ئەڤرۆ نیوز:
دوھی یاریکەرێ ھێلا بەرەڤانیێ یێ یانا دھۆک یێ نووی ئەحمەد ئیبراھیم گەھشتە پارێزگەھا دھۆکێ ب مەرەما ئیمزاکرنا ھەڤبەستێ ل گەل تیما تەپا پێ یا دھۆک یا پشکدار دخولا عیراقێ دا بۆ یاریێن قوناغا دوێ ژی خۆلا عیراقێ یا پلا نایاب.
ھەژی گوتنێ یە ئەحمەد ئیبراھیم دەستپێکا خوە یا وەرزشی ل گەل یانا کوت دەستپێکر بوو پاش یاری ل یانێن زەورا و زاخو نەفت کری یە بەری نوکە ژی ل گەل ھەلبژارتیێ ئولومپی و لاوێن عیراقێ ژی پشکداری کری یە.
ئەڤرۆ نیوز، زنار تۆڤی:
ئەڤڕۆ رۆژا پێنجشەمبی رێكه‌فتى 3ى كانوونا ئێكێ 2015 شەپۆلەکا بەفرێ دەڤەرا بەرواری بالا و چەندین دەڤەرێن دیتر یێن ب سەر قەزا ئامێدیێ ڤە گرت و پلێن گەرماتیێ گەلەک دابەزین ب خوه ڤە دیتیتە و دھێتە پێشبینی کرن، ھێشتا بەفر بباریت و نوکە ژی بەردەوام بەفر یا دباریت.
ئۆمێد مایی رێڤەبەرێ کەشناسی و پیڤەلەرزان ل دھۆکێ بۆ ئەڤرۆ نیوز دیارکر کو ھەتا دەمژمێر نەھی سپێدێ 7 سەنیمێن بەفرێ ل سەنتەرێ ناحیا کانی ماسێ باریبوون و ھەروەسا ل سەنتەرێ ناحیا بامەرنێ سەنتیمەکا بەفرێ باریە و ل جھێن دیتر پشتی ھنگێ بەفر باریە، لەورا ھەتا نوکە رێژەیا بارینا بەفرێ ل جھێن دیتر یێن سەر ب قەزا ئامێدیێ ڤە نەھاتیە زانین.
ئەڤرۆ نیوز:
ستێرا ھێلا ھێرشبەریا یانا مانشێستەر سیتی و ھەلبژارتیێ ئەرژەنتین سێرجیو ئەگوێرۆ دیارکر پشتی ھەڤبەستا وی ل گەل یانا وی یا ئینگلیزی ب دووماھی بھێت ئەو دێ ڤەگەریتە خۆلا ئەرژەنتین ڤە ل گەل وێ یانێ ئەوێ ئەو بەرنیاسکری .
زێدەتر ئوگوێرۆ بۆ گوڤارا سوفووت یا فەرەنسی دیارکری یە پشتی ل سالا ٢٠١٩ ھەڤبەستا وی ل گەل یانا مان ستی ب دووماھی بھێت ئەوی بریار دایە جارەکا دی ڤەگەریتە دناڤ پێکھاتیێ یانا ئەندیپمدینتی یا ئەرژوەنتینی .
زێدەتر دیارکر ئەو ناخوازیت ڤەگەریتە یانا خوە یا ئەرژەنتینی کو ل ژیێ دووماھیێ بیت لەورا ئەو دخوازیت پشتی ھەڤبەستا وی ب دووماھی بھێت ئێکسەر ھەڤبەستا وی یانێ ئیمزابکەت و ھزر ل چو یانێن دی نەکری یە ژبەرکو ئەندیپمدینتی گرنگیەکا گرنگ ل دەڤ ھەیە .
ھەژی گوتنێ یە سێرجیو ئەگوێرۆ دەمێ یاریێ بۆ یانا ئەندیپمدینتی کری دخۆلا ئەرژەنتین دا ژیێ وی ١٥ و ٣٥ رۆژ بوون دەمێ ئێکەم یاریا خوە پشکداری ل گەل وێ تیمێ کری.
ئه‌ڤرۆ نيوز، مه‌حمود نهێلى:
ژ ئه‌نجامێ دژواريا وان بارانێن دبارن و هه‌بوونا بريسيا، ئه‌ڤرۆ رۆژا پێنجشه‌مبى رێكه‌فتى 3ى كانوونا ئێكێ 2015ێ بريسێ ل بۆرجێ ئاسيا سێل ل دێره‌لۆكێ دا و بۆ ماوێ 15 ده‌قيقا گۆلۆپا بۆرجى ته‌مرى و پاشان جاره‌كا دى هه‌لبوو ڤه.
ب گۆره‌ى ئه‌و پێزانينێن ب ده‌ست ئه‌ڤرۆ نيوز كه‌فتين گه‌له‌ك ژ ئاميرێن كاره‌بێ ژى يێن ل ده‌وروبه‌ران سۆتينه.
ب، ئەڤرۆ نیوز:
د راپورتەکێ دا رۆژناما مۆندۆ دیپورتیڤو یا ئسپانی دا بەلاڤبویە کو کارگێریا یانا چێلسی یا ئنگلیزی بێزار بویە ژ کێشەیێن یاریکەرێ خوە یێ ئسپانی دیێگۆ کوستا لەورا بریار دایە ڤی یاریکەری ب فروشیت.
د ڤێ راپورتێ دا ھاتیە یانا چێلسی رازیبوونا خوە دیارکریە کو دەستا ژ یاریکەرێ خوە دیێگۆ کوستا بەردەت و جارەکا دی ڤی یاریکەری فروشیتە یانا ئەتلەتیکو مەدرید یا ئسپانی ب کوژمێ ٢٨ ملیۆن جونیە ئسترلینی دھێت خەملاندن ھەر د ڤێ راپورتیێ دا ئاماژە کریە کو یانا ئەتلەتیکو مەدرید ژی رازەمەندیا خوە دیارکریە ھەمبەر ڤەگەریانا ڤی یاریکەری ژ بەرکو یانا ئنگلیزی بێزار بویە ژ کێشەیێن ڤی یاریکەری د تیمێ دا زێدەباری رەفتارێن وی یێن دوور ژ گیانێ وەرزشی ل دەمێ یاریێن خولا ئنگلیزی دا کو چەند جاران تووشی سزایان بویە د خولا پرێمەر لیگ دا.
ئه‌ڤرۆ نیوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئه‌ينى رێكه‌فتى 4ى كانوونا ئێكێ يا 2015 ئه‌سمانێ دهۆكێ دێ د ناڤبه‌را ساهى و ئه‌ورى دا بيت و هنده‌ك ده‌ڤه‌ران دێ ئه‌ور زێده‌تر هێته ديتن و ل هنده‌ك ده‌مان ژى دێ مژ زێده بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ لاوازبوونا فشارێن نزمێن وه‌لاتێ توركيا و هاتنا فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمانى دهۆكێ د ناڤبه‌را ساهى و ئه‌ورى دا بيت و هنده‌ك ده‌ڤه‌ران دێ ئه‌ور زێده‌تر هێته ديتن و ل هنده‌ك ده‌مان ژى دێ مژ زێده بيت.
پشكا پێشبينيان دايه زايه زانين كو دێ ئاراستێ باى ژى دێ باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 10 كم دا و ماوێ ديتنێ ژى 6 بۆ 8 كم بيت و پلێن گه‌رمێ ژى دێ د ناڤبه‌را 3 بۆ 10 پلان دا بيت.
ئه‌ڤرۆ نيوز:
رێڤه‌به‌ريا گشتيا كه‌شناسيێ و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ژ ئه‌نجامێ فشارێن بلندێن رۆژهه‌لاتێ وه‌لاتێ توركيا و فشارێن نزمێن ده‌ريا ناڤبه‌راست بۆ سه‌ر هه‌رێما كوردستانێ ل ده‌ڤه‌رێن جودا يێن هه‌رێما كوردستانێ ب رێژێن جودا باران باريه.
كه‌شناسيا پارێزگه‌ها دهۆكێ ژى ب ڤى ره‌نگێ ل خوارێ به‌لاڤكريه:
ئەڤرۆ نیوز، زنار تۆڤی:
سەرۆکێ رۆسیا ڤلادیمێر پۆتین ل مۆسکویا پایتەختێ وی وەلاتی گۆتارەک پێشکێشکر و تێدا بەحسێ چەندین پێشھاتە و شەرێ ل دژی داعشێ و رێکخراوێن دی یێن تیرۆرسی و جاره‌كا دى هێرش كره سه‌ر توركيا كو ئه‌و وه‌لات ھەڤکاریا داعش و تیرۆرستان دکەت و وەسا دیارکر گو توڕکیا بوویە جھەکێ ئارام بۆ تیرۆرستان.
ئەڤرۆ نیوز، ئەیاد بەرواری:
میلیشیێن حەشد شەعبی 10 مزگەفت ل باژێرێ بێجی یێ سەر ب پارێزگەھا سەلاحەدین ڤە ل ڤێ دووماھیێ پەقاندینە و چەندین سەرپێچی ژی دژی وەلاتیێن باژێرێ تکریت ئەنجامداینە.
سایتێ (ساحات التحریر) یێ نێزیک ژ (ئەیاد عەلاوی) جێگرێ برێ یێ سەرۆک کۆماری بەلاڤکریە” میلیشیێن حەشد شەعبی مەزگەفتا ( رەحمە) ل باژێرێ بێجی پەقاند و د چەند رۆژێن بۆری دا، 10 مزگەفت ل قەزا بێجی یێن پەقاندین”.
دیارکر ژی” حەشد شەعبی چەندین سەرپێجی ل تکریتێ ئەنجامداینە ژوان ژی ھێرش کرن ل سەر نەخوەشخانا سەلاحەدین ل تاخێ قادسیە ل ناڤەراستا تکریتێ و کادرێن نوژداری تووشی لێدانێ بوون و برین پێچەک ژی کوشت”.
سایتێ ناڤبری بەلاڤکر ژی کو میلیشیێن حەشد شەعبی مامۆستایەکێ زانکۆیا تکریت د مالا وی دا تیرۆکر، دیسا چەکدارێن حەشد شەعبی ب ڕەنگەکێ بەرفرەە ل تکریتێ یێن بەلاڤبووین و کریارێن کوشتنێ ل سەر ناسنامێ ئەنجام ددەن.
نيشاندان