ئه‌ڤرۆ نیوز:
رائیدێ مافپه‌روه‌ر بێوار عه‌بدولعه‌زیز، به‌رپرسێ راگه‌هاندنێ ل رێڤه‌به‌ریا به‌ره‌ڤانیا باژێرى ل پارێزگه‌ها دهۆكێ بۆ ئه‌ڤرۆ نیوز دیاركر ئه‌ڤرۆ ل ده‌مژمێر 12 نڤیرۆ ل سه‌ر رێیا سه‌ره‌كیا دێره‌بوون و گرشینى ل نهالا گوندێ كیلكى، روودانه‌كا هاتن و چوونێ د ناڤبه‌را دو ترۆمبیێلان دا ( تویوتا كرولا تایبه‌ت سپى، مان بارهه‌لگر تانكه‌ر) روودا و د ئه‌نجامدا شوفێرێ ترۆمبێلا تویوتا بۆ قوربانى روودانێ و سه‌ره‌راى زیانێن مه‌زن گه‌هشتنه ترۆمبێلان.
ئەڤرۆ نیوز،زنار تۆڤی:
سەرۆکێ حوکمەتا هەرێما کوردستانێ نێچیرڤان بارزانی قوناغا دویێ یا چاکسازیێ دێ راگەهه‌هينيت و تێدا 21 بریاران دێ دەڕێخيت ,
فرسه‌ت سوفى ئه‌ندامێ په‌رله‌مانێ كوردستانێ دياركر كو نێچيرڤان بارزانى ئيمزا ل سه‌ر قوناغا دوێ يا چاكسازيان كريه كو ژ 21 بريارا پێك دهێت ژ وان دڤێت دو مۆچەیی نەمینیت ل هەرێمێ و سێ پالاوگەهێن نەفتێ ل دهوک و سلێمانیێ و هەولێرێ بهێنە دڕوستکرن،وەرگرتنا قەرزێن بازرگان و کومپانیان بۆ ماوێ هەیڤەکێ بۆ حوکمەتێ بهێنە ڤەگەراندن،هەروەسا خانیێن خەلک تێدا ل سەر وەلاتیان بهێنە تاپۆکڕن، برینا زیادەرویێ دکارەبێ دا. هەروەسا دیارکریە ژی،گوهۆرینا داهاتێ نەفتێ ژ دولاری بۆ دینارێ عێراقی دڤێت لژێر سەرپەرشتیا لیژنەیەکا بالا دابیت.
ئه‌ڤرۆ نیوز: ڤه‌ده‌ر ره‌شاڤایی:
ژ ترسا نه‌خۆشییا ئه‌نفلوه‌نزا بالندا حكومه‌تا ئیراقێ هاورده‌كرن و ئینانا به‌رهه‌مێن هه‌می بالندان كو مریشكان ژی بخوه‌ڤه دگریت قه‌ده‌غه‌كر.
ئه‌ڤێن ل خارێ ناڤێن وان وه‌لاتانه كو به‌رهه‌مێن وان ژ بالندێن ساخ و گوشت و هێكان مه‌ترسیی هه‌یه كو ئه‌نفلوه‌نزا بالندان په‌یدا كه‌ت، پرانیا وان وه‌لاتێن ئاسیایی و ئه‌فریقی نه:
مسر، هندستان، ئیسرائیل، فه‌لستین، چین ، به‌نگلادش، بوركینیا، بوهتان، غانا، هۆنگ كۆنگ، كوتێ دیڤوا، نیپال، نایجیریا، كازاخستان و ئه‌فریقیا باشۆر، كۆریا باشۆر و باكۆر، مه‌كسیك، میانمار، ڤیێتنام، نایجیر، لیبیا، لاوس.
ئەڤرۆ نیوز، ھەژار مەعروف:
ئێکەتیا تەپا پێ یا کونیفا یا تایبەت ب ھەلبژارتیێن ھەرێمان ل جیھانی ھەر نوکە د کومبوونا خوە دا ل وەلاتێ ئیتالیا بریار دا بۆ قارەمانیا ئەڤ سالە ٢٠١٦ ل ھەرێما ئەبخاریا ل وەلاتێ روسیا ھەلبژارتیێ ھەرێما کوردستانێ یێ تەپا پێ ژی پشکداری دڤێ قارەمانیێ دا بکەت ئەوا بریارە ل ھاڤینا ئەڤ سالە ھەڤرکیێن وێ بھێنەکرن.
سەروکێ ئێکەتیا تەپا پێ یا کوردستانێ ل سەر ئەکاوتنێ خوە یێ تایبەت ل تورە کومەلەتی یا فێسبوکێ مزگینیەک بەلاڤەکری یە و تێدا دیارکری یە ئێکەتیا کونیفا بریار دایە ل قارەمانیا بھێت ھەلبژارتیێ کوردستانێ پشکداریێ د قارەمانیێ دا بکەت
ئەڤرۆ نیوز، ھەژار مەعروف:
فوتو، بیستێر حکمەت:
د کومبوونا خوە یا ئێکێ دا پشتی ھاتیە ھەلبژارتن وەکو ئەندامی تەنفیزی ل ئێکەتیا تەپا پێ یا کونیفا یا ھەرێمان ، سەروکێ ئێکەتیا تەپا پێ یا کوردستانێ شێیا لژنەیا قارەمانیا کونیفان رازی بکەت د قارەمانیا بھێت دا چار دادڤانێن خۆلا کوردستانێ یاریێن وێ قارەمانیێ برێڤەبیت.
سەروکێ ئێکەتیا تەپا پێ یا کوردستانێ سەفین کانەبی د داخویانیەکێ دا بۆ ئەڤرۆ نیوز دیارکر چوونا دادڤانێن کورد بۆ ڤان جورە قارەمانیا دێ ئاستێ دادڤانێن خولا کوردستانێ ئاستێ ئەوان پێشکەفتنەکا باشتر ب خوڤە بینت ھەردیسان ل پاشەرۆژێ دێ بزاڤێ کەت کارێن باشترە بکەت ل ئێکەتیا کونیفا ژ پێخەمەت پێشخستنا وەرزشا کوردستانێ.
ناڤبری ئاماژە ب وێ چەندێ ژی کر قارەمانیا بھێت بریارە ل وەلاتێ روسیا بھێتەکرن و ئێکەتیا تەپا پێ یا کوردستانێ ل گەل لژنەیا دادڤانان چار باشترین دادڤانێن بژارە یێن خۆلا کوردستانێ یا ئەڤ سالە ھەلبژرێن.
ئەڤرۆ نیوز، سالار دۆسکی:
جێگرێ سەرۆکێ ئێکەتیا مامۆستایێن کورۆدستانێ ژڤانێ دانا مووچێ مامۆستایێن ھەرێمێ دیارکر و ئاماژە ب بایکۆتا مامۆستان ژی کر.
ئەحمەد گەرمیانی جێگرێ سەرۆکێ ئێکەتیا مامۆستایێن کورۆدستانێ بۆ ئەڤرۆ نیۆز گۆت: ھاتنیە ئاگەھدارکرن کو ڤێ حەفتیێ مووچێ مامۆستان یێ ھەیڤا ئەیلۆلێ دھێتە مەزاختن و ئەڤە پشتی ھێزێن ئاسایشێ مووچێ خوە وەردگرن.
گەرمیانی ئاشکراکر ژی کو پرۆسێسا خواندنێ ل سەرانسەری ھەرێم کوردستانێ ب شێوەکێ دروست و رێک و پێک برێڤە دچیت و ھەر چ بایکوت ل چ ھولێن ئەزموونا نەھاتیەکرن.
ئەڤرۆ نیوز:
ئێکەتیا تەپا پێ یا عیراقێ ل دووماھی کومبوونا خوە دا یاریێن گەرا سێ ژ قوناغا دوێ دیارکرن و ھەردیسان یاریا حەفتیا دووماھیێ ژ قوناغا کومان ژی دیارکری .
ئێکەتیا تەپا پێ یا عیراقی دیارکری یە ل ١٨-١٩-١-٢٠١٦ یاریێن گەرا سیێ ژ خۆلێ دێ ھێنەکرن و ل ٢٨-٢-٢٠١٦ یاریێن کومان دێ ب دووماھی ھێن .
زێدەتر ئێکەتیا تەپا پێ یا عیراقێ دیارکری یە ھەر چار تیمێن رێزا ئێکێ ل ھەر کومەکێ دێ دەربازی خۆلا بژارە بن و پاش شێوازێ خۆلا بژارە ھێتە راگەھاندن و ل ٢٦-٦-٢٠١٦ بریارە یاریا دووماھیا خۆلا عیراقێ بھێتەکرن.
ئەڤرۆ نیوز:
سەروکێ ئێکەتیا تەپا پێ یێ کوردستانێ ب فەرمی بۆ تەنفیزی ل ئێکەتیا تەپا پێ یا کونیفا یا گرێدای ئەو ھەلبژارتیێن ھەرێمێن بێ وەلات.
دوھی ل وەلاتێ ئیتالیا ھەلبژارتن بۆ سەروک و ئەندام سکرتێر ئەندامێن تەنفیزی ل ئێکەتیا کونفیا ھاتنە کرن و سەروکێ ئێکەتیا تەپا پێ یا کوردستانێ سەفین کانەبی د ھەلبژارتنێن ئەڤ جارە دا وەکو ئەندامێ تەنفیزی ھاتە خەلاتکرن ھەر دیسان بۆ بەرپرسێ کێشوارێ ئاسیا بۆ ئەو ھەلبژارتیێن ئەو ھەرێمێن بێ وەلات بۆ پشکداری د قارەمانیێن بھێت و چالاکیێن ڤێ ئێکەتیێ.
نيشاندان