ئهڤرۆ نيوز:
وهزارهتا دارايى و ئابوورى ل حوكمهتا ههرێما كوردستانێ راگههاند كو ل ئهڤرۆ رۆژا چارشهمبى رێكهفتى 29ى تيرمهها 2015ێ بهلاڤكرنا مووچهيى دێ يا بهردهوام بيت.
ب گۆرهيى راگههاندهكا وهزارهتا دارايى و ئابوورى ل حوكمهتا ههرێما كوردستانێ كو وێنهك ب دهست ئهڤرۆ نيوز كهفتيه، تێدا هاتيه: ئهڤرۆ رۆژا چارشهمبى رێكهفتى 29ى تيرمهها 2015ێ وهزارهتا كار و كاروبارێن جڤاكى ل گهل چاڤدێريا خێزان و كێم ئهندامان دێ مووچهى وهرگرن.
ئهڤرو نیوز ،بارزان مزوورى
راید فیراس یاسین، بهرپرسێ بهشێ راگههاندنا رێڤهبهریا بهرهڤانیا باژێرێ ئاكرێ بو مالپهرێ ئهڤرو نیوز دیار كر كو ئهڤرو سپێدێ 28تهمموزێ 2015 بنگههێ ئاگرڤهمراندنا بهردهرهش هاته ئاگههدار كرن كو ترومبێلهك ژ جورێ كهیه تایبهت دناڤ پیشهسازیا بهردهرهش دا توشى ئاگر تێبهربونێ بویه وتیمێن مه گههشتنه جهێ رویدانێ بهرى زیان ب دهوروبهرا بكهڤیت و ئاگر هاته كونترول كرن ،
ناڤبرى لدور ژێدهرێن ئاگرى دیار كر كو ژێدهر دناڤ فیول پهمپێ ترومبێلێ بوو كو خهلهلهكا میكانیكى دروست ببو و دبیته ئهگهرێ ئاگر بهربونێ و ترومبێل بتمامى دهێته سوتن .
ناڤبرى گوت ژى كو ل دهست پێكا وهرزێ هاڤینێ حهتا نها 8 ترومبێل ل سنورێ رێڤهبهریا بهرهڤانیا باژێرێ هاتینه سوتن و ههمى ژوان ئهگهر فیول پهمپ بویه .
ئهڤرۆ نیۆز، قائید میرۆ
ئهڤرۆ فڕۆكهیێن ههڤپهیمانان بنكه و بارهگایێن چهكدارێن داعش ل میحوهرێ رۆژئاڤایێ دیجله بۆردومانكرن و زیانێن مهزن گههاندن تیرۆرستێن داعش.
عهقید دلشاد مهولوود، بهرپرسێ هۆبا راگههاندنا فهرماندا زێرهڤانی ب ئهڤرۆ نیۆز راگههاند” دهمژمێر شهش و 30ی دهقیقێ ئێڤاریا ئهڤرۆ، فڕۆكهیێن ههڤپهیمانا بارهگایێن داعش ل گوندێ تهشتێ بهرامبهر دۆڕیانا كهسكێ یا میحوهرێ رۆژئاڤایێ دیجله بۆردومانكرن.
عهقید دلشادی گۆتژی” گورهی زانیاریێن فهرماندا زێرهڤانی ئهڤێ بۆردومانێ زیانێن مهزن گههاندینه تیرۆرستێن داعش، بهلێ هژمارا كوشتیێن وان نههاتیه زانین چهنده.
ئهڤرۆ نیوز، مهحمود نهێلى، زنار توڤى:
بالهفهرێن لهشكهرێ توركیا ل دهمژمێر 10 ئهڤ شهڤه بوردومانا بارهگههێن پهكهكێ ل چهندین جهێن جداجدا یێن دهڤهرا ئامێدیێ و ناحیا دێرهلۆك و دهڤهرهكا گولیا ( حهفتهنینێ ) و چهند دهڤهرێن بهرواری بالا ل ( ئێكمالێ و هێسێ و شێلازا) كر.
سهبارهت توپبارانكرنا دهڤهرێن سنورێ ل گوندێن قهزا ئامێدیێ، جوتیار سهرگهلى وهك ئێك ژ شایهتحالان بۆ ئهڤرۆ نیوز دیاركر” ئهڤێ جارێ گهلهك نێزیكێ گوندێ سهرگهلێ و سگێرێ بوردومان دكهن و دوكێل و توزا بوردومانێ ب سهر خهلكێ گوندى دا هاتیه خارێ، ژبلى گوندێ سهرگهلێ یێ سهر ب دهڤهرا نهێلێ نها گوندێ مژێ یێ سهر ب دهڤهرا بهرێ گارێ ژى ڤێ جارێ دهێنه بوردومانكرن و پتر ژ 10 قنبهلان ب ڤان گوندان دانه).
ژ ئهنجامێ ڤێ بوردومانێ ژى ئاگرهكێ مهزن ل دهڤهرێ دروست بوویه و زیانێن مالى یێن زور ژى گههشتینه رهز و بیستانێن خهلكێ ڤان گوندان .
ههر ژ ئهنجامێ بوردومانێ و بهرسڤدانا هێزێن گهریلایان ئاگر ب چیایێ لینك یێ هنداڤا دێرهلۆكێ دكهڤیت كو كێمتر ژ دوو كیلومهتران ل سهنتهرێ ناحیێ دووره.
ئهڤرۆ نیۆز:
د روودانهكا ترافیكى دا ل سهر رێكا سهرهكى یا مهلا بروان دو ترۆمبێلان لێكدا و دئهنجام دا كهسهكى گیانێ خوه ژ دهست دا و چوار كهس ژى بگرانى بریندار بووینه.
ئازاد تاها رێڤهبهرێ پهیوهندى و راگههاندنێ ل رێڤهبهرى یا گشتى یا هاتن و چوونێ ل پارێزگهها دهۆكێ بۆ ئهڤرۆ نیۆز گۆت: ئهڤرۆ ئێڤارى دهمژمێر 5 و نیڤى ئێڤارى و ل سهر رێكا سهرهكى یا دچیت بۆ مهلا بروان، روودان چێبوویه دناڤبهر ترۆمبێلهكا لهندو گروز ل گهل ترۆمبێلهكا پیكهم مهرزیا یا بارههلگر، دئهنجام دا كهسهكى گیانێ خوه ژ دهست دایه و چوار كهس بگرانى بریندار بووینه و كهسهك ژ برینداران ئافرهته.
ئازاد تاها زێدهتر ژى گۆت: ل دووڤ راپورتێن پشكا ترافیكى هوكارێن روودانێ بۆ لهز هاژوتنا ترۆمبێلێ بوویه، نهپێگێریكرن ب رێنمایێن ترافیكى ل سهر رێكێن دهرڤه.
جهێ ئاماژهكرنێ یه كو كهسێ گیانێ خوه ژ دهست دایى بناڤێ(بارز سهربهست دێوالى) ژ بنهمالهكا ناڤداره ل پارێزگهها دهۆكێ، ل دووڤ زانیاریێن دهست ب ئهڤرۆ نیۆز كهفتین گهنجێ ناڤبرى ل گوندێ گهرماڤا سهعید ئاغاى هاتیه ڤهشارتن.
ئهڤرۆ نیوز:
بێگهرد تالهبانى سهرۆكا فراكسیونا ئێكهتیا نیشتمانی كوردستان ئاشكرا كر كو ل دهستپێكا حهفتیا بهێت پهرلهمانێ كوردستانێ دێ كومبوونا خوه یا نهئاسایى ل دۆر پرۆژه قانوونا سهرۆكایهتیا ههرێمێ دهستپێكهت.
لایهنێن سیاسى ههتا نوكه نهشیان بگههنه سازانێ ل دۆر پرسا سهرۆكایهتیا ههرێمێ و چهند رۆژێن كێم ل ههمبهر لایهنێن سیاسى یێن ماى كو بگههنه رێككهفتنێ.
نيشاندان