ئەڤرۆ نیوز:

فوتو، قەیس وەیسی:

ئێکەتیا تەپا پێ یا کوردستانێ ئەڤرۆ کومبوونەکا تایبەت سەبارەت ئەو رویدانێن د یاریا دوھی دناڤبەرا برایەتی و پێشمەرگە یا ھەولێرێ رویدای کو راھێنەرێ گولچیا یێ تیما پێشمەرگە ھێرشکر بوو سەر دادڤانێ یاریێ و یاری ھاتبوو راوستاندن بەری دەمێ دورست یێ یاریێ و

د کومبوونا ئەڤرۆ دا ئێکەتیا تەپا پێ چەندین بریاریێن توند بەرامبەر یانا پێشمەرگا ھەولێرێ دەرێخستن و ئەو بریارە ژی ب ڤی رەنگی بوون.
١- ئەنجامێ یاریێ ٣-٠ چنە د بەرژوەندیا یانا برایەتی دا ھاتە ھژمارتن .
٢- راوستاندنا راھێنەرێ گولچیا یێ یانا پێشمەرگە ھەولێرێ عەبدولخالق مەحمود ھەتا دووماھیا ژیانا وی ژبەر ئەو رافتارا بەرامبەر دادڤانێ یاریێ کری.
٣- یانا پێشمەرگە ب کوژمێ ٥٠٠ هه‌زار دبناران ھاتە سزادان .
ھەژی گوتنێ یە دڤێ کومبوونێ دا سەروکێ ئێکەتیا تەپا پێ یا کوردستانێ سەفین کانەبی ئامادەنەبوو ژبەر پشکداریا وی د کومبوونا کونیفا یا ھەرێمان دا ل وەلاتێ ئیتالیا.

ئەڤرۆ نیوز،زنار تۆڤی:
فیدراسیۆنا تەپاپێ یا ئورۆپا باشترین پێکهاتەیێ ئۆروپا بۆ سالا 2015 دەستنیشانکر کو تێدا پشکا شێری بەر ب یانەیێن ئیسپانی دکەڤیت.
ئەڤ پێکهاتیە ب رەنگەکێ فەرمی ل سەر سایتێ فەرمی یێ فیدراسیۆنا تەپاپێ یا ئۆڕوپا هاتیە بەلاڤکرن کو تێدا ئەڤ یاریکەرە ب رەنگەکێ راستەوخۆ هاتینه دیارکرن.
گۆلچی نۆیەر ژ یانا بایرن میۆنخ و هێلا بەرەڤانیێ هەر ئێک ژ دایڤد ئالابا و دانی ئالڤێس و بیکێ ژ یانا بەرشەلۆنا و سێرجیۆ ڕامۆس ژ یانا ریالمەدرید هاتینە هەلبژارتن
هێلا ناڤین هەر ئێک ژ ئینێستا ژ بەرشەلۆنا و خامس رۆدرێگز ژ ریالمەدرید و پۆل بۆگبا ژ یۆڤێنتۆس هاتینە دیارکرن
هێلا هێرشبرنێ مێسی و نیمار ژ یانا بەرشەلۆنا و کریستیانۆ رۆنالدۆ ژ یانا ریالمەدرید هاتینە هەلبژارتن.
نێردرا لە نامەنەرەوە

ئەڤرۆ نیوز، ھەژار مەعروف:
بریارە ئەڤرۆ ل دەمژمێر ٢:٠٠ پشتی نیڤرۆ تیما تەپا پێ یا دھۆک یاریا خوە یا ھاتنێ ژ قوناغا پێش دووماھیا کاسا عیراقێ یا تەپا پێ بکەت دەمێ د یاریەکا ب ھێز دا مێڤانداریا یانا جەویە بکەت ل یاریگەھا خوە .
دڤێ یاریێ دا ھەردو تیم دێ بۆ سەرکەفتنێ کەن کو رێیا خوە خوشتر لێ بکەن بۆ یاریا چونێ و ھیڤێن خوە گەش بکەن تایبەت کورێن دھۆکێ کو دێ ھەمی بزاڤا کەن بۆ ئەنجامەکێ باش ژبەرکو باش د زانن ئەرکێ ئەوان بۆ یاریا دوێ دێ گەلەک یێ بزحمەت بیت ژبەرکو دێ یاریێ ل یاریگەھا جەویە کەن .
ھەژی گوتنێ یە تیما دھۆک بۆ جارا ئێکێ یە دیروکا خوە دا گەھیتە پێش دووماھیا کاسا عیراقێ .