ھەولێر، قائید میرۆ:
ئێکەتیا مامۆستایێن کوردستانێ لدۆر گیرۆبوونا موچەی گەفان ل حوکمەتێ دکەن و بەرپرسەکێ ئێکەتیا مامۆستایان داخواز ل حوکمەتێ دکەت موچێ مامۆستایان پشتی یێ وەزارەتا پێشمەرگەی بھێتە بەلافکرن.
ئەحمەد گەرمیانی، جێگرێ سەرۆکێ ئێکەتیا مامۆستایێن کوردستانێ ب ئەڤرۆ نیۆز راگەھاند” ئێکەتیا مامۆستایان دوماھی کۆمبوونا خوەدا پێداگیری لسەر پاشکەفتنا موچێ مامۆستا کریە و ھەتا نوکە مە ئەف رەوشا ھەرێمێ بەرچاڤ وەرگرت، بەلێ ھەیڤا بۆری ئەم ئێکجاری بێ ئومێدبووین ل حوکمەتێ، لەوڕا ئەگەر ئاریشیا گیرۆبوونا موچێ مامۆستا نەھێتە چارەسەرکرن، ئەڤە دێ مە ھەلویستێن توند ھەبن.
گەرمیانی گۆتژی” ئەم داخوازێ ل حوکمەتێ دکەین خشتێ موچەی ئێکجار بھێتە راگەھاندن نەک ھەر رۆژێ وەزارەتەک، ھەروەسا موچێ وەزارەتا پەروەردێ و خواندنا بلند پشتی یێ وەزارەتا پێشمەرگەی بھێتە بەلافکرن و چو بەھانە ناھێنە قەبوولکرن بۆ گیرۆبوونا موچێ مامۆستا.

ئەڤرۆ نيوز:
رۆژنامەیەکا بریتانی راگەھاند کو دینارێ عیراقی ئێکە ژ ئەوان دراڤێن ریب ری مەترسیێ دبن ل رۆژھەلاتا ناڤین.
رۆژنامەیا بلۆمبێرگ یا بریتانی د راپۆرتەکا خوەدا دیارکر یەدەکێ دراڤێ بیانی ل بەنکا ناڤەندا عیراقێ بۆ ٥٩ ملیار دۆلاران داکەتی یە .
رۆژناما ناڤبری ئەو چەندە ژی دیارکر دینارا عیراقی ئێکە ژ ئەوان دراڤێن
ریب ری مەترسی دبن ل رۆژھەلاتا ناڤین ھەڤ دەم ل ئەنجامێ نەجیگیریا بھایێ دۆلاری و ھەروەسا داکەتنا بھایێ پترۆلێ زیانێن زور ب ئابوورا عیراقێ دکەڤن و ریب ری ل دژی تیرۆریستێن داعشێ گرانتر دبیت و پێش بینی دھێتە کرن بھایێ دینارێ عیراقی داکەڤیت،ب تنێ ل رۆژا ٢٥ ئابێ بەنکا ناڤەندی ٤ ملیار و ٦٠٠ ملیۆن دۆلار ئانکو رۆژانە ١٨٤ ملیۆن دۆلار فرۆتینە تاکو پارێزگاریێ ژ بھایێ دینارێ عیراقی بکەت .