ئه‌ڤرۆ نیوز:
نووترين نووچه
- شانـدێن دانـوسـتاندكـار یـێن پـارتی و ئێـكـەتی كـۆمـبوون
- سەرۆك بارزانی ب رێكا ئێكڕێزییا كوردان بزاڤا خوە بەرهەڤكرنێ بۆ گوهۆڕینێن دەڤەرێ دكەت
- لویس ساكۆی دەلیڤەیا هەی ببیتە پاپایێ ڤاتیكانێ
- كەرتێ وزەیێ ل هەرێما كوردستانێ دێ زێدەتر بەرفرەهـ بیت
- هەكە پەكەكە چەكێ خوە ل شنگالێ ڕادەست بكەت دێ ئەو دەڤەر ئارام بیت
- شاندەکێ هەڤپشک یێ کوردان دێ ل گەل شامێ دانوستاندنان کەت
- سەرۆك بارزانی بۆ كۆنفرانسێ ئێكڕێزییا كوردان ل رۆژئاڤایێ كوردستانێ: ئێكگرتنا كوردان كلیلا چارەسەرییا ئێكجارییا پرسا كوردی یە ل سووریێ
- سەرۆكێ هەرێما كوردستانێ بەرهەڤی رێوڕەسمێ خاترخواستنا پاپا فرەنسیس ل ڤاتیكانێ بوو
- پشكا رەوشەنبیری و راگەهاندنا پارتی و دەزگەهێن گرێدای وێ وەفادارییا خوە بۆ رێبازا بارزانی دوپاتكر
- کۆنفرانسێ نەتەوەیی ل رۆژئاڤایێ کوردستانێ هاتە ساز کرن
سه‌ره‌كى Facebook
ب ئاڤا گه‌رم موبایلا خوه شه‌حن بكه
ب وێنه: ئه‌زموونێن گشتى و نشتيمانى يێن ئاواران ل دهۆكێ ده‌سپێكرن
ئه‌ڤرۆ نيوز:
ئه‌ڤرۆ، 13 هزار قوتابیێن ئاواره یێن پارێزگه‌ها مووسل ل 100 بنگه‌هێن ئه‌زموونان ل باژێرێ دهۆكێ و ده‌ڤه‌رێن رزگاركری ده‌ست پێكرن.
ئه‌حمه‌د عه‌بدولا زۆبێر به‌رپرسێ راگه‌هاندنێ ل رێڤه‌به‌ريا گشتيا په‌روه‌ردا پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز گۆت: “ئه‌ڤرۆ رۆژا ئێكشه‌مبى رێكه‌فتى 26ى تيرمه‌ها 2015ێ، 13 هزار قوتابیێن ئاواره یێن پارێزگه‌ها مووسل پ نیشتیمانی یێن قووناغا سيێ ناڤنجی و ئه‌زموونێن گشتی یێن قووناغا شه‌شێ ئاماده‌یی ل 100 بنگه‌هێن ئه‌زموونان ل باژێرێ دهۆكێ و ده‌ڤه‌رێن ده‌ڤه‌رێن كوردستانى يێن ده‌رڤه‌يى ئيدارا هه‌رێما كوردستانێ ده‌ست پێكرن”.
زێده‌تر گۆت: “ب ڤێ مه‌ره‌مێ ژى ئه‌ڤرۆ سپێدێ عه‌بد یوسف ئه‌حمه‌د، رێڤه‌به‌رێ گشتی یێ په‌روه‌ردا پارێزگه‌ها دهۆكێ ب هه‌ڤالینا شانده‌كێ وه‌زاره‌تا په‌روه‌ردا حوكمه‌تا عیراقا فیدرال و نوونه‌رێ پارێزگه‌رێ دهۆكێ و رێڤه‌به‌رێ گشتی یێ په‌روه‌ردا پارێزگه‌ها مووسل سه‌را چه‌ندین بنگه‌هێن ئه‌زموونان ل ناڤه‌ندا باژێرێ دهۆكێ دان و ژنێزیك ئاگه‌هداری ره‌وشا برێڤه‌چوونا ئه‌زموونان بوون”.
دا زانين ژى كو ژ ڤێ رێژا قوتابيان هه‌شت هزار قوتابیێن قووناغا سيێ ناڤنجی پشكداری د ئه‌زموونێن نیشتمانی دا كر كو ل سه‌ر 50 بنگه‌هان هاتبونه به‌لاڤكرن و پێنج هزار قوتابیێن قووناغا شه‌شێ ئاماده‌یی ب پشكێن زانستی و وێژه‌یی كو ل سه‌ر 50 بنگه‌هان هاتبوونه به‌لاڤكرن ل باژێرێ دهۆكێ و ده‌ڤه‌رێن كوردستانى يێن ده‌رڤه‌يى ئيدارا هه‌رێما كوردستانێ پشكداری د ئه‌زموونان دا كر.
هه‌لویستێ ئه‌لمانیا ل دۆر توپبارانكرنا توركیا
ئه‌ڤرۆ نیوز:
وه‌زیرا به‌ره‌ڤانیا ئه‌لمانیا سه‌باره‌ت بوردومانكرنا فرۆكێن توركیا بۆ سه‌ر باره‌گایێن په‌كه‌كێ راگه‌هاند: نابیت توركیا ئاشتبوونا خوه ل گه‌ل په‌كه‌كێ تێكبده‌ت.
ئورزولا فوندێرلارین وه‌زیرا به‌ره‌ڤانیا ئه‌لمانیا دیاركر : چاوان توركیا مافێ وێ یه به‌رامبه‌ر داعش به‌ره‌ڤانیێ ژ خوه بكه‌ت، ب هه‌مان شێوه‌ژى گرنگه توركیا ده‌ستبه‌ردارى ئاشتیێ نه‌بیت ل گه‌ل په‌كه‌كێ.
بوردومانكرنا توركیا به‌زاندنا سنورێن كوردستانێ یه
ئه‌ڤرۆ نیوز:
سه‌رۆكێ په‌رله‌مانێ كوردستانێ د كومبوونه‌كێ ل گه‌ل قونسولێ ئه‌مریكا راگه‌هاند بوردومانكرنا توركیبا بۆ سه‌ر په‌كه‌كێ به‌زاندنا سنورێن كوردستانێ
ئه‌ڤرۆ ئێكشه‌مبى جۆزیف پێنینگتۆن قونسولێ گشتى یێ ئه‌مریكا ل هه‌رێما كوردستانێ و ماتیاس میتمان كونسولێ نوو یێ ئه‌مریكا ل هه‌رێمێ و شانده‌كێ دبلوماسى سه‌را په‌رله‌مانێ كوردستانێ دا و ل گه‌ل د.یوسف سه‌رۆكێ په‌رله‌مانى كومبوو.
سه‌رۆكێ په‌رله‌مانێ كوردستانێ د.یوسف محه‌مه‌د راگه‌هاند بوردومانكرنا توركیبا بۆ سه‌ر په‌كه‌كێ به‌زاندنا سنورێن كوردستانێ
توركيا ده‌ست ب گرتنا لايه‌نگرێن “په‌كه‌كێ” و “هه‌ده‌پێ” كر
ئه‌ڤرۆ نيوز:
هێزێن ئه‌منى يێن توركيا نێزيكى 600 كه‌س ب تۆمه‌تا تيرۆرێ ده‌سته‌سه‌ركرن كو پتريا وان پشته‌ڤانێن په‌كه‌كێ و هه‌ده‌پێ نه و په‌رله‌مانێ وى وه‌لاتى ژى رۆژا چارشه‌مبى دێ روونشتنه‌كا نه‌ئاسايى ئه‌نجام ده‌ت.
ئۆپه‌راسيۆنێن هێزێن ئه‌منى يێن توركيا بۆ ده‌سته‌سه‌ركرنا رێكخستيێن پارتيا كرێكارێن كوردستانێ “په‌كه‌كه” و پارتيا ديموكراتا گه‌لان “هه‌ده‌په” ل 22 پارێزگه‌هێن وى وه‌لاتى يا به‌رده‌وامه و هه‌تا نوكه 590 كه‌س ده‌سته‌سه‌ركرينه.
رۆژا 24ى تيرمه‌ها 2015ێ، ئۆپه‌راسيۆنان ده‌سپێكر و 288 كه‌س ده‌سته‌سه‌ركرينه و رۆژا ل دووڤدا ژى هه‌تا نوكه 302 كه‌س ده‌سته‌سه‌ركرينه.
حوكمه‌تا توركيا راگه‌هاند: “ئۆپه‌رسيۆن دژى تيرۆرێ نه و ئه‌ندامێن په‌كه‌كێ و داعش دگريت”، به‌لێ هه‌ده‌په رادگه‌هينيت: مه‌ره‌ما توركيا ده‌سته‌سه‌ركرنا ئه‌ندامێن وانه نه‌كو يێن داعش.
بۆ دانوستاندنا ئالۆزيێن ل توركيا ژى هه‌يى، بڕياره رۆژا چارشه‌مبى په‌رله‌مانێ توركيا روونشتنه‌كا نه‌ئاسايى ئه‌نجام بده‌ت و بۆ ڤێ مه‌ره‌مێ ژى ئيمزايا 116 په‌رله‌مانتارێن توركيا كۆم كرينه.
پێشتر سه‌لاحه‌دين ده‌ميرتاش هه‌ڤسه‌رۆكێ هه‌ده‌پێ ژى داخوازا روونشتنا نه‌ئاسايى يا په‌رله‌مانێ توركيا كربوو، ئه‌ڤ روونشتنه د ده‌مه‌كى دايه كو په‌رله‌مانێ توركيا د بهێنڤه‌دانا هاڤينێ دايه.
زانكویا ئه‌نبار ژ ده‌ستێ داعش هاته ده‌رێخستن
ئه‌ڤرۆ نیوز:
ئه‌ڤرۆ ده‌زگه‌هێ دژه تیرورێ، ئازادكرنا زانكۆیا ئه‌نبار ل ژێر ده‌ستێ رێكخراوا تیرورستیا داعش راگه‌هاند و ئاشكراكر كو ئالایێ عیراقێ ل سه‌ر بانێ زانكۆیێ هاتیه بلندكرن و هێزێن ئه‌منى ژى به‌رده‌وامن ل سه‌ر پێشره‌ویێ بۆ به‌ره‌ڤ تاخێ ته‌ئمیم ل رۆژئاڤایێ رومادى.
عه‌مید عه‌ماش ژى په‌یڤدارێ جڤاتا پارێزگه‌ها ئه‌نبار راگه‌هاند كو هێزێن ئه‌منى شیاینه بچنه ناڤ زانكۆیا ئه‌نبار و ب تمامى ئازاد بكه‌ن.
ره‌وشا زێر و زيڤى ل بازارێن دهۆكێ
ره‌وشا دراڤى ل بازارێن پاره‌گوهۆڕان
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 26ى ىتيرمه‌تا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1232 |
| 1 يۆرۆيێ ئه‌ورۆپى | 1355 |
| 1 ليرێ توركى | 450 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
رۆحانى: ئاسايشا هه‌ولێر وه‌كو يا ئيرانێ بۆ مه يا گرنگه
ئه‌ڤرۆ نيوز:
حه‌سه‌ن رۆحانى سه‌رۆك كۆمارێ ئيرانێ د چارچۆڤێ گۆتاره‌كێ دا د ناڤ جه‌ماوه‌رێ خه‌لكێ سنه دا ب زمانێ كوردى گۆت: “بژى كوردستان”.
سه‌رۆك كۆمارێ ئيرانێ د گۆتنێن خوه دا ئاماژه ب وێ چه‌ندێ كر كو هه‌موو ده‌مان سنه ده‌نگێ ميانڕه‌ويێ بوويه د هه‌لبژارتنێن سه‌رۆك كۆماريا ئيرانێ دا 72% رێيا ميناڕه‌ويێ هه‌لبژارت.
حه‌سه‌ن رۆحانى سه‌رۆك كۆمارێ ئيرانێ خۆياكر كو دێ هه‌موو بزاڤێن خوه ئێخنه گه‌ر ژ بوو گه‌شه‌پێدانا پارێزگه‌ها سنه و گۆت: “سه‌رۆك كۆمارێ ئيرانێ ب هه‌موو رژديه‌تيا خوه دێ چاڤدێريا پرسا كوردستانێ كه‌ت”.
گۆتژى: “هه‌كه ئيران نه‌يايه، به‌غدا و هه‌ولێر دا كه‌ڤنه ده‌ستێ تيرۆرستان”، ئاماژه دا وێ چه‌ندێ ژى كو كا چاوان ئاسايشا كوردستانێ ئيرانێ بۆ وى يا گرنگه، وه‌سان ئاسايشا هه‌ولێر ژى بۆ وى يا گرنگه.
حه‌سه‌ن رۆحانى ته‌كست ل سه‌ر وێ چه‌ندێ كر كو ئه‌و پشته‌ڤانيا هه‌موو گه‌لێن زۆريلێكرى دگرن و گۆت: “چاوان پشته‌ڤانيا پارێزگه‌ها سنه دكه‌ين وه‌سان ژى پارێزگاريێ ل سلێمانيێ و دهۆك و هه‌ولێر ژى دكه‌ين”.
نيشاندان
WP Facebook Auto Publish Powered By : XYZScripts.com