ئه‌ڤرۆ نيوز:
ره‌وشا دراڤى ئه‌ڤرۆ رێكه‌فتى 22ى ته‌باخا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ئۆباما هوشداريا وێ چه‌ندێ دده‌ته كونگرێسێ وه‌لاتێ خوه كو هه‌كه رێكه‌فتنا ئه‌تۆمى يا رۆژئاڤا و ئيرانێ بهێته ره‌تكرن، ته‌په دێ كه‌ڤيته د ياريگه‌ها ئيرانێ دا و هه‌ر ئێك ژ ئسرائيل و ئه‌مريكا دێ به‌ر نێزيكيێ چن و ده‌ڤه‌ر ژى روو ب روويێ شه‌ره‌كێ دى بچيت.
باراك ئۆباما يێ سه‌رۆكێ ئه‌مريكا د چارچۆڤێ پشكداريكرن د كۆنفرانسه‌كێ ڤيديۆيى دا كو ژ لايێ دو رێكخراوێن جوهى هاتبوو رێكخستن، ته‌كست ل سه‌ر په‌يوه‌نديێن نێزيك يێن ناڤبه‌را ئسرائيل و ئه‌مريكا كر و به‌ره‌ڤانى ژى ژ رێكه‌فتنا ئه‌تۆمى يا ناڤبه‌را ئيران و كۆمه‌لگه‌ها “پێنج كۆ ئێك” كر و راگه‌هاند: ب وێ رێكه‌فتنێ ب كێمى هه‌تا 15 سالێن دى هه‌موو رێيێن گه‌هشتنا ئيرانێ ب چه‌كێ ئه‌تۆمى هاتينه داخستن.
گۆتژى: “ئيران جهێ باوه‌ريێ نينه، دژى ئه‌مريكا و جوهيايه، به‌لێ ئه‌و رێكه‌فتنا ئه‌تۆمى ل سه‌ر بنه‌مايێ باوه‌ريێ نه‌كريه، به‌لكو ل سه‌ر بنه‌مايێ پشكنين و تاقيكرن و هه‌لسه‌نگاندنێ هاتيه كرن و هوشدارى دا كو هه‌كه ئه‌و رێكه‌فتن ژ لايێ كۆنگرێسى بهێته ره‌تكرن، دێ ته‌په كه‌ڤيته د ياريگه‌ها ئيرانێ دا و هه‌ر ئێك ژ ئه‌مريكا و ئسرائيل دێ به‌ر ب نێزيكى ئێك چن و ده‌ڤه‌ر دێ روو ب روويێ شه‌ره‌كێ دى چيت”.
ئه‌ڤرۆ نيوز:
رێڤه‌به‌ريا گشتى يا كاروبارێن ئێزديان ل وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێما كوردستانێ ئامارا دروست يا وه‌لاتيێن ئێزدى يێن ناڤ ده‌ستێ داعش و رزگار بووين راگه‌هاند.
رێڤه‌به‌رێ گشتى يێ كاروبارێن ئێزديان ل وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێما كوردستانێ، د داخۆيانيه‌كێ دا بۆ ئه‌ڤرۆ نيوز ژمارا دروست يا وه‌لاتيێن ره‌ڤاندى يێن ناڤ ده‌ستێ داعش ب گۆره‌يى ئامارا رێڤه‌به‌ريا وان راگه‌هاند.
خه‌يرى بۆزانى گۆت: “ژمارا وه‌لاتيێن ئێزدى يێن ناڤ ده‌ستێ داعش ب گۆره‌يى ئامارێن ل به‌ر ده‌ستێ مه هه‌تا 17ى ته‌باخا 2015ێ پێنج هزار و 838 كه‌سن”.
رێڤه‌به‌رێ گشتى يێ كاروبارێن ئێزديان ل وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێما كوردستانێ، گۆتژى: “ژ ڤان كه‌سان ژى سێ هزار و 192 ژنن و دو هزار و 646 زه‌لامن”.
دا زانين ژى كو ژ ڤێ رێژێ، دو هزار و 118 كه‌س رزگاربووينه كو ژ وان ژى 304 زه‌لام و 799 ژن و 494 زارۆيێ مێ و 521 زارۆيێن نێرن.
خه‌يرى بۆزانى ده‌رباره‌يى هاريكاريا ڤان كه‌سان ژى گۆت: “ل ڤێ دووماهيێ گه‌له‌ك ئه‌كاونت و ژمارێن به‌نكى هاتينه چێكرن و ئاماژه ب وێ چه‌ندێ دكه‌ن كو ئه‌و پاره‌يى بۆ رزگاركرنا ڤان كه‌سان كۆم دكه‌ن و مه‌بله‌غێن مه‌زن بۆ ڤێ مه‌ره‌مێ كۆم كرينه و گۆت: “د ژيوارى دا نه ژ دوور و نه ژى ژ نێزيك مه ئاگه‌هـ ژ ڤى كارى نينه و چو پاره ژى ژ وى نه‌گه‌شتيه به‌ر ده‌ستێ مه”.
ئەڤرۆ نیۆز، قائید میرۆ:
بڕیارە سەنتەرێن نەخۆشیا ئوتیزمێ ل سەنتەرێن قەزا بھێنە ڤەکرن و راھێنەرێن بیانی دێ مەشق و راھێنان ب چاڤدێرێن سەنتەرێن ئوتیزمێ بکەن.
مەحەمەد کانی، پەیڤدارێ وەزارەتا کارو باروبارێن کۆمەلایەتی ب ئەڤرۆ نیۆز راگەھاند” وەزیرێ کار بڕیاردایە سەنتەرێن نەخۆشیا ئوتیزمێ ل سەنتەرێ قەزا بھێنە ڤەکرن و بۆڤێ مەرەمێ نوکە بەرھەڤی بۆ ڤەکرنا ڤان سەنتەرا یێ دھێنەکرن، ژبەرکو ئەو کەسێن نەخۆشێن ئوتیزمێ ھەنە ناگەھنە سەنتەرێن باژێڕا.
کانی گۆتژی” بڕیارە وەزارەت شەھرەزایێن بیانی بینیتە کوردستانێ ھەتا راھێنانێ ب مامۆستایێن نافخۆ بکەت و پێدڤیە ئەف کەسێن ل سەنتەرێن ئوتیزمێ کار دکەن، شەھرەزایەکا تمام ھەبیت بۆ سەرەدەریکرنێ دگەل نەخۆشان.
ئه‌ڤرۆ نيوز:
ھەتا نوکە چ کەرستەیێن شل و غەرغەرە یێن دروست بۆ چارەکرن و نەھێلانا بێھنا دەڤی نەھاتینە دروستکرن، بەلێ ھەر کەرستەیەکێ ببیتە ئەگەرێ ھشککرنا دەڤی رەنگە پشکداریێ د پەیداکرنا بێھنا دەڤی دا بکەت و گەلەک ئەگەر ژ بۆ پەیدابوونا بێھنێ ددەڤیدا ھەنە ژوانژی، جگارەکێشان و ئەو خوارنێن رێژەیەکا کێم یا کاربوھیدران یان گەلەک پروتین دناڤدا ھەی، ھەروەسان ریجێم ژی دبیتە ئەگەر کو بێھن ژ دەڤی بھێت، و خوارنێن تیژ و ئەوێن بێھنەکا ب ھێز ژێ دھێت وەکو کاری و پیڤازان دبنە ئەگەر کو ب رەنگەکێ بەروەخت بێھن ژ دەڤی بھێت.
ئەگەرێ سەرەکیێ ل پشت ھاتنا بێھنێ د دەڤیدا ئەوە کو پاقژیا دەڤی دھێتە پشتگوە ھاڤێتن و پتریا جاران ژ ئەنجامێ کومڤەبوونا بەکتریایێن کو ژ خوارنێ پەیدادبن و دناڤ دەڤی دا کومڤە دبن و پێکھێنەرێن کبریتی دەردھاڤێژن بێھنا دەڤی نەخۆش دبیت و ئەو خوارن دناڤ حەشووێن ددانان و ئەو ددانێن دروست نەھاتینە چێکرن و ڤالاھیێن ددانان و وەرەمێن پێدیێ کوڤەدبن و ئەنجامێ دووماھیێ بێھن ژێ پەیدادبیت.
ئه‌ڤرۆ نيوز:
نەڤەخوارنا ئاڤێ ل وەرزێ ھاڤینێ دبیتە ئەگەرێ ھشکبوونێ و ھشکبوون ژی د رادەیی َخوە دا ڤان کارتێکرنا ل لەشێ مرۆڤی دکەت:
– کارتێکرنێ ل کوئەندامێ دەماران دکەت و بیردانکا مرۆڤی کێم دکەت.
– ژ ئەگەرێ بلندبوونا لێدانێن دلی دگەل بێھن تەنگیێ، سەە پتر کاردکەت بۆ وەرگرتنا ئوکسجینێ پێدڤی بۆ لەشێ مرۆڤی.
– مەترسیا ژڤێ ھەمیێ مەزنتر بۆ ھشکبوونێ ئەوە دەمێ کارتێکرنا وێ دگەھیتە خولا خویناوی، ترشاتیا خوینێ زێدەدبیت و غازات ژێ پەیدادبن و ئەڤە دبیتە ئەگەرێ مرنێ.
زارۆک پتر تووشی ھشکبوونێ دبن ژبەرکو ئەو نابێژن ئەم د تێھنی نە، لەورا ئەگەر ھات و نیشانێن بێھنتەنگیێ، گێژبوونێ، عێلنجی و دلرابوونێ و بلەزلێدانا ھەناسەیێ و ھشکبوونا چاڤان بوو پێدڤیە بزانی ئەو تووشی ھشکبوونێ بوویە و پێدڤیە ئاڤێ بدەیێ داکو کارتێکرن پتر ل ئەندامێن لەشی نەھێتە کرن، گەلەک نموونە ل دور کارتێکرنێن ھشکبوونێ ھەنە ژوانژی کارتێکرنا وێ ل سەر کوئەندامێ دەماران و پیستی و ژمارا لێدانێن دلی زێدەدکەت و غازات و ڤالاھیان دناڤ ترشیێ خوینێ زێدەدکەت و دبیتە ئەگەرێ مرنێ، لەورا ھەر ژنوکە پێدانا ئاڤێ بۆ زارۆیێ خو رێکبێخە و دوور بکە ژ بەر تاڤێ و ھەر ژ سپێدێ کوپەکێ ئاڤێ بدێ و دەم بو دەمی ب بەردەوامیا رۆژێ ژی ئاڤێ بدێ و دیسان تو دشێی شلەمەنی و شەربەتان ژی بدەیێ.
ئه‌ڤرۆ نيوز:
ب گۆره‌يى ئه‌وان پێزانين و وێنه‌يێن ئێك ژ فانێن مالپه‌رێ ئه‌ڤرۆ نيوز ره‌وانه كرين ب ناڤێ بلند ئه‌ترووشى ئه‌ڤرۆ ل سه‌ر جادا سه‌رسنك دو ترۆمبێلێن پرادو و مارسدس لێكدايه كو هه‌ردو ترۆمبێلان ژى خێزان ل گه‌ل بووينه و زيانێن گيانێ نه‌بووينه.
ئەڤرۆ نیوز، سالار دۆسکی:
رێڤەبەرێ راگەھاندنێ ل وەزارەتا ئەوقاف و کاربارێن ئاینی ل حوکمەتا ھەرێما کوردستانی، دپەیجێ خوە یێ تایبەتێ فەیسبووکی دا ئاشکراکریە کو پشتی چەندین بزاڤێن بەردەوامێن وەزارەتا ئەوقاف و کارۆبارێن ئاینی یازدە قوتابیێن کورد دێ ل زانکۆیا ئەزھەرێ خوینن.
سەردار قوربانی، پەیڤدار وەزارەتا ئەوقافێ ئاشکراکریە ژی کو پشتی چەندین بزاڤێن خورت ژلایێ نوونەراتیا وەزارەتا ئەقافێ ڤە، شیانین رازیبوونێ بۆ وەرگرتنا یازدە قوتابیێن کورد ل وەلاتێ مسرێ بدەست ڤە بینین، بۆ ڤێ مەرەمێ وەزیرێ ئەوقاف و کارۆبارێن ئاینی (کەمال مسلم) رۆژا پێنج شەمبی پێشوازی ل یازدە قوتابیان کر ئەوێن دێ چن بەردەوامیێ دەنە خواندنێ ل وەزارەتا ئەوقافێ و خواست رۆلێ خوە بێگێرن و ب شیانێن باشتر ڤەگەرنە کوردستانێ و خزمەتا گەل و وەلاتێ خوە بکەن.
ئەڤرۆ نیوز، سالار دۆسکی:
پەیڤدارێ وەزارەتا ئەوقاف و کارۆباریچن ئاینی حوکمەتا ھەرێما کوردستانێ ئاشکراکرک و ئەڤرۆ دو وەم وەجبا حەجیێن کوردستانێ گەھشتنە باژێرێ مەککەھێ کو ھەموو حەجیێن باژێرێ دھۆکێ نە.
سەردار قوربانی پەیڤدارێ وەزارەتا ئەوقاف و کارۆبارێن ئاینی د پەیجێ خوە یێ تایبەتێ فێسبووکی دا ئاشکراکریە کو ئەڤە دبیتە دووەم وەجبا حاجیان و ژ ٢٧٠ کەسان پێک دھێت و ھەموو خەلکێ پارێزگەھا دھۆکێ نە و ھەموو ب سلامەتی گەھشتن.
ناڤبری ئاشکراکر ژی کو بوو ئەڤ سالە ١٧ نوشدار ل گەل حەجیان چووینە، ب مەرەما پاراستنا سلامەتیا ئەڤان حەجیان.
نيشاندان