ئەڤرۆ نیوز:
عەلی عەونی، ئەندامێ سەرکردایەتیا پارتی دیموکراتی کوردستان و بەرپرسێ لقا ٢٠ شێخان بۆ رۆژناما ئەڤرۆ دیار کر، ئالیێن سیاسی یێن کوردستانی دەمێ گەنگەشێ ل سەر سیستەمێ سەرۆکاتیا ھەرێما کوردستانێ دکەن، د راستی دا گەنگەشێ ل سەر سەرۆکاتیا ھەرێما کوردستانێ ناکەن، بەلکو ل سەر سەرۆک بارزانی دکەن، ئەڤە شاشی یە ئەو لایەن دکەن، باشە ئەڤرۆ سەرۆک بارزانی یە، خوە بۆ سەرۆکێ ددووڤدا ژی قانوونەکا نوو نادانن، ئەڤ لایەنە مەرەما وان ئەوە مەسعود بارزانی نەبیتەڤە سەرۆک و وان دڤێت کوردستانێ وەکو لوبنانێ لێ بکەن، سەروکێ لوبنانێ دڤێت پەرلەمان ب ھەلبژێریت و پەرلەمانێ لوبنانێ ئەڤە نێزیکی ٣٠ کۆمبوون کرن و نەشیان سەرۆکێ خوە ب ھەلبژێرن، ھەکە ل لوبنانێ ب رێیا خەلکی ھاتبا ھەلبژارتن، دا د ئێک رۆژدا سەرۆک ھێتە ھەلبژارتن.
ناڤبری دیار کر مەیدانا سیاسی یا کوردستانێ چالاکیەکا سیاسی یا گەلەک مەزنە، لایەنێن سیاسی دکۆمبوون و دانوستاندنێن بەردەوام دانە، ل سەر وێ دژواریا دروست بوی ژلایێ گەنگەشێ ڤە، ھەموو لایەن پێکڤە دبەردەوامن ل سەر ڤان کۆمبوونان و ئەڤە نیشانا تێگەھشتنا سیاسی یە”.
ب دیتنا ڤی ئەندامێ سەرکردایەتیا پارتی، ئەوا نوکە ھەی نە قەیرانە، بەلکو قەیرانەکا چێکریە، راستە دەمێ قانوونیێ سەرۆکێ ھەرێمێ یی ب دوماھی ھاتی، سەرۆک بارزانی ل دووڤ ئەرکێن خوە داخوازا ئەنجامدانا ھەلبژارتنێن سەرۆکاتیا ھەرێمێ کربوو، لێ کۆمسیۆنا ھەلبژارتنان دیارکر ئەو نەشێن ھەلبژارتنان بکەن، دڤێ رەوشێ دا پێتڤی بوو پارتی و ئالیێن ی یێن سیاسی گوتبا کۆمسیۆنێ ھوون پێتڤی جەند دەمینە؟”.
ل دووڤ بۆچوونا عەلی عەونی” ئەو لایەنێن سیاسی ھەر ژ نوکە یێ شەڕێ ھەلبژارتنێن ئایندە دکەن و موزایدا دکەن، جارێن بۆری سۆز و پەیمانێن مەزن دابوونە دەنگدەرێن خوە، نوکە دەنگدەرێن وان دبێژنێ کا ئەو سوزێن ھەوە داین و بۆچی ھەوە بەحەشت چێنەکر؟”.
زێدەتر گوت” خەلکێ کوردستانێ یێ ھشیارترە ژوان ئالیێن سیاسی، پارتی دبێژیت سەرۆکێ ھەرێمێ ئێک ژ کەسایەتیێن پەسەندکریێن جیھانێ یە کو ھەموو جیھان سەرەدەریێ دگەل دکەت، ئەڤ قۆناغە دڤیا بو چونکو ئەم د قوناغەکا گەلەک مەترسیدار داینە و ئەم دبێژین پێدڤیە مللەتێ مە ل دۆر سەرۆکی کوم، لێ ئەو یێن دبێژن دڤێت بەر ل سەر بەری نەمینیت”.
خۆیاکر ژی” دیتنا وان کو دێ شێن حوکمەتەکێ بێ پارتی دروست کەن، دیتنەکا ساویلکەیە کو مەزنترین لایەن یێ سەرکەفتی ل دەرڤەی دەستھەلاتێ بیت، لەوما ھەکە ئەم نەشیاین رێکبکەڤین باشترین چارە لێزڤرینە بۆ حوکمێ مللەتی و مللەت بریارێ بدەت، وی دەمی دێ راستگوییا مەژی بۆ مللەتی دیار بیت”.
نيشاندان
