ئەڤرۆ نيوز:
ئێک ژ ئەندامێ گرنگ یێ لەشێ مروڤی مەعیدەیە کو وەکی کیسەکێ یە و بۆ دەمێ سێ تا چار دەمژمێران خارن دمینیتە دناڤ دا ل ڤێرە مفایێ ژ ڤێ خارنێ دھێتە وەرگرتن ودھێتە رەوانەکرن بۆ پارچەیێن دی یێن لەشێ مروڤی و لوێرێ بۆ دوازدە گرێ و پاشان بۆ قولونێ ئەو پاشماوەیێن دی دچنە ریڤیکا دھێنە ھاڤێتن ب رێکا ریڤیکا ستور.ئەڤ کریارە بۆ کەسەکێ ئاسایی کو چ ئاریشەیێن گەدەی نەبن بۆ دەمێ ٢٤ دەمژمێرا ب دووماھی دھێت.
ل مەھا رەمەزانێ دا ئاریشا بەربەلاڤ ئەوە کو روژیگر بۆ دەمێ ١٥ھەتا١٦ دەمژمێران خارنا و ڤەخارنێ ناخوت و مەعیدەی ھندەک دەرھاڤێژ ھەنە ژ بەرکو خارن تێدا نینەو دەرھاڤێژ زێدە دبن ئەو کەسێن ئاریشەین مەعیدەی ھەبن ئەڤ دەرھاڤێژە گڤاشتنێ ل مەعیدەی دکەن ئەو خارن ناھێتە ھەرس کرن ژ بەر ھندێ ژی چ ئەڤی کەسی نەخوشیا قەرحێ بیت یان ھەودان (ئیلتیھابات)یان ھەر نەخوشیەکا دی ل مەعیدەی ھەبیت ئاریشە ژێ دروست دبن.
لەروا خارنا گەلەک ل دەمێ فتارێ گڤاشتنێن زێدە ل مەعیدەی دکەن ئەڤەژی کارتێکرنێن خراپ لسەر کریارا ھەرسکرنا خارنێ دکەن و ھندەک ئاریشە و نەخوشی ل گەدەی دەردکەڤن، لەورا یا پێدڤیە خارن کێم کێم بھێتە خارن ئانکو دناڤبەرا ھەر چەند دەمژمێرەکا کەمیەکا کێم یا خارنێ بخوت دا کو گڤاشتن ل گەدەی نەھێتە کرن و گەدە ب دروستی کارێ ھەرسکرنێ رادبیت .
ھەروەسا ل دەمێ پاشیڤێ ژی پێتڤیە روژیگر خارنێن گران ئانکو خارنێن ب دوھن و دژوار و گەلەک سویر خوە دوور بێخیت ژ بەرکو پشتی خارنا پاشیڤی دخوت ئیکسەر ئەڤ کەسە دنڤیت و کریارا ھاتن و چوونێ لەشی نینە ئەو خارن دمینیتە دناڤ گەدەی دا کریارا ھەرس کرنێ تێک دچیت و نەخوشیێن گەدەی دروست دبن . لەورا یا باش ئەوە ل دەمێ پاشیڤێ خارنێن سڤک بخوت داکو کریارا ھەرسێ ب دروستی بھێتە کرن .
ئهڤرۆ نيوز:
تایبەتمەندەکێ نەخۆشیێن گولچیسکا و میزەروی بۆ ئەڤرۆ دیارکر کو نەخۆشێن گولچیسکا درێژاھیا رۆژی پێدڤی ب ئاڤ ڤەخۆارنەکا زێدە ھەنە دگەل خوارنا فێقی وەکو شتی و گوندوری و تری و موز و خورمێ و گەلەک جۆرین دی، ل دەمێ پاشیڤێ زۆر یا ب مفایە بۆ نەساخی لێ ھەکە نەساخی ئێشانەکا مەزن یا گولچیسکا ھەبیت، رۆژانە ھەشت دەمژمیران جارەکێ پێدڤیە دەرمانان بخۆت و نەشێت رۆژیێ بگریت.
د. نەشوان محەمەد رەشید، تایبەتمەندێ نەخۆشیێن گولچیسکا ومیزەروێ بۆ ئەڤرۆ دیارکر کو رۆژ گەلەک درێژ وگەرمن و بۆ مروڤی ئاسایی یێ کو چو ئێشێن گولچیسکا نەبن رەنگە چو ئاریشە نەبیت، لێ بۆ وان نەخۆشان یێ ئێشێن گولچیسکا ھەین زۆر ئاریشە پەیدادبن و گۆت: یا باشتر ئەوە ل ھەیڤا رەمەزانێ نەخۆشێن گولچیسکا سەرا نوشدارێن خوە یێن تایبەتمەند بکەن ھەکە نوشداری دیت چ ئاریشە بۆ گولچیسکێن وی پەیدانابن دێ شێت رۆژیان گریت دروستە، لێ ھەکە نوشداری دیت نەساخ نەشێت ژبەر گولچیسکین خوە رۆژیان بگرت دێ نوشدار بێژیتێ نابیت تو رۆژیان بگری.
تایبەتمەندێ نەخۆشیێن گولچیسکا ومیزەروێ زێدەتر گۆت: ھەکە نەساخی پیچەکا ھەولدانێ ھەبیت یان بەرکێن بچووک ھەبن، ئەو دشێت رۆژیا خوە بگریت و چ کارتێکرن ل گولچیسکا وی ناھێتە کرن، تایبەتی ھەکە ئاڤێ و شەربەتێ و فێقی ب ئاڤ گەلەک بکاربینیت، لێ پێدڤیە ڤەخارنا چایێ و قەھوێ بھێتە کیمکرن، چونکو بۆ گولچیسکا نەیا باشە، بەلکو خوارنا فێقی وەکو شتی و گوندوری و تری و موز و خورمێ و گەلەک جۆرێن دی یێن فێقی زۆر دباشن بۆ پاقژکرنا گولچیسکا و مانا ئاڤێ دگەل نەساخی کو بۆ گولچیسکا یا باشە.
د. نەشوان محەمەد، دیارکر کو نەساخێن گولچیسکا پێدڤیە دھەیڤا رەمەزانێ د ا، خوە ژ خوارنا سیر دوور بکەن، ھەروەسا ژی خوە دوور بکەن ژ سەقایێ گەرم داکو ئەو ئاڤ ا د لەشێ نەساخی دا کێم نەبیت و زیان نەگەھنە گولچیسکێن نەساخی.
ناڤبری ئەوژی دیارکر کو ھندەک جۆرێن نەخۆشیێن گولچیسکێ دا ھەنە ئەم دبێژینە نەساخی نابیت ب چو شێوەیان رۆژیێ بگرن، چونکو رەنگە ئەو نەساخ ب رۆژی گرتنێ نەخۆشیا وی زێدەتر لێ بھێت، لێ پرانیا وان یێن ئاریشێن بچووک گولچیسکێ دا ھەین وەکو بەرەکێ بچووک یان ھەودانەکا گولچیسکێ دا ھەبیت ئەو دشێت رۆژیێ بگریت و د بیاڤێ ساخلەمیێ دا چو زیان ناگەھنێ، لێ دگەل خوارنا فێقیێ گەلەک ب ئاڤ دەمێ پاشیڤێ و ڤەخوارنا ئاڤ وشەربەتەکا زێدە ھەکە پێدڤێ خوارنا دەرمانان ھەبیت ئەم دێ بتنێ وی جۆرێ دەرمانی دەینە وی نەساخێ ئێشەکا بچووک گولچیسکێ داکو رۆژێ جارەکێ دەرمانێ بخۆت.
د. نشوان ئاشکرا کر کو ئەو نەساخێ رۆژانە پێدڤی دەرمان خۆارنی بیت کو ھەر ھەشت دەمژمێران جارەکێ دەرمانان بخوت ژبەر ئێشا گولچیسکا نەشێت رۆژیان بگریت، چونکو ھەکە رۆژیان بگریت نەشێت دەرمانێ خوە ب شیویەکێ دروست بخۆت و دێ زیان گەھیتە گولچیسکێن وی.
ئهڤرۆ نيوز:
فهرسهت سوفى ئهندامێ پهرلهمانێ كوردستانێ ل سهر فراكسيۆنا پارتى ديموكراتى كوردستان و ئهندامێ لژنا 21 كهسى يا نڤيسينا دستوورى د داخۆيانيهكێ دا بۆ راديۆيا دهۆك بهحس ل وێ چهندێ دكهت كو ئهوان بۆ نڤيسينا دستوورى پشت بهستن ل سهر گهلهك دستووران كريه و ددهته زانين كو ههرێما كوردستانێ گهلهك مفاى ژ دستوورێ تونس دبينيت.
ئەڤرۆ نیوز،زنار تۆڤی:
رۆژناما ئاس یا ئیسپانی د راپۆرتەکێدا شیکاریەک بۆ سزایێ راگرتنا نیمار داسیلڤای کریە و ب دوور نازانن کو ئەو یاریزانە بۆ ماوێ دوو سالان ژیاریێ بهێتە راگرتن.
ئەو رۆژنامە بەحسێ سزایێ نیماری بۆ چەند بەندێن یاسایی تایبەت ب فیدراسیونا تەپاپێ یا ئەمریکا باشوور ڤەگەراند،کو دشێن ب ساناهی ل دووڤ وان یاسایێن کو ژ فیدراسیونێ جێگیر کرین،کو نیماری بۆ 10 یاریان سزا بدەت و دوو سالان ژی فیدراسیۆنا تەپاپێ یا بەرازیل کو ئەندامە د فیدراسیۆنا ئەمریکا دا، لەورا ئەو یاریزانە دوو سالان ژ بەرکرنا درێسێ سامبایێ بێ بەش بیت>
روژا ئەینی 19ى خزيرانا 2015 فیدراسیۆنا تەپاپێ یا ئەمریکا باشوور بریار دا کو نیماری بۆ چار یاریان بهێتە سزادان.
ئەڤرۆ نيوز:
پشتی ئێکەتیا تەپا پێ یا عیراقێ ل سەر دەست ژ کارکێشانا ئەکرەم سەلمان راھێنەرێ ھەلبژارتیێ عیراقێ رازی بوی ئێکەتیا ناڤبری ناڤێ چەند راھێنەرەکێن بیانی ئاشکرا کرن بۆ وەرگرتنا ئەرکێ راھێنەراتیا عیراقێ یێ تەپا پێ د ڤاڤارتنێن کاسا ئاسیا و موندیالا جیھانێ یا سالا ٢٠١٨.
نوکە ئێکەتیا عیراقێ ب سەرپەرشتیا عەبدولخالق مەسعود لژنەیەک پێکئینایە بۆ دەستنیشانکرنا راھێنەرەکی و پێنج راھێنەرێن بیانی نوکە بەربژارن بۆ وەرگرتنا ڤی ئەرکی سێ ژ ڤان راھێنەران سربی نە ئەوژی فلادیمێر فیرمۆزوڤیتچ و گۆران ستیفانۆڤیتچ و ئیگۆر ستیمیچ، دیسان راھێنەرێ ھەلبژارتیێ کوستەریکا د موندیالا ٢٠١٤ دا گیماریش ل گەل یێ بەرازیلی مارکوس پاکیتا.
بریارا دەستنیشانکرنا ئێک ژ ڤان راھێنەران ل ڤان رۆژان بھێتەدان بۆ سەرپەرشتیا ھەلبژارتیێ عیراقێ ل شوونا ئەکرەم سەلمان.
ئەڤرۆ نيوز:
گولکەرێ خولا عیراقێ ل ڤی وەرزی و یانا شورتە مەروان حسێن ب فەرمی گەھشتە رێکەفتنێ ل گەل یانا خەلیج یا سعودی بۆ ماوێ سالەکێ داکو یاریێ بۆ یانا ناڤبری بکەت ل وەرزێ بھێت.
د ڤی چارچوڤەی دا فەوزی پاشا سەروکێ یانا خەلیج ئاشکرا کر ئەو شیان ھەڤبەستا ھێرشبەرێ ھەلبژارتیێ عیراقێ و یانا شورتە مەروان حسێن ئیمزا بکەن بۆ ماوێ سالەکێ داکو ھێلا ھێرشبەریا تیمێ ل وەرزێ بھێت بھێز بکەڤیت ژ بەرکو یاریکەر مەروان حسێن و ل گەل ھەردو پیشەکارێن دی یێن تیمێ یێ کامیرونی ئامینو بوبا و یێ ئوردونی ئیبراھیم زواھرە دێ شێن ئاستەکێ باش ل وەرزێ بھێت یێ خولا سعودیێ پێشکێش کەن.
دھێتە زانین مەروان حسێن یێ ٢٤ سالی ژ یانا زەورا بەر ب یانا شورتە چویە ھەتا نوکە شیایە ١٢ گۆلان تومار بکەت د ھەڤرکیێن خولا عیراقێ یا تەپا پێ دا ل ڤی وەرزی.
ئهڤرۆ نيوز:
محهمهد حاجى مهحمود، سکرتێرێ گشتی یێ پارتا سۆشیالستا کوردستانێ د ديدارهكێ دا بۆ خهندان ئاماژه ب وێ چهندێ كر كو هندهك ميديا و لايهنێن سياسى وهسان خهلك تێگههانديه كو ههكه سهرۆك ل پهرلهمانى بهێته ههلبژارتن دێ سيستهم بيته پهرلهمانى، بهلێ د راستى دا وهسا نينه، سهرۆكێ ههرێمێ ژ ناڤ خهلكى ژى بهێته ههلبژارتن سيستهم ههر پهرلهمانيه.
ئاماژه ب وێ چهندێ ژى كر كو ب وى باشه سهرۆكێ ههرێما كوردستانێ ژ بهر دو سێ ئهگهران ژ ناڤ خهلكى بهێته ههلبژارتن و گۆت: “مرۆڤ مافى ددهته خهلكێ كوردستانێ سهرۆكێ خوه ههلبژێرن، دهفهرتێ ژى ب كۆمهكا خهلكى ددهيى خوه ههلبژێرن، ژ سهدێ 60 بۆ 65 ژ خهلكى دهنگێ خوه دايه پهرلهمانێ كوردستانێ، ئانكو 40% ژ خهلكێ كوردستانێ دهنگێ خوه نهدايه”.
زێدهتر گۆت: “پهرلهمانێ كوردستانێ بۆ وێ چهندێ هاتيه دانان، قانوونان ب دانيت و چاڤدێريا حوكمهتێ بكهت، بۆ وێ چهندێ دروست نهكريه ل جهێ شهش مليۆن كهسان هزر بكهت و سهرۆكێ ههرێما كوردستانێ ديار بكهت”.
دا زانين ژى كو ههكه سهرۆكێ ههرێما كوردستانێ ل جهێ خهلكى ژى بهێته ههلبژارتن، دێ هێزهكا زێدهتر ههبيت، ههكه سهرۆكهك ب دهنگێ 111 پهرلهمانتاران بهێته ههلبژارتن، ئێدى دێ وهكو سهرۆك كۆمارێ عيراقێ بيت و چو دهستهلات نابيت.
محهمهد حاجى مهحمود راستيا ههبوونا سهرۆكهكێ ب هێز ناڤهشێريت و دبێژيت: “نوكه كوردان دهولهت ژى نينه، ژ بهر هندێ پێدڤى ب سهرۆكهكێ ب هێز ههيه و نابيت ماف ژ خهلكێ كوردستانێ وهربگريت دو حزب يان سێ حزب بچن ل ژوورهكا پهرلهمانى دا رێكهڤن و ههموو تشتان د ناڤبهرا خوه دا، دابهش بكهن و دێ حزبێن دى هندى ههنه ژ دهرڤه دێ تهماشهى وان كهن، ژ بهر هندێ ژى ل گهل هندێ مه سيستهم پهرلهمانى بيت و سهرۆكێ ههرێما كوردستانێ ژ لايێ خهلكى ڤه بهێته ههلبژارتن”.
ئهڤرۆ نيوز:
سهرۆكێ لژنا سامانێن سرۆشتى ل جڤاتا پارێزگهها دهۆكێ راگههاند كو بههرا پارێزگهها دهۆكێ ژ پانزينێ نێزيكى مليۆنهك و 700 هزار ليترانه بێى ئاواره، بهلێ د راستى دا نوكه ب تنێ نێزيكى 500 هزار ليتران دهێت. ددهته زانين ژى پانزينا ئيمارات ژى چو دووماهيا ڤێ ههيڤێ بگههيت، بهلێ ئهو ژى كێشێ چاره ناكهت.
عهبدولسهمهد تێلى، سهرۆكێ لژنا سامانێن سرۆشتى ل جڤاتا پارێزگهها دهۆكێ، بۆ ئهڤرۆ نيوز دياركر كو پشتى كێشا پانزينێ ل پارێزگهها دهۆكێ سهرهلدايى ژى، هێشتا گرێبهستێن پانزينێ نههاتبوونه ئيمزا كرن و ئهڤه بوو ئهگهر كو كێشه ل دهۆكێ گهلهك ب بهرچاڤى بهێته ديتن.
سهرۆكێ لژنا سامانێن سرۆشتى ل جڤاتا پارێزگهها دهۆكێ گۆت: “ل دهمێ گرێدانا ههر گرێبهستهكا ژ وى جۆرى و ههتا گههشتنێ ب كێمى 15 رۆژ بۆ گههشتنێ دڤێن ههكه چو كێشه دروست نهبن، گرێبهست ژى ل 6ى خزيرانا 2015ێ گرێبهست هاتينه ئيمزا كرن”.
زێدهتر گۆت: “مه وهكو لژنا سامانێن سرۆشتى ل جڤاتا پارێزگههێ گهلهك بزاڤ كرينه دا كو ئهڤ كێشه چاره ببيت و بۆ ڤێ مهرهمێ ژى دو جاران ل گهل پهرلهمان و وهزارهتا سامانێن سرۆشتى روونشتينه، بهلێ ههتا نوكه ژى نهگههشتينه چو ئهنجامان”.
دا زانين ژى كو ئهوان نهرازيبوونا خوه ل ههمبهر ڤێ كێشێ دايه دياركرن كا بۆچى ل دهۆكێ ب رهنگهكێ گهلهك زێده و ل سلێمانيێ ژى ههتا رادهكى ئهڤ كێشه ههيه و ل ههولێر نينه، ئهوان ژى ههبوونا ههولێرێ ب پايتهختێ ههرێما كوردستانێ كريه بههانه و ههبوونا پارزينگهههكا تايبهت ب پارێزگهها ههولێرێ ڤه كو بۆ وێ پانزينێ دابين دكهت و گۆت: “مه ژێ داخواز ژى كر كا بۆچى كارهبا پارێزگهها دهۆكێ بۆ ههولێر و ههموو پارێزگههێن دى يێن ههرێمێ بچيت، بهس پانزينا وان بۆ دهۆكێ نههێت و ئهڤه ژى نهدادى يه”.
سهرۆكێ لژنا سامانێن سرۆشتى ل جڤاتا پارێزگهها دهۆكێ دا زانين ژى كو ل سلێمانێ ژى ههتا رادهكى باشه ژ بهر كو وان ژى پارزينگهههكا ههيى و دشيان دايه هندهكێ ژ پێدڤيا وان دابين بكهت، بهلێ دهۆك ب هيڤيا يا ژ دهرڤه ڤهيه.
نهڤهشارت ژى كو نوكه ب تنێ 14 ههتا 15 تانكهران بۆ پارێزگهها دهۆكێ دهێن و ئهو ژى دبيته كێمتر ژ 500 هزار ليتران د دهمهكى دا كو بههرا پارێزگهها دهۆكێ بێى ئاواره مليۆنهك و 700 هزار ليترن و گۆت: “بهلێ ههكه مليۆنهك و 600 هزار ليتر ژى بهێن د شيان دايه خهلك يا ئههلى نهكريت”.
ل دۆر بزاڤێن پارێزگارێ دهۆكێ و رێڤهبهريا بهلاڤكرنا بهرههمێن سۆتهمهنيان ژى گۆت: “وهكو ئهم د ئاگههدارين پارێزگارێ دهۆكێ گهلهك بزاڤێن گڤاشتنێ ل سهر وهزارهتا سامانێن سرۆشتى كرينه، بهلێ ئهو ژى هێجهتا نهبوونا پانزين و پارهيى دگرن كو ئهو نهشێن دابين بكهن و رێڤهبهريا بهلاڤكرنا بهرههمێن سۆتهمهنيان ژى ژ ناڤێ وێ يا دياره ب تنێ كارێ وێ بهلاڤكرنه”.
عهبدولسهمهد تێلى راستيا وێ چهندێ ژى دا زانين كو ئهو ل گهل كۆمپانيا پاوهر ترانس ئاخفتيه ل دۆر هاتنا پانزينا دێ ژ ئيمارات هێت كو ئهو دێ پانزينێ ئينيت، بهلێ ئهوان دايه زانين كو ل ڤێ حهفتيێ ناگههيت و گۆت: “من چهندين جاران پهيوهندى ب بهرپرسێن كۆمپانيێ كريه، وان دايه زانين كو ههكه چو كێشهيێن گۆمركى دروست نهبن، دێ ل 26 ههتا 28ى ڤێ ههيڤێ گههيت”.
بێ ئومێديا خوه ژى دياركر كو ئهڤ پانزينه ژى ب تنێ 35 هزار تهنن و دبيته 45 مليۆن و 500 هزار ليتر و ئهڤه ژى ههكه ل سهر دهۆك و سلێمانيێ بهێنه بهلاڤكرن ب تنێ دبيت ههتا جهژنێ كێشا پانزينێ چاره ببيت و گۆت: “پێدڤيه بۆ ماوێن درێژ ئهڤ رهنگه گرێبهسته بهێنه ئميزا كرن دا كو ئهڤ كێشه نهمينيت”.
دهبارهيى گازندا وێ چهند ژى كو ئاواران ژى كارتێكرنهكا مهزن ل قهيرانێ كريه، گۆت: “چو پێ نهڤێت كارتێكرنا وان ژى يا ههيى، بهلێ ههكه ئهو ل دهۆك ژى نهبان دا ههر ئهڤ كێشه ههبيت، چونكو مه ڤهكۆلين كريه كو نێزيكى 50 هزار ترۆمبێلێن وان ل دهۆكێ نه و ههكه ئهڤه نهبان ژى، ههر كێشا دهۆكێ دێ وهكو خوه بيت، چونكو رێژهكا گهلهك كێم يا پانزينێ دگههيت”.
ئاماژه ب وێ چهندێ ژى كريه كو ژ بهر كارێن زێده يێن وهزارهتا سامانێن سرۆشتى، وهزارهتێ پلانهك بۆ وان بهرچاڤ كريه كو ههر پارێزگهههك بۆ خوه ب كارێ دابينكرن و كۆنترۆلكرنا پهترۆلێ رابيت و ئهڤه ژى دبيت باشتر بيت چونكو ههر پارێزگهههك دێ زانيت پێدڤيا وێ چهنده و گۆت: “بهلێ ئهڤه ژى ب تنێ پێشنيازه و ژ نوو ئهو دێ ل گهل جڤاتا بلندا نهفت و گازێ ل ههرێما كوردستانێ وێ پێشنياز كهن و ههكه بۆ بڕيار دێ كار پێ هێته كرن”.
ل دۆر وى بابهتێ دبێژيت كو ئێدى پانزينا حكۆمى نامينيت ژى، عهبدولسهمهد تێلى گۆت: “چو بابهتێن ژ ڤى رهنگى نهگههشتينه مه”.
نيشاندان