ئه‌ڤرۆ نیوز، ئه‌یاد به‌روارى
وێنێن ئالانی، ئه‌و زارۆیێ كورد یێ سێ سالی ئه‌وێ ل كه‌نارێن توركیا خه‌ندقی گوهشینه‌ك و پێله‌كا نه‌رازیبوونێ ل جیهانێ په‌یداكر.
د داخۆیانیه‌كا بابێ ئالانی (عه‌بدوللا شنو) دبێژیت” ده‌مێ ئه‌و به‌له‌ما ئه‌م تێدا بن ئاڤ بووی، پێلێن ئاڤێ هه‌ردو كورێن من ژ ده‌ستێ من ئینانه‌ ده‌ر و هه‌ر چه‌نده‌ كه‌لوپه‌لێن قورتالبوونێ ژى دگه‌ل مه‌دابوون، لێ ژ به‌ر كو هنده‌ك كه‌سێن دناڤ به‌له‌مێ دا رابوون، ئێكسه‌ر به‌له‌م بن ئاڤ بوو.
ئالان ئه‌و زارۆكێ كورد ژ باژێرێ كوبانی یێ كوردی ل گه‌ل 12 كوچبه‌رێن دی یێن سووری ل شه‌ڤا سێشه‌مبیا بۆری خه‌ندقین ده‌ما ئه‌و به‌له‌ما ئه‌و ژ باژێرێ بودروم یێ توركی بۆ گزیرتا كوس یا یونانی د ڤه‌گوهاستن، د هه‌مان ده‌م دا پۆلیسێن توركیا ته‌رمێن برایێ وی زارۆكی (غالب) یێ پێنج سالی و ده‌یكا وی (ریحانه‌) ژی دیتن.
بابێ ئالانی دبێژیت” ده‌مێ به‌له‌م بن ئاڤ بووی، شه‌ڤه‌كا تارى بوو و هه‌موویان ب ده‌نگه‌كێ بلند دكره‌ هه‌وار، له‌وما هه‌ڤژینا من و هه‌ردو كورێن من گوه ل ده‌نگێ من نه‌بوو، من بزاڤكر به‌ر ب كنارێ ده‌ریای بچم ب مه‌له‌ڤانیان لێ هه‌ر نه‌شیام هه‌ڤژینا خوه‌ و كورێن خوه‌ ببینم و ده‌مێ گه‌هشتیمه‌ ئه‌ردی چومه‌ نه‌خوه‌شخانێ و ل وێرێ من ب كاره‌ساتا ب سه‌رێ من هاتی زانی.
پۆلیسێن توركیا د راگه‌هاندنه‌كێ دا دیاركر، بابێ ئالانی دا به‌ر ب كه‌نه‌دا چیت و به‌ری نوكه‌ چه‌ندین جاران بزاڤ كربوو ب رێكێن شه‌رعی بچیته‌ كه‌نه‌دا.
خووشكا عه‌بدوللا شنوی، بابێ ئالانی، ئه‌ڤه‌ 20 سالن ل باژێرێ (فانكۆفه‌ر) ل كه‌نه‌دا دژیت بۆ سایتێ (ئوتاوا سیتیزن) گوت” به‌ری نوكه‌ عه‌بدوللای و ریحانێ و هه‌ردو كورێن وان (ئالان و غالب) داخوازا په‌نابه‌ریێ ل كه‌نه‌دا كربوو ل دووڤ به‌رنامێ (جی 5)، به‌لێ وه‌زاره‌تا ره‌گه‌زنامێ و كوچبه‌ریێ داخوازیا وان ل مه‌ها خزیرانا بۆری ره‌تكربوو ژ به‌ر ئاسته‌نگێن داخوازا په‌نابه‌ریێ ل توركیا.
ژلایێ خوه‌ڤه‌ (ڤین دونیللی) په‌رله‌مانتار ژ ده‌ڤه‌را (بوت مودی) ل كه‌نه‌دا گوت” من ب ده‌ستێ خوه‌ باده‌كا وێ خێزانا كوردی دابوو وه‌زیرێ ره‌گه‌زنامێ و كوچبه‌ریێ یێ كه‌نه‌دی (كریس ئه‌لكسه‌نده‌ر)، لێ داخوازیا وان ل مه‌ها خزیرانا بۆری هاتبوو ره‌تكرن”.

ئه‌ڤرۆ نیوز:

مالپه‌رێ ده‌یلى مه‌یلى یا بریتانى وێنێ ئالان و دایكا وى به‌لاڤ كرن كو وێنه‌یه‌كه‌ ساله‌كێ به‌رى نوكه‌ هاتیه‌ گرتن.
رۆژا 2 ئیلونێ، ئالان ل ناڤ ئاڤا ده‌ریا ئیجه‌ ل توركیا ل گه‌ل ده‌یك و برایه‌كێ خوه‌ خه‌ندقین و به‌لاڤبوونا وێنێ ئالان ب خه‌ندقى، هه‌موو دونیا هه‌ژاند.

ئەڤرۆ نیوز،زناز تۆڤی:
ئەڤرۆ تەرمێ زارویێ سێ سالی ئالانێ کۆبانی و دایک و برایێ وی یێن کو بەری چەند رۆژان د دەریا ناڤەراست دا گیانێ خوە ژ دەستداین،د مەراسیمەکێ ژ هەژی دا ل باکۆرێ کوردستانێ بەرەف کۆبانێ برن،ب مەرەما ڤەشارتنا تەرمێن وان ل جهێ ژ دایک بوونا وان ل رۆژئاڤایا کوردستانێ کۆبانێ.

ئه‌ڤرۆ نیوز:
ئه‌لمانیا پێشبینیا وێ یه‌كێ دكه‌ت كو ل سالا 2015 دا، ژمارا وان كوچبه‌رێن دێ گه‌هنه‌ ئاخا ئوروپا 800 هزار كه‌س بن.
ولاتێن ئوروپا ژى ل سه‌ر چاره‌كرنا قه‌یرانا په‌نابه‌ران د ناكوكن، ئه‌لمانیا و ئیتالیا و فره‌نسا داخوازا دابه‌شكرنا په‌نابه‌ران كرینه‌ ل سه‌ر ولاتێن ئێكه‌تیا ئوروپا و بریتانیا و چه‌ند ولات دژى ڤێ بوچوونێ نه‌.
ئه‌ڤ شه‌پولا كوچكرنێ ئه‌وا ل ده‌ستپێكا ڤێ سالێ، به‌ره‌ڤ ئوروپا ده‌ستپێ كرى، ژبلى كو گرفته‌كا مه‌زن بۆ ولاتێن كێشوه‌رێن ئارام یێن جیهانى دروست كرى، هه‌ڤده‌م ولاتێن ئوروپى ژى ب سه‌ر دو به‌ره‌یێن دژى ئێك دا دابه‌شكرینه‌، ئه‌لمانیا و فره‌نسا و ئیتالیا دوێ باوه‌رێ دانه‌ كو دڤێن په‌نابه‌ر ب ره‌نگه‌كێ یه‌كسان ل سه‌ر وه‌لاتێن ئوروپا بهێنه‌ به‌لاڤكرن، به‌لێ بریتانیا و چه‌ند وه‌لاتێن دى دژى هه‌ر جوره‌ وه‌رگرتنه‌كا په‌نابه‌رانه‌.

ئه‌ڤرۆ نیۆز، قائید میرۆ
ئه‌ڤرۆ تیرۆرستێن داعش ل ناحیا گه‌یاره‌ یا سه‌ر ب پارێزگه‌ها نه‌ینه‌وا دو شێخێن عه‌شیره‌تا جبوری گوله‌بارانكرن و شه‌ڕ كه‌فته‌ ناڤبه‌را چه‌كدارێن جبوری و چه‌كدارێن داعش.
غه‌یاس سورچی، كارگێڕێ مه‌لبه‌ندێ ئێكه‌تی نیشتیمانی كوردستان ل نه‌ینه‌وا ب ئه‌ڤرۆ نیۆز راگه‌هاند” ئه‌ڤرۆ تیرۆرستێن داعش ل ناحیا گه‌یاره‌ یا سه‌ر ب پارێزگه‌ها نه‌ینه‌وا دو شێخێن عه‌شیره‌تا جبوری گوله‌ بارانكرن، ب تۆمه‌تا وێ چه‌ندێ كو به‌ریا نوكه‌ هه‌ردو شێخێن عه‌شیره‌تا جبوری به‌ربژێربووینه‌ بۆ هه‌لبژارتنان.
سورچی گۆتژی” كوشتنا ڤان دو شێخێن عه‌ره‌ب وه‌لاتیێن جبوری دلگرانكرینه‌ و شه‌ڕۆ پێكدادان دناڤبه‌را چه‌كدارێن جبوری و چه‌كدارێن داعش چێبوویه‌ و د ئه‌نجامدا هه‌شت كه‌س ل هه‌ردو لایان برینداربووینه‌.

ئه‌ڤرۆ نیوز:

دلشاد شه‌عبان ئه‌ندامێ لژنا دارایى ل په‌رله‌مانێ كوردستانێ دیاركر كو چوونا وه‌زیرێ دارایى (ڕێباز حەملان) بۆ توركیا بۆ ڤه‌كرنا حیسابا بانكى، بێى وێ یه‌كێ پێدڤى ب به‌رهه‌ڤبوونا وه‌زیرێن سامانێن سروشتى هه‌بیت، به‌لگه‌یه‌ كو رێباز حه‌ملان وه‌زیرێ دارایى كو ژ ته‌ڤگه‌را گۆرانه‌، ئه‌و ب خوه‌ ئه‌گه‌رێ گیروبوونا مووچێن فه‌رمانبه‌ران بوویه‌ و وه‌زیرێ دارایى ژبه‌ر كارتێكرنا حزبا خوه‌ سه‌ره‌دانا توركیا نه‌كریه‌ و ئه‌و توهمه‌ت ددانه‌ پال وه‌زاره‌تا سامانێن سروشتى چ راستى بۆ نه‌بوون و هه‌مى تشت بۆ رایا گشتى ئاشكرابوون.