ئه‌ڤرۆ نیوز,رۆژهات لوقمان:
رێڤه‌به‌رێ په‌روه‌ردا قه‌زا ئامێدیێ بۆ ئه‌ڤرۆ نیوز گۆت: بریاره‌ هژماره‌كا قوتابخانێن سنورێ په‌روه‌ردا ئامێدیێ بهێنه‌ نۆژه‌نكرن,.
ناسر محه‌مه‌د سه‌عید رێڤه‌به‌رێ په‌روه‌دا قه‌زا ئامێدیێ گۆت ژی: هژماره‌كا قوتابخانێن سنورێ په‌روه‌دا ئامێدیێ دێ هێنه‌ نۆژه‌نكرن و ئه‌و قوتابخانه‌ ب تنێ ئه‌ون ئه‌وێن كۆ به‌ریا نها ئاواره‌ تێدا ئاكنجی بوین و ژبه‌ر هه‌بونا كێماسیان بریاره‌ بهێنه‌ نۆژه‌نكرن.
ناسر محه‌مه‌د سه‌عید دیاركر ژی: ئه‌ڤ قوتابخانه‌ دێ هێنه‌ نۆژه‌نكرن ب هاریكاریا رێكخراوا یوینسێڤ و 15 قوتابخانه‌نه‌.
گۆت ژی: سالا چوی ل سنورێ قه‌زا ئامێدیێ نێزیكی 38 قوتابخانان هاتبونه‌ نۆژه‌نكرن و بریاره‌ ئه‌ڤ ساله‌ ژی 15 قوتابخانه‌ بهێنه‌ نۆژه‌نكرن دا كۆ به‌ره‌پێدانا په‌روه‌رده‌ی هه‌ر ب پێشڤه‌چونێ دابیت.

ئه‌ڤرو نیوز ،بارزان مزوورى
د رێوره‌سمه‌كێدا ئه‌ڤرۆ، ناوه‌ندا وه‌رزش و لاوێن شێخان ب هه‌ڤكارى دگه‌ل رێكخراوا “دیاكونى ” یا ئه‌لمانى ل كوردستانێ و هه‌ماهه‌نگى دگه‌ل رێكخراوا “ریچ” 33 ئامیرێن دروارێ دگه‌ل هه‌ر ئێك ژ وانا هنده‌ك كه‌ل و په‌لێن دروارێ بۆ به‌شداربووێن سێ خولا دابین كرن و بهایێ 7ملیون دینارا كه‌ل و په‌لێن سه‌رتراشخانێ و جوانكارییێ یێن كوراو كچا بۆ به‌شداربوویێن خولێ دابینكرن.
شێرزاد غازى ،رێڤه‌به‌رێ ناوه‌ندا وه‌رزش و لاوێن شێخان بو مالپه‌رێ ئه‌ڤرو نیوز ئاشكرا كر كو ناوه‌ندا وه‌رزش و لاوێن شێخان ب هه‌ڤكارى دگه‌ل رێكخراوا “دیاكونى ” یا ئه‌لمانى ل كوردستانێ و هه‌ماهه‌نگى دگه‌ل رێكخراوا “ریچ” سێ خولێن جوراو جور كو ژ خولێن دروارێ بو 33 كچان و خولا سه‌رتراشخانێ بو 18 كوران و خولا جوانكاریا ئافره‌تان بو 18 كچان ڤه‌كربوون.