ئه‌ڤرۆ نیوز: ڤه‌ده‌ر ره‌شاڤایی:
پشتی توركیا د ئۆپه‌راسیۆنه‌كێ دا بۆ ده‌مه‌كێ كورت سنۆرێن هه‌رێمێ به‌زاندی، وه‌زیرێ ده‌رڤه‌یێ ئیراقێ داخاز ژ ئه‌نقه‌ره كر كو دهێرشێن خوه دا بۆ سه‌ر په‌كه‌كێ لهه‌رێما كوردستانێ هه‌ماهه‌نگیێ ل گه‌ل ئیراقێ بكه‌ت.
د كۆنگرێ كۆمكارا عه‌ره‌بی دا ئیبراهیم جه‌عفه‌ری گۆت: ئه‌م ل گه‌ل ئێمناهییا توركیا نه و وی وه‌لاتی مافێ به‌ره‌ڤانیكرنێ ژ خوه هه‌یه لێ دڤێت بۆ ئۆپه‌راسیۆنێن دژی په‌كه‌كێ ل ئیراقێ هه‌ماهه‌نگیێ ل گه‌ل هێزێن له‌شكه‌ریێن ئیراقێ بكه‌ت، و بۆ ڤێ یه‌كێ ئیراقێ بالیۆزێ توركیا گازی كرییه.”
ئه‌ڤرۆ نیوز:
په‌یڤدارێ فه‌رمى یێ سه‌رۆكایه‌تیا هه‌رێمێ ره‌ت دكه‌ت كو مه‌سعود بارزانى گوتبیت سه‌ربه‌خوییا كوردستانێ مه‌حاله و پشتى دووڤچوون هاتیه كرن، كه‌نالێ رووسیا الیوم داخوازا لێبورینێ كریه.
په‌یڤدارێ فه‌رمى یێ سه‌رۆكایه‌تیا هه‌رێمێ د رۆنكرنه‌كێ دا دیاركریه: ب چ ره‌نگه‌كێ موسته‌حیلبوونا سه‌ربه‌خویى د ئاخافتنێن سه‌رۆك بارزانى دا نه‌هاتیه، پشتى مه دووڤچوون كرى، پشكا عه‌ره‌بى یا كه‌نالێ روسیا الیوم پێداچوون كریه ب ده‌نگوباسێ خوه و خه‌له‌تیا خوه راستكریه و داخوازا لێبورینێ ژى ژ خوانده‌ڤان و بینه‌ران كریه.
ئه‌ڤرۆ نیوز:
ئه‌ڤرۆ شانده‌كێ پارتا دیموكراتا گه‌لان هه‌ده‌پێ ب رێیا فرۆكخانا سلێمانیێ گه‌هشتنه سلێمانى و بریاره چه‌ند دیداران ل گه‌ل لایه‌نێن سیاسى یێن هه‌رێمێ گرێبده‌ن، هه‌ر ئه‌ڤرۆ ل گه‌ل ئێكه‌تیا نیشتمانیا كوردستانێ كومبوون.
هه‌ڤسه‌رۆكا پارتا دیموكراتا گه‌لان هه‌ده‌پێ، فیگەن یوکسەداغ د كۆنگره‌كێ رۆژنامه‌ڤانى دا گۆت” ئه‌م دژى بكارئینانا چه‌ك و توندوتیژیێ یه، مه دووماهى ب پروسا ئاشتیێ نه‌ئینایه، به‌لێ توركیا دووماهى پێ ئینایه.
ده‌قێ كۆنگرێ رۆژنامه‌ڤانى یێ هه‌ڤپشك یێ هه‌ده‌پێ و ئێكه‌تیێ:
ئه‌ڤرۆ نیوز،زنار تۆڤى:
پشتى ئه‌ڤرۆ هه‌ر پێنج لایه‌نێن سیاسى نه‌گه‌هشتینه چ رێكه‌فتنان ل سه‌ر پرسا سه‌رۆكاتیا هه‌رێما كوردستانێ و چه‌ندین بابه‌تێن دى،دكتور فۆئاد حسێن سه‌رۆكێ دیوانا سه‌رۆكاتیا هه‌رێما كوردستانێ دپرێس كۆنفرانسه‌كى دا دا دیاركر،پشتى كۆمبوونا ئه‌ڤرۆ ل هۆلا سه‌عه‌د عه‌بدولا ل هه‌ولێرێ هاتیه به‌ستن و تێدا هه‌ر پێنج حزبێن كوردستانێ پارتى و گۆران و ئێكه‌تى و كۆمه‌ل و ئێكگرتوو نه‌گه‌هشتینه چ رێكه‌فتنان،بریار هاته‌دان كو كۆمبوونا هه‌شتێ ل رۆژا پێنجشه‌مبى 17 ئیلۆنى بهێته به‌ستن و مه هیڤى هه‌یه كو دڤێ كۆمبوونێ دا بگه‌هینه ئه‌نجامه‌كێ باش و دیاركر ژى:د ڤان كۆمبوونان دا بتنێ به‌حسێ پرسا سه‌رۆكاتیا هه‌رێمێ ناهێته‌كرن به‌لكو گه‌له‌ك پرس و بابه‌تێن دى یێن ب هه‌رێما كوردستانێ ڤه هه‌ین دهێنه گفتۆگوكرن،مه داخوازكریه د كۆمبوونا داهاتى دا لایه‌نێن سیاسى ب پێشنیازێن خوڤه به‌شدار بن.
ئه‌ڤرۆ نيوز:
فەرمانبەرەک تایبەت بۆ ئەڤرۆ دبێژیت: پشتی قەیرانا دارایی و گیرَوبونا موچەی ئەم ب ئێکجار ژ خێزانێت خوە دوور کەفتینە، ژبەرکو پشتی دەوامێ ئێکسەر ئەز قەستا کارەکێ دیتر دکەم و تا درەنگی شەڤ دمینم ژبەر ڤێ چەندێ پەیوەندیێن من وخێزانا من لاواز بوینە و من دەم نینە دگەل وان روینمە خوار.
جومعە جەمیل ئەو فەرمانبەرەیە و زێدەتر دبێژیت: (خێزانا من ھەموو ھێڤیا داھاتێ منن یان دێ بۆ کار کەم یان دێ دناڤ وانداروینمە خوار، دەمێ سەر کاری ڤەدگەرم ھندی ماندی دبم ئێکسەر دنڤم و سپێدێ قەستا دەواما خوە یا فەرمی دکەم و ڤێ چەندێ وەکریە کو مرۆڤ نەشێت کاری ل فەرمانگەھێ ژی ب دروستی ئەنجام بدەت، چونکی ئەم زێدە ماندی دبین ھەروەسا بۆ زانین ھندەک ھەڤالێت من یێت فەرمانبەر پشتی دەوامێ کارێ تەکسیێ دکەن).
لەیلا شاکر ژی فەرمانبەرە ل بنگەھێ وەرزش ولاوێن زاخۆ گۆت: (ھەموور پێنج شەمبیا من دایک و بابێن خوە دبرنە جھێن گەشتیاری و پارکا مە رۆژا خوە دەرباز دکر نوکە ئەو چەندە نەمایە بتنێ ھزرێت مە لسەر ھاتنا داھاتیە ژبەر گیرۆبونا موچەی ئەم نەشێین وەک بەرێ دەربکەڤین و بەرنامێ مە ھەموو تێک چوویە).
پاریزەر مەئمون سەبری خویا کر، پەیوەندیێن خیزانێ وەسا خورت دبن دەمێ داھاتیەکێ دەستنیشانکری ھەبیت و لدووڤ وی داھاتی ژیانا خوە دەرباز بکەن و گۆت: (لەوا پێدڤی یە ھەر سەروک خێزانەک چوار پێنج دەمژمیرا ژبلی دەمێ کاری و نڤستنێ بۆ زارۆ و خیزانا خوە تەرخان بکەت بۆ ھندی پەیوەندیێن وان موکم ببن).
ئەڤرۆ نیۆز، قائید میرۆ:
پەرلەمانتارەکێ پارتی دیموکراتی کوردستان ئیماژە بڤێ چەندێ دکەت، لایەنێن سیاسی رازینە سەرۆک بارزانی بۆدەمێ دو سالێن بھێت سەرۆکێ ھەرێما کوردستانێ بیت.
فەرحان جەوھەر، پەرلەمانتارێ پارتی دیموکراتی کوردستان ب ئەڤرۆ نیۆز راگەھاند” چو راستی بۆ ڤان زانیاریان نینە یێن بەحسێ ڤێ چەندێ دکەن پارتی داخوازکریە سەرۆک بارزانی بۆدەمێ چوار سالێن دی وەکی سەرۆکێ ھەرێما کوردستانێ بمینیت و ھەلویستێ فەرمیێ پارتی لدۆر پرسا سەرۆکایەتیا ھەرێما کوردستانێ یێ ئاشکرایە.
فەرحانی دیاکر” پێشنیارا پارتی بۆ لایەنێن سیاسی ئەڤەبوویە دڤێ قۆناغێ دا پارتی دخوازیت بۆ دو سالێن بھێت مەسعود بارزانی وەکی سەرۆکێ ھەرێمێ بمینیت ل پۆستێ خوە و لایەنێن دیژی بڤێ پێشنیارا پارتی د رازینە، بەلێ ئاریشە لسەر چاوانیا ھەلبژارتنا سەرۆکی و میکانزمێ ھەلبژارتنا سەرۆکیە.
ئەڤرۆ نیۆز، قائید میرۆ:
سەرۆکێ ئەکادیمیا کوردی دەست ژکارێ خوە ڤەکێشا و بەرپرسێ راگەھاندنا ئەکادیمیا کوردیژی دبێژیت، دەستەیا ئەکادیمیای کوردی نەشێت سەرۆکەکی دناڤ خوەدا ھەلبژێریت.
خسرۆ ئیسماعیل، رێڤەبەرێ راگەھاندنا ئەکادیمیا کوردی ب ئەڤرۆ نیۆز راگەھاند” دکتۆر نۆری تالەبانی سەرۆکێ ئەکادیمیا کوردی دەست ژ کارێ خوە ڤەکێشا، کو دشیا بۆدەمێ وار سالێن دیژی خوە ھەلبژێریت وەکی سەرۆکێ ئەکادیمیا کوردی.
خسرۆی گۆتژی” ئەڤرۆ دکتۆر نۆری دەست ژکارکێشایە و ژلایێ ئەنجوومەنێ ئەکادیمیا کوردی ھاتیە پەسەندکرن، بەلێ ھێشتا چو سەرۆکێن نوو نەھاتینە ھەلبژارتن.
نيشاندان