ئەڤرۆ نیۆز، قائید میرۆ
پۆلیسێن پارێزگەھا ھەولێرێ ھویردەکاریێن شەھیدکرنا ئەندامێ مەکتەبا سیاسیا پارتی و زێرەڤانی وی ئاشکراکر و راگەھاند، ژلایێ ھژمارەک چەکداران تەقە لێھاتیە و پشتی ھنگی ترۆمبێلا وان ھاتیە سووتن.
موقەدەم کاروان خۆشناو، پەیڤدارێ پۆلیسێن ھەولێرێ ب ئەڤرۆ نیۆز راگەھاند” روویدانا گیان ژ دەستدا دانا ئەندامەکێ مەکتەبا سیاسی پارتی بناڤێ فەرەیدوون جۆانڕۆیی دوماھی ھاتیە دەرکەفتیە ژلایێ کومەکا چەکدارانڤە ھاتیە کوشتن نەک ب روویدانا ترۆمبێلێ.
پەیڤدارێ پۆلیسان دیارکر، دەمێ چوونا فەڕەیدوون جوانڕۆیی بۆ میحوەرێ خازر ل سەنتەرێ قەزا خەبات ژلایێ ھژمارەک چەکداران تەقە ل ترۆمبێلا وی دھێتەکرن و پشتی ھنگی ترۆمبێلەکادی یا تۆمەتباران ھێرشی سەر ترۆمبێلا جوانڕۆیی دکەن و دبیتە ئەگەرێ سووتنا ترۆمبێلا فەرەیدوون جوانڕۆیی، نوکە ھەر پێنج تۆمەتبار ھاتینە دەستەسەرکرن و دان ب ئەنجامدانا تاوانێ کریە.
موقەدەم کاروانی گۆتژی” ئەف چەکدارێن تەقە ل فەرەیدوون جوانڕۆیی کرین دوژمندارن دگەل خێزانەکا قەزا بەردەڕەش و وەسا زانیە دوژمنێ وانە و گورەی ماددێ ٤٠٦ یێ سزادانا عێراقی ھاتینە گرتن و ڤەکۆلین دبەردەوامن

ئه‌ڤرۆ نيوز:

د روونكرنه‌كێ دا نڤيسينگه‌ها مه‌لا به‌ختيار كارگێرێ مه‌كته‌با سياسى يا ئێكه‌تى نشتيمانى كوردستان ئه‌و ده‌نگۆ ره‌تكرن يێن دبێژن مه‌لا به‌ختيار پرۆژه‌كێ نوو بۆ پرسا سه‌رۆكاتيا هه‌رێمێ يێ هه‌يى و دا زانين كو هه‌كه‌ سه‌رۆكێ هه‌رێما كوردستانێ چو ده‌ستپێشخه‌ريێن كارا و نوو نه‌كه‌ت، باشترين رێ بۆ چاره‌كرنا قه‌يرانا سه‌رۆكاتيا هه‌رێمێ هه‌لبژارتنێن پێش وه‌ختن.

 هه‌ر د ڤێ روونكرنێ دا، ئاماژه‌ ب وێ چه‌ندێ ژى كريه‌ كو ئه‌و پرۆژێ هه‌ڤپشك يێ ل گه‌ل گۆڕان و ئێكگرتوو و كۆمه‌لێ پێشكێش كريه‌ و ژبلى وى پرۆژه‌ى كه‌سێ دى مافێ پێشكێشكرنا پرۆژان د ناڤ ئێكه‌تيێ دا نينه‌.

ئه‌ڤ داخۆيانيا نڤيسينگه‌ها مه‌لا به‌ختيار د ده‌مه‌كى دا كو به‌رى نوكه‌ د. به‌رهه‌م سالح حێگرێ دويێ يێ سكرتێرێ گشتيێ ئێكه‌تى نشتيمانى كوردستان پرۆژه‌ك بۆ چاره‌كرنا قه‌يرانا سه‌رۆكاتيا هه‌رێما كوردستانێ پێشكێشكر و ژ لايێ مه‌كته‌با سياسى يا حزبا وى و پارتى ديموكراتى كوردستان وه‌كو بناغه‌ك بۆ دانوستاندنێ په‌سه‌ند كربوو.

هه‌ر د وێ روونكرنێ دا هاتيه‌ ژى كو مه‌كته‌با سياسى د كۆموبوونا 3ى ئيلۆنا 2015ێ دا بڕيار دايه‌ هه‌كه‌ سه‌رۆكێ هه‌رێما كوردستانێ ده‌سپێشخه‌رى بۆ سازانێ نه‌بيت، هه‌لبژارتنێن پێشوه‌خت باشترين چاره‌سه‌رى نه‌ بۆ كێشا سه‌رۆكاتيا هه‌رێمێ.

ئەڤرۆ نيوز:
بەرپرسێ راگەھاندن و پەیوەندیێن پۆلیسێن پارێزگەھا دھۆکێ دیار کر پشتی کو ل رێکەفتی ١/٩/٢٠١٥ دەمژمیر شەشی ئێڤاری ژنەک و زارۆیێ وێ یێ چار سالی ل قەزا زاخۆ د مالا خوە دا ھاتینە کوشتن، د ڤان دورۆژێن بۆری دا کوژەکێ وان ھاتیە گرتن.
رائیدێ مافپەروەر ھێمن سلێمان بەرپرسێ راگەھاندن و پەیوەندیێن پۆلیسێن پارێزگەھا دھۆکێ خویا کر کو پشتی تاوانێ لیژنەکا ڤەکۆلینێ ژ ئەفسەرێن پشکا پۆلیسێن قەزا زاخۆ و ئەفسەرێن نەھێلانا گونەھباریان ل زاخۆ ب بریارا رێڤەبەرێ پۆلیسێن پارێزگەھا دھۆکێ ھاتە پێکئینان و گۆت “پشتی ڤەکۆلین و دووڤچوونێ ئەو لیژینا ھاتیە پێکئینان شیا د ماوێ دو رۆژان دا تاوانباری دەستەسەر بکەن و ل ھەمبەری لیژنا ڤەکۆلینێ و دادوەرێ ڤەکۆلینێ ئیعتراف ب تاوانا خوە کریە”.
رائیدێ مافپەروەر ھێمن سلێمان گۆت “تاوانبار ٢٢ سالن و ھەر خەلکێ قەزا زاخۆیە و بادەکا ڤەکۆلینێ ل زاخۆ ھاتیە ڤەکرن، ئانکو ڤەکۆلینا ڤێ پرسێ دێ ل زاخۆ بیت و تاوانبار دی ل دووڤ بریارا ٤٠٦ یا سزایێن عیراقی دێ ھێتە سزادان دا بگەھیتە سزایێ خوە یێ عادیلانە”.
ھەژی گۆتنێ یە رۆژا ١-٩-٢٠١٥ ل تاخێ زاگرۆس ل قەزا زاخۆ، ژنەکا د ژیێ ٢٧ سالیێ دا ب ناڤێ (ر،ع،ا) ل گەل کۆڕێ خوە یێ چار سالی ب ناڤێ (ی، ح، س) ل ب چەقۆیان د ناڤ مالا خوە دا ھاتینە کوشتن.

بۆ پێزانينێن زێده‌تر ل دوور روودانێ ڤێره‌ كليك بكه‌:

ئەڤرۆ نیوز:
بریار بوو ئەڤرۆ دووماھی کۆمبوونا د ناڤبەرا ھەر پێنج لایەنێن سەرەکی ل ھەرێما کوردستانێ ل دۆر ئێکلاکرنا پرسا سەرۆکایەتیا ھەرێما کوردستانێ بھێتە ئەنجامدان، لێ بۆ دەمەکێ نەدیار ھاتە پاشخستن و سیاسەتمەدارەکێ کورد ژی ئاماژێ ب وێ چەندێ دکەت کو پێدڤیە ھەر پێنج لایەن ل سەر خالێن سەرەکی رێکبکەڤن و ھندەک خالێن دی بۆ خولا داھاتی یا پەرلەمانی بمینن.

دکتۆر مەحموود ئوسمان، سیاسەتمەدارێ کورد بۆ رۆژناما ئەڤرۆ گۆت” ھەکە ھەر پێنج لایەنێن سیاسی تەنازولێ بۆ ئێک بکەن، دێ د ناڤبەرا خوە دا رێککەڤن، بەلێ ھەکە ھەموو لایەن درژدبن ل سەر داخوازیێن خوە ئەڤە بێگومان ناگەھنە چو رێککەفتنان، ب دیتنا من وەسا باشە ل سەر ھندەک خالێن سەرەکی بگەھنە رێککەفتنەکێ و ھندەک خال بلا بۆ خۆلا داھاتی یا پەرلەمانی بمینن و مەرج نینە ب ئێکجاری رێککەڤن، پێدڤیە رەوشا نوکە یا ھەرێما کوردستانێ ل بەرچاڤ بھێتە وەرگرتن و ھەموو لایەنێن سیاسی ژیانا ڤی مللەتی بینە بەرچاڤێن خوە و یا ب زەحمەت نینە بگەھنە ئەنجامەکی”.

زێدەتر گوت” من پێ باشە سەرۆکێ ھەرێما کوردستانێ ژلایێ خەلکی ڤە بھێتە ھەلبژارتن، ھەکە لایەنێن سیاسی پێخوەش نینە و درژدبن ل سەر بۆچوونا خوە، بلا ڤەگەڕن بۆ دەنگێ خەلکی و ب رێیا ریفڕاندۆمێ بلا مللەت ڤێ پرسێ ئێکلا بکەت، ھەردەمێ خەلکێ کوردستانێ خواست سەرۆکێ ھەرێمێ ھەلبژێرن، بلا ھەلبژێرن، ھەکە بخوازن دناڤ پەرلەمانی دا بھێتە ھەلبژارتن، وی دەمی پەرلەمان بلا سەرۆکی ھەلبژێریت”.

فارس نەوڕولی، پەیڤدارێ جڤاتا سەرکردایەتیا پارتی ل سلێمانیێ ل دۆر ڤێ پرسێ بۆ ئەڤرۆ گۆت” ڕەوشا دەڤەرێ وەسا دخوازیت رێککەفتن بھێتەکرن و ل سەر پرسا شەڕێ داعش و کۆچا نە قانوونی جیھان ل سەر خەتە بۆ ئاریشەیا کوردان، ھەکە رێککەفتن نەھێتەکرن، دێ شاشیەکا دیرۆکی بیت بۆ گەلێ کورد، ب دیتنا مە ئەڤە پرسەکا سیاسیی یە نەک دستووری و باشترە لایەنێن سیاسی ب رێککەڤن و ل سەر بنەمایێ کەرب و کینێ سەرەدەریێ دگەل رەوشێ نەکەن، ئەم وەک پارتی ب ھەموو شێوەیەکی دژی دو ئیدارەیی نە، ب چو شێوەکی ژی شەڕێ نافخوەیی ژی نابیت”.