ئه‌ڤرۆ نیوز: ڤه‌ده‌ر ره‌شاڤایی:
د. مسته‌فا ره‌مه‌زان نوونه‌رێ هه‌رێما كوردستانێ ل نه‌مسا ئاشكرا كر كو لدووڤ راسپاردێن نێچیرڤان بارزانی سه‌رۆك وه‌زیرێ هه‌رێما كوردستانێ، ته‌رمێن پتری 16 كوردێن د بارهه‌لگره‌كێ دا ل نه‌مسا بوویه قوربانی دێ بۆ هه‌رێمێ هێنه ڤه‌گه‌راندن.
ناڤهاتی دیاركر كو پشتی رێكارێن قانوونی بداوی دهێن بزووترین ده‌م ته‌رمێن وان دێ بۆ كه‌س و كارێن وان هێنه ره‌وانه‌كرن كو هه‌یا نها 16 قوربانی كوردن لدووڤ لێكۆلینان، لێ چێدبیت پتر ژی بن.
تێ زانین به‌ری چه‌نده‌كێ گرۆپه‌كێ كۆچبه‌ران خوه د بارهه‌لگه‌كێ دا ڤه‌شارت بوو، ژبه‌ر نه‌مانا ئوكسجینێ هه‌می خه‌ندقی بوون، پاشی دیاربوو كو هنده‌ك ژ قوربانییان كوردن.
ئه‌ڤرۆ نیوز: ڤه‌ده‌ر ره‌شاڤایی:
به‌ربژێره‌كێ سه‌ره‌كی یێ سه‌رۆكاتیا ئه‌مریكا لسه‌ر پارتا كۆماری دۆنالد تره‌مپ وه‌سا دیار بوو نه‌شیا جیاوازیێ دناڤبه‌را كوردان و یه‌كه‌یا زێره‌ڤانێن شوره‌شگێر یێن ئیرانێ كو ب یه‌كه‌یا “قودس” دهێته نیاسین بكه‌ت.
د هه‌ڤپه‌یڤینه‌كێ دا لگه‌ل هه‌ف هیویت ل رادیۆیه‌كا ئه‌مریكی دا نه‌شیا جیاوازیێ دناڤبه‌را حه‌ماس و حزبووللا بێژیت، یا ژ ڤێ مه‌زنتر ناڤێ یه‌كه‌یا قودس یا ئیرانی ل گه‌ل كوردان تێكه‌لكر ژبه‌ركو زانیاری لسه‌ر یه‌كه‌یا قودس نه‌بوون وه‌ساهزر كر كو هه‌ڤپه‌یڤینكه‌ری به‌حسێ كوردانه كو بڤی ره‌نگی بوو:
هه‌ڤپه‌یڤینكه‌ری پرسیارا خوه كر: ته زانیاری هه‌نه لسه‌ر جه‌نه‌رال قاسم سوله‌یمانی ؟
به‌ربژێر دۆنالد تره‌مپ: ئه‌رێ، به‌س فه‌رموو پتر بێژه.
هه‌ڤپه‌یڤینكه‌ر: ئه‌و هێزێن قودس برێڤه دبه‌تن.
به‌ربژێر دۆنالد تره‌مپ: به‌لێ، راسته.
هه‌ڤپه‌یڤینكه‌ر: تو چ پێشبینی د ره‌فتارێن وی دا دكه‌ی؟…
به‌ربژێر دۆنالد تره‌مپ ئاخڤتنا هه‌ڤپه‌یڤینكه‌ری ڤه‌بری و گۆت: گه‌له‌ك ب نه‌دادپه‌روه‌رانه سه‌ره‌ده‌ری ل گه‌ل كوردان هاتییه كرن.
هه‌ڤپه‌یڤینكه‌ر: نه، نه كورد، قودس، یه‌كه‌یا زێره‌ڤانێن شوره‌شگێر یێن ئیرانێ.
به‌ربژێر دۆنالد تره‌مپ: یا ژ من ڤه ته گۆت كورد.
هه‌ڤپه‌یڤینكه‌ر: نه من به‌حسێ قودس بوو.
به‌ربژێر دۆنالد تره‌مپ: ببۆره من هزركر ته گۆت كورد، چونكی مه ئه‌مریكا گه‌له‌ك بخرابی سه‌ره‌ده‌ری لگه‌ل كوردان كرییه.
د دیبه‌یتا سه‌رۆكاتیێ دا ترامپ خویا كر كو ئه‌و بتنێ خه‌له‌ت لێك تێگه‌هشتن بوو، لێ هه‌ڤركێن وی ئه‌ڤ یه‌ك ب ده‌لیڤه زانی و خویاكر كو تشتێن ب ڤی ره‌نگی دهه‌ستیارن نابیت سه‌رۆكێ داهاتی یێ ئه‌مریكا ئه‌ڤ ڤان شاشیان بكه‌ت.
ئه‌زرۆ نیوز: ڤه‌ده‌ر ره‌شاڤایی:
وه‌زاره‌تا ئه‌وقاف و كارۆبارێن ئایینی یا هه‌رێما كوردستانێ دێ وان حه‌جیێن كورد یێن د روودانا مه‌كه‌هێ دا بریندار بووی قه‌ره‌بوو كه‌ت.
وه‌زیرێ ئه‌وقاف و كارۆبارێن ئایینی گۆت هه‌رچه‌نده وه‌لاتێ سعودییه ئه‌و بریندار قه‌ره‌بووكرنه لێ یا ژ ده‌ستێ وان ژی دهێـت دڤێ مژارێ دا ئه‌و دێ بۆ كه‌ن.
ئه‌ڤرۆ نیوز:كاروان باعه‌درى:
پشتى ب دوماهیك هاتنا فێستیڤالا دهۆك یا نێڤده‌وله‌تى باشترین خه‌لات هاتنه پێشكیشكرن و خه‌لاتێ باشترین به‌لگه‌فیلم (ڤلمێ دیكومیتنى) یێ كاره‌ساتا شنگال (73) ب سینه‌ماكار رێكێش شه‌هبازى هاته‌دان.
سینه‌ماكار رێكێش شه‌هبازى هزرا فى فلمى بۆ ئه‌ڤرۆ نیوز ئاشكه‌را كر : دده‌مێ هاتنا كاره‌ساتا ئه‌ز چۆمه پرا سێمالكا ل سه‌ر سنۆرێ من كه‌سه‌ك دیت ده‌ما ل خێزانا خۆ دگه‌ریا ئه‌ڤه ژى بوویه هزرا فلمێ من و من فلم ژێ به‌رهه‌م ئینا.
شه‌هبازى گۆت: من ئه‌ڤ خه‌لاته پێشكێشى قوربانێن كاره‌ساتا شنگالێ كر.”
بۆزانین ئه‌ڤێ فێستیڤالا ژ 9/9/ 2015 ده‌ستپیكربوو و ب 17/9/2015 ب دوماهیك هات و ژ 143 فلمان پێكدهات ژ وان ژی 44 یێن كوردى بوون و 99 یێن جیهانێ بوون.
هه‌ڤده‌م شه‌وكه‌ت ئه‌مين كوركی خه‌لاتێ باشترین ده‌رهێنه‌ر بۆ فلمێ بیرهاتنێن لسه‌ر به‌ری بده‌ستڤه‌ئینا.
ئه‌ڤرۆ نیوز،زنار تۆڤى:
نوونه‌رێ حوكمه‌تا هه‌رێما كوردستانێ ل ئێكه‌تیا ئورۆپا دلاوه‌ر خالد ئاژگه‌یى بۆ ئه‌ڤرۆ نیوز دیاركر: پشتى شانده‌كێ سیناتا به‌لجیكا سه‌ره‌دانا هه‌رێمێ كرى،ل ده‌مێ ڤه‌گه‌ریانێ وان داخوازا هاریكاریێن زێده‌تر یێن سه‌ربازى و مرۆڤى بۆ هه‌رێمێ كریه،
د راگه‌هاندنه‌كا رۆژنامه‌ڤانى دا شاندێ سیناتۆرێن به‌لجیكى كو سه‌ره‌دانا هه‌رێما كوردستانێ كربوو،به‌حسێ بارودۆخێ هه‌رێما كوردستانێ دكه‌ن و داخواز ژ حوكمه‌تا به‌لجیكى دكه‌ن كو هاریكاریێن كاراتر و باشتر یا هه‌رێمێ بكه‌ن ژلایێ سیاسى و سه‌ربازى و مرۆڤى،دخوازن ب ره‌نگه‌كێ راسته‌وخۆ چه‌كى بۆ كوردستانێ ره‌وانه بكه‌ن.
ئه‌ڤرۆ نیوز:
فوئاد حسێن سه‌رۆكێ دیوانا سه‌رۆكایه‌تیا هه‌رێمێ ئه‌ڤرۆ راگه‌هاند” د كومبوونا بهێت دا، پارتى ل دور پرسا سه‌رۆكاتیا هه‌رێمێ دێ به‌رسڤا پرۆژێ چار لایه‌نێن سیاسى ده‌ت.
ئه‌ڤرۆ لایه‌نێن سیاسى، گوران، ئێكه‌تى، پارتى، كومه‌ل، یه‌كگرتوو دیسان كومبوون و نه‌گه‌هشتنه چ ئه‌نجامه‌كێ و بریاره كومبوونا بهێت 6 هه‌یڤا بهێت بهێته سازكرن و ژڤانه پارتى به‌رسڤا پرۆژێ هه‌ر چار لایه‌نێن سیاسى بده‌ت.
ئه‌ڤرۆنیۆز، سالار دۆسكى:
ل دووڤ ئامارێن رێڤه‌به‌ریا په‌روه‌ردێ ل قه‌زا سێمێلێ، مامۆستایێن بێ مووله‌ت ئه‌ڤ ساله ده‌وامێ نه‌كه‌ن (151) مامۆستانه و پتر ژ (300) مامۆستا مووله‌تا ژ دایك بوونێ هه‌یه، ئه‌ڤه دبیته مه‌زنترین ئاریشه ل په‌روه‌ردا ناڤبرى .
عه‌بدوللا حه‌سه‌ن رێڤه‌به‌رێ په‌روه‌ردا قه‌زا سێمێلێ د دیداره‌كا رۆژنامه‌ڤانى بۆ مالپه‌رێ ئه‌ڤرۆ نیۆز گۆت” مامۆستایێن موله‌تا بێ مووچه وه‌رگرتین، نه هه‌موو چووینه ده‌رڤه، دبیت گه‌له‌كا نه‌خوه‌ش هه‌نه و گه‌له‌كا كاره‌كێ دى هه‌یه و مووله‌تا بێ مووچه وه‌رگرتیه، هه‌تا نوكه ل سنورێ په‌روه‌ردا سێمێلێ (151) مامۆستایێن موله‌دار هه‌نه كو بێ مووچه وه‌رگرتینه، بتنێ ل ئاماده‌یا خوانكێ(9) مامۆستا و (2) فه‌رمانبه‌ر مووله‌تا بێ مووچه وه‌رگرتینه ئانكو (11) ژ ئاماده‌یه‌كێ، ئه‌ڤ ڤالاهیه ب به‌رهه‌ڤ بێژان دێ هێنه پركرن.
ئه‌ڤرۆ نیوز: كاروان باعه‌درى:
ئه‌ڤرۆ ده‌مژمیر 5 ئیفارێ فرۆكه‌یین هه‌ڤپه‌یمانان دگه‌ل هێزێن پێشمه‌رگه‌هى چه‌ندین بنگه‌هێن داعشێ ل ناوچه‌یا به‌ندافا موسل و فلفیلێ تۆپاران كرن
رۆژنامه‌ڤان كاوه عیدۆ دنافا هێزێن پیشمه‌رگه‌هى دایه بۆ ئه‌ڤرۆ نیوز گۆت: هێزێن پیشمه‌رگه‌هى ل گه‌ل فرۆكه‌یێن هه‌ڤپه‌یمانا چه‌ندین بنگه‌هێن داعشێ تۆپارانكرن ل به‌ندافا مو.سل و فلفیلێ و و زیانێن مه‌زن ل وان دان چه‌ندین ترمبیلێن وان سوتن.
ئه‌ڤرۆ نیوز: ڤه‌ده‌ر ره‌شاڤایی:
به‌رپرسێن وه‌زاره‌تا به‌ره‌ڤانییا ئه‌مریكا بۆ ئێكه‌م جار پشت راستكر كو هێزێن تایبه‌ت یێن ئه‌مریكی لسه‌ر عه‌ردی ل رۆژئاڤایێ كوردستانێ هاریكارییا هێزێن كوردی دكه‌ت.
هه‌روه‌كی كه‌نالێ (NBC) یێ ئه‌مریكی به‌لاڤ كرییه: جه‌نه‌رال لوید ئوستن بۆ لژنا سه‌ربازییا جڤاتا پیران یا ئه‌مریكی ئاشكرا كر كو هێزێن تایبه‌ت یێن به‌ژاهی یێن ئه‌مریكی لسه‌ر عه‌ردی لگه‌ل هێزێن كوردی (یه‌په‌گێ) ل رۆژئاڤا كوردستانێ هه‌بوونا خوه هه‌یه، لێ دیاركر ژی ئه‌و هێز بتنێ بۆ شیره‌تكاریێ و هاریكاریكرنێ نه و پشكداریێ د شه‌ران دا ناكه‌ن.
نيشاندان