ئەڤرۆ نيوز:
ھونەرمەندێ مۆزیکژەن سەلاح نوری د ھەڤدیتنەکێَ دا ل گەل بەرپەرێ ھونەر یێ رۆژناما ئەڤرۆ بەحسێ ئامیرێ عودێ دکەت، رۆلێ وی و دیسان ئاشکرا دکەت کو حەزژێکەرێن ڤی ئامیری د زێدەبوونێ دانە.
سەلاح نوری، ھەمبەر حەزژێکرنا خەلکی بۆ ئامیرێ عودێ گۆت: ڤیانا خەلکی بۆ دەنگێ عودێ تایبەت دناڤ کومەلەھێ کوردەواری دا و تایەت دەڤەرا مە رۆژ بۆ رۆژێ دزێدەبوونێ دایە، ئەڤە ژی پتر ل دەڤ گەنجان دیار دبیت مە ئەزموون ل سەر ڤێ چەندێ ھەنە و تایبەت ڤەکرنا خۆلێن مۆزیکێ و حەزژێکرن و ھەلبژارتنا گەنجان فێربوون ل سەر ڤی ئامێرێ مۆزیکێ د زێدەبوونێ دایە و ئامیرێ عودێ وەک ھەڤالەکی یە ل گەل مرۆڤی.
ل دووماھیێ گۆت: بنیاتێ سترانێ دەما دھێتە چێکرن، ئامیرە ل گەل دەنگی دھێنە دابشەکرن و دبینم ئامیرێ عودێ رۆلەکێ ھەرە کاریگەر ھەیە و ئەڤ چەندە ژی ڤەدگەریت کو دەنگێ ڤی ئامیرەی نێزیکی دەنگێ مرۆڤی یە.
ئهڤرۆ نیوز:
ئاژانسا رویتهرز بهلاڤكریه كو نوكه حكومهتا ههرێما كوردستامێ گرێبهستهك بۆ فروتنا نهفتا خوه ب رهنگهكێ راستهوخو ل گهل كۆمپانیهكا جیهانى ئیمزاكریه و د ڤى چارچوڤى دا گرێبهستهكا شهش ههیڤى د ناڤبهرا ههرێما كوردستانێ و كۆمپانیا گولف كیستون ئیمزا كریه.
دوهى حهیدهر عهبادى سهرۆك وهزیرێن عیراقێ رهخنه ژ حكومهتا ههرێما كوردستانێ گرت كو رێژا پێدڤى ل گۆر رێككهفتنا وان ئیمزاكرى ناهنێرن، بهلێ سهفین دهزهیى پهیڤدارى حكومهتا ههرێمێ دیاركر كو ئهو پێگرى رێككهفتێ بوون، بهلێ بهغدا بودجه بدروستى نههنارت،لهوما ههرێم ژى نهچاربوویه نهفتا ب رێیا كومپانیا سومو دهنارت، كێم بكهت.
ئەڤرۆنیۆز ،سالار دۆسکی:
جێگرێ سەرۆکێ زانکۆیا دھۆکێ بۆ کارۆبارێن کارگێری، ھەژمارا قوتابیێن ئەڤ سالە قوپیا کرین دیار دکەت و ئاماژە ب وێ چەندێ دکەت کو ئەڤ سالە ژ سالێن بوری ئەڤ ھەژمارە کێمبوویە.
د.لوقمان محەمەد سالح قادر ھاریکارێ سەرۆکێ زانکۆیا دھۆکێ بۆ کارۆبارێن کارگێری بۆ مالپەرێ ئەڤرۆ نیۆز گۆت: ئەڤ سالە قوپیا ل زانکۆیا دھۆکێ ژ سالێن بوری کێمتر بوویە و ئەڤ چەندە ڤەدگەریت بۆ دانانا کامیران ل زانکۆیێ و چاڤدێریا بەردەوام ل قوتابیان دھێتەکرن، دیسان شیرەت بۆ قوتابیان کو سال بۆ سالێ ئەڤ دیار دە بھێتەکێمکرن.
د.لوقمان محەمەد سالح ئاشکراکر ژی کو ل ئەڤ سالە ١٢ قوتابیان قوپیا کربوو و ژ سالا بوری باشتر بوویە، ژ ھەر دو رەکەزێن کچ و کور.
ئاشکراکر ژی کو ھەر قوتابیێ ب قوپیایێ بھێتەگرتن دھێتە ھەژمارتن وێ سالێ ھەموویێ کەفتی ب ھەموو وانان، ھەکە سالا دووڤ دا کەفتن دێ ناڤێ وی ھێتە رەشکرن، گەلەک جاران بریار دھێت ئەڤێن ناڤێن وا رەشکری بزڤرنە ڤە و ھەکە بزڤرن ژئەڤان ناگریت ئەڤێن قوپیا کرین .
ناڤبری ئاشکراکر ژی کو پتر قوپیا پەروەردا و بنیات دھێتەکرن و سالا بوری چار مامۆستا یێن پەروەردە و بنیات ئێڤاران قوپیا کر بوو و ئەڤ سالە ئێک بوویە.
ئەڤرۆ نیوز، زنار تۆڤی:
کەسایەتیێ ناڤدارێ روسی و جیھانی و دوستێ کوردان یەڤگینی پریماکۆڤ ئەڤرۆ درێورەسمەکێ دا ل پایتەختێ وەلاتێ روسی مۆسکو ب بەرھەڤبوونا کەسایەتیێن جیھانی و وی وەلاتی ھاتە ڤەشارتن.
ناڤھاتی دۆستەکێ نێزیکی کوردابوویە و ل سالا ١٩٢٩ ل ئۆکرانیا ژدایک بوویە،ل ٢٦-٦-٢٠١٥ وەغەرا دووماھیێ کریە.
ھەروەسا پریماکۆڤی باندورەکا مەزن ل سەر وەلاتێ رۆسی ھەبوویە،ل سالا ١٩٥٦ کارێ رۆژنامەڤانی کریە و ل دووڤ دا ل رۆژناما پراڤدا یا رۆسی کارکریە و دەرچوویێ پەیمانگەھا رۆژھەلاتناسیە پشکا زمانێ عەرەبی،لەورا ل رۆژھەلاتا ناڤەراست کارکریە.
ل دەستپێکا خەباتا سیاسی ل گەل پارتا کومونیستا رۆسی کارکریە، ناڤھاتی چەندین جاران سەرەدانا کوردستانێ کریە ل سالێن ١٩٦٨ دگەل سەردێن شۆرەشا کوردی جڤیایە و پەیوەندی دگەل سەرکردێن شۆرەشا ئیلونێ ھەبوویە.
پشتی سالا ١٩٩١ دبیتە سەرۆکێ دەزگەھا ھەوالگیریا رۆسی،ل سالا ٢٠٠٣ دەست ژکارێ سیاسی بەردایە،لێ ھەر وەک کەسەک ب باندۆر مایە دناڤ سیایەتا وی وەلاتی دا،ھەتاکو رۆژا ٢٦-٦-٢٠١٥ وەغەرا دووماھیێ کری.
ئهڤرۆ نيوز:
گهلهك ژ تاخێن ناڤ باژێرێ حهسهكه يێ ژ لايێ چهكدارێن داعش ڤه دهێنه تۆپبارانكرن و وهلاتى ژى ژ مهترسيا ژيانا خوه و زارۆيێن خوه روو كريه عامودێ و دبێژێن دهستێ بهشار ئهسهد يێ ل گهل.
ب گۆرهيى ئهو پێزانينێن دهزگههێن ميديايى بهلاڤكرين، ژ دوهى رۆژا ئێكشهمبى و ئهڤرۆ وهره، باژێرێ حهسهكه يێ رۆژئاڤايێ كوردستانێ ب دژوارى ژ لايێ چهكدارێن داعش ڤه يێ دهێته تۆپيارانكرن.
ژ ئهگهرێ ڤێ تۆپبارانكرنێ ژى هژمارهكا زۆر يا وهلاتيێن وى باژێرى ژ ترسيا ژيانا خوه و زارۆيێن خوه بهر ب عامودێ كۆچبهر بووينه و مالێن خوه ب جهـ هێلاينه.
هندهك ژ خهلكێ وى باژێرى ژى ددهنه زانين كو رژێما سوريا هاريكاريا چهكدارێن داعش دكهت ل دژى كورێن رۆژئاڤايێ كوردستانێ و هێزێن يهكينێن پاراستنا گهل ژى بزاڤێ دكهن رووى ب روويێ وان ببن دا كو توپبارانا چهكدارێن داعش ب راوهستينن.
ئهڤرۆ نيوز:
بازارێ کرین و فرۆتنا ترۆمبێلان ل دھۆکێ د ھەیڤا رەمەزانا پیرۆز دا ب شەڤ دھێتە کرن و ژ رەمەزانا پار و ھەتا رەمەزانا ئەڤ سالە نەبوونا بازارێ ترومبێلان خودانێن پێشانەگەھا بێزار کرینە و ناچار بووینە دەرگەھێن پێشانگەھێن خوە بگرن.
سەردار دوسکی خودانێ کۆمپانیا کادێلا یا بازرگانیا ترومبێلان بۆ ئەڤرۆ دیار کر، رۆژ بۆ رۆژێ بازارێ کرین و فرۆتنا ترومبێلان ل پێشانگەھێن دھۆکێ بێ سەروبەردبیت، ھەر سال د ھەیڤا رەمەزانا پیرۆز دا بازارێ مە ب شەڤ دھێتە کرن، بەلێ ئەڤ سالە ھەر ب ئێکجاری چو جۆرەکێ ترۆمبێلێ ناھێتە فرۆتن و ب تنێ ئەم دھێین فێقی و چایێ ڤەدخوین و پاش دچینە مال و ل ھەموو رەمەزانان بازار گەلەک یێ ب ھێز بوو و ئەم ڤێرا نەدگەھشتین، لێ ئەڤە ژ رەمەزانا پار وەرە ھەر بازار نەمایە.
دلگەش سەعدولا ژ پێشانگەھا سەفین یا ترومبێلان گۆت: ل پێشانگەھا نوکە ب تنێ بایع شارینە دھێن و ئەو ژی ھەر رۆژ دەست ژ پێیان درێژتر دچنە مال و دیار کر کو د ھەیڤا رەمەزانێ دا خۆشیەک پەیدادبوو دەمێ بازار پشتی فتارێ ب شەڤ دھاتە کرن، لێ ئەڤ رەمەزانە ئەو ژی نەمایە رەوشا بازارێ ترۆمبێلان گەلەک لاواز بوویە.
محەمەد عەبدولا خودانێ پێشانگەھا وەلات یا کرین و فروتنا ترومبێلان دیار کر، ڤان شەڤێن رەمەزانێ ھەر چو بازارێ ترومبێلان ناھێتە کرن و ئەڤە پتر ژ سالەکێ یە بازار لاواز بووی و گەلەک کارتێکرن کرنە سەر رەوشا ترومبێلان و ب تنێ نوکە ھاتنا بایع شاریا بۆراندنا شەڤا یە ل پێشانگەھان و گۆت: نوکە گەلەک کەسان ژ بەر نەبوونا بازاری و ھاتنە خوارا بھایێ ترۆمبێلان کارێ خوە ب جە ھێلایە و ئێدی نەشێن خێزانا خوە د ڤی کەرتی دا ب خودان بکەن و گەلەک زەرەرمەند بووینە و کارێ خوە ب جە ھێلایە و کارەکێ دی بۆ خوە دکەن.
نيشاندان