ئەڤرۆ نیوز،زنار تۆڤی:
وەزارەتا پێشمەرگەی ب مەرەما بەرەڤانیکرنێ ژ خەلکێ خوە فەوجەکا کچ و ژنێن ئێزدی پێکئینا و نوکە گەلەک ژ ژن و کچێن ئێزدی د وێ فەوجێ دا خوە فێری بکارئینانا کلاشینکۆفێ دکەن و لدووڤ دا ئەو کچ و ژن،دێ خوە فێری چەکێن دی کەن،ژ پێخەمەت بشێن ببنە ھێزەکا خۆدان شیان و بشێن بەرەڤانیێ ژ ئاخ و کەرامەتا خوە بکەن،ھەروەسا ھەمی ئەو کچ و ژنێن بەشداری ڤێ فەوجێ بووین،خەلکێ شنگار و شاریانە.
ئەڤرۆنیۆز، ئەیاد بەرواری
رۆژناما (واشنتۆن پۆست) یا ئەمریکی د راپۆرتەکا خوەدا بەلاڤکریە کو وەلاتێن رۆژھەلاتا ناڤین دێ تووشی گرفتەکا مەزن بن ژبەر زێدەبوونا ھژمارا پەنابەرێن قەستا وان وەلاتان دکەن ژ ئەگەرێ شەڕی ل سووریێ.
رۆژناما ناڤبری ئاماژە دا وێ چەندێ کو ل دەمێ جیھان ھەموو گرنگیێ ددەتە پرسا دەربازبوونا ب ھزارەھا وەلاتیێن سووری بۆ ئورۆپا، لێ گرفتەکا کوورتر ل وەلاتێن رۆژھەلاتا ناڤین یا ئاشکرا دبیت ژ بەر کو ئەو وەلات یێن باجا سەرنەکەفتنا جیھانێ د دووماھی ئینانا شەڕێ سووریێ ددەن.
واشنتۆن پۆست د وێ راپۆرتا خوەدا دیاردکەت کو رێژا وان پەنابەرێن گەھشتینە ئورۆپا گەلەک یا کێمە بەراوردرکن ل گەل چار ملیۆن وەلاتیێن سووری ئەوێن ژ وەلاتێ خوە بۆ وەلاتێن تورکیا، لبنان، ئوردن و عیراقێ ڕەڤین، ئەڤێ چەندێ ژی سووریا کریە مەزنترین ھناردەیا پەنابەران ل جیھانێ.
رۆژناما ئەمریکی دبێژیت، بۆ سالا پێنجێ ل سەر ئێک، شەڕ و کوشتن ل سووریێ د بەردەوامن و کارتێکرنەکا مەزن ل وەلاتێن رۆژھەلاتا ناڤین یا کری د دەمەکی دا ئاژانسێن ھاوارھاتنێ یێن مرۆڤایەتی نەھاتینە بەرھەڤکرن بۆ رەفتارکرنێ ل گەل گرفتەکا مرۆڤایەتی کو وەسا یا دیارە د دەمەکێ نێزیک دا ب دووماھی ناھێت.
ئەنتۆنیۆ جوتیریس رێڤەبەرێ کۆمسیارا کاروبارێن پەنابەران یا سەر ب نەتەوێن ئێکگرتی ڤە، رەخنە ل بزاڤێن دبلوماسی یێن رەفتارێ ل گەل گرفتا سووری دکەن گرتن و ب بەرپرسیار زانین ژ بەردەوامیا وێ گرفتێ و دیارکر کو شەڕێ سووریێ ٢٥٠ ھزار کوشتی ل دووڤ خوە ھێلاینە و ١١ ملیۆن کەس ژی دەربەدەر بووینە و چو چارە ژی بۆ وی شەڕی ددیار نینن.
ئەڤرۆ نیوز، لەزگین جۆقی:
رێڤەبەرێ بەلاڤکرنا بەرھەمێن گازێ ل پارێزگەھا دھۆکێ بۆ ئەڤرۆ نیوز دیارکر کو ئەڤرۆ کە ژی بەھرا پارێزگەھا دھۆکێ ب دروستاھی یا گەھشتی چوو ئاریشە نین نبتنی ئەڤرۆ کە ٦/٩ نشکەکێ ڤە قەرەبالغ ل ویستگەھێن پانزینی دروست بوویە ئەم خەلکی خوە پشت راست دکەین چو قەیرانێن پانزینێ دروست نەبووینە و رۆژانە پانزین دگەھیتە پارێزگەھا دھۆکێ و بەھرا وەلاتیان دکەت.
یوسف نوری سەعدولا رێڤەبەرێ بەلاڤکرنا بەرھەمێن گازێ ل پارێزگەھا دھۆکێ گۆتژی ژێدەرێ ھاتنا پانزینێ بۆ پارێزگەھا دھۆکێ نە ب تنی وەلاتێ تورکیایە، بەلکو گەلەک ژێدەرێن دی ھەنە د گەل ڤێ چەندێ دا ژی وەزارەتا سامانێن سروشتی گرێبەست د گەل کومپانیان ئیمزا کرینە بۆ ئینانا پانزینێ و زۆر ئاسایی پانزین دگەھیت د گەل ھندێ ژی پانزینا یەدەک کری ژی مە یا ھەی و چو ئاریشە دروست نەبووینە.
یوسف نوری زێدەتر گۆت: سووتەمەنی و پانزین ژ گەلەک ژێدەران دگەھنە دھۆکێ، نە ب تنی د رێیا وەلاتێ تورکیا را دھێن، بلا شوفێر پشت راست بن چو قەیران دروست نابن، کۆمپانیێن پانزینێ دئینن بۆ ھەھوو پارێزگەھێن ھەرێما کوردستانێ و ئەڤرۆکە ژی بەھرا پارێزگەھا دھۆکێ یا گەھشتی، ئەم حەز دکەین شوفێر قەستا ویستگەھێن پانزینێ نەکەن و پانزینێ ل مال نەراکەن چونکو پانزین یا ھەی ل پارێزگەھا دھۆکێ رێژەکا باش پانزینا یەدک یا ھەی د گەل ھەبوونا ھندەک ژێدەرێن دی و وەزارەتا سامانێن سروشتی گەلەک گرێبەستێن د گەل کومپانیان گرێداین بۆ ئینانا پانزینێ و رۆژانە دئینن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 6ى ئيلۆنا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1223 |
| 1 يۆرۆيێ ئه‌ورۆپى | 1360 |
| 1 ليرێ توركى | 410 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز،زنار تۆڤی:
ڤیان دەخیل ئەنداما پەرلەمانێ عێراقێ ل سەر لیستا پارتی دیمۆکراتی کوردستان د پرێس کونفرانسەکی دا دیارکر:کو ھەر ژ دەستپێکا ھاتنا رێکخراوا تیرۆرستیا داعشێ ل سالا بۆری ٥٨٢٠ کوردێن ئێزدی ژ لایێ داعشێ ڤە ھاتبوونە رەڤاندن و برن، لێ ب ھیممەتا حوکمەتا کوردستانێ شیان ٢٢٠٠ کوردێن ئێزدی ژ دەستێ داعشێ رزگار بکەن کو ژ وانا ٨٠٠ ژن بوون و ھندەک زەلام ژی دگەل دا بوون و یێن دی ژی ھەمی زارۆک بوون.
ناڤھاتیێ خویاکر ژی:کو ل ھەیڤا ١١ یا ئەڤ سالە کونفرانسەک ل سەر رۆژھەلاتا ناڤین ل ئورۆپا دێ ھێتە ئەنجامدان و ھەر ژنوکە مە بەرھەڤی بۆ ڤی کۆنفرانسی کرینە کو تێدا ئەم وەک کوردێن ئیزدی دێ بەحسێ دەردەسەری و وان نەخۆشیێن ب سەرێ مللەتێ مە دا ھاتین ب دۆکیۆمێنتاری بەحس کەین،دێ ل سەر جینۆسایدکرنا کوردێن ئێزدی ئاخڤین و دێ دەنگێ وان گەھینینە دادگەھا بلند یا تاوانێن جیھانی.
ئەڤرۆ نیۆز، قائید میرۆ
پۆلیسێن پارێزگەھا ھەولێرێ ھویردەکاریێن شەھیدکرنا ئەندامێ مەکتەبا سیاسیا پارتی و زێرەڤانی وی ئاشکراکر و راگەھاند، ژلایێ ھژمارەک چەکداران تەقە لێھاتیە و پشتی ھنگی ترۆمبێلا وان ھاتیە سووتن.
موقەدەم کاروان خۆشناو، پەیڤدارێ پۆلیسێن ھەولێرێ ب ئەڤرۆ نیۆز راگەھاند” روویدانا گیان ژ دەستدا دانا ئەندامەکێ مەکتەبا سیاسی پارتی بناڤێ فەرەیدوون جۆانڕۆیی دوماھی ھاتیە دەرکەفتیە ژلایێ کومەکا چەکدارانڤە ھاتیە کوشتن نەک ب روویدانا ترۆمبێلێ.
پەیڤدارێ پۆلیسان دیارکر، دەمێ چوونا فەڕەیدوون جوانڕۆیی بۆ میحوەرێ خازر ل سەنتەرێ قەزا خەبات ژلایێ ھژمارەک چەکداران تەقە ل ترۆمبێلا وی دھێتەکرن و پشتی ھنگی ترۆمبێلەکادی یا تۆمەتباران ھێرشی سەر ترۆمبێلا جوانڕۆیی دکەن و دبیتە ئەگەرێ سووتنا ترۆمبێلا فەرەیدوون جوانڕۆیی، نوکە ھەر پێنج تۆمەتبار ھاتینە دەستەسەرکرن و دان ب ئەنجامدانا تاوانێ کریە.
موقەدەم کاروانی گۆتژی” ئەف چەکدارێن تەقە ل فەرەیدوون جوانڕۆیی کرین دوژمندارن دگەل خێزانەکا قەزا بەردەڕەش و وەسا زانیە دوژمنێ وانە و گورەی ماددێ ٤٠٦ یێ سزادانا عێراقی ھاتینە گرتن و ڤەکۆلین دبەردەوامن
ئەڤرۆ نیوز،زنار تۆڤی:
پشتی بۆ ماوەیەکێ درێژ دەڕگەھێ سنوریێ ئیبراھیم خەلیل ژ لایێ تورکیا ڤە ھاتیە گرتن،ژبەر شەرێ دناڤبەرا پەکەکێ و سۆپایێ تورکی ل جزیرێ و سلۆپیا، ئەڤرۆ ڕۆژا ئێکشەمبی و لدمژمێر ئێک و نیڤی پشتی نیڤرۆ جارەکادی دەرگەھێ سنۆریێ ئیبراھیم خەلیل ب رەنگەکێ ئاسایی ھاتە ڤەکرن و نوکە خەلک دشێن ھاتنوچوونێ لێ بکەن.
ئەڤرۆ نیوز، ئەیاد بەرواری
بەرپرسەکێ عیراقێ د داخۆیانیەکێ دا دانپێدان ب چوونا ب کۆم یا گەنجێن عیراقی بۆ دەرڤەی وەلاتی دکەت ژ بەر بارێ ئابووری و ئاستەنگێن دکەڤنە بەرامبەر وان.
موەفەق روبێعی ئەندامێ ھەڤپەیمانیا نیشتمانی یا شیعی و شیرەتکارێ بەرێ یێ جڤاتا ئاسایشا نیشتمانی ل عیراقێ د وێ داخۆیانیا خوەدا دبێژیت” پتریا گەنج دچن دبێ کارن و چو داھات ژی نینە و مە نەشیایە بارێ ئەمنی و ئابووری بۆ وان دابین بکەین”.
روبێعی داخوازا ژ حوکمەتا عیراقێ و پەرلەمانێ عیراقێ کر چاڤێ خوە بدەنە تەخا گەنجان و دەلیڤێن کاری بۆ پەیدابکەن و ژیێ خانەنشینیێ ژی ژ ٦٣ یان ٦٥ سالی ببیتە ٥٠ سالی و گەنج بچنە جھێن وان، دیسا بانک قەران بدەنە گەنجان دا بۆ خوە پرۆژان ڤەکەن
ئەڤرۆ نیوز:
لایەنێ سکسی دبیتە ئەگەرێ پەیدابوونا گەلەک ئاریشێن دەروونی و جڤاکی ب تایبەت بو وان ھەڤژینا یێن د ڤی بواریدا شارەزایی نەبیت چالاکڤانەک دڤی دەربارەی دا دبێژیت: د جڤاکێ مە دا پتریا زەلاما رەوشەنبیریا سکسی لنک نینە، ژبەرکو ل دەمێ ئەنجامدانا کریارا سکسی بتنێ خوە ب دووماھی دئێنیت و خەزا ھەڤژینا خوە تێر ناکەت.
ماموستایێ پشکا دەروونناسیا وەرار ل زانکویا زاخۆ زاھد سامی دا زانین کو، دبیت ئەڤ حالەتە ھەبیت و سروشتی یە، چونکی جیاوازی یا ھەی دناڤبەرا کەساندا، وەکو ڤەکولینێن زانستی ددەنە دیار کرن کو رەگەزێ نێر د ماوەکێ کێمتر دا دگەھیتە گوپیتکا خوشیێ یان ب دەربرینەکا دی ماوەیەکێ درێژتر دخوازیت ھەتا یا مێ دگەھێتە وێ گوپێتکا خوشیێ لەوما گەلەک جارا ھندەک زەلام زوی دگەھنە وی حالەتێ خوشیێ پشتی ھێنگێ حەزا وان سار دبیت و ھێشتا یا مێ یا مای بگەھیتێ.
ماموستایێ زانکویێ دیار کر کو، ڤێ چەندێ گەلەک ئەگەر ھەنە یا ئێکێ رۆلێ بۆماوەیی و کردارێن بیولوژی کارتێکرنێ دکەنە لسەر چەوانیا ڤەرێژتنا ھورمونێن ئازراندنا سکسی، دوو ئەو باردوخێ ھەڤژێن تێدا لدەمێ روودانا وێ کریارێ کو چەند د بوارەکێ ئارام و خوشیێ دابن دێ ئەنجامدانەکا ئەرێنی پەیدا بیت بەلێ ھەکە ھندەک فشارێن جودا جودا ھەبن وەک ھەبونا زارویێن مەزن د خێزانێدا یان خوشک و برا… دبیت کارتیکرنەکا ئەرینی بکەتە لسەر روودانا کریارێ و گەلەک پاش ببَخیت، و یا سیێ جورێ کەسایەتیێ ھندەک جارا ئەگەرەکە بۆ ڤێ روودانێ بۆ نمونە جورەکێ کەسایەتیێ یی ھەی حەزێن خوە یێن سکسی ب شیوەکێ ھادء و نەرم و ماوەیەکێ درێژ تێر دکەت و جورەکێ دیتر یێ ھەی حەز دکەت بلەز و توند تێر بکەت و ھەکە ھات و ھەر ھەڤژینەک ژ جورەکێ کەسایەتیێ بیت ل وی دەمی دێ گرفت پەیدا بن دناڤبەرا ھەردو حەزان دا، چونکی ھەماھەنگی پەیدا نابیت دناڤبەرا واندا ھەروەسا ھندەک جاران ئەگەر دزڤرن بۆ تێگەە و کردار و نەریتێن ھەر ھەڤژینەکێ تێدا بوری و لسەر مەزن بوی و گۆت: لەوا ئەو کردارا پەیدا دبیت دناڤبەرا ھەڤژینا دا ھەر ل دەستپێکێ رەنگە بۆ نەخوش بیت و بمینت لسەر وی ھەستی و ھەستا خوشیێ و تێر بوونێ لنک پەیدا نەبیت یان ببیتە ئەگەرێ کردارەکا بلەز و بەز، خالا چوارێ کا ئاستێ ئەڤینیێ دناڤبەرا ھەردوکا دا چەندە و چەند بۆ ئێکدو دژین.
چالاکڤان د بوارێ جڤاکی دا عەبدولرەحمان سوبحی نەڤەشارت کو، زوربەیا زەلاما د جڤاکێ مەدا حەزێن ھەڤژینا خوە تیر ناکەن بتنێ ئاگەە ژ خوە ھەیە ل دەمێ کریارا سکسی بتنێ خوە ب دووماھیک دئێنیت و رەوشەنبیریا سکسی لنک نینە و ئەڤ چەندە دبیتە ئەگەرێ نە خورتبوونا پەیوەندیا دناڤبەرا واندا، چونکی ھەست و حەزێن وان نە پێکڤە د گرێداینە بەلکو د ژێک جودانە و گۆت:لەورا ئەڤ چەندە دێ بیتە ئەگەرێ پەیدابونا خیانەتێ ژلایێ ژنێ ڤە یان ژی چاڤێ وێ دێ مینیتە ل دەرڤە چونکی د ڤیانا حەزان دا ڤالا دبیت بتنێ ژن دێ ل رێکەکێ گەڕیت خۆشیا نڤێنی بزانیت، لەورا پێدڤیە زەلام پسیار بکەت کا چ تشت ھەیە کارێ سکسی درێژ دکەت و چ شەرم ژی تێدا نینە چونکی ھەڤژینا وی مافێ خۆشیا نڤێنی یێ ھەی.
ماموستایێ زانکویێ زاھد ئەشکەرا کر، ڤێ چەندێ کارتیکرنەکا نەرینی یا ھەی لسەر پەیوەندیێن دناڤبەرا ھەڤژینا و راستەوخۆ دیار دکەت و پیچ پیچە پەیوەندیێن وان سار دبن و ژێک دوور دکەڤن تایبەت ئەگەر ئەو ژنە ھەستی خوە بۆ زەلامی دیار نەکەت دبیت زەلام نەزانیت ئەگەرێ راستەو خۆ و گۆت: ژلایەکێ دیڤە ئەگەر ژن تێر نەبو ب وێ حەزێ دبیت کارتێکرنەکا نەرینی لسەر ھەموو لایەنێن دی یێن ژیانا وان بکەت دبیت دەستا ژ خوە بەردەت چالاکیان کێم بکەت د کارێ مالێ دا یان پەیوەندیێن وێ سار ببن دگەل کەس و کارین وێ و دبیت ئەو ژنە بخۆ نەزانیت کو نە یا بەختەوەرە دژیانێ دا، لەوا ئەڤ لایێ ژیانێ ئانکو لایەنێ سکسی پێدڤی ب ھشیاریەکا مەزن و گەلەک کوور ھەیە بۆ ھەر کەسەکێ نەمازە ژلایێ دەروونی ڤە، ژبەرکو زانایێن شلوڤەکرنا دەروونی وەھا ددەنە دیار کرن کو،لایەنێ سکسی دبیتە ئەگەرێ پەیدا بوونا گەلەک ئاریشێن دەروونی و ب تایبەت ئەگەر مروڤەکێ شارەزایی نەبیت د ڤی بواریدا دبیت بکەڤیتە د ژیانەکا ئالوز دا.
ل دووماھیێ زاھد ئەو ماموستایێ زانکویێ ڤان رێیە چارەیان پشنیاز دکەت و دبینیت کو، پێدڤیە ژن ھەستێ خوە بۆ زەلامێ خوە دەرببریت و ب شێوازەکێ جوان و عاقلانە تا وی رادەی کو زەلامێ وێ د وێ بگەھیت و ھەست پێ بکەت و گۆت: ھەروەسا لسەر زەلامی ژی پێدڤیە ھاری ھەڤژینا خوە بکەت و خوە دگەل ھەماھەنگ بکەت دەمێ ئەنجامدانا کریارا سکسی وێ ژی تێر بکەت و د ڤی بواری دا جڤاک پێدڤی ب پەروەردیەکا زانستی یا ئاشکرا ھەیە.
نيشاندان
