ئه‌ڤرۆ نيوز:
حكومه‌تا هه‌رێما كوردستانێ د راگه‌هاندنه‌كێ دا سه‌باره‌ت سه‌رێ سالێ ئاماژه ب وێ يه‌كێ كريه كو ب چ ره‌نگه‌كى مافێ خه‌لكى ناهێته خوارن.
حكومه‌تا هه‌رێما كوردستانێ د راگه‌هاندنێ دا ئاماژه ب وێ يه‌كێ كريه كو سالا 2015 ساله‌كا پرى نه‌خوشى بوو بۆ گه‌لێ كورسدتانێ ژ ئه‌گه‌رێ گه‌فێن به‌رده‌وام ييێن تيرورستێن داعش بۆ هه‌رێما كوردستانێ و شه‌هيدبوونا چه‌ندين رۆلێن گه‌لێ كورد.
ئه‌ڤرۆ نیوز:
ره‌جه‌ب ته‌ییب ئه‌ردوگان سه‌رۆك كۆمارێ توركیا راگه‌هاند كو د سالا 2015 ژ ئه‌گه‌رێ ئۆپه‌راسیۆنێن له‌شكه‌رێ توركیا 3 هزار و 100 شه‌رڤانێن په‌كه‌كێ گیانێ خوه ژ ده‌ست داییه.
ئه‌ڤ گۆتنا ئه‌ردۆگانی د په‌یڤا وی یا سه‌رێ سالێ داهات و سۆز دا ده‌ست ژ هێرشێن له‌شكه‌ری نه‌هێته به‌ردان هه‌تا شه‌رڤانێن په‌كه‌كێ بته‌مامی ل باژێر و ده‌ڤه‌رێن چیایی یێن باكۆرێ كوردستانێ دهێنه ده‌رێخستن.
هه‌روه‌سا ئه‌ردۆگان دیاركر كو 300 پۆلیس و سه‌ربازێن تورك و هه‌ژماره‌كا سڤیلان ژی هاتینه كوشتن.
ئه‌ڤ گۆتنا وی ژ ئالیێ په‌كه‌كێ ڤه نه‌هاتیه پشتراستكرن.
دینارته ، نه‌وزاد زاده هلۆرى:
ژبه‌ر سه‌ده‌ما هاتنا پێله‌كا به‌فرێ نها رێیا سه‌ره‌كى یا دناڤبه‌را هه‌ردوو ناحیێن دینارته و بارزان هاتینه‌گرتن و به‌فر ژى یا به‌رده‌وامه.
دڤى واریدا رۆژنامه‌ڤان ره‌مه‌زان هه‌رنى ئاكنجیێ بنارێ چیایێ پیرس بو ئه‌ڤرۆ نیوز گۆت : ( شڤێدى هه‌تا نها پێله‌كا به‌فرێ ب سه‌ر ده‌ڤه‌را دینارته و چیایێ پیرس دا هاتیه و ئه‌ڤ یه‌ك ژى بوویه سه‌ده‌م كو رێیا دناڤبه‌را هه‌ردوو ناحیێن دینارته و بارزان بهێته‌گرتن )
زێده‌تر گۆت : ( رێیا چیایێ پیرس رێیه‌كا ستراتیجى یه و گه‌له‌ك گوندێن ده‌ڤه‌را بارزان و ده‌ڤه‌را زێبارێ دكه‌ڤنه سه‌ر وێ رێكێ و هندى به‌فر بهێت چوو ترومبێل نكارن هاتن و چوونێ بكه‌ن )
ئەڤرۆ نیوز، زنار:
د گەرا دویێ یا خولا ھەرێما کوردستانێ یا تەپا پێ دا بۆ یانێن نایاب ئەڤرۆ یانا دھۆکێ شیا سەرکەفتنەکا گرنگ ل ناف یاریگەھا خوە دا ل سەر یانا پێشمەرگا ھەولێر توماربکەت و نوونەرا دویێ یا پارێزگەھێ یانا گارە ژی د یاریگەھا خوە دا وەکھەڤ دەرکەفت ل گەل یانا سولاڤ یا کەرکووک ب گۆلەکێ.
د یاریا ئێکێ دا یانا دھۆک شیا ئەنجامەکی باش دەستخوە ڤە بینت و ب گۆلا پیشەکارێ خوە سالومون تاجی شیا سەرکەفتنەکا گرنگ ل سەر یانا پێشمەرگا ھەولێر تومار بکەت و سێ خالێن گرنگ دەستخوە ڤە بینت و ب ڤی ئەنجامی یانا دھۆک پێشڤە ھاتە رێزا دویێ د کوما دویێ دا ب چار خالان.
ژلایێ خوە ڤە یانا گارە نەشیا مفای ژ یاریگەھا خوە بینت دەمێ وەکھەڤ دەرکەفتی ب گۆلەکێ ل گەل یانا سولاڤ یا کەرکووکێ د ڤێ یاریێ دا گۆلا یانا گارە ل دەقیقەیا نەھێ ژ لایێ یاریکەرێ وێ رافع خەلەف ڤە ھاتە تومارکرن و گۆلا سولاڤ ژ نیڤا یاریگەھێ ژلایێ یاریکەرێ وێ متەلەب محەمەد ڤە ھاتە تومارکرن ژ ئەگەرێ خەلەتیا کوژەک یا گۆلچیێ گارە. ب ڤی ئەنجامێ خالێن گارە بونە چار خال و یێن سولاڤ بونە دو خال.
د یاریەکا دی یا ھەمان گەر دا ھەردو یانێن نەوروز و برایەتیب گۆلەکێ وەکھەڤ دەرکەفتن.
ئەڤرۆ نیوز، زنار:
ماوەکە رۆژنامەیێن ئنگلیزی ئاماژێ ب وێ چەندێ دکەن کو یاریکەرێ بەرازیلی و یانا لازیو یا ئیتالی فلیپی ئەندرسون نێزیکی ئیمزاکرنا ھەڤبەستا یانا مانچستەر یونایتد بویە ل ڤەگوھاستنێن زڤستانێ دا ئەوا بریارە سوبەھی دەسپێبکەت بۆ ماوێ پازدە رۆژان.
رۆژناما سەن یا ئنگلیزی ئاماژە ب ڤی پەیامی دایە کو یاریکەرێ بەرازیلی یێ ٢٢ سالی ھەتا رادەیەکێ مەزن بویە ئارمانجا یانا مانچستەر یونایتد و کوژمێ ٣٥ ملیۆن پاوندا بەرھەڤ کرینە بۆ ئینانا وی ژبەرکو یاریکەرەکێ خودان شیانە ل ھێلا ناڤین و شیایە ل ڤی وەرزی ھژمارەکا باش یا گۆلان بەرھەڤ بکەت بۆ تیما خوە د خولا ئیتالیا و قارەمانیا یوروپا لیگ دا.
ل وەرزێ بوری ئەندرسون د ٣٧ یاریان دا شیابوو ١١ گۆلان بۆ یانا خوە لازیو توماربکەت د خولا ئیتالیا دا.
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ ب هه‌لكه‌فتا سالا نوو يا زاينى په‌يامه‌ك به‌لاڤكريه و راگه‌هانديه: ل سه‌ر پرسا سه‌رۆكايه‌تيێ جاره‌كادى داخوازێ ژ هه‌موو حزبێن موله‌پێدايى ييێن هه‌رێمێ دكه‌م كو ل گه‌ل ئێك كوم ببن و دووماهيێ ب ڤێ پرسێ بينن.
سه‌رۆك بارزانى گوتيه: يان بريارێ ل سه‌ر سازانا هه‌لبژارتنان بده‌ن، يان ل سه‌ر ده‌ستنيشانكرنا به‌رێزه‌كێ رێبكه‌ڤن كو هه‌تا هه‌لبژارتنێن 2017 ئه‌ركێ سه‌رۆكايه‌تيا هه‌رێمێ ب ستو بگريت، يان ژى بريارێ ل سه‌ر وێ يه‌كێ بده‌ن هه‌تا هه‌لبژارتنێن 2017 ره‌وش ب ڤى ره‌نگى بيت.
ئەڤرۆنیوز، ئەیاد بەرواری:
سەرۆکێ باژێرڤانیا برۆکسل ھەلوەشاندنا ئاھەنگێن سەرێ سالێ ژبەر گەفێن تیرۆرستی راگەھاند.
ئیڤان مایۆر، سەرۆکێ باژێَرڤانیا برۆکسل پایتەختێ بەلجیکا، بۆ تەلەڤزیۆنا بەلجیکی گوت” بریاربوو یاریێن ئاگری بھێنە ھاڤێتن و ئاھەنگەکا مەزن ب ھەلکەفتا سەرێ سالێ ل بروکسل بھێتە گێران، بەلێ ئەم نەچار بووین وێ ئاھەنگێ ب ھەلوەشینین ژبەر ھەبوونا گەفێن تیرۆرستی”.
دوھی چار شەمبی، پۆلیسێن بەلجیکی ھەوەکا پشکنینێ ل دەڤەرا مولینبیک ل برۆکسل ئەنجامدا کو جھێ ئاکنجیبوونا گومان لێکریێ ڕەڤی (سەلاح عەبدولسەلام) ی یە کو دھاتە ھژمارتن سەرکرەکێ گرۆپەکا جیھادی. د ھەمان دەم دا داواکارێ گشتیێ بەلجیکی بەری دۆ رۆژان دەستەسەرکرنا دو کەسان راگەھاند و دیارکر کو وان ل بەربوو پلانەکێ بۆ ئەنجامدانا ھێشان ل برۆکسل دانن.
ئەڤرۆ نیوز، زنار:
سەروکێ یانا ریال سوسیداد خواکین ئیبریبای ل دەمێ بھێن ڤەدانا نیڤا ئێکێ بەر ب ژورا دادڤان ڤە چویە و گەفێن تومارکرنا سکالایەکێ ب تاوانا دزیا ئەنجامێ یاریێ ل بنگەھێن پولیسان ل دادڤانێ یاریا یانا خوە ھەمبەر یانا ریال مەدرید کرینە ئەوا ب سەرکەفتنا یانا مەلەکیب سێ گۆلان بەرامبەر گۆلەکێ ب دووماھی ھاتی.
رۆژناما ئاس یا ئسپانی ئاشکرا کر کو سەروکێ یانا ریال سوسیداد ل دەمێ بیھنڤەدانا نیڤا ئێکێ بەر ب ژورا دادڤانان ڤە چویە و گەفێن تومارکرنا سکالایەکێ ژی داداڤانێ ڤێ یاریێ کرینە ل بنگەھێ پولیسان پشتی دادڤانێ ڤێ یاریێ دو پەنەلتیێن نە دورست بۆ یانا ریال مەدرید ھژمارتین بەرامبەر نە ھژمارتنا دو پەنەلتیێن دروست بۆ یانا ریال سوسیداد کو ئەڤ چەندە بویە ئەگەرێ تورەبونا وی،
ئەڤرۆ نیوز، ئەیاد بەرواری
وێنەکێ پەرلەمانتارەکێ بۆ جھێ سەرنج ڕاکێشانێ و گەنگەشێ، پشتی چوویە د ئاڤاھیێ پەرلەمانی ڤە ب لحێڤ ڤە.
پەرلەمانتارا شیلی (کارلا رۆبیلار) یا نەخوەش بوو، بەلێ خواست د روونشتنەکا پەرلەمانێ شیلی دا بەرھەڤ ببیت کو یا تایبەت بوو ب دانوستاندنێ ل سەر قانوونەکا نوو یا کریا خواندنا زانکۆیێ، د ئەنجامدا د وێ روونشتنێ دا ب لحێفێ و گلاسەکێ شەربەتا بورتەقالێ بەرھەڤ بوو.
د بەرسڤا رەخنێن ل وێ ھاتینە گرتن، رۆبیلارێ د تویتەری دا بەرگری ژ خوە کر و گوت” ئەز یا نەخوەش بووم و تا ل من بوو، بەلێ ئەز یا رژد بووم ل وێ روونشتنا پەرلەمانی بەرھەڤ ببم و دانوستاندنێ ل سەر وی پرۆژە قانوونێ بکەم”.
نيشاندان