ئەڤرۆ نیوز:
یانا ئەھلی یا مسری راپورتەک بەلاڤەکر ل سەر مالپەرێ خوە یێ تایبەت چو راستی بو وی دەنگوباسی نین ئەوێ یانا بەرشەلۆنا بەلاڤەکری ئەو رێزا ئێکێ دھێن ل جیھانی بۆ برنا زێدەترین ناسناڤێن کێشواری ل جیھانێ و دیارکری یە ژی ھەتانوکە ئەو ل پێشیا یانا کەتەلونی نە بۆ برنا ناسناڤێن جیھانی .
یانا ئەھلی یا مسری خودانا ٢٠ ناسناڤێن کێشواری یە ئەوژی و ھەر ئێک ژ یانێن بەرشەلۆنا رێزا دوێ ب ١٩ ناسناڤا و میلان و ریال مەدرید ریڤەرپلێت رێزا دوێ دھێن ب ١٨ ناسناڤان.
ئه‌ڤرۆ نیوز: كاروان باعه‌درى
سێ كۆچبه‌رێن كورد كو خه‌لكێ ناحیا باعه‌درێ بوون د ده‌ریا ئیجه دا ده‌مێ بۆ وه‌لاتێ یونانێ ب رێككه‌ڤتین دا كو خۆ بگه‌هین یۆنانێ خه‌ندقین.
كه‌سه‌كى نێزیك ژ وان كۆچبه‌رێن خه‌ندقى بۆ ئه‌ڤرۆنیوز گۆت : ئه‌ڤ هه‌رسێ كۆچبه‌ر نه ژ ئێك بنه‌مالێ نه ب ناڤێ ( سیپان محمد رشید و ولید خالد تاهر و اسینات خالد تاهر ) ئه‌ڤرۆ ل ریكه‌فتى 22/12/2015 ب رێكا كۆچبه‌ریێ دده‌ریا ئیجه دا خه‌ندقین.
ئه‌ڤرۆنیۆز، ئه‌یاد به‌رواری
قونته‌رچیه‌كی ژ وه‌زاره‌تا به‌رگریا عیراقی بۆ ده‌مێ 18 هه‌یڤان گوشتێ كه‌ران ددا له‌شكرێ عیراقێ و حه‌شد شه‌عبی و دگوت ئه‌و گوشتێ چێلا و په‌زی یه و ژ به‌رازیلێ و هندستانێ دئینیت.
وه‌زاره‌تا ساخله‌میا عیراقی پشتی 18 هه‌یڤان ژ خوارنا گوشتێ كه‌ران ژلایێ له‌شكرێ عیراقێ و حه‌شد شه‌عبی ڤه، پشكنین ل سه‌ر وی گوشتی كر و ئاشكرابوو كو گوشتێ كه‌رایه و قونته‌رچیێ وه‌زاره‌تا به‌رگریێ هاته ده‌سته‌سه‌ركرن.
ژێده‌ره‌كێ ئه‌منی بۆ (اخبار العرب) گوت” حوكمه‌تا عیراقێ فه‌رمانا نه‌به‌لاڤكرنا ڤی ده‌نگوباسی یا ده‌ركری، دا كارتێكرنا ده‌روونی ل سه‌ر له‌شكرێ عیراقێ و حه‌شد شه‌عبی د شه‌ڕان دا نه‌كه‌ت”.
گوت ژی” حوكمه‌تا عیراقی 200 ته‌نێن گوشتێ كه‌ران د عومبا و ته‌زینكێن له‌شكرێ عیراقێ ده‌سته‌سه‌ركرن”.
ئه‌ڤرو نیوز ،بارزان مزوورى
مافپه‌روه‌ر شه‌مال محه‌مه‌د ئه‌دیب ،رێڤه‌به‌رێ ناحیا باعه‌درێ بو مالپه‌رێ ئه‌ڤرو نیوز دیار كر كو ل ده‌ستپێكا هه‌وا كوچكرنێ ب تایبه‌ت كوردێن ئێزدى و هه‌تا نوكه نێزیكى هزار و 220 كه‌سا ل ناحیا باعه‌درێ كوچكریه كو پتریا وان گه‌نج بوینه و دگه‌ل 75 فه‌رمانبه‌رێن جهێن ئیدارى یێن باعه‌درێ كو گه‌له‌ك ژوان فه‌رمانبه‌را بوون و ماوه‌یه‌كێ درێژ بوو موله‌تا فه‌رمى یا وه‌رگرتى ژ جهێ لێ ده‌وامێ دكه‌ن و گه‌له‌ك ژوانا حه‌تا نها د بێ سه‌روشینن دناڤ ده‌ریادا.
ناڤبرى دیار كر كو رێژا هه‌ره مه‌زن یا كه‌سێن كوچ دكه‌ن گه‌نجن، ئه‌گه‌ر ڤه‌كولینه‌ك ل سه‌ر ئه‌گه‌رێن چونا وان گه‌نجان بهێته كرن دێ گه‌له‌ك ئه‌نجام دیاربن ژ وان ئه‌گه‌رێ بێ كارى بیت .
ئەڤرۆ نیوز:
راھێنەرێ یانا ناپولی یا ئیتالی ماوریتسیو ساری دیارکر ھێرشبەرێ ئەرژەنتینی و یانا ناپولی گونزالو ھیگوین ئێک ژ باشترین ھێرشبەرایە ل سەر ئاستێ جیھانی.
ھیڤواین نوکە سەرێ لیستەیا گولکەرێن خۆلا ئیتالیا دھێت ب ١٦ گولا ب جوداھیا شەش گولا ژ نێزیکترین ھەڤرکی خوە .
زێدەتر ساری دیارکر ئەو ھیگواین بینت باشترین ھێرشبەر ژبەرکو ھەمی تایبەتمەندێن ھێرشبەرا ل دەڤ ھەنە و شارازیەکا باش ل دەڤەرا پەنەلتی دا ھەیە .
ئه‌ڤرو نیوز،بارزان مزوورى
پێشه‌نگ به‌درخان محه‌مه‌د سه‌لیم، به‌رپرسێ پشكا هاتن وچونا شێخان بو مالپه‌رێ ئه‌ڤرو نیوز ئاشكرا كر كو ئه‌ڤرو ده‌مژمێر 12:30 خوله‌ك 22/12/2015 ل سه‌ر رێیا سه‌ره‌كیا شێخان بو باعه‌درێ به‌رامبه‌ر گوندێ ئال مه‌مان ترومبێله‌ك ژ جورێ كه‌یه سیراتو وه‌رگه‌ریا و د ئه‌نجام دا شوفێرێ ترومبێلێ گیانێ خو ژ ده‌ست دا و زیانێن مه‌زن ب ترومبێلێ كه‌فتن .
ناڤبرى لدور ئه‌گه‌رێن رویدانێ دیار كر كو شوفێرى له‌زاتى بكارئینایه و نه‌شیایه كونترولێ ل سه‌ر له‌زاتیا خوبكه‌ت و توشى وه‌رگه‌ریانێ دبیت.
ئەڤرۆ نیوز:
گیفانیوس یاریکەرێ یانا سانتوس یا بەرازیلی شیا ل یاریا خوە یا حەفتیا بوری ل گەل تیما خوە ئێک ژ جوانترین گولا ل وەرزێ ئەڤ سالە دخۆلا بەرازیل دا توماربکەت پشتی گول ب شێوەیێ “لامبریتا” توماربکەت کو تومارکرنا گولا ب ڤی شێوەی بتنێ د شیانێن ئەوان یاریکەران دا ھەیە ئەوێن خودان ھونەرەکێ جوان ل گەل یاریا تەپا پێ .
ئه‌ڤرۆنیۆز، ئه‌یاد به‌روارى
په‌یچه‌كێ نوو ل سه‌ر تورا ئه‌نترنیتێ پێشنیاره‌زكا نوو به‌رچاڤكر ب ڕێیا پێشكه‌شكرنا 10 هزار دۆلاران بۆ به‌ربژارێن گونجای بۆ گێرانا ئاهه‌نگا پێكئینانا هه‌ڤژینیا وان كو ئه‌و گۆژمه تنێ د حاله‌ته‌كی دا بهێته زڤراندن.
په‌یچێ (سوان لۆف) ل باژێرێ سیاتل یێ ئه‌مریكی سۆزا وێ چه‌ندێ دا كو مه‌زاختیێن ئاهه‌نگا پێكئینانا هه‌ڤژینیێ ب ستوویێ خوه‌ڤه بگریت هندی هه‌ڤژینی یا به‌رده‌وام بیت، به‌لێ ده‌مێ جودابوون په‌یدا دبیت، پێدڤیه ل سه‌ر هه‌ردو هه‌ڤژینان وی كۆژمێ پاره‌ی ل گه‌ل مفایێ ل سه‌ر بزڤرینن.
سكوت ئافی، سه‌رۆكێ جێبه‌جێكارێ كۆمپانیا (سوان لۆف) دیاركر كو ئه‌و په‌یچه وه‌كو گازینویه‌كێ یه بۆ پێكئینانا ژیانا هه‌ڤژینیێ، ل دووڤ وی په‌یچی، دێ مفایێن مه‌زنتر ل سه‌ر وان كه‌سان هێنه سه‌پاندن ئه‌وێن په‌یوه‌ندیێن وان دباشیێ دابن.
ل دووڤ به‌رپرسێن وی په‌یچی كو دێ ب ڕه‌نگه‌كێ فه‌رمی ل شوباتا 2016 ێ ده‌ست بكاربیت، خزمه‌تا قه‌ركرنێ دێ یا تایبه‌ت بیت ب وان كه‌سان ڤه یێن هه‌ڤپشكێن خوه د ژیانا دا دیتبن و پێدڤی هاریكاریێ بن بۆ ئاهه‌نگا پێكئینانا هه‌ڤژینیێ.
دده‌مه‌كی دا هنده‌ك كه‌س پێشبینیێ دكه‌ن كو ئه‌و په‌یچه دخوازیت ژیانا هه‌ڤژینیێ یا وان كه‌سێن ب ڕێیا وی ئه‌و ژیان پێكئینای، به‌لێ یا سه‌یر ئه‌وه كو ئه‌و په‌یچه شیره‌تێن بێ به‌رامبه‌ر پێشكه‌ش دكه‌ت ژبۆ به‌رده‌وامیا وێ ژیانێ و مه‌رجێ ئێكانه یێ كو ئه‌و په‌یچه دسه‌پینیت ئه‌وه كو ئاهه‌نگا پێكئینانا هه‌ڤژینیێ دده‌مێ دو سالان ژ پێشكه‌شكرنا داخوازا هاریكاریێ بهێته گێران.
ئەڤرۆ نیوز،زنار تۆڤی:
ئەڤرۆ رۆژا سێشەمبی پیترۆ کراسۆ سەرۆکێ ئەنجومەنێ پیرێن ئیتالیا گەهشتە هەرێما کوردستانێ و بریارە ناڤهاتی دگەل بەرپرسێن بلند یێن حوکمەتا هەرێما کوردستانێ کومبیت و د هەمان دەمدا بریارە ئەڤرۆ ب بەرهەڤبوونا سەرۆکێ حوکمەتا هەرێما کوردستانێ نێچیرڤان بارزانی و چەندین بەرپرسێن بلند یێن حوکمەتا هەرێمێ ب رەنگەکێ فەرمی کۆنسلخانەیا ئیتالیا ل هەرێما کوردستانێ بهێتە ڤەکرن.
ئاكرێ ، بێوارحسێن زێبارى :
هونه‌رمه‌ند رێناس ئاكره‌یى ددیداره‌كا كورت دا بۆ ئه‌ڤرۆ نیوز دیاركر كو ئه‌و كار نها د دروست كرنا كلیبه‌كێ دا دكه‌ت كو ل سه‌ر هه‌ر پارچێن كوردستانێ یه و ب دووماهیك هاتیه كو ئه‌ڤ كلیپه ژى جوداهیه‌ك هه‌یه دگه‌ل كارێن وى یێن به‌رێ .
ناڤبرى گوت ژى كۆ د ڤان رۆژاندا ئه‌ڤ كلیبه دێ هێته به‌لاڤكرن و كو هوزان ژى یا هوزانڤان بورهان زێباریه و ئاواز ژى یا وى ب خوه‌یه و كارێ موزیكى ژى نوبه‌ردار ئیبراهیم بۆ كریه.
نيشاندان