ئەڤرۆ نیوز:
ھەردو یانێن جەویە و شورتە د یاریێن خوە یێن ئەڤرۆ ژ گەرا دوێ ژ قوناغا دوێ یا خۆلا عیراقێ شیان سەرکەفتنێ توماربکەن کو تیما جەویە ب سەرکەفت ل سەر یانا ئەمانە بەغداد ب سێ گولان بەرامبەر گولەکێ ب ڤی ئەنجامێ یانا جەویە خالێن خوە گەھاندنە ١٩ خالان ژ رێزا پێنجێ پێشڤە ھاتە رێزا دوێ ب ١٩ خالان و کێمتر یاریەکێ.
ژلایەکێ دووڤە تیما شورتە بەردەوامی دا ئەنجامێن خوە یێن باش ب سەرپەرشتیا راھێنەرێ خوە یێ نووی ئەڤ جارە ژی شیا سەرکەفتنێ ل سەر یانا سیناعە توماربکەت ب ب دو گولان بەرامبەر بێ بەرامبەر و یانا شورتە خالێن خوە گەھاندنە ١٤ خالان پێشڤە ھاتە رێزا شەشێ .
پشتی گەرا دوێ ب دووماھی ھاتین ھەلویستێ کوما دوێ ب ڤی رەنگی یە
مینا ٢٠ خال
جەویە ١٩ خال
نەجەف ١٩ خال
ھەولێر ١٧ خال
زاخۆ ١٧ خال
شورتە ١٤ خال
بەغداد ١٤ خال
کەربەلا ١١ خال
حدود ١٠ خال
سیناعە ٤ خال

ئەڤرۆ نیوز:

پشتی یانا چێلسی بریارا دورخستنا راھێنەرێ خوە مورینھوی دای، چەندین پوست ل سەر مالپەرێن کومەلایەتی ھاتنە بەلاڤەکرن کو چەندین راھێنەر و وەرزشڤان ل ئورۆپا کەیفخوش بوون ب دورخستنا مورینھوی و شکەستنا وی ل گەل یانا لەندەنی.
ئەو پوست رامانا وێ چەندێ د گەھینن کو راھێنەرێ پرتوگالی مورینھوی کەس بخوە نەکر بوو مال ھەردەم  ل یاریگەھێ و پشتی یاریان ب داخویانیێن دژوار بەرسڤا ھژمارەکا راھێنەر و یاریکەران دا.

ئەڤرۆ نیوز، ھەژار مەعروف:
یاریکەرێ کورد و ھەلبژارتیێ پێگەھشتین عیراقێ ئەحمەد سەرتیب یێ بەرنیاس ب لولو ئەوێ ل ماوێ بوری ژ تیما لاوێن ھەولێرێ ھاتیە سەرئێخستن بۆ تیما ئێکێ یا ھەولێرێ یا پشکدار دخۆلا عیراقێ نمرا ستێرا ھەلبژارتیێ عیراقێ یا بەرێ ئەحمەد رازی شکاند وەکو بچووکترین یاریکەر ل سەر ئاستێ خۆلا عیراقێ .
ئەحمەد سەرتیب یێ ١٥ سالی نوکە دھێتە ھژمارتن بچووکترین یاریکەر د مێژویا خولا عیراقێ دا یاریێ بکەت کو یاریکەرێ بەرێ ھەلبژارتیێ عیراقێ ئەحمەد رازی د ژیێ ١٦ سالی دا یاریێ کربوو.
یاریکەرێ کورد و کورێ باژێرێ ھەولێرێ لولو شیابوو ئاستەکێ بلند پێشکێش بکەت ل دووماھیی قارەمانیا ئاسیا ل سەر ئاستێ پێگەھشتیان و ببو جھێ گرنگیا گەلەک یانێن عیراقێ و دھێتە چاڤەرێکرن پاشەرۆژەکا گەش ھەیە ل سەر ئاستێ ھەلبژارتیێن عیراقێ .