ئه‌ڤرۆ نیوز: ڤه‌ده‌ر ره‌شاڤایی:
پتری 500 ژ هێزێن دژه‌تیرۆر و پۆلیسێن ئه‌لمانی ل حه‌فت به‌رگۆمانێن ئیراقی یێن تیرۆرست دگه‌رن كو پلان دانابوو هێرشێن خوه‌كوژیێ ل شه‌ڤا سه‌رسالێ ل باژێرێ میونخێ ئه‌لمانی بكه‌ن.
هه‌تا نها هه‌والگیرییا ئه‌لمانی نزانیت كا شانا ڤان به‌رگۆمانان ل ناڤ میونخ و ئه‌لمانیا دانه یان ژی لده‌رڤه‌ی ئه‌لمانیا نه.
ئه‌ڤرۆ نیوز: ڤه‌ده‌ر ره‌شاڤایی:
نوونه‌راتیا نه‌ته‌وێن ئێكگرتی ل ئیراقێ (یونامی) راگه‌هاند كو ل داوی مه‌ها 2015 ێ كانوونا ئێكێ، د توندوتیژیێن سه‌رانسه‌ری ئیراقێ و به‌رۆكێن شه‌ری دا 980 كه‌سان گیانێ خوه ژ ده‌ست دایه و هزار و 244 برینداربووینه.
506 كه‌س ژ وان خه‌لكێ سڤیل بوویه و یێن مایی هێزێن ئێمناهیێ بوون كو هێزێن پێشمه‌رگه ژی بخوه‌ڤه دگریت.
ئه‌ڤرۆ نیوز: ڤه‌ده‌ر ره‌شاڤایی:
هێزێن سوریا دیموكرات بسه‌ركێشییا هێزێن كوردی یه‌په‌گێ و ب پشته‌ڤانییا هێرشێن ئاسمانیێن هه‌ڤپه‌یمانان ل پارێزگه‌ها حه‌له‌بێ پێشڤه‌چوون.
روانگه‌ها سوری بۆ مافێن مرۆڤی خویاكر كو: هێزێن سوریا دیمۆكرات پشتی شه‌ر و په‌ڤچوونان دگه‌ل چه‌كدارێن به‌ره‌یا نوسره و ئه‌حرار ئه‌لشام شیان گوندێ ته‌نه‌ب نێزیكی ئه‌عزاز ل باكۆرێ حه‌له‌بێ كۆنترۆلكر.
به‌ری چه‌ند رۆژان ژ ڤێ سه‌ركه‌فتنێ هێزێن سوریا دیموكرات به‌نداڤا ته‌شرین یا ستراتیژی كۆنترۆلكر و ژ ده‌ستێن تیرۆرستێن داعش ئینا ده‌ر.
ئەڤرۆ نیوز، ھەژار مەعروف:
کارگێریا یانا دھۆک گەھشتە رێککەفتنێ ل گەل یاریکەرێ یانا زێرەڤانی راکان عەبدولقادر بۆ کرنا یاریێ ل گەل ھەردو تیمێن خۆلا کوردستانێ و عیراقێ بکەت کو یاریکەرێ ناڤبری ل گەل تیما خوە زێرەڤانی ل سێ وەرزێن بوری شیابوو ناسناڤێ خۆلا کوردستانێ ب دەستخوڤە بینت و رولەکێ گرنگ ل برنا ھەرسێ ناسناڤان ل گەل تیما زێرەڤانی ھەبوو .
ژێدەرەکێ نێزیک ژ یاریکەری بۆ ئەڤرۆ نیوز دیارکر کارگێریا یانێ ل سەر ھەمی خالێن ھەڤبەستێ ل گەل یاریکەرێ ناڤبری رێککەفتی یە بتنێ مایە ب فەرمی ھەڤبەتستا خوە ئیمزابکەت لگەل یانێ و بریارە ل دو رۆژێن بھێت ھەڤبەستا خوە ل گەل یانێ بکەت و دبیت بۆ یاریا بھێت یا خۆلا کوردستانێ یاریێ بکەت و یاریێن بھێت یێن خۆلا عیراقێ کاسا عیراقێ ژی ل گەل یانا دھۆک دێ یێ ئامادەبیت.
ھەژی گوتنێ یە راکان عەبدولقادر دێ وەکو یاریکەرەکێ پیشەکار ل گەل تیما دھۆک یا پشکدار دخۆلا کوردستانێ دا کەت پشتی ئێکەتیا تەپا پێ رێک نەدایێ وەکو یاریکەرەکێ کورد دخۆلا کوردستانێ دا بکەت سەرارای ل چار سالێن بوری وەکو یاریکەرەکێ کورد ل گەل یانا زێرەڤانی یاریی کر .
ئه‌ڤرۆ نیۆز، قائید میرۆ
ذ ئه‌گه‌رێ روویدانه‌كا هاتن وچوونێ پێنج وه‌لاتیان گیانێ خوه ژده‌ستدان و پۆلیسێن هاتن وچوونێ ژی ئاشكراكر، ئه‌گه‌رێ روویدان بۆ له‌زاتیا شوفێرا ڤه‌دگه‌ڕیت.
فازل حاجی، په‌یڤدارێ هاتن وچوونا پارێزگه‌ها هه‌ولێرێ ب ئه‌ڤرۆ نیۆز راگه‌هاند” ئه‌ڤرۆ رۆژا ئه‌ینی لسه‌ر رێیا دۆلا سماقۆلی ل پارێزگه‌ها هه‌ولێرێ روودانه‌كا هاتن وچوونێ دناڤبه‌را دو ترۆمبێلاندا چێبوو و د ئه‌نجامدا پێنج وه‌لاتیان گیانێ خوه ژده‌ستدا.
حاجی دیاركر، روویدان دناڤبه‌را ترۆمبێله‌كا پیكاب تویوتا و ترۆمبێله‌كا نیساند ده‌بل، كو ئه‌گه‌رێ روویدانێ بۆ له‌زاتیا هه‌ردو شوفێران و كێمبوونا هێزا دیتنێ ژبه‌ر سه‌قای ڤه‌دگه‌ڕیت.
ئه‌ڤرۆ نیوز, رۆژهات لوقمان:
پشتی كو كه‌شناسیا هه‌رێما كوردستانێ راگه‌هاندی كۆ پێله‌كا به‌فرێ دێ هه‌رێمێ ڤه‌گریت, دوهی لرێكه‌فتی 31/12/2015 پێله‌كا به‌فر و باران بارینێ ل چه‌ندین ده‌ڤه‌رێن جودا جودا یێن هه‌رێما كوردستانێ ظةگرت و ده‌ڤه‌را ئامێدیێ ژی ئێك بو ژ وان ده‌ڤه‌رێن به‌فر لێ باری, لێ بارینا به‌رفر و باران و هاتنا هروبایه‌كێ بهێز بو ئه‌گه‌ر كۆ چه‌ندین ستوینێن كاره‌بێ ل ناحیا شێلادزێ ب كه‌ڤن و ژ كاری بهێنه راوه‌ستاندن.
رێڤه‌به‌رێ سه‌خبێریا كاره‌با ناحیا شێلادزێ بو ئه‌ڤرۆ نیوز گۆت: ژبه‌ر هاتنا به‌فرو بارانێ و هاتنا هروبایه‌كێ بهێز ل سنورێ ناحیا شێلادزێ پتر ژ (11) ستوینێن كاره‌بێ كه‌فتینه سه‌ر جادێ.
مونیر شه‌مدین یونس رێڤه‌به‌رێ سه‌خبێریا كاره‌با شێلادزێ گۆت ژی: ئه‌و هه‌مو ستوینێن كه‌فتین ئه‌و ستوینێن روناهیێ نه ئه‌وێن دكه‌ڤنه دناڤبه‌را هه‌ردو جووت سایدان و ژبه‌ر كۆ كه‌فتبونه دناڤا جادێ دا له‌ورا هه‌ر ب بله‌ز تیمێن مه رابوینه ب راكرنا وان ستوینان دا كو رێیا هاتن و چونێ دناڤا جووت سایدی دا نه‌هێته گرتن,
مونیر شه‌مدین دیاركرژی: ئه‌و هه‌مو ستوین ئه‌ون ئه‌وێن كه‌ڤن له‌ورا ژڤان بو ئه‌و هه‌مو ستوینه بهێنه ده‌رێ دناڤبه‌را جووت سایدی دا و هنده‌كێن نو بهێنه دانان لێ ئه‌ڤرۆ هروبای ئه‌و ستوین ئینانه ده‌رێ و ژڤانه لده‌مه‌كێ نیزیك ستوینێن نو بهێنه دانان دناڤبه‌را جووت سایدێ ناحیا شێلادزێ و هه‌ردیسان ژبه‌ر هاتنا به‌فرو بارانێ ل گه‌له‌گ تاخێن ناحیا شێلادزێ كاره‌با نیشتیمانى هاتیه برین و بو چاره‌سه‌ریا ڤێ چه‌ندێ ژی تیمێن مه به‌رده‌وام دكاركرنێ دا نه زێده‌باری بارینا به‌فرو بارانێ ل ده‌ڤه‌رێ.
ئه‌ڤرۆ نیۆز، قائید میرۆ
هژماره‌ك ئه‌ندامێن جڤاتا پارێزگه‌ها هه‌ولێرێ داخویانی به‌لافكرینه و تێدا دبێژن، هه‌بوون و نه‌بوونا جڤاتا پارێزگه‌هێ چو مفا نینه و داخوازا هه‌لوه‌شاندنێ دكه‌ن، سه‌رۆكێ فڕاكسیۆنا پارتی ژی رادگه‌هینه ئه‌ف داخوازى ب تنێ بۆ خوه ده‌رخستنێ دهێته‌دان.
كه‌نعان خه‌یلانی، سه‌رۆكێ فڕاكسیۆنا پارتی ل جڤاتا پارێزگه‌ها هه‌ولێرێ ب ئه‌ڤرۆ نیۆز راگه‌هاند” ئه‌ف ئه‌ندامێن جڤاتێ یێن داخوازا هه‌لوه‌شاندنا جڤاتا پارێزگه‌هێ دكه‌ن، دیاره هێشتا قانوونا جڤاتا پارێزگه‌هان نه‌خواندیه و هه‌ست ب به‌رپرسیاریێ ناكه‌ن هه‌مبه‌ر ئه‌ركێ خوه وه‌كی ئه‌ندامێن جڤاتا پارێزگه‌هێ، چونكه هه‌تا نوكه جڤاتا پارێزگه‌هێ چه‌ندین رێڤه‌به‌ر گازیكرین و لێپرسین دگه‌ل زۆر كه‌سان هاتیه‌كرن.
خه‌یلانی گۆتژی” ئه‌ف ئه‌ندامێن جڤاتێ یێن داخوازا هه‌لوه‌شاندنا جڤاتا پارێزگه‌هێ دكه‌ن، تنێ هزر لایه‌نێ خوه یێ سیاسی دكه‌ن و بۆ خوه ده‌رخستنێ ئه‌ڤێ پرسێ به‌لاف دكه‌ن، ئه‌گه‌ر حزبێن وانژی ده‌ست ژكار كێشانێ ژوان قه‌بوول بكه‌ت نابیت ده‌نگده‌رێن وانا رازیببن.
ئەڤرۆ نیوز،ھەژار مەعروف:
ھەلگرا ھەر سێ ناسناڤێن وەرزێن بوری یا خۆلا کوردستانێ تیما تەپا پێ یا زێرڤانی بۆ یاریا دوێ ل دیڤ ئێک نەشیا سەرکەفتنێ توماربکەت ل وەرزێ ئەڤ سالە دەمێ ئەڤ جارە ل یاریگەھا خوە وەکھەڤ بووی ل گەل یانا شێروانە ب گولەکێ دوێ یاریێ دا ئەوا ئەڤرۆ ل یاریگەھا یانا دھۆک یا سیێ ھاتیە کرن ژ چارچوڤێ یاریێن گەرا دوێ ژ خۆلا فاست لینک یا کوردستانێ .
د یاریا زێرەڤانی بەرامبەر شێروانە تیما زێرەڤانی ل نیڤا ئێکێ ب رێیا یاریکەرێ خوە ئەیوب ئەیاد پێشکەڤت بوو، ل نیڤا دوێ تیما شێروانە گولا وەکھەڤی توماکر .
ژلایەکێ دیڤە تیما ھەولێر نەشیا سەرکەفتنێ توماربکەت سەرارای ھژمارەکا مەزن یا یاریکەرێن تیما خۆلا عیراقێ ل تیما خوە زێدەکرین د یاریا خوە دا بەرامبەر ھندرین وەکھەڤ بوو ب گولەکێ و ل یاریگەھا کەرکوک تیما کەرکوک شیا سەرکەفتنێ ل سەر ئارارات توماربکەت ب گولەکێ بێ بەرامبەر.
ھەژی گوتنێ یە بریار بۆ یاریا زێرەڤانی ل گەل شێروانە ل یاریگەھا زێرەڤانی ھاتبە کرن لێ ژبەر باران بارینی دوھی ئەڤرۆ ل دھۆکێ باری ئەردێ یاریگەھێ نە یێ ھاریکار بوو یاری ھاتە ڤەگوھاستن بۆ یاریگەھا دھۆک.
ئه‌ڤرۆ نیۆز، قائید میرۆ
وه‌زاره‌تا چاندنێ ئاماژه ب وێ چه‌ندێ دكه‌ت، پشتی تێكچوونا په‌یوه‌ندیێن رۆسیا و توركیا به‌رهه‌مێ توركیا ناچیته رۆسیا و مه‌ژی مفا ژێ نه‌دیتیه.
دكتۆر ئه‌نوه‌ر عومه‌ر، رێڤه‌به‌رێ پلاندانانێ ل وه‌زاره‌تا چاندنێ یا حوكمه‌تا هه‌رێما كوردستانێ بو ئه‌ڤرۆ نیۆز راگه‌هاند” پشتی تێكچوونا په‌یوه‌ندیێن توركیا و رۆسیا به‌رهه‌مێ توركیا ناچیته رۆسیا، به‌لێ چو كاریگه‌ری لسه‌ر هه‌رێما كوردستانێ نه‌بووینه و بهایێ فێقی و زه‌رزه‌واتێ بیانی هه‌ر وه‌كی خوه مایه و بۆ نموونه بهایێ باجان سۆركا هه‌ر یێ گراندبیت.
نيشاندان