ئه‌ڤرۆ نیوز: ڤه‌ده‌ر ره‌شاڤایی:
سه‌لاحه‌دین ده‌میرتاش هه‌ڤسه‌رۆكێ پارتا گه‌لێن دیمۆكرات (هه‌ده‌پێ) د سه‌ره‌دانه‌كێ دا گه‌هشته واشنتۆنا پایته‌ختێ ئه‌مریكا.
ده‌میرتاش ب یاوه‌رییا شانده‌كێ پارتا خوه سه‌را نوونه‌راتییا هه‌رێما كوردستانێ ل ئه‌مریكا دا و لگه‌ل به‌یان سامی ره‌حمان نوونه‌را هه‌رێمێ ل ئه‌مریكا كۆمبوو.
تێ زانین سه‌ره‌دانا ده‌میرتاش بۆ ئه‌مریكا پشتی قورتالبوونا وی ژ بزاڤه‌كا تیرۆركرنێ دهێت.
ئه‌ڤرۆ نیوز: له‌يلان جاسم:
ڤه‌كۆلینه‌كا زانستی یا نوو كو ژ ئالیێ په‌یمانگه‌ها كۆپنهاگن بۆ لێكۆلینێن دلشادیێ ڤه هاتیه كرن، ئاشكرا دكه‌ت كو هێلان و بكارنه‌ئینانا تۆرێن جڤاكی مرۆڤی كه‌یفخۆشتر لێ دكه‌ت و سه‌لماندییه كو ساخله‌مییا مرۆڤی باشتر لێدكه‌ت.
هه‌كه‌ر ته هنده‌ك جار هه‌ست پێكربیت فه‌یسبۆك یان تۆرێن دی یێن جڤاكی ته بێ گێول دكه‌ن، ئه‌و بزانه هه‌ستێن ته د جهێ خۆدانه، ژبه‌ركو گه‌له‌ك لێكۆلینان دا دیاربوویه تۆرێن جڤاكی رازیبوونێ بژیانێ كێم دكه‌ت و هه‌ستێ حه‌سیدی و بتنێبوونێ ژی زێده دكه‌ت.
لێكۆله‌ران ژ هزار و 95 بكارئینه‌رێن فه‌یسبۆكی یێن دانیماركی خاستیه بۆ ده‌مێ حه‌فتیه‌كێ ب چ شێوه‌كی فه‌یسبۆكی بكارنه‌ئینن، دیاربوو كو یێن فه‌یسبۆك هێلاین برێژا 55% گڤاشا ده‌رۆنی لسه‌ر وان كێم بوویه و دلشاد تر و كێم تۆره تر و ب گێول ترن و خۆشیێ پتر ب ژیانا خوه برییه و پتر ب ره‌وشا ژیانا خوه یا جڤاكی رازیبووینه و په‌یوه‌ندیێن خوه یێن جڤاكی باشتر كرینه.
لێ گه‌له‌ك كه‌س ب زه‌حمه‌ت دبینن تۆرێن جڤاكی بجهبهێلن ژبه‌ركو گه‌له‌ك چالاكیێن رۆژانه یێن جۆراوجۆر تێدا دهێنه كرن و نیشاندان، ئه‌و لێكۆله‌ر نها مژیلی لێكۆلینان لسه‌ر ده‌مێ پتر ژ حه‌فتیه‌كێ یا بجههێلانا تۆرێن جڤاكی دكه‌ن.
ئەفرۆ نیوز، زنار زوبێر:
بازرگانێ تایلەندی بی تایتشابول چو د ناف بازارێ دانوستاندنێن کرینا ٤٨% ژ پشکێن یانا ئەی سی میلان یا ئیتالی دا ئەوێ بەری نوکە گەھشتیە رێکەفتنێ ل گەل خودانێ ڤێ یانێ سێلڤیو بێرلسکونی.
رۆژناما کوریری دیلا سیرا یا ئیتالی ئاماژە ب ڤی پەیامی دایە کو رێکەفتنا فەرمی ناڤبەرا خودانێ یانا میلان بیرلسکونی و بازرگانێ تایلەندی تایتشابول ھاتیە کرن بۆ کرینا ٤٨% ژ پشکێن ڤێ یانا ئیتالی لێ ئیمزاکرنا ھەڤبەستا کرینا پشکێن یانێ نە ھاتیە کرین ژ بەرکو بازرگانێ تایلەندی ئەو شیان ل بەردەست نینن نوکە کوژمێ ٤٨٠ ملیۆن یورویا بدەت بۆ کرینا ڤان پشکا لەورا نوکە نەچاربویە ل ھندەک کەسێن وەبەرھێنەر د گەریت داکو ب ھەڤپشکی ڤی کوژمی بدەن و ھەڤبەستا کرینا ڤان پشکا ب دووماھی بینن.
ژێدەرێن ڤێ رۆژنامێ ئەو چەندە ژی ئاشکەرا کریە کو چەند وەبەرھێنەرێن چینی حەزا کرینا بەشەک ژ پشکێن یانا مانچستەر ستی یا ئنگلیزی ب کرن بەرامبەر کوژمێ ٤٠٠ ملیۆن یورویا.
ئەفرو نیوز، زنار:
یانا بەرشەلونە خوە بەرھەڤ دکەت بۆ دانانا پلانەکێ بۆ ئایندەیێ یانێ رابویە ب لێگەریانا یاریکەرێن گەنج بۆ یانێ و نوکە یا دووڤ چوونا ئاستێ نەە یاریکەران دکەت بۆ پاشەروژا یانێ ل دووڤ راپورتەکا رۆژناما موندو دیبورتیڤو یا کەتەلونی، ئەو یاریکەر ژی ئەڤە نە.
١_ جولیان فیگل یاریکەرێ یانا بروسیا دورتموند ئەڤ یاریکەرە تەمەنێ وی ٢٠ سالن و یاریێ ل ھێلا ناڤین دکەت و ئەڤ یاریکەرە بویە ئارمانجا بەرشەلونە بەری نوکە یاریی بۆ یانا میونخ ١٨٦٠ کریە و نوکە یاریکەرێ ھەلبژارتیێ لاوێن ئەلمانیا دکەت کو یێ ناسیارە ب بوسکێتس.
٢_ ریشدلی بازویر یاریکەرێ یانا ئەیاکس ئەمستردام تەمەنێ وێ ١٩ سالن ئێک ژ یاریکەرێن گەنج یێن خودان شیانە نوکە ل سەر ئاستێ ھولەندا و یاری ل گەل ھەلبژارتیێ وەلاتێ خوە ھولەندا کریە د ڤاڤارتنێن یورویا ٢٠١٦.
٣_ فیدیریکو بیرناردیتشی ئەڤ یاریکەرێ ٢١ سالی یێ ئیتالی ژ یانا فیورونتیا نوکە یانا بەرشەلونە زێرەڤانیا ڤی یاریکەری دکەت پشتی شیای ل ڤی وەرزی ل خولا ئیتالی شیانێن خوە دیاربکەت و یاریێ ل لایێ راستێ دکەت.
٤_ یوری تیلیمانس یاریکەرێ بەلچیکی تەمەنێ وی ھەژدە سالن و یاریکەرێ یانا ئەندرلەختە و ناڤێ وی ژی د لیستا داخوازیێن بەرشەلونە دایە و دووڤچوونا شیانێن وی دھێنەکرن و یانا ئەتلەتیکو مەدرید ژی د بزاڤێن ئینانا ڤی یاریکەری دایە.
٥_ روس بارکلی یاریکەرێ یانا ئیڤەرتون یا ئنگلیزی نوکە یانا بەرشەلونە دڤێت ڤی یاریکەرێ گەنج بکریت کو نوکە تەمەنێ وی ٢١ سالە لێ تنێ بھایێ ڤەگوھاستنا ڤی یاریکەری ئاستەنگە ھەمبەر یانا بەرشەلونە ژی ژبەرکو یانێن چێلسی و پاریس سان جێرمان ژی ھاتینە د بازارێ ڤی یاریکەری دا.
٦_ مامی تورێ یاریکەرێ یانا موناکو یا فرەنسی ئاستێ ڤی یاریکەری ل گەل یانا موناکو د خولا فرەنسا دا یانا بەرشەلونە نەچارکریە دووڤچوونا وی بکەت ئەوێ تەمەنێ وی ١٩ سال کو رەگەز ئەفریقی و یاریێ ل ھێلا بەرەڤانیێ دکەت.
٧_ ئیمریک لابورت یاریکەرێ یانا ئەتلەتیکو بلباو یا ئسپانی ناڤێ ڤی یاریکەری ژی د لیستا داخوازیێن بەرشەلونە دایە بەرکو یاریکەرەکێ خودان شیانە و دێ شێن ل دەمەکێ نێزیک مفای ژ شیانێن ڤی یاریکەری وەرگرن و ژیێ وی ٢١ سالە و یاریێ ل ھێلا بەرەڤانیێ دکەت.
٨_ جون ستونز یاریکەرێ ئنگلیزی یێ یانا ئیڤەرتون ئەڤ یاریکەرە ژی بویە جھێ گرنگیدانا یانا بەرشەلونە یانا چێلسی ژی ھەتا رادەیەکێ مەزن حەزا ئینانا ڤی یاریکەری ھەیە ژ بەرکو ئاستەکێ باش ل گەل یانا خوە ل ڤی وەرزی د خولا ئنگلیزی دا پێشکێش کریە.
٨_ سیمی فرسالجکو یاریکەرێ یانا ساسولە یا ئیتالی ئەڤ یاریکەرێ کورواتی یاریێ ل لایێ چەپێ دکەت بویە و بەرشەلونە ب فەرمی حەزا ئینانا ڤی یاریکەری ھەیە و بەری نوکە یاری بۆ یانا دینامو زگرب و جەنەوا کریە و ژیێ وی ٢٣ ساە.
٩_ غونزالو گیدیس یاریکەرێ یانا بەنفیکا یا پرتوگالی یاریێ ل ھێلا بەرەڤانیێ دکەت و بەرشەلونە گرنگیەکا مەزن بۆ ئینانا ڤی یاریکەری دایە ژبەرکو نوکە گەلەک کێماسی د ھێلا بەرەڤانیا بەرشەلونە دا ھەنە و ژیێ وی ١٩ سالن و نوکە شیایە ئاستەکێ باش ل خولا پرتوگالی پێشکێش بکەت.
ئه‌ڤرۆنیۆز، هه‌رهین محه‌مه‌د:
هه‌ردو په‌یامنێرێن ئوفیسا NRT ل دهوكێ بێوار حلمى و قودره‌ت مه‌حمود دپه‌یجێن خوه یێن فێسبۆكى دا به‌لاڤكرینه كو ده‌ست ژ كه‌نالى ناڤبرى كێشایه.
بێوار حلمى دیاركریه پشتى ئوفیسا ئێن ئارتى ل دهوكێ هاتیه گرتن و سیسته‌مێ كارى هاتیه گوهۆرین ئه‌و نه‌شیایه ل ئێن ئارتى كاربكه‌ن.
ئه‌ڤرۆ نیوز، ئه‌كره‌م ئیبراهیم
ئه‌ڤرو ئێڤارى ل كوچكا مێهڤانداریێ فه‌رهاد ئه‌مین ئه‌تروشى، پارێزگه‌رێ دهوكێ پێشوازیا خاتون ( لیز گراندى )جێگرا نوێنه‌رێ UN ل ئیرَاقێ. پارێزگه‌رێ دهوكێ كورتیه‌ك دا سه‌ر ره‌وش و سه‌روبه‌رێ ئاوارا و ئه‌و خزمه‌تێن به‌رده‌وام بو دهێنه پێش كێش كرن و داخاز كر كو جڤاكێ نێڤ ده‌وله‌تى پتر هاریكاریا پارێزگه‌ها دهوكێ بكه‌ت بو هندێ ره‌وشا ئاواره و په‌نابه‌را باشتر لێبهێت و نه‌خاسمه وه‌رزێ زڤستانێ ده‌ست پێكر، ژ ئالیێ خوه‌ڤه، جێگرا نوێنه‌را نه‌ته‌وه‌یێن ئێكگرتى ل ئێراقێ گوت : ئه‌م دێ هاریكاریا ئاواره و په‌نابه‌را ئه‌وێن ل كه‌مپا و ده‌رڤه‌ى كه‌مپا كه‌ین و هه‌روه‌سا هاریكاریا خه‌لكێ دهوكێ بخو ژى كه‌ین چونكى گه‌له‌ك زیان گه‌هه‌شتیێ ب هاتنا ڤێ رێژا مه‌زن یا ئاوارا بو سنورێ پارێزگه‌هێ ..
ئه‌ڤرۆنیۆز، ئه‌یاد به‌رواری
ده‌زگه‌هێ ده‌رمان و خوارنێن ئه‌مریكی ده‌لیڤه دا بۆ ئه‌نجامدانا ئه‌زمونان ل سه‌ر دانعه‌مران ل دۆر ده‌رمانێ میتفورمین، كو نوژدار ب ڕێیا وی ده‌رمانی دخوازن نه‌خوه‌شیێن پیراتیێ چاره‌سه‌ر بكه‌ن و ژیێ مرۆڤی درێژ بكه‌ن.
به‌رهه‌مهێنه‌رێن ده‌رمانێ (میتفورمین) دبێژن ئه‌و بزاڤێ دكه‌ن كو پیراتیێ گیرۆبكه‌ن و ژیێ مرۆڤی درێژ بكه‌ن كو ئه‌و كه‌سێن ژیێ وان 90 سال بیت، ساخله‌میا وان یا باش بیت وه‌كو یێن 50 سالی و دبێژن دبیت رۆژه‌كێ ئه‌و ده‌رمانه نه‌خوه‌شیا زه‌هایمرێ ژی نه‌هێلیت.
سایتێ (دایلی ئێكسپرێس) یێ بریتانی ژ زارده‌ڤێ پرۆفیسۆر (غوردۆن لیتغۆ) ژ په‌یمانگه‌ها باك یا ڤه‌كۆلینان ل كالیفورنیا كو سایتێ (هافینگتۆن پۆست) ژێ ڤه‌گوهاستیه، دبێژیت” هه‌كه ئه‌م شیاین پیراتیێ گیرۆ بكه‌ین، دێ شێن هه‌موو نه‌خوه‌شیێن گرێدای پیراتیێ ژی گیرۆ كه‌ین”.
پرۆفیسۆر غوردۆن گوت ژی” ئه‌ڤه 25 سالن ئه‌ز ڤه‌كۆلینان ل سه‌ر پرۆسا پێشڤه‌چوونا ژیێ مرۆڤی دكه‌م و هزركرن د وێ چه‌ندێ دا كو ئه‌م ل سه‌ر ئه‌زموونێن دڤی بیاڤی دا باخڤین یا ئه‌سته‌م بوو، به‌لێ نوكه مه ئه‌و ئه‌گه‌ر یێن هه‌ین كو بێژین نوكه ئه‌و چه‌نده د شیاندایه”.
ل دووڤ سایتێ ناڤبری، ڤه‌كوله‌ر یێن گه‌هشتینه وی ئه‌نجامی كو بكارئینانا ده‌رمانێ (میتوفورمین) یێ تایبه‌ت ب نه‌خوه‌شیا شه‌كرێ ڤه، ژیێ گیانه‌وه‌ران درێژ دكه‌ت و نوژدار دخوازن هه‌مان كارتێكرنێ ل مرۆڤان ژی ببینن.
ل سالا بۆری، ڤه‌كۆله‌رێن زانكۆیا كاردیف ل بریتانیا ئاشكراكربوو كو ئه‌و نه‌خوه‌شێن شه‌كرێ یێن ڤی ده‌رمانی دخون، ژیێ وان یێ درێژتره ژ وان نه‌خوه‌شان یێن وی وی ده‌رمانی نه‌خون. دیسا ده‌مێ ڤه‌كۆله‌رێن به‌لجیكی ژی ده‌رمانێ میتوفورمین ل سه‌ر كرمان بكارئینای، بۆ وان دیاربوو كو مه‌زنبوونا كرمان گیرۆ دبیت و ساخله‌میا وان بۆ ده‌مه‌كێ درێژ باشتر لێ دهێت، هنده‌ك ڤه‌كۆلینێن دی ژی ئاشكراكریه ئه‌و ئه‌و ده‌رمانه مه‌ترسیێن نه‌خوه‌شیێن دلی و ده‌ماران و په‌نجه‌شێرێ كێم دكه‌ت.
ل دووڤ دیلی ئێكسپرێس، میتفورمین ده‌رمانێ نه‌خوه‌شیا شه‌كرێ یه كو گه‌له‌ك یێ به‌لاڤه ل هه‌موو جیهانێ و بهایێ وی ژی گه‌له‌ك یێ ئه‌رزانه و ئه‌ڤه پتره ژ 60 سالان ئه‌و ده‌رمان دهێته بكارئینان.
ئه‌زموونێن چاره‌سه‌ركرنا پیراتیێ و پێشڤه‌چوونێ د ژیێ مرۆڤی دا ب ڕێیا بكارئینانا ده‌رمانێ میتفورمینی، دێ ل وه‌رزێ زڤستانا بهێت ل ئه‌مریكا ل سه‌ر دانعه‌مرێن ژیێ وان ژ 80 سالیێ بۆری و تووشی نه‌خوه‌شیێن په‌نجه‌شێرێ و دلی و زه‌هایمرێ بووین هێنه ئه‌نجامدان و ئه‌ندامه‌كێ وی پرۆژه‌ی ب ناڤێ پرۆفیسۆر(ستیوارت جای ئولشانسكی) دبێژیت كو ئه‌و ئه‌زموونه دێ هه‌فت سالان ڤه‌كێشن و ئارمانج ژێ تنێ چاره‌سه‌ریا پێراتیێ و پێشڤه‌چوونێ ژیێ مرۆڤی یه و نه‌چو نه‌خوه‌شیێن دی یێن دیاركری.
ئه‌ڤرۆ نیۆز، رێوار مزیرى:
رێكخراوا دهۆك بۆ لاوێن خۆبه‌خش (DOVY) و رێكخراوا (UNV) ب هاریكاریا رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ دێ رۆژا جیهانى یا خۆبه‌خشان ل رۆژا ئێكشه‌مبى 6/12/2015 ل ده‌مژمێر 11 به‌رى نیڤرۆ ل هولا پانۆراما ئازادى ل دهۆكێ ساخ كه‌ت.
چالاكڤان ئه‌حمه‌د سه‌عدون، بۆ ئه‌ڤرۆ نیۆز ئاشكرا كر كو وان دڤێت دڤێ رۆژێ دا لڤینه‌كێ بۆ هه‌ستكرن ب كارێ خۆبه‌خشیێ په‌یدا بكه‌ن، چونكو كارێ خۆبه‌خشیێ پاشه‌رۆژێ بۆ ملله‌تان چێدكه‌ت و گۆت: ” كوردان هه‌ر ژ كه‌ڤن دا كارێ خۆبه‌خشیێ كریه ل ده‌مێ زباره‌كرن ل گوندان دكر”.
ناڤهاتى ئاماژه دا وێ چه‌ندێ كو دڤێ رۆژێ دا دێ 27 كه‌سێن خۆبه‌خشێن پشكدارى د گه‌له‌ك بزاڤ و چالاكیان داكرى هێنه رێزلێنان.
ئه‌ڤرۆ نیوز:
رێڤه‌به‌رێ گشتیێ كه‌شناسی و بیڤه‌له‌رزێ ل هه‌رێما كوردستانێ دیار كر كو پێشبینی دهێته كرن ئه‌ڤرۆ پلێن گه‌رمێ ل هنده‌ك ده‌ڤه‌ران بهێنه دبن سفرێ دا و ل ده‌ڤه‌رێن چیایژی سوبه به‌فر ب باریت.
فازل ئیبراهیم، رێڤه‌به‌رێ گشتیێ كه‌شناسی و بیڤه‌له‌رزێ ل هه‌رێما كوردستانێ خویا كر، ئه‌ڤرۆ 2/12/2015 باران بارین ل ده‌ڤه‌رێن جودا یێن هه‌رێمێ یا به‌رده‌وام بیت، پشتی نیڤرۆیا هه‌مان رۆژ ژی هه‌وایه‌كێ سار كو ب هه‌وایێ سیبیری هاتیه نیاسین، دێ كارتێكرنێ ل سه‌ر ده‌ڤه‌رێن جودا یێن هه‌رێما كوردستانێ كه‌ت و پلێن گه‌رمێ ب ره‌نگه‌كێ به‌رچاڤ نزم بن و ل ده‌ڤه‌رێن چیایی دێ هێنه دبن سفرێ دا و گۆت: “هه‌تا رۆژا ئێكشه‌مبیا بهێت كاریگه‌ریا وان پلێن گه‌رمێ ل سه‌ر ده‌ڤه‌رێن جودا یێن هه‌رێما كوردستانێ دێ مینیت”.
ناڤهاتی ئاشكرا ژی كر، ژ ئه‌گه‌رێ كاریگه‌ریا هه‌وایێ سار پێشبینی دهێته كرن سوبه‌هی 3/12/2015 ل ده‌ڤه‌رێن چیایی به‌فر ب باریت و گۆت: “پلێن گه‌رێ به‌رده‌وام دێ نزم بن، لێ رۆژا ئه‌ینی 4/12 ره‌وشا هه‌وای هه‌تا راده‌كی دێ سه‌قامیگر بیت”.
ئەڤرۆ نیوز،زنار تۆڤی:
ئەڤرۆ سەرۆک وەزیرێ عێراقێ حەیدەر عەبادی، مەلاس محەمەد کەسنەزانی وەزیرێ بازرگانیا عێراقێ ژ پۆستێ وی دوورخست،ب پشتبەستن ب دستۆرێ عێراقێ عەبادی ئەو وەزیرە ژ پۆستێ وی لادایە،هەروەسا ناڤهاتی ل سەر هەڤپەیمانیا هێزێن سونیان بوو،ب رەگەز کوردە.
عەبادی ئەو چەند ژی دیارکریە،بەری هەیڤەکێ دادگەها عێراقێ فەرمانا دەستگیرکرنێ بۆ مەلاس محەمەدی دەرکربوو،ژبەرکو یێ پابەند نەبوو ب دەواما خۆ یا فەرمی.
نيشاندان