ئه‌ڤرۆ نیوز: ڤه‌ده‌ر ره‌شاڤایی:
وه‌زاره‌تا به‌رگرییا ئیراقێ كوشتنا دووه‌م جێگرێ ئه‌لبه‌غدادی سه‌ركردێ تیرۆرستێن داعش، بناڤێ (عاسی عه‌لی ئه‌عوبه‌یدی) د هێرشیه‌كا هێزا ئاسمانیا ئیراقی دا راگه‌هاند.
وه‌زاره‌تا به‌رگرییا ئیراقێ ئاشكرا كر كو ئه‌لعوبێدی ل رۆژئاڤا ئه‌نبار ل ئیراقێ د هێرشه‌كا ئاسمانی دا هاته كوشتن.
ناڤهاتی ل سالا 2013 ێ ژ زیندانا ئه‌بو غورێب ره‌ڤی بوو و ببوو فه‌رمانده دناڤ داعش دا و ژ كه‌سێن نێزیكی به‌غدادی بوو.
ئه‌ڤرۆ نیوز: ڤه‌ده‌ر ره‌شاڤایی:
ژنه‌كا بوسرمان كو ده‌رسوك راپێچابوو و لسه‌ر جلكێن خوه ب ئینگلیزی نڤیسی بوو “Salam, I come in peace.” ئانكو “سلاڤ.. ئه‌ز ب ئاشتی ڤه دهێم” ب بێ ده‌نگی د خرڤه‌بوونه‌كا دۆنالد ترامپ به‌ربژێرێ سه‌رۆكاتیا ئه‌مریكا دا ئاماده‌ببوو و راوه‌ستیا بوو.
پشتی ده‌مه‌كێ كێم لدووڤ داخازا ترامپ و جه‌ماوه‌رێ وی ئه‌و ژن ژ ئالیێ ژ پۆلیسان ڤه هاته ده‌رێخستن.
ڤێ ژنیا بناڤێ (رۆز حه‌مید) ژی خویا كر: پرانییا جه‌ماوه‌رێ ترامپی بوسرمان ل نێزیك نه دیتینه من ڤیا نیشان بده‌م كو بوسرمان بترس نینه.
تێ زانین ترامپ خاست بوو چوونا بوسرمانان بۆ ئه‌مریكا بهێته قه‌ده‌غه‌كرن.
ئه‌ڤرۆ نيوز:
سياسه‌تمه‌دارێ كورد، د.مه‌حمود ئوسمان راگه‌هاند :دڤێت هه‌موو لايه‌ن پشته‌ڤانيا سه‌رۆكێ هه‌رێما كوردستانێ بكه‌ن سه‌باره‌ت ئه‌نجامدانا ريفراندومێ بۆ سه‌ربه‌خوييا كوردستانێ و دڤێت هه‌موو لايه‌ن د يه‌كگرتى بن، ژبه‌ر كو پرسا سه‌ربه‌خوييا كوردستانێ پرسه‌كا نه‌ته‌وه‌يى يه.
د.مه‌حمود ئوسمان ئاماژه ب وێ يه‌كێ كريه داكو ريفراندوم يا كاريگه‌ر بيت، پێدڤى ب پشه‌ڤانيا نێڤده‌وله‌تى هه‌يه ودڤێت نه‌ته‌وێن يه‌كگرتى ل سه‌ر ڤێ پرسێ يا رازى بيت.
د.مه‌حمود ئوسمان راگه‌هاند ژى: سه‌رۆك بارزانى په‌يوه‌نديێن باش ل سه‌ر ئاستێ نێڤده‌وله‌تى يێن هه‌ين، له‌وما دشێت رۆلێ خوه دپرسا ئه‌نجامدانا ريفراندومێ دا ببينيت.
ئه‌ڤرۆ نيوز:
ئومێد محه‌مه‌د په‌يڤدارێ وه‌زاره‌تا ڤه‌گوهاستن و گه‌هاندنێ يێ حكومه‌تا هه‌رێما كوردستانێ راگه‌هاند كو بۆ ل به‌رچاڤگرتنا ره‌وشا دارايى يا هه‌رێمێ بريار هاتيه دان بهايێ كێمكرنا ئه‌نته‌رنێتێ ب ڤى ره‌نگى بيت.
1- كارتا 15 هزار دیناری دێ بيته 10 هزار دینار.
2- كارتا 20 هزار دیناری دێ بيته 13 هزار و 500 دینار.
3- كارتا 25 هزار دیناری دێ بيته 16 هزار و 750 دینار.
4- كارتا 30 هزار دیناری دێ بيته 20 هزار دینار.
5- كارتا 35 هزار دیناری دێ بيته 23 هزار و 500 دینار.
6- كارتا 40 هزار دیناری دێ بيته 26 هزار و 500 دینار.
7- كارتا 50 هزار دیناری دێ بيته 33 هزار و 500 دینار.
7- كارتا 60 هزار دیناری دێ بيته 40 هزار دینار.
8- كارتا 100 هزار دیناری دێ بيته 66 هزار و 500 دینار.
ئه‌ڤرۆ نيوز:
مه‌حمود حاجى سالح، وه‌زيرێ شه‌هيدان و كاروبارێن ئه‌نفالكريان و سه‌رۆكێ لژنا بلندا ب جينوسايدناساندنا كوردێن ئێزدى راگه‌هاند كو ئه‌و پشته‌ڤانيا ناديه موردا دكه‌ن بۆ نوبلا ئاشتيێ.
ناديه موردا ته‌ها ته‌مه‌ن 21 سال، كهچه‌كا ئێزدى يه ل هه‌مبه‌ر كومبوونه‌كا جڤاتا ئاسايشا نێڤده‌وله‌تى، چيروكا ده‌ستدرێژيكرنا سه‌ر وێ ژ ئاليێ تيرورستێن داعش ڤه ڤه‌گێرا و ئاماژه ب وێ يه‌كێ كر كو داعش ب ره‌نگه‌كێ ده‌ستدرێژيێ دكه‌نه سه‌ر كچێن ئێزدى يێن دده‌ستى وان دا، كو ژ ئاليێ ده‌روونى ڤه تێكبشكێن كو جاره‌كادى ئومێد ب ژيانه‌كا ئاسايى نه‌مينيت.
ئەڤرۆ نیوز، ھەژار مەعروف:
یاریکەرێ کورد و یانا فیرانسی یا پرتوگالی ئوسامە رەشید داخوازا لێبورینێ ژیانا دالکورد یا کوردی کر ئەوا دخۆلا پلا ئێک یا سوید دا یاریێ کەت پشتی یانا سویدی ب فەرمی پەیوەندی پێکری بۆ ئیمزاکرنا ھەڤبەستا ئەوان لێ یاریکەرێ کورد داخوازا لێبورینێ کر.
ئوسامە رەشید د داخویانیەکێ دا بۆ مالپەرێ ئەڤرۆ نیوز دیارکر ئەو دخوازیت خزمەتا یانا دالکورد بکەت وەکو یاریکەرەکێ کورد لێ ژبەرکو ئەو گرێدای ھەڤبەستا خوە یە ل گەل یانا فیرانسی نەشێت پەیوەندی ب یانا دالکورد بکەت.
زێدەتر ئوسامە دیارکر بەری نوکە ژی دو یانێن دی پەیوەندی ب ئەوی کرینە لێ یانا وی رازی نەبوو دەست بەردانا وی ب دەنێ.
ھەژی گوتنێ یە یانا فیرانسی دخۆلا پلا ئێک یا پرتوگالێ دا یاریێ کەت.
ئەڤرۆ نیوز، ھەژار مەعروف:
تیما تەپا پێ یا دھۆک شێیا پێنگاڤەکا مەزن بۆ یاریا دووماھیا کاسا عیراقێ پاڤێت پشتی شێیای سەرکەفتنەکا مەزن ل سەر یانا جەویە ئێک ژ بەرنیاسترین یانێن عیراقێ توماربکەت ب چار گولا بەرامبەر گولەکێ دوێ یاریێ دا ئەوا ئەڤرۆ ل یاریگەھا یانا دھۆک ھاتیەکرن.
دڤێ یاریێ دا کورێن دھۆک ل نیڤا ئێکێ پێشکەڤت بوون ب دو گولان بەرامبەر گولەکێ ل دەستپێکێ ئەحمەد ئیبراھیم گولا ئێکێ بۆ تیما دھۆکێ تومارکر بوو پاش یاریکەرێ جەویە ئەحمەد حسێن گولا وەکھەڤی تومارکر لێ یاریکەرێ دھۆکێ یێ سوری ئەحمەد دونێ نە ھێلا جەویە گەلەک کەیفێ ب وێ گولێ بیت پشتی شێیای گولا دوێ بۆ تیما دھۆکێ توماربکەت بەری دووماھی ھاتنا نیڤا ئێکێ .
ل نیڤا دوێ وەسا ھاتە پێش دیتن یاریکەرێن جەویە دێ ب ھێزتر ژ یێن دھۆکێ ھێنە دناڤ یاریگەھێ دا لێ بەروڤاژی یاریکەرێن دھۆک شێیان دو گولێن دی ژی ب رێیا یاریکەرێن خوە ئەحمەد دونی و ئەحمەد مەئیمون توماربکەت و ب چار گولان بەرامبەر گولەکێ یاری ب دووماھی ھات ب ڤی ئەنجامی یانا دھۆک پێنگاڤەکا مەزن بۆ یاریا دووماھیا کاسا عیراقێ ھاڤێت .
ژلایەکێ دیڤە د یاریەکا دی دا تیما زەورا ب سەرکەفت ل سەر نەفت ئەلجنوب ب دو گولان بێ بەرامبەر.
ئه‌ڤرۆ نیوز، ره‌زوان رۆژبه‌یانى
كومیسه‌ر حازم محه‌مه‌د ژ راگه‌هاندنا هاتن و چوونا به‌رده‌ره‌ش بۆ ئه‌ڤرۆ نیوز دیاركر كو ئه‌ڤرۆ ل ده‌مژمێر 1 نیڤرۆ، روودانه‌ك د ناڤبه‌را دو ترۆمبێلێن بارهه‌لگر روودا و د ئه‌نجامدا شوفێره‌كى گیانێ خوه ژ ده‌ستدا و ئێك ژى برینداربوو و هاته ره‌وانه‌كرن بۆ نه‌خوشخانا ته‌نگاڤیا ئاكرێ.
نيشاندان