ئەڤرۆ نیوز:
ژ سەرجەمێ ئەو کەسێن ڤەکولینێ ب خوەڤە گرتین 64% نەخوشیا خۆ دبینن دەمێ چاڤەرێی موبایلێ دکەن و ئەڤ رێژەیە د زێدەبوونێدایە.
ڤەکولینەکا نوو یا پزیشکی ھوشداریێ ددەت کو پتری شەش خولەکان چاڤەرێی پەیوەندیێن موبایلێ نەبن، سالوخەتا چاڤەرێبوونا مرۆڤی ل سەنتەرێ، پەیوەندیکرنێ مرۆڤی تووشی گەلەک نەخوشیان دکەن، ژوانژی، فشارا خوینێ و بێ ئارامی و ئالوزی، ڤەکولەران دیارکر کو چاڤەرێبوون بۆ دەمێ پتر پێنج خولەکان و 58 چرکەیان مەترسیە ل سەر ساخلەمیا مرۆڤی و مرۆڤی تووشی کۆمەکا نەخوشیێن دومدرێژ دکەت.
ئەڤ چەندە ھێڤێنێ ڤەکولینەکا بریتانی بوویە کو زانایێن وان گەھشتنە وێ چەندێ کو چاڤەرێبوون فشارا خوینێ بلند دکەت و ئالوزیەکا دژوار پیەدادکەت ژ ئەگەرێ وێ چەندێ کو ھەستێن مرۆڤی تێکدچن ژ ئەگەرێ چاڤەرێبوونێ. ھەروەسان مرۆڤ تووشی داکەتنێ دبیت کو نەشیای زوو پەیوەندیێ ب دەستخوڤەبینیت و ڤەکولەران ئاماژە دا کو 64% ژ خەلکی تووشی ئاریشەیان دبن و چ خوشیا خۆ ژ دەنگێ وێ موزیکێ ژی نابینن ئەوا ل دەمێ چاڤەرێبوونێ دھێتە دانان.

ئەڤرۆ نیوز:
ئەندامێن لەشێ مروڤی ب گشتی و دەست ب تایبەتی ئەگەرێن سەرەکی نە کو نەساخیان ژ ژینگەھا دەرڤە بوو ناڤ لەشێ مروڤی ڤە ب گوھێزن ، و دکتورەک دیاردکەت کو 80% ژ نەساخیێن دەرڤە ب رێیا دەستان بوو ناڤ لەشێ مروڤی دھێنە ڤەگوھاستن.
دکتور ئەیوب عەبدوللا مێرگەسووری تایبەتمەندێ نەشتەرگەریا گشتی دیارکر کو چەند پاراستن ھەبیت چارەسەری دێ کێمتربیت و گۆت : ( ب شێوەیەکێ گشتی ھەموو ئەندامێن لەشێ مروڤی ھەر ئێک ژ وان بەھرا خوە د ڤەگوھاستنا نەساخیان ژ ژینگەھا دەرڤە ئەڤجا چوو ژ کەسەکێ دن بیت یان تشتەکێ نوو بیت بوو ناڤ لەشێ مروڤی ڤەدگوھێزن بەلێ بەھرا پتریا وان کو مروڤ دکاریت بێژیت ھەتا 80% ژ وان نەساخیێن کو دڤەگوھێزن ب رێیا دەستان بوو ناڤ لەشێ مروڤی دھێنە ڤەگوھاستن).
زێدەتر گۆت : ( بەھرا پتریا وان نەساخیێن کو ب ئەگەرا دەستان بوو ناڤ لەشێ مروڤی دھێنە ڤەگوھاستن نەساخیێن ڤایروسی نە وەکو ھەموو جورێن ئەنفلونزا و پەرسیف و میکروب و گەلەک نەساخیێن دن).
مێرگەسوری دیارکر ژی کو پێدڤی یە ب کێمی روژانە سێ جاران مروڤ دەستێن خوە ب ئاڤ و سابوونێ ب شووت و گۆت : ( شوشتنا دەستان ب ئاڤ و سابوونێ گرنگترین ئەگەرە کو دبیتە رێگر نەساخی بوو ناڤ لەشیێ مروڤی نەھێنە ڤەگوھاستن ب تایبەتی ئەگەر مروڤ ژ کارەکێ مینا چوونا دەستئاڤێ یان کرنا کارەکێ یان تووزاوی یان دەستکاریکرنا ھندک جورێن دەرمان و مادێن کیمایی یان بێژین ب شێوەیەکێ گشتی دەما مروڤ ژ ھەر کارەکێ دن ب دوماھی دھێت پێدڤی یە دەستێن خوە ب شووت ب تایبەتی د نھادا کو نەساخیا کولێرایێ بەر ب زێدەبوونێ ڤە دچیت).