ئه‌ڤرۆ نیوز:
ئه‌حمه‌د داودئوغلو سه‌رۆك وه‌زیرێن توركیا ره‌خنه ل وان كه‌سان گرتن یێن كو شرۆڤه‌كا خراب دده‌نه چوونا سه‌ربازێن تورك بۆ ناڤ ئاخا ئیراقێ ، و ئاشكرا كر ئه‌و هێز بۆ مه‌شقدانا پێشمه‌رگه و هێزێ سۆپایێ ئیراقێ چووینه وێرێ و چ مه‌ره‌مێن خراب پێ نینه.
ناڤهاتی خاست وه‌زیرێ به‌رگرییا ئیراقێ سه‌را توركیا بده‌ت، و هه‌روه‌سا گۆت كو د نامه‌كێ دا توركیا بۆ سه‌رۆك وه‌زیرێن ئیراقێ مژار روون كرییه.
ئەڤرۆ نیوز، قائید میرۆ:
ئەڤرۆ ئێکەتی و نوونەرێن توركمانێن کوردستانێ کۆمبوون و نوونەرەکێ توركمان ژی دبێژیت، مە داخواز کریە پشکداری بڕیارا سیاسی بین ل ھەرێما کوردستانێ.
عیماد رفعەت، سەرۆکێ فڕاکسیۆنا ھەولێر یا توركمانی ل جڤاتا پارێزگەھا ھەولێرێ بۆ ئەڤرۆ نیۆز راگەھاند” ئەڤرۆ یازدە لایەنێن توركمانی د گەل مەکتەبا سیاسیا ئێکەتیێ کۆمبووین و مەکتەبا سیاسیا ئێکەتیێ ئەف چەند رەتکرن بۆچوونا ھژمارەک پەرلەمانتارێن ئێکەتیێ بۆچوونا مەکتەبا سیاسی بیت، چونکو بەری نوکە ھێرشی سەر پێکھاتێن توركمان کربوو.
عیماد گۆتژی” توركمان د گەل تەناکرنا رەوشا ھەرێما کوردستانێ دانە و پشکداری ب توركمانا بھێتەکرن د بڕیارێن سیاسی دا نەک تنێ بۆ ھندەکا پرسا گرنگی ب توركمانا بھێتەکرن، مەکتەبا سیاسیا ئێکەتیێ تەکەزکر دێ کۆمبوونێن وان د گەل لایەنێن سیاسی بەردەوام بن بۆ گەھشتن ب چارەسەریێ.
ئه‌ڤرۆ نیوز:
ل گونده‌كێ میحوه‌رێ خازر كاروانه‌كێ ترۆمبێلێن داعش كه‌ڤته به‌ر بۆمبه‌بارانكرنا فرۆكه‌یێن هه‌ڤپه‌یمانان و هاته ژناڤبرن.
لدووڤ زانیاریێن فه‌رمانده‌ییا پێشمه‌رگه‌یێن زێره‌ڤانی ل میحوه‌رێ خازر ل گوندێ به‌ده‌نه‌یا گه‌وره كاروانێ رۆمبێلێن داعش ژ سێ ترۆمبێلان پێكدهات و چه‌ند تیرۆرست تێدا بوون كه‌فتنه به‌ر هێرشا فرۆكێن هه‌ڤپه‌یمانیێ و هه‌می هاتینه ژناڤبرن.
ئه‌ڤرۆ نيوز:
ژڤانێ مووچێ هه‌يڤا ئيلۆنێ هاته دياركرن و په‌رله‌مانتاره‌ك ژى ئاشكه‌را دكه‌ت كو پارێ پێدڤى ژ به‌هرا په‌ترۆلا فرۆتى يا كوردستانێ گه‌هشتيه سه‌ر ژمارا به‌نكى يا وه‌زاره‌تا دارايى.
مه‌دينا شه‌رنه‌خى، ئه‌نداما لژنا دارايى ل په‌رله‌مانێ كوردستانێ د داخۆيانيه‌كێ دا راگه‌هاند كو بڕياره ل ده‌سپێكا حه‌فتيا بهێت ب دانا مووچێ وه‌زاره‌تا پێشمه‌رگه‌ى و هێزێن ئاسايشێ ده‌ست پێ بكه‌ت.
ئاماژه ب وێ چه‌ندێ ژى كر كو ب گۆره‌ى ئه‌و داهاتێ ل به‌ر ده‌ستێ وه‌زاره‌تا دارايى ژ داهاتێ ناڤخۆ و داهاتێ په‌ترۆلێ مووچێ هه‌يڤا ئيلۆنێ يێ وه‌زاره‌ت و فه‌رمانگه‌هان به‌لاڤ بكه‌ت.
ئه‌وێ په‌رله‌مانتارێ ته‌كست ژى ل سه‌ر وێ چه‌ندێ كر كو د چه‌ند رۆژێن بۆرى دا ژ داهاتێ په‌ترۆلا فرۆتى يا كوردستانێ ب ره‌نگه‌كێ قست پاره گه‌هشتيه سه‌ر ژمارا به‌نكى يا وه‌زاره‌تا دارايى.
نه‌ڤه‌شارت ژى كو پێدڤيه د 20 رۆژێن د مينن يێن هه‌يڤا 12 دا، مووچێ هه‌موو وه‌زاره‌ت و ده‌سته‌يێن هه‌رێما كوردستانێ بهێنه دان دا كو كێشا دارايى يا حوكمه‌تا هه‌رێمێ مه‌زنتر لێ نه‌هێت.
ئەڤرۆ نیوز:
راپورتێن رۆژنامەڤانی ل ئیسپانیا و ئیتالیا وەسا دیاردکەن یانا ریال مەدرید گرنگیەکا مەزن دایە یاریکەرێ ھێلا بەرەڤانیا ھەلبژارتیێ کولومپیا و یانا ئەنتر میلان جیسون مورێلۆ .
مالپەرێ بالون یێ ئیسپانی دیارکری یە یانا مەلەکی ئەڤە ماوەکە چاڤدێریا یاریکەرێ یانا ئەنتر میلان مورێلوی کەت و ھزر ل ئینانا ئەوی کری یە تایبەت پشتی وی ئاستێ بلند یێ ئەڤ سالە لگەل یانا خوە دخۆلا ئیتالیا دا پێشکێشکری .
ئەوێ رۆژنامێ ئاماژە ب وێ چەندێ ژی کری یە یانا مێرینگی یا بەرھەڤە کوژمێ ٣٥ ملیون یورۆیا پێشکێشی یانا ئیتالی بکەت بۆ ب دەستڤە ئینانا یاریکەرێ کولومپی ل ڤەگوھاستنێن زفستانی یێن بھێت دا.
ئەڤرۆ نیوز، قائید میرۆ:
ئیڤاریا ئەڤرۆ ژ ئەگەرێ کەفتنا ئامیرەکێ بلندکرنێ ل باژێڕێ ھەولێرێ دو کرێکاران گیانێ خوە ژ دەست دا.
ژێدەرەکێ ئاگەھدار بۆ ئەڤرۆ نیۆز راگەھاند” ئێڤاریا ئەڤرۆ رۆژا سێشه‌مبى رێكه‌فتى 8ى كانوونا ئێكێ ل سەر جادا کەرکووکێ یا سەنتەرێ باژێڕێ ھەولێرێ د دەمێ کارکرنێ ل ئاڤاھیەکێ بلند ئامیرەکێ بلندکرنێ کەفتە خوار و د ئەنجام دا زیانێن زۆر یێن ماددی و گیانی ژێ پەیدابوون.
ژێدەری گۆتژی” ئەف ئامیرێ بلندکرنێ درێژاھیا وی زۆرە و دەمێ کەفتیە خوار، زیان ب دەوروبەرێن خوە گەھاندینە و گورەی زانیاریێن دەستپێکی دو کرێکارا گیانێ خوە ژ دەست دایە و زیانێن ماددی ژی د زۆرن.
ئه‌ڤرۆ نيوز:
ئۆگنى بۆشار كچا ياريكه‌را كه‌نه‌دى بۆ ياريا ته‌نسا سه‌ر ئه‌ردى وه‌كو جوانترين ژنا ته‌نسزان ل سالا 2015ێ هاته ده‌ستنيشانكرن
رۆژناما سپۆرت مۆنترا د راپۆرته‌كێ دا كو پێگێ فه‌رميێ خوه به‌لاڤكريه، ئاماژه ب وێ چه‌ندێ كريه كو ياريكه‌را كه‌نه‌دى ب جوانترين ياريكه‌را ته‌نسا سه‌ر ئه‌ردى ده‌ستنيشانكريه و ماريا شاراپۆڤا يا رۆسى ژى چو پلا سيێ و ئانا ئيڤانۆڤێج ژى ل رێزا دويێ هات.
پێشتر كۆڤارا سپۆرت مونترا شوخا كه‌نه‌دى ئوگينى بوشار يا 21 سالى ب ناسناڤێ شاهجوانا ياريكه‌رێن ته‌نسێ يێن پله‌دار بۆ سالا 2015ێ ده‌ستينشانكربوو پشتى د به‌را هه‌ر ئێك ژ ئانا ئيڤانوڤێج و ماريا شاراپۆڤا كه‌فتى.
رێزبه‌نديا جوانێن ته‌نسا ئه‌ردى ب گۆره‌ى رۆژناما سپۆرت مۆنترا بۆ سالا 2015ێ:
1- ئۆگنی بوشار يا كه‌نه‌دی – 21 سال – درێژيا به‌ژنێ 178سم
2- ئانا ئیڤانۆڤیچ يا سربی – 27 سال – درێژيا به‌ژنێ 184 سم
3- ماریا شاراپۆڤا يا رووسی – 27 سال – درێژيا به‌ژنێ 188 سم
4- ماندی مینیلا يا لۆكسمبۆرگی – 30 سال – درێژیا به‌ژنێ 180 سم
5- كارۆلین ڤۆزنیاكی دانیماركی – 25 سال – درێژیا به‌ژنێ 177 سم
6- سانیا میرزا یا هیندستانی – 28 سال – درێژیا به‌ژنێ 177 سم
7- میشێل كریستیا یا رۆمانی – 25 سال – درێژیا به‌ژنێ 176 سم
8- ئاماندێن هیسی يا فره‌نسی – 25 سال – درێژیا به‌ژنێ 164 سم
9- ماریا یۆریفا یا رووسی – 27 سال – درێژیا به‌ژنێ 174 سم
10- كلارا كۆكالۆڤا یا چیكی – 32 سال – درێژیا به‌ژنێ 166 سم
ئەڤرۆ نیوز، قائید میرۆ
ب ئەگەرێ بوردۆمانا ھەڤپەیمانان ل میحوەرێ خازر سێ ترۆمبێلێن داعش ب چەکدارڤە ھاتنە ژناڤبرن.
موقەدەم دلشاد مەولوود، بەرپرسێ ھۆبا راگەھاندنا فەرماندێ زێرەڤانی ب ئەڤرۆ نیۆز راگەھاند” نیڤرۆیا ئەڤرۆ فڕۆکەیێن ھەڤپەیمانان ل گوندێ بەدەنە یێ میحوەرێ خازر کاروانەکێ ترۆمبێلین چەکدارێن داعش کرنە ئارمانج و د ئەنجامدا ھژمارەک تیرۆرست ھاتنە کوشتن.
دلشادی گۆتژی” د ئەنجامێ ئەڤێ بوردۆمانێ سێ ترۆمبێلێن داعش یێن تژی چەکدار ب ئێکجاری ھاتینە ژناڤبرن، بەلێ ھژمارا چەکدارێن ناڤا ئەڤان سێ ترۆمبێلان ناھێتە زانین.
ئەڤرۆ نیوز، قائید میرۆ:
بڕیارە سوبە رۆژا چوارشەمبی دەستەیا نەزاھێ ھویردەکاریێن ھژمارەک بادەکێن گەندەلیێ ئاشکرابکەت.
سەرخێل ھاشم، بەرپرسێ راگەھاندنا دەستەیا نەزاھێ ل ھەرێما کوردستانێ ب ئەڤرۆ نیۆز راگەھاند” سوبە رۆژا چوارشەمبی دێ کۆنگرەیەکێ رۆژنامەڤانی بۆ سەرۆکێ دەستەیا نەزاھێ ھێتەگرێدان و تێدا چەند مەلەفەکێن گەندەلیێ دێ ھێنە ئاشکراکرن.
سەرخێلی دیارکر، سەرۆکێ دەستا نەزاهێ دێ ھوورکاریێن چەندین بادەکێن گرنگ و پەیوەندی ب گەندەلیێ ڤە ھەی ئاشکراکەت، ھەر وەکی بەری نوکە مە ئەو چەند بۆخەلکێ کوردستانێ خویاکری.
نيشاندان