ئەڤ ژمارا تەرمێن داعش گەھشتنە نەخوشخانەیێن مووسل

25/12/2015 21:42

258

ئەڤرۆ نیوز :بارزان مزووری:
عسمەت رەجەب، بەرپرسێ لقا 14 یا پارتی دیموکراتی کوردستان ل مووسل ئاشکەرا کر کو ئەڤرۆ ئێڤاری 25ی کانوونا ئێکێ یا 2015ێ ل نەخۆشخانێن مووسل قەرەبالغەکا ەزن بوو، ھاتنوچوونا تاخێن ل نێزیک نەخۆشخانەیا ھەموو ب ھەڤرا ھاتنە گرتن و داعش ھاتنوچوون لێ قەدەغەکر.
زێدەتر گۆت: “ب گۆرەی ئەو پێزانینێن ل بەر دەست ئەڤرۆ 50 تەرمێن چەکدارێن داعش گەھشتنە ناڤ باژێرێ مووسل کو ئەو بوون یێن ئەڤرۆ ل روومادی ھاتینە کوشتن”.
دا زانین ژی کو ل دەسپێکا دەسپێکرنا پرۆسا رزگارکرنا روومادی ژمارەکا مەزن یا برینداران گەھشتنە نەخۆشخانێن مووسل و نەخۆشخانە ل خەلکێ ئاسایی ھاتنە قەدەغەکرن.

پەرتۆکەکا ھتلەری دێ چیتە د پرۆگرامێن خواندنێ دا

25/12/2015 21:32

288

ئەڤرۆ نیوز، ئەیاد بەرواری:
پشتی 70 سالێن قەدەغەکرنێ، ئەلمانیا بریاردا دوبارە پەرتۆکا ھتلەری (خەباتا من) چاب ببیت و بچیتە د پرۆگرامێ خواندنێ یێ قوتابیان دا کو تێدا کومێنت ل سەر ھزرێن وی ھەبن، یێن بووینە ئەگەرێ ھەلبوونا شەڕێ جیھانیێ دویێ و کوشتنا ملیۆنا مرۆڤان.
وەزیرا فێرکرنێ ل ئەلمانیا (یوھانا فانکا) د داخۆیانیەکێ دا بۆ رۆژناما (باساور نویە بریسە) یا ئەلمانی ل 24 ڤێ مەھێ کو ژلایێ ئاژانسا ئەنادۆل ڤە ھاتیە ڤەگوھاستن، دبێژیت” کارەکێ فەرە چاپا ھەڤپێچ کری ب کومێنتان ژ پەرتۆکا (خەباتا من) یا سەرکردێ نازی ل قوتابخانان بھێتە خواندن ژبۆ ھوشیاریا قوتابیان ل ئەلمانیا ل سەر ئاخڤتنێن ھتلەری”.
گوت ژی” ئەو چاپا رەخنێ ل پەرتۆکا (خەباتا من) دگریت، کو دێ ژ ئەنستیتیۆتا میونیخ بۆ ڤەکۆلینێن دیرۆکا ھەڤچەرخ ھێتە چاپکرن، بزاڤەکە بۆ کوورکرنا رەوشەنبیریا سیاسی و یا دارێشتی یە کو بۆ ھەموویان یا رۆھن بیت”.
فانکایێ گوت ژی” پێدڤیە ئاخڤتنێن ھتلەری بێ نەرازیبوون نەمینن” ئاماژە دا ” ئەڤ بابەتە دێ رووبەرەکێ مەزن د دەزگەھێن راگەھاندنێ دا د حەفتیێن داھاتی دا گریت و دێ قوتابیان پرسیار ل سەر ھەبن د وانێن قوتابخانێ دا”.
مافێن پاراستنا مولکیەتا پەرتۆکا (خەباتا من) یا ھتلەری، دێ ل دەستپێکا سالا 2016 ب دووماھی ھێت، وی مافی ژی ڕێ ب دوبارە چاپکرنا وێ پەرتۆکێ ل ئەلمانیا دگرت.
ئەڤ پەرتۆکە ژلایێ ھتلەری ڤە ل دەمێ یێ زیندانکری ل کەلھا (لاندسبێرگ) پشتی بزاڤەکا کودەتایێ یا سەرنەکەفتی ل 1923، د ناڤبەرا سالێن 1924 – 1926 ێ ھاتبوو نڤیسین و تێدا بۆچوونێن خوە دیار دکەت کو ددوڤدا بوونە ھێڤێنی سیاسەتا وی و ھەتا سالا 1940 نێزیکی 12 ملیۆن دانە ژێ ھاتبوونە چاپکرن.
بریار ئەوە ل قۆناغا ئێکێ چار ھزار دانە ژ وێ پەرتۆکێ بھێنە چاپکرن و بھایێ ئێک دانا پەرتۆکێ دێ 95 یورۆ بن.
دیرۆکنڤیسێ ئەلمانی ( کیلیر ھۆڤ) یێ بەرنیاس ب ڤەکۆلینێن خوە ل دۆر قۆناغا حوکمڕانیا نازی ل ئەلمانیا، دبێژیت” چاپکرنا شرۆڤەکرنا زانستێ بۆ وێ پەرتۆکێ، پێنگاڤەکا ئەرێنی یە، بەلێ د ھەمان دەم دا یا درەنگە”.
گوت ژی” بەلاڤکرنا ڤێ پەرتۆکێ دێ راستیان ل وێ قۆناغێ بەرچاڤکەت و درەوێن ھتلەری ژی ئاشکراکەت”.
خویاکر ژی” چو پێزانینێن دروست د وێ پەرتۆکێ دا نینن و رێزکێن وێ ھەموو دۆژمنکاری یە”.
ویلایەتێن ئەلمانی ژی یا خوە بەرھەڤکری بۆ قەدەغەکرنا چاپکرن و بەلاڤکرنا ڤێ پەرتۆکێ و بلندکرنا سکالایان ل سەر دەزگەھێن بەلاڤکرنێ ئەوێن دێ کارێ بەلاڤکرنا وێ پەرتۆکێ کەن ل دووڤ مادێ 130 ژ قانوونا جەزائی یا ئەلمانی کو بەحسێ سزادانا ھەر کەسەکێ ھاندانا پرسێن نەژادی و تایفی و ئایینی دکەت.

نووترین پێزانین ل سەر بەلاڤبوونا ناڤێن حەجیان بۆ حەجێ

25/12/2015 19:56

1128

ئەڤرۆ نیوز، ھەرھین محەمەد:

مالک رەمەزان، رێڤەبەرێ رێڤەبەری یا پەیوەندی و راگەھاندنێ ل رێڤەبەریا گشتی یائەوقاف و کارۆبارێن ئاینی ل پاریًزگەھا دھۆکێ بۆ مالپەرێ ئەڤرۆ نیۆز گۆت: ئەو ناڤێن دپشک کێشانێ ئەو ناڤێن ھاتینە نڤیسین و دروست بن پشک کێشان ل سەربھێتەکرن و ئەم ل ھیڤیێ ینە رێڤەبەریا گشتی یا حەج و عومرێ ل کوردستانێ ژڤانەکی دانت بۆ پشک کێشانێ و پشک کێشان دێ ژوان ناڤان ھێتە کرن ئەوێن نوکە دسایتان دا ھاتینە بلاڤکرن.
مالکی زێدەترگۆت: ژڤانە ل سالا بھێت کونفرەنسەکێ بەرفرەە ل سەرکارو بارێن حەجێ بھێتە کرن ل حەجێ ئەو کونفرانسە پلانێ دانیت کو ل سالێت بھێت پلانا حەجێ ل کوردستانێ دێ چەوا بیت وەکو ناڤ نڤیسین و نەناڤ نڤیسین و پشک کێشان سالێن بھێت دێ چەوابیت و کومەکا بابەتان دێ بخوە ڤە ڤەگریت و پشتی ڤی کونفرانسێ ھەر پارێزگەھەک دێ کونفرەنسەکێ بچیک ل پارێزگەھا خوە دنیت و ھندەک خالان دێ پێنشنیارکەت بۆ کونفەنسێ مەزن ئەوی َل ھەولێرێ دێ ھێتە کرن ودێ ل سەر ھندەک خالان پێک ھێن ئەو خالە وئەو کونفرانسە دێ بیتە پلان ژئەڤرۆ پێڤە ئەو ناڤێن پشک بھێتە کێشان بۆ سالا بھێت ئەو ناڤە کەس نەشێت (تەنازلێ) ژناڤێ خوە بکەت و کەس نەشێت پاش بێخیت بۆ سالا پاشتر و ئەوکەسێ ناڤێ وی بھێتە راگەھان یان دێ قەستا حەجێ کەت یان دێ مافی خوە سوژیت.

ھەکە تو تووشی خیانەتێ بووی سەرەدەریەکا دروست بکە

25/12/2015 19:00

587

ئەڤرۆ نیوز:
ل دەستپێکێ دڤێت تو بزانی کو خیانەت کرن رامانا وێ ئەو نینە کو دووماھیا ھەڤژینیێ یە، بەردەوام ھزر بکە کو ھندەک تشت ھەنە دڤێت بمیننە ل بیرا مرۆڤی، وەکو بیرھاتنێن خۆش و زارۆ و گرێدانێن ماددی و جڤاکی.
پرسیارێ ژ خوە بکە: چارە چیە؟ ئەڤە ھندەک چارەسەری نە دبیت د سەرکەفتی بن:
1- ھزرا خوە د سستاھیێ دا بکە: دڤێت تو ل گەل خوە یا راستگۆ بی، بلا بەرامبەری خەلکی تو خوە مەزن ژی بکەی. بۆچی خیانەت ھاتیە کرن؟ ئەرێ تو ھەمی ئەرکێن ھەڤژینیێ ب دروستێ بجھدئینی.
2- بلا خەمگین ببی: بارێ خوە گەلەک گران نەکە، ھەکە تە ھەست پێکر کو تە دڤێت بکەیە گری و ھاوار بکە، خەمگینی رەوشەکا سروشتیە ھەڤسەنگیا مە رادگریت، و پاشی شیانێن مە بۆ لێبۆرینێ زێدە دکەن و مە ل سەر پێیان دراوەستینیت.
3- ھەدارێ بکێشە و خوە راگرە: بلا تۆرە ببە، بەلێ دڤێت تو رەوشێ بپارێزی وەکو پێدڤی و نابیت تو پەیڤێن کرێت و قەسان بێژی، ھندی تو ھەدارێ بکێشی دێ ئاریشە ب ژیراتی چارە بیت.
4- گوھداریا وی بکە: ھندی یا نەخۆش و بزەحمەت بیت دڤێت تو گوھداریێ بکەی. چیرۆکا وی و بۆچوون و دیتنێن وی پشتگوە نەھاڤێژە. دبیت ھندەک تشتێن نە ل سەر ھزرا تە بۆ تە دیار ببن.
5- زارۆیان چ پەیوەندی ب بابەتی ڤە نینە: زارۆیێن تە د بچووک بن یان د مەزن بن، ھشیار بی بابەتێ ل نک وان ڤەنەکەی.
6- زیان و خوسارەتیان ھەلسەنگینە: ئەڤ ب روونشتنەکا ڤەکری ل گەل ھەڤژینی دێ ھێتە ئەنجامدان، د ڤێ روونشتنێ دا تو و ئەو قەبارێ خوسارەتیێن دەروونی و مەعنەوی و جڤاکی یێن خیانەتێ ل دووڤ خوە ھێلاین دەستنیان بکەن.
7- ھزرکرن د قۆناغا داھتی دا: ھشیار بی نەمینیە بەندەوارا ھزرکرنێ د رەوشا نھا دا، ھزرا خوە بەرفرەھتر لێبکە و کا دێ چاوا شێی نەھێلی جارەکا دی خیانەت دوبارە ببیت.
8- خوە و ھەڤژینێ خوە گەلەک ئازار نەدە: ئەگەر چ بن ژی، دڤێت تو گەلەک خوە و ھەڤژینێ خوە ئازار نەدەی، ب تنێ ھەلسەنگاندنێ بکە و و کاروباران بۆ دەمی بھێلە، ئەو دێ ھەستێن تە و یێن وی نووژەن کەن.

ئەگەرێن قەلەویێ یێن تو ھزر لێ نەکەی

25/12/2015 18:57

554

ئه‌ڤرۆ نيوز:

ھندەک ئەگەرێن ھەین “کو چ جاران د ھزرا مرۆڤی دا نینن” سەنگا مرۆڤی زێدە دکەن، وەکو ڤەکۆلەرێن سایتێ prevention بەحس لێکریە و پێدڤیە خوە ژێ دوور بکەی دا سەنگەکێ ساخلەم و باش بۆ خوە بپارێزی، ژ وانان:
1- ئاریشێن ھەڤژینان: زێدەبوونا ئاریشان د ناڤبەرا ھەڤژینان دا، ھەردویان تووشی قەلەویێ دکەن، ھەکە رێژا ھورمۆنێ برسیبوونێ ل نک وان زێدە بوو، دێ ژ بەر تۆرەیێ زێدەتر خوارنێ خۆن.
2- قەبارەکێ زێدە یێ ئاسنی: ھەکە تە نیاز ھەبیت گوشتێ سۆر کێم بخۆی، ئەگەرەکێ دی ژی یێ ھەی کو تو کێم بکەی، قەبارێ ئاسنی یێ د ناڤ گوشتی دا و ئەوێ رێژا ھورمۆنێ برسیبوونێ زێدە دکەت، مرۆڤی ھانددەت پتر خوارنێ بخۆت.
3- ھۆکارێ میراتگیریێ: ل دووڤ گۆتنا ڤەکۆلەرێن Texas Tech University لومەکرنا ھۆکارێ میراتگریێ د قەلویێ دا، دبیتە ئەگەرێ قەلەویێ، پشتی ڤەکۆلینەک ل سەر ل سەر 9000 ژن و زەلامان کری. ئەو وەسا ھزر دکەن کو مێشک باندۆرێ ل ھەمی تشتان دکەت، چونکو ئەو وەسا ھزر دکەن کو مرۆڤ دشێت کونترۆلێ ل سەر سەنگێ خوە بکەت ئەو پتر دخۆن، چ ئەگەرێن جینی بۆ قەلەویێ نینن، ل شوونا ڤێ چەندێ پێدڤیە ھزرا کونترۆلکرنا سەنگێ پەیرەو بکەن.
4- دروستبوونا بیولۆژی یێ بەرەبابکێ نوو: ڤەکۆلەرێن زانکۆیا “یورک” ل تورونتو ل کەنەدا ئاشکرا کر کو بەرەبابکێ ئەڤرۆ ب رێژا 10% ژ بەرەبابکێ کەڤن پتر قەلەو دبن، بۆ زانین ھەمان قەبارێ خوارنێ دخۆن و ھەما بزاڤ و لڤین یێن ھەین.
5- ناڤنجیاتی د خوارنێ دا: گەلەک شارەزا شیرەتان دکەن کو ھەمی تشتان ب شێوەکێ ناڤنجی بخۆن، چونکو ئە کەسێن گەلەک جۆرێن خوارنێ دخۆن پتر تووشی قەلەویێ دبن و نە وەکو وان کەسانە یێ ھندەک جۆرێن دیار یێن خوارنێ دخۆن.
6- ژیانا ب تنێ: ل دووڤ ڤەکۆلەرێن زانکۆیا کوینزلاند یا تەکنولۆژی، ژیانا ب تنێ وەدکەت کو کێمتر خوارنێن ساخلەم بخون وەکو زەرزەواتی و فێقی و ماسی. تنکاتی دلگەرمیا لێنانا خوارنێن ساخلەم ل نک مرۆڤی ناھێلیت و ئەڤ چەندە دێ بیتە ئەگەرێ قەلەویێ.

ل دۆر گەھشتنا چەکێ ئەمریکی بۆ پێشمەرگەی مزگینیێن خۆش یێن ھەین

25/12/2015 18:52

829

ئەڤرۆنیۆز، ئەیاد بەرورای
بەرپرسەکێ مەزن یێ وەزارەتا بەرگریا ئەمریکی (پەنتاگۆن) راگەھاند، ل چەند حەفتیێن داھاتی دێ ئەمریکا چەکی و کەلوپەلێن لەشکری بۆ ھێزێن پێشمەرگەی ھنێریت ژبۆ پترلێکرنا شیانێن وان دشەڕێ دژی داعشێ دا.
ل دووڤ (شەفەق نیۆز)، دەزگەھێن راگەھاندنێ یێن ئەمریکی ژ وی بەرپرسێ ئەمریکی ڤەگوھاستیە کو ئەمریکا ل بەرە ھژمارەکا پێدڤیان ب ھنێریتە ھەرێما کوردستانێ ژبۆ دانا وان پێدڤیان بۆ پێشمەرگەیبۆ بکارئینانا وان د شەڕێ دژی داعشێ دا.
ل دووڤ وی بەرپرسێ وەزارەتا بەرگریا ئەمریکی، ئەو کەلوپەل پێک دھێن ژ چەندین جۆرێن چەکی و ترۆمبێلێن دژی گوللەیان و موەلیدێن کارەبێ و ئامیرێن پەیوەندیکرنێ و جلکێن لەشکری یێن دژی گوللەیان.
دیسا ل دووڤ ھندەک ژێدەرین راگەھاندنێ یێن ئەمریکی، د سالا 2016 ێ دا کاروان ل دووڤ کاروانی دێ گەھنە ھەرێما کوردستانێ، ل گۆرەی بریارەکا جڤاتا نوونەرێن ئەمریکی، پێدڤیە پێشمەرگە ددەمێ سێ سالان دا ب ڕەنگەکێ ئێکسەر بھێتە پڕچەککرن.

بەتریارکێ کلدانان: 2015 نەخۆشترین سال بوو بۆ مەسیحیان

25/12/2015 18:23

ئەڤرۆ نیوز، ئەیاد بەرواری:
بەتریارکێ کلدانان ل عیراقێ و جیھانێ ئەڤرۆ ئەینیێ راگەھاند، سالا 2015 ێ نەخوەشترین سال بوو بۆ مەسیحیێن عیراقێ، ژبەرکو خودانێن ئایینێ دویێ ل عیراقێ ژبەر ھزرا توندڕەو و ڕێکخستی دژی وان دنالین، زێدەباری نەچاریێ ل ناسناما نیشتمانی و بزاڤێن سەپاندنێ حیجابێ ل سەر ژنێن مەسیحی.
بەتریارک (رۆفائیلێ ئێکێ ساکۆ) بەتریارکێ کلدانان ل عیراقێ و جیھانێ د بەیاننامەکێ دا ب ھەلکەفتا جەژنێن ژدایکبوونێ و سەرێ سالێ، گوت” داخوازێ ژ مەسیحیان دکەم نڤێژان ژبۆ ئازادکرنا مووسلێ و باژێرکێن دەشتا نەینەوا و ھەموو باژێرێن عیراقێ، دا خەلکێ وان بزڤرن مالێن خوە و مە باوەریەکا تمام یا ھەی کو ئەو باژێر و باژێرکە ھەموو دێ ھێنە ئازادکرن و تەکفیری و توندڕەو و تیرۆرست دێ ژناڤچن، چونکی وان چو پاشەرۆژ نینە”.

مارکا ناڤێ ١٠ باشترینێن ٢٠١٥ ئاشکرا کر

25/12/2015 16:21

317

ئەڤرۆ نیوز:
رۆژناما مارکا یا ئسپانی د راپرسیەکێ دا ل سەر مالپەرێ خوە یێ فەرمی ل دۆر باشترین یاریکەرێن سالا ٢٠١٥ ئەنجامدا و ناڤێ وان یاریکەران ژی ئاشکرا کر یێن ھاتینە ھەلبژارتن ئەو ژی ئەڤێن ل خوارێ نە:
ژ یانا بەرشەلونە لیونێل مێسی و نیمار داسێلڤا و لویس سوارێز و ئەندریس ئینستا و سێرجیو بوسکێس و کلاودیو براڤو یە و ژ یانا ریال مەدرید تنێ کرستیانو رونالدو یە و ژیانا بایرن میونخ روبێرت لیڤاندوڤسکی یە و ژ یانا ئەتلەتیکو مەدرید یێ فرەنسو ئەنتوان گریزمان و ژ یانا یوڤانتوس پول بوگبا یە

گارە حنێرەکا مەزن کر و دھۆک ژی ب خالەکێ ژ کەرکووک ڤەگەریا

25/12/2015 16:06

317

ئەڤرۆ نیوز، زنار زوبێر:
د یاریێن گەرا ئێکێ یا خولا ھەرێما کوردستانێ یا تەپا پێ بۆ یانێن نایاب ژ دەرڤەی یاریگەھا خوە یانا گارە حنێرەکا مەزن کر پشتی سەرکەفتن ل سەر برایەتی ب سێ گۆلان تومارکری و دھۆک ژی ب خالەکێ ژ کەرکووک ڤەگەریا.
د یاریا ئێکێ دا نوونەرا پارێزگەھێ یانا گارە د پشکداریا خوە یا ئێکێ دا د خولا نایابا کوردستانێ دا شیا پێنگاڤا خوە یا ئێکێ ب سەرکەفتیانە پاڤێت پشتی سەرکەفتنەکا باش ژ دەرڤەی یاریگەھا خوە ل سەر یانا برایەتی تومارکری ب سێ گۆلان بەرامبەر گۆلەکێ د ڤێ یاریێ دا ھەر سێ گۆلێن یانا گارە ژ لایێ پیشەکارێ وێ یێ ئێڤواری جونیور ڤە ھاتنە تومارکرن.
ژلایێ خوە ڤە یانا دھۆک ژ دەرڤەی یاریگەھا خوە بێ گۆل یاریا خوە ب دووماھی ئینا ل گەل یانا سولاڤ یا کەرکووک، د یاریێن ھەمان گەر دا یانا پێشمەرگا ھەولێر شیا سەرکەفتنەکا ب زەحمەت ل سەر یانا نەوروز یا سلێمانیێ تومار بکەت ب دو گۆلان بەرامبەر گۆلەکێ.

ب وێنە: +18 شوفێرێ ترۆمبێلەکا پەترۆلا خاڤ ب ترۆمبێل ڤه‌ سۆت

25/12/2015 15:00

2421

ئەڤرۆ نیوز، بارزان مزووری:
ئەڤرۆ بەری نیڤرۆ ل سەر رێیا ئەترووش بۆ ناحیا قەسرۆک ترۆمبێلەکا بارھەلگر یا ھەلگرا پەترۆلا ھاڤ وەرگەریا و شوفێر تێدا سۆت و گیانێ خوە ژ دەست دا.
ئەڤرۆ دەمژمێر 11:45ی نیڤرۆیا 25/12/2015 ل سەر رێیا ئەترووش بۆ ناحیا قەسرۆک ل نێزیک گوندێ ئازاخ و ھارماش ترۆمبێلەک ژ جورێ بارھەلکر تانکەر پڕ ژ پەترۆلا خاڤ ژ ئەگەرەکێ نەدیار د وەردگەریێت د ھەمان دەم دا ئاگر تێ دکەڤیت شوفێر ھەولداینە خوە قورتال کەت، نێزیکی 30 مەتران دوور ژ ترۆمبێلا خوە دکەڤیت چوویە د ناڤا جویەکا ئاڤێ دا، پەترۆلا خاڤ ب جوکێ دا دھێت د گەل ئاگری تێدا دمینیت دھێتە سوتن و گیانێ خوە یێ ژ دەست دایی.
پشتی بنگەھێ پولیسێن ئەترووش ب ئەفسەر ڤە ل شوفێری گەریان و شوفێر ھاتە دیتن ھێشتا ئاگر پێڤە پۆلیسا ئاگر ب شوفێری ڤە ڤەمراندیە، بەلێ گیانێ خوە ژ دەست دابوو.
ل دەستپێکا ئاگر تێبەربوونێ کامیرا ئەڤرۆ نیوز گەھشتە جھێ روودانێ دەمژمێر و نیڤان ئاگر ب ترۆمبێلێ ڤە بوو، چەندین کەسێن بەرھەڤ بووین ھەولداینە پەیوەندی ب ئاگر ڤەمراندنێ کریە حەتا تیمێن ئاگر ڤەمراندنێ ژ قەسرۆک گەھشتینە جھێ روودانێ ترومبێل ب شوفێر ڤە ب تمامی ھاتە سۆتن.
ھەڤالێ ڤی شوفێری بۆ ئەڤرۆ نیوز گۆت: “ئەو کەسێ د ناڤا ترۆمبێلێ دا یێ گەنج بوو، وەکو کارکەر ل سەر ڤێ ترۆمبێلێ بەرامبەر مووچەکێ ھەیڤانە کار دکر”.
زێدەتر گۆت: “ل دەسپێکێ ئەوی ل ئاسنێ بەر لێڤێن جادێ دا و پاشان دەرکەفت و کەڤتە خوار ژ بەر گەرمیا پەترۆلێ نەشیا خوە قورتال بکەت و ئاگر تێ بەربوو”.
بۆ زانین ئەو ترومبێلا ژ جورێ تانکەر یا بارھەلگر یێن ڤەگوھاستنا نەفتا خام بون ل بێرێن دەڤەرا ئەترووش بو پالاوگەھێن ھەرێمێ ڤەدگوھێزن .

نيشاندان 1...1,400 2,400 3,400 3,4073,4083,409 4,400...4,617 زێده‌تر

لاپه‌ر 3,408 ژ 4,617