ ئهڤرۆ نیوز دیاركر كو حهجى حهویز محهمهد حهوێز محهمهد حهسهن بهرزه ببوو، لێ هاتیه دیتن و هاته هنارتن بۆ ئوتێلا حهجیێن كوردستانێ.
ئهڤرۆ نيوز، ههرهين محهمهد:
ههلبهستڤانێن ناڤدار شهعبان سلێمان و هۆنهرمهندێ دهنگخۆش ركێش سهيرانى كليپا “دهولهت” بهلاڤكر.
شهعبان سلێمان د ديدارهكێ دا بۆ ئهڤرۆ نيوز گۆت: “ئهڤه بۆ ماوهكى بوو مژوولى چێكرنا ڤێ سترانێ بوو ب ناڤێ دهولهت كو ژ پهيڤ و ئاوازێن وى ب خوه نه”.
دا زانين ژى كو پشتى بهلاڤبوونا سترانا بهرى نوكه يا وان يا دو قولى گهلهك سترانبێژان حهزا ڤان رهنگه سترانا دهربڕيى يه.
ئهڤرۆ نيوز، رۆژئاڤايێ كهركووك، ئۆمێد وهلاتى:
سپێدههيا ئهڤرۆ رۆژا چارشهمبى رێكهفتى 3ى ئيلۆنا 2015ێ ئۆپهراسيۆنێن ئازادكرنا چهند گوندان ل رۆژئاڤايێ كهركووك دهسپێكرن و ههتا نوكه حهفت گۆند هاتينه ئازادكرن.
سيهاد مستهفا بارزانى، فهرماندێ هێزێن پێشتهڤانيا ئێك يا لهشكرێ كوردستانێ بۆ ئهڤرۆ نيوز گۆت: “د هێرشا ئهڤرۆ دا يا هێزێن پێشمهرگێ كوردستانێ ل سهر بارهگايێن تيرۆرستێن داعش بۆ رزگاركرنا چهند گوندان ژ دهستێ تيرۆرستان ل سنورێ ميحوهرێ رۆژئاڤايێ كهركووكێ ئهندهزيارى و تانك و تۆپخانه و راجيمه يێن سهر ب فهرماندهيا هێزێن پشتهڤانيا ئێك د ڤێ هێرشێ دا د پشكدار بووينه”.
سيهاد مستهفا بارزانى زێدهتر گۆت: ههتا نوكه ههر ئێك ژ گۆندێن گۆبهيبه و تولوهرد و بلنداهيێن غهره و كوارس عهرهب و كوراس كورد و محهمهد خهليل و سهيد خهلهف و كۆمپانيا توركى نێزيك تهلوهرد ب تهمامى هاتينه كونترۆلكرن”.
فهرماندێ هێزێن پێشتهڤانيا ئێك يا لهشكرێ كوردستانێ دا زانين ژى كمو كومهلگهها مهنسوريه و گوندێ منسوريه يێن هاتينه رزگاركرن بهلێ نوكه ئهندهزيارێن تهقهمهنيان يێن تێدا و هێشتا ب تهمامى نههاتيه كونترۆلكرن.
ئهڤرۆ نيوز:
جڤاتا فيدرالا روسيا دهستهلات دا سۆپايێ وهلاتێ خوه ژ بوو ئهنجامدانا ئۆپهراسيۆنێن دهرهكى ژ دهرڤهى سنورێن رۆسيا.
ئهڤ بڕيارا جڤاتا فيدرالا رۆسيا پشتى داخوازيا فلاديمێر پۆتين سهرۆك وهزيرێن ئهوى وهلاتى هات كو داخوازكربوو ژ لايێ جڤاتا فيدرالا وى وهلاتى ڤه رێ پێ بهێته دان ژ بوو ئهنجامدانا ئۆپهراسيۆنێن دهرهكى ژ دهرڤهى سنورێن روسيا.
ئهڤه ژى پشتى وێ چهندێ يه كو رۆسيا راگههانديه كو ئهو دێ پشكداريا نێڤدهولهتى ل دژى داعش كهت ب مهرجهكى پشتهڤانى ل مانا بهشار ئهسهد ل دهستهلاتێ بهێته كرن.
ئهڤرۆ نيوز:
ژێدهرهكى ژ هێزێن پۆلیسێن بەغدا راگەهاند، د تەقینەکا خوەکوژیدا ل خالەکا کۆنترۆلێ ل باکورێ بەغدا، شەش کەس هاتنه کوشتن و هەشت کەسێن دی ژى بریندار بوون.
ههمان ژێدهر ئاماژە ب وێ ژى کر، ژ لایەکێ دی ژى ب سەدەمێ تەقینا بۆمبەکا چاندى ل قەزا مەحمودیه يا باشوورێ بەغدا دو کەس هاتنه کوشتن و پێنجێن دی ژى بریندار بوون.
ل قەزا تاج يا باکوورێ بەغدا ژى، دو کەس هاتنه کوشتن و حەفت کەسێن دی ژى بریندار بوون.
دوهى ژى د تەقینەکا دی دا ل ناڤەراستا بەغدا 15 کەس هاتنه کوشتن و 25 کەسێن دی ژى بریندار بوون.