ئەڤرۆ نیوز:
راپورتا نوژداری ل یانا زاخۆ وەسا بۆ دەستەیا راھێنەریا تیما زاخۆ دیارکری یە کابتنێ تیمێ جاسم حاجی  نەشێت ل دو یاریێن بھێت ژ خولا پلا نایاب یا عیراقێ پشکداریێ ل گەل تیمێ بکەت ژبەر ئەو ھنگافتنا ل یاریا بوری گەھشتی یە .
ل دور ڤی بابەتی سەرپەرشتێ تیمێ تەھا عەبدولحەکیم د داخویانیەکێ دا بۆ ئەڤرۆ نیوز دیارکر یاریکەرێ ئەوان یێ ھێلا بەرەڤانیێ نەشێت ل ھەردو یاریێن بھێت بەرامبەر مینا و کەربەلا ژ یاریێن قوناغا دوێ ژ خۆلا عیراقێ پشکدار بیت ژبەرکو یاریکەر توشی ھنگافتنەکا گران بووی یە و نوژدارێ یانێ دیارکری یە ئەو پێدڤی دەمی یە دو ھەتا سێ حەفتیان ھەتا رەوشا وی باش بیت.
زێدەتر ناڤبری دیارکر نە پشکداریا یاریکەرەکێ وەکو جاسم محەمەد حاجی دێ کارتێکرنا خوە ل سەر تیمێ ھەبیت چونکو ئەو یاریکەرەکێ سەرکێشە ل گەل تیمێ و ھەبوونا وی دناڤا تیمێ دا وەکو سەرکێشەکێ یە د یاریێ دا .
ھەردیسان سەرپەرشتێ تیمێ گوت: مە پێگھورێ باش ژی ھەیە و ب ئومێدین دێ پێگھورێ وی شێت جھێ وی پرکەت.

ئەڤرۆ نیوز:
دوھی ل باژێرێ کولامبور یێ مالیزی پشکێشانا قارەمانیا کاسا ئێکەتیا ئاسیا یا تەپا پێ ھاتە کێشان کو دقارەمانیا ئەڤ سالە دا دو یانێن عیراقێ پشکدارن ئەوژی یانا نەفت وەست وەکو قارەمانا وەرزێ بوری و یانا جەویە خودانا رێزا دوێ کو ئەرکێ ھەلگرا ناسناڤێ وەرزێ بوری یێ خولا عیراقی َیێ ب سانەھی نابیت کو تیما نەفت وەست کەڤتیە د کوما دوێ دا ئەوژی پێکھاتیێ یە ژ یانێن فەیسەلی یا ئوردونی و یانا ئیستقلال یا تاچاگستانی خودانا رێزا دوێ د قارەمانیا وەرزێ بوری و سەرکەفتیێ یاریا ترابلوس یا لوبنانی و عەلاوی یا قیرخستانی .
نوونەرا دوێ یا عیراقێ تیما جەویە ئەرکێ وێ یێ ب زحمەت نابیت کەڤتیە د کوما سێ دا ئەوژی پێکھاتی یە ژ یانێن عروبە یا عومانی و شەباب زەھر یا فەلەستینی و سەرکەفتی یێ یاریا وەحدە یا سوری و نوونەرا تورکمانستان.
ھەژی گوتنێ یە یانێن عیراقێ ل ١٢ قارەمانیێن  بوری كو ھەر ژ سالا ٢٠٠٤ وەرە نەشیای نە چو دەستکەفتیا ب دەستخوڤە بینن بتنێ یانا ھەولێرێ دو جاران گەھشتی یە یاریا دووماھیا قارەمانیێ ئەوژی خوسارەت بووی یە.

ئەڤرۆ نیوز:
دادگەھا نیڤدەلوتی یا وەرزشی بڕیارا ئێکەتیا تەپا پێ یا فیفایێ پەسەند کر ل دۆر راگرتنا سەروکێ ئێکەتیا تەپا پێ یا ئوروپا یێ فرەنسی میشێل پلاتینی بۆ ماوێ ٩٠ رۆژان.
نوکە پلاتینی ب شێوەکێ بەروەخت ژ ھەمی کارێن وەرزشی ھاتیە راوەستاندن بۆ ماوێ ٩٠ رۆژان ل دووڤ بریارا لژنا رەوشتیێ یا سەر ب ئێکەتیا فیفایێ ڤە ژ ئەگەرێ ئەوان ھەتکبەری و گەندەلیێن ل فیفایێ پەیدابوین.
بریارا دادگەھا وەرزشی ئەو چەندە ژی دیارکریە کو نابیت ماوێ راگرتنا ڤان ھەردو سەروکێن ئێکەتیا فیفایێ و یێ ئێکەتیا ئوروپی زێدەتر بیت ژ ٩٠ رۆژان.
ئەڤ بریارا دادگەھێ ھاتە پێش پشتی یێ فرەنسی میشێل پلاتینی بەر ب ڤێ دادگەھێ چوی بۆ ھەلوەشاندنا بریارا راگرتنا وی پشتی لژنا رەوشتیێ ل ئێکەتیا فیفایێ ڤەکولین ل دۆر گەندەلیا فیفایێ کرین دیسان داواکارێ گشتی یێ سویسرا ژی تاوانا خیانەتێ و خەمسەر د کارێ خوە یێ کارگێری دا کری.

ئەڤرۆ نیوز، زنار:
یانا ریال مەدرید یا ئسپانی د بەیاننامەکێ دا راگەھاند ئەو دێ تانێ ل بریارا لژنا تێھەلچوونا ل ئێکەتیا ئسپانیا یا تەپا پێ دەن ل دادگەھا کاس پشتی ڤێ لژنێ دوپاتکری یانا مەلەکی بھێتە دوورخستن ژ کاسا شاھێ ئسپانیا پشتی یاریکەرێ سزدای یێ رووسی دینیس چێرچیڤ پشکداری یاریا خوە ھەمبەر یانا قادش کری.
یانا ریال مەدرید راگەھاند ئەو ھاتنە ئاگەھدارکرن ل دۆر بریارا لژنا تێھەلچوونێ و پشتی ئەوان ڤەکولین کری دیاربوو کو یاریکەرێ یانا وان یێ رووسی دینس چێرشێڤ نەھاتیە ئاگەھدارکرن ل دۆر سزادانا وی کو رێکا ئێکانەیە داکو ئەڤ بریارە بھێتە جێبەجێکرن لەورا ئەو دێ بەر ب دادگەھا کاس یا وەرزشی چیت پێخەمەت تانێ ل بریارا لژنا تێھەلچونێ.
ژلایێ خوە ڤە لژنا تێھەلچوونێ د بەیاننامەکا ١١ لاپەری دا بۆ یانا ریال مەدرید دیارکریە ل دووڤ مادێ ٤١ ئاگەھدارکرنا یاریکەری ل سەر سزایێ وی دێ رێکا یانا وی بیت ئەوا یاریێ بۆ دکەت ل دەمێ بریارا سزای دەردکەڤیت، و ئەڤ چەندە ژی ئێکەتیا ئسپانی ب رێکا فاکسەکێ بۆ یانا ڤیاریال ھنارتیە ل دەمێ دینس چێرشێڤ یاریکەرێ وێ و مەرج نینە یاریکەر ب خوە بھێتە ئاگەھدارکرن ل دۆر سزادانا وی بەلکو دێ ئەو جھێ ل کاردکەت دێ ھێتە ئاگەھدارکرن.

ئەڤرۆ نیوز:
بەری دەسپێکرنا ھەڤرکیێن خولێن ئوروپی ل ڤێ ھاڤینێ بازارێ ڤەگوھاستنا یاریکەرێ یانا بروسیا دورتموند مارکو ریوس یێ گەرم بوو کو دێ چیتە ناف رێزێن یانا بەرشەلونە لێ ل دووماھیێ ئەڤ چەندە بجە نەھات.
رۆژناما سپورت ریکۆ یا ئەلمانی ئاشکرا کر کو سەروکێ یانا بەرشەلونە خوسێ ماریا بارتومیۆ ل ھاڤینا بوری ھەمی بزاڤێن خوە کرن پێخەمەت رازیکرنا یاریکەرێ ئەلمانی مارکو ریوس بۆ کرنا یاریێ ل یانا بەرشەلونە لێ یاریکەرێ ناڤبری رازی نەبوو ژ بەرکو ریوس ترسا وێ چەندێ ھەبوو بیتە یاریکەرێ یەدەگ ل یانا کەتەلونی دیسان پرسیارا وێ چەندێ ژی کریە کو ئەو دێ ل کیش جھی یاریێ کەت دیسان پرسا وێ چەندێ کریە جھێ وی ل یانا بەرشەلونە ھەیە ھەتا بریارا چونا خوە ب راگەھینت، ئەڤان ھەردو پرسیارا ریوس پەشیمان کر بریارێ بدەت بەر ب خولا ئسپانیا نەچیت بۆ کرنا یاریێ ل یانا بەرشەلونە ژبەرکو ئەو د زانیت ھەر دەمێ ستێرێن یانا بەرشەلونە لویس سواریز و مێسی و نێیمار تووشی ھنگافتنێ بون ل وی دەمی دێ یاریێ کەت.

ئه‌ڤرۆ نیوز:

1- كریستیانۆ رۆنالدۆ- 11 گۆڵ

2- روبیرت لیڤاندؤظیسكی -7 گۆڵ

3- ئارتیم دزیوبا -6 گۆڵ

4- ئۆلیظیه جیرؤ-5گۆڵ

5- توماس موله‌ر -5گۆڵ

6- ویلیان -5گۆڵ

7- چیچاریتو -5گۆڵ

8- لویس سوارێز -5گۆڵ

9- كه‌ریم بنزیما -4گۆڵ