ئه‌ڤرۆ نيوز:
نووترين نووچه
- شانـدێن دانـوسـتاندكـار یـێن پـارتی و ئێـكـەتی كـۆمـبوون
- سەرۆك بارزانی ب رێكا ئێكڕێزییا كوردان بزاڤا خوە بەرهەڤكرنێ بۆ گوهۆڕینێن دەڤەرێ دكەت
- لویس ساكۆی دەلیڤەیا هەی ببیتە پاپایێ ڤاتیكانێ
- كەرتێ وزەیێ ل هەرێما كوردستانێ دێ زێدەتر بەرفرەهـ بیت
- هەكە پەكەكە چەكێ خوە ل شنگالێ ڕادەست بكەت دێ ئەو دەڤەر ئارام بیت
- شاندەکێ هەڤپشک یێ کوردان دێ ل گەل شامێ دانوستاندنان کەت
- سەرۆك بارزانی بۆ كۆنفرانسێ ئێكڕێزییا كوردان ل رۆژئاڤایێ كوردستانێ: ئێكگرتنا كوردان كلیلا چارەسەرییا ئێكجارییا پرسا كوردی یە ل سووریێ
- سەرۆكێ هەرێما كوردستانێ بەرهەڤی رێوڕەسمێ خاترخواستنا پاپا فرەنسیس ل ڤاتیكانێ بوو
- پشكا رەوشەنبیری و راگەهاندنا پارتی و دەزگەهێن گرێدای وێ وەفادارییا خوە بۆ رێبازا بارزانی دوپاتكر
- کۆنفرانسێ نەتەوەیی ل رۆژئاڤایێ کوردستانێ هاتە ساز کرن
سه‌ره‌كى Facebook
Dislike دێ ل فه‌يسبۆكى هێته زێده‌كرن
ئه‌ڤرۆ نيوز:
ب گۆره‌يى نووچه‌كێ مالپه‌رێ BBC يێ بريتانى مارك زۆكه‌ربێرگ دامه‌زرێنه‌رێ تۆڕا جڤاكيا فه‌يسبۆكى د كۆمبوونه‌كا ناڤه‌ندا گشتى يا كۆمپانيا فه‌يسبۆكێ دا ل ويلايه‌تا كاليفۆرنيا يا ئه‌مريكا ئاماژه ب وێ چه‌ندێ كريه كو د ده‌مه‌كێ گه‌له‌ك نێزيك دا، پشكا ب دلێ من نينه (dislik) ل فه‌يسبۆكى هێته تاقيكرن.
ئاماژه ب وێ چه‌ندێ ژى كر كو ل سالا 2009ێ وه‌ره نيشانا ب دلێ منه (like) ل فه‌يسبۆكى خستيه كار و پشكه‌ك ژ ب كارئينه‌رێن وێ تۆڕا جڤاكى ب به‌رده‌وامى داخوازا دانانا نيشانا ب دلێ من نينه (dislike) دكه‌ن.
ئاماژه ب وێ چه‌ندێ ژى كر كو زوركه‌ربێرگ مه‌ره‌م ب دانانا نيشانا (dislike) ئه‌و نينه بابه‌تێ ئێكى\ئێكێ پێ كرێت بكه‌ن، به‌لكو جاران بابه‌ته‌كێ خه‌مگينه يان دلئێشه مرۆڤ د ناخێ خوه دا پێ نه‌خۆه‌ش دبيت وێ نيشانێ دێ ب كار ئينيت.
حوكمه‌تا هه‌رێمێ دێ سێ پارزينگه‌هێن په‌ترۆلێ دانيت
ئه‌ڤرۆ نيوز:
ب مه‌ره‌ما زێده‌كرنا شيانێن كه‌رتێ پارزينكرنا به‌رهه‌مێن په‌ترۆلى و پڕكرنا پێدڤيێن ناڤخۆ، حوكمه‌تا هه‌رێما كوردستانێ ته‌نده‌ره‌ك بۆ دروستكرنا سێ پارزينگه‌هان راگه‌هاند.
د به‌ياننامه‌كا وه‌زاره‌تا سامانێن سرۆشتى دا كو وێنه‌ك ئه‌ڤرۆ نيوز ب ده‌ست خوه ئێخستيه دا راگه‌هانديه: مه‌ره‌ما حوكمه‌تا هه‌رێما كوردستانێ زێده‌كرنا شيانێن پارزنينێ يه د پێناڤى ب ده‌ستڤه‌هاتنا داخوازا زێده يا وه‌لاتيان بۆ به‌رهه‌مێن په‌ترۆلێ ل هه‌رێما كوردستانێ، ژ به‌ر هندێ حوكمه‌تا هه‌رێما كوردستانێ ته‌نده‌ره‌كى بۆ دروستكرنا خودانه‌تيا كارپێكرنێ د سێ پارزينگه‌هان دا رادگه‌هينيت بۆ ڤێ مه‌ره‌مێ ژى كۆمپانيا حه‌زا هه‌بيت دشێت داخوازيێن خوه پێشكێش بكه‌ت.
دۆلار هێشتا يێ بلنده
ئه‌ڤرۆ نيوز:
ب گۆره‌يى بازارێن پاره‌گوهۆڕان ل دهۆكێ ئه‌ڤرۆ رۆژا شه‌مبى رێكه‌فتى 19ى ئيلۆنا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
یێ وێرەک بە
ئه‌ڤرۆ نيوز:
گەنجەکێ ٢٥ سالی کو پەیمانگەە بداوی ئینایە دلێ خوە بۆ ئەڤرۆ ڤەدکەت و دبێژیت: دلێ من گەلەک یێ کەفتیە کچەکێ کو دگەل من بو ل پەیمانگەھێ، لێ ئەز نەشێم بخوە بێژمێ ، ژبەرکو کچک گەلەک خوە مەزن دکەت و نەکە خوە لسەر سەرێ من ژی مەزن کەت و من رەد بکەت ئەڤجا ھیڤیا چارەیەکێ ژ وە دکەم نزا بێژمێ یان نە؟
گەنجێ ھێژا :
نە ھەر تشتەکێ مروڤ ھەست پێ بکەت واقعە و ئەڤ چەندە یا دیارە کا مروڤ حەز ژ کەسەکی بکەت یان نە، بەلێ پشتی مروڤ تێکەلیا وی کەسی دکەت ژنوی گوھورین د دیتنێت مروڤی دا چێدبن، نھا زور کارەکی نورمالە ھەکە ب ئنیەتەکا سافی تو بابەتی دگەل ڤەکەی و پەیاما خوە بگەھینیێ و نە ئارێشەیە بەرسڤ ب چو رەنگ بیت لەوما بشێوازەکێ شارستانی بابەتی دگەل ڤەکە و یێ وێرەک بە.
كوردستان ژى وه‌كو وه‌لات ب فه‌رمى هاتيه داخوازكرن
ئەڤرۆ نیوز، سالار دۆسکی:
بەرپرسێ پەیوەندی و راگەھاندنێ ل دەستەیا گەشت و گوزارێ ل ھەرێما کوردستانێ ئاشکراکر کو دێ ھەرێما کوردستانێ پشکداریێ فیستەڤالا فرینێ دا کەت ل وەلاتێ فەرنسا.
نادر روستی پەیڤدارێ دەستەیا گەشت و گوزارێ ل حوکمەتا ھەرێما کوردستانێ دبەیجێ خوە یێ تایبەتێ فەیسبووکی دا ئاشکراکریە کو ھەرێم دپشکداربیت دفیستەڤالا فرینێ دا ل وەلاتێ فەرنسا، چیایێ سانت ھیلاری دکەڤیتە باژێرێ گرۆنوبلی و سالانە ئەف فیستەڤالا ل ڤی چیایی دھێتەکرن و ناڤدارە ب کوبی ئیکارۆ و ئەف سالە 170 وەلات پشکدارن و کوردستان ژی ب فەرمی وەک وەلاتێن جیھانێ ھاتیە داخازکرن بۆ ڤێ فیستەڤالێ .
روستی ئاشکراکر کو 17ى ئيلۆنێ دەست ب فیستەڤالێ ھاتیەکرن و دێ ماوێ چوار رۆژان یا بەردەوام بیت و شاندێ ھەرێما کوردستانێ پێک ھاتیە ژ عەمید روکن (علمی مزووری) عەمید کوردەوان نەقشەبەندی).
لۆکە بەرسڤا حەمکۆی نادەت
ئەڤرۆ نيوز:
سترانبێژا دەنگخۆش لۆکە زاھیر راگەھاند وێ خوە بەرھەڤ کربوو دا بەرسڤا (حەمکۆیێ) ئەکتەر بدەت، لێ پشتی من نڤیسین و کۆمێنتێن حەزژێکەرێن دەنگێ خوە دیتنین بەرسڤ نەدا و دبێژێت: ئەو کەسێن حەزژ دەنگ و سترانێن من دکەن ژ من باشتر بەرسڤا وی داینە، لەورا من نەڤێت بەرسڤا وی بدەم.
دھێتە زانین بەری چەند شەڤان بەرنامێ ( شەقام ) دیدارەک ل گەل ھونەرمەندا سترانبێژ لۆکە زاھیر کربوو، و پشتی بەلاڤبوونا وی بەرنامەی حەمکۆیی دەستکاری د بەرنامەی دا کربوو، و دەنگێ خوە کربوو ل گەل دەنگێ لۆکا و پشتی بەلاڤبوونا وێ گرتە ڤیدیۆیێ خەلکەکێ زۆر گازندە کرن و رەخنەیێن دژوار ئاراستەی حەمکۆی کرن.
ل دۆر دووماھی بەرھەمێ خوە ژی گۆت: وەکو ھەر سترانبێژەکێ دی من ژی ستران و کلیپێن نوو یێن ھەین، لێ کاودانێن نوکە دەست نادەن کارێن نوو چێکەین و ھیڤیا من ئەوە ب زووترین دەم سەرتاسەری کوردستانێ ئازاد و ئارام بیت و ئێدی ئەم ئاھەنگێن سەرکەفتنێ بگێرین.
ب بھایێ 180 ملیاران جوتیارێن دھۆک گەنم دا بەغدا
ئەڤرۆ نیوز، سالار دۆسكى:
رێڤەبەرێ چاندنێ ل قەزا سێمێلێ ئاشکراکر کو ئەڤ سالە جوتیارێن پارێزگەھا دھۆکێ ب بھایێ 180 ملیاران گەنم رادەستی حوکمەتێ کریە و ئەڤە ل گور سالا بوری زێدەبوویە.
ئەندازیار ێبحی سلێڤانەی رێڤەبەرێ پشکا چاندنێ ل قەزا سێمێلێ بۆ مالپەرێ ئەڤرۆ نیۆز گۆت: ئاریشا مەزن ھەمبەر گەنمی گیربوونا مەزاختنا پارەی یە، چونکە ژ حوکمەتا مەرکەزی دھێت و بتنێ پارێ سالا بوری 59 ملیار بوون و نێزیکی 14 ملیاران ھاتینە کو یێن پارێزگەھا دھۆکێ نە و دەست ب دابەشکرنێ ھاتیەکرن.
ھێشتا گۆت: ئەڤ پارە دێ ل گورەی دگەنمێ بۆ سایلۆیێ ھاتیە رەوانەکرن دێ جوتیار پارێ خوە وەرگرن و بڤێ چەندێ جوتیار د دلخوشن و ئەڤ سالە ژی نێزیکی 180 ملیاران دێ جوتیار گەنمی دەنە حوکمەتێ بۆ ئاری و دێ چاڤەری ھاتنا پاران بن.
سه‌رۆكاتيا هه‌رێمێ يا دلگرانه ژ راگه‌هاندنه‌كا كانتۆنێن رۆژئاڤا
ئه‌ڤرۆ نيوز:
پشتى كانتۆنێن رۆژئاڤايێ كوردستانێ راگه‌هانده‌ك ل دۆر ڤه‌گه‌ريانا پێشمه‌رگێن رۆژئاڤايێ كوردستانێ ژ باشوورێ كوردستانێ به‌لاڤكرى، سه‌رۆكاتيا هه‌رێمێ نه‌ره‌حه‌تيا خوه ده‌ربڕى.
كانتۆنێن رۆژئاڤايێ كوردستانێ د راگه‌هاندنه‌كێ دا، ره‌تكر كو ئه‌وان قوبوولكربيت كو پێشمه‌رگێن مه‌شقكريێن رۆژئاڤايێ كوردستانێ ڤه‌گه‌رنه‌ڤه، د به‌رامبه‌ر دا، د. فوئاد حسێن، سه‌رۆكێ ديوانا سه‌رۆكاتيا هه‌رێما كوردستانێ بۆ رووداو گۆت: “مه دڤێت بزانين كا سالح موسلم ده‌سته‌لات ل سه‌ر كانتۆنێن رۆژئاڤايێ كوردستانێ هه‌يه يان نه”.
ڤه‌گه‌ريانا هێزێن پێشمه‌رگێ كوردستانێ ئه‌و پرس بوو يا د كۆمبوونا 15ى ئيلۆنێ دا د ناڤبه‌را مه‌سعود بارزانى سه‌رۆكێ هه‌رێما كوردستانێ و سالح موسلم هه‌ڤسه‌رۆكێ پارتيا ئێكه‌تيا ديموكرات PYD ب پشكداريكرنا نوونه‌رێن ئه‌مريكا به‌حس لێ هاتيه كرن كو ئه‌و هێز ژ 11 فه‌وجان پێك دهێت و زێده‌تر ژ شه‌ش هزار پێشمه‌رگان ب خوه ڤه دگريت.
دێ چاوان خوە ژ جەلتا خوینێ پارێزی؟
ئه‌ڤرۆ نيوز:
ھەر کەسەک یێ بەرھەڤە تووشی جەلتا خوینێ ببیت، ھەلبەت دشیاندایە توژی تووش ببی، ھەکە تو ژوان کەسان بی یێن گەلەک دەمێ خۆ ب روونشتنێ ڤە دبوورینن، ئاژانسا ئەمریکی یا چاڤدێریا ساخلەمیێ ڤان پێشنیازان پێشکێشی تە دکەت داکو ژ جەلتەیا خوینێ بھێیە پاراستن:
– گورە و جلکێن بەرفرە بکە ل بەر خۆ و یێن تەنک ب کارنەئینە.
– ل دەمێ نڤستنێ بلا پێن تە ژ سینگێ تە بلندتر بن.
– ھەکە نوشداری خواست گەلەک نورمالە گۆرەیێن کو فشارێ ل پێن تە دکەن ل پێن خۆ بکەی.
– گەلەک بزاڤێ بکە و رێکا روونشتنا خۆ ب گوھۆرە، بۆ دەمێن درێژ روونشتی ل جھەکی ب تنێ نەمینە و ھندەک راھێنانێن سڤک بکە و باشترە رۆژانە ب رێڤەبچی.
– گەلەک خوێ دناڤ خوارنێ دا ب کارنەئینە و ھەر دەرمانەکێ نوشدار بۆ تە دنڤیسیت ب کاربینە.
نيشاندان
WP Facebook Auto Publish Powered By : XYZScripts.com