ئامێدیێ، مه‌حمود نهێلى
باله‌فه‌رێن له‌شكه‌رێ توركیا بوردومانا باره‌گه‌یێن په‌كه‌كێ ل چه‌ندین جهێن جودا جودا یێن ده‌ڤه‌را ئامێدیێ دكه‌ن.
ل گور ئاخفتنا شایه‌تحالان ل ده‌مژمێر 11 شڤێدى 24/7/2015 پتر ژ 4 باله‌فرێن له‌شكه‌رێ توركیا چه‌ندین جاران ل هنداڤا ده‌ڤه‌را ئامێدیێ سنورێ باشورێ كوردستانێ ده‌رباز كریه و پتر ژ 10 جاران باره‌گه‌هێن په‌كه‌كێ ل وێ ده‌ڤه‌رێ بوردومانكرن.
ل گور وان شایه‌تحالان ئه‌ڤان باله‌فران گوندێن ده‌ڤه‌را نهێلێ و نێروه و رێكان ل سنورێ ناحیا دێره‌لۆكێ و شێلادزێ بوردومانكرنه و هه‌روه‌سا چه‌ندین جاران ژى بوردومانا گوندێن ده‌ڤه‌را زێباریا یا سه‌ر ب قه‌زا ئاكرێ ڤه كریه لێ تا نها زیانێن ڤێ بوردومانێ نه‌هاتینه زانین .
تێ زانین ئه‌ڤێ بوردومانێ بۆ ماوێ پتر ژ ده‌مژێره‌كێ ڤه‌كێشا و زیانێن مالى یێن زور گه‌هشتینه وه‌لاتیێن ده‌ڤه‌رێ ژ ئه‌نجامێ به‌ربوونا ئاگرى ب ره‌زو بیستانێن خه‌لكى ڤه و تا ئاماده‌كرنا ڤى نووچه‌ى ئه‌ڤ بوردومانه یێن به‌رده‌وام بوون.
ئه‌ڤرۆ نیوز: ڤه‌ده‌ر
ئه‌ش كارته‌ر پشتی سه‌ره‌دانا به‌غدا كرى، د سه‌ره‌دانه‌كا نه‌چاڤه‌ریكری دا سه‌را هه‌رێما كوردستانێ دا و ل باژێرێ هه‌ولێرێ دگه‌ل سه‌رۆكێ هه‌رێما كوردستانێ كۆم بوو.
پشتی كۆمبوونێ كارته‌ر ب ده‌ستخه‌تێ خوه تیبینیه‌ك بۆ سه‌رۆكێ هه‌رێما كوردستانێ نڤیسی و بارزانی ئه‌و تێبینی خاند كو ئه‌ڤه ده‌قی وێ یه:
بۆ سه‌رۆك بارزانی:
ل گه‌ل شانازیه‌كا ئێكجار مه‌زن ب شیان و ئازایه‌تىيا پێشمه‌رگه‌ى و ب حكمه‌ت و ئاقلمه‌ندیا حكومه‌تا هه‌رێما كوردستانێ ، و ب هه‌ڤپه‌یمانیا د ناڤبه‌را گه‌لێ كورد و گه‌لێ ئه‌مریكا ، ب وێ هیڤى ینه ئه‌و دوستایه‌تى و هه‌ڤپه‌یمانیه دێ یا به‌رده‌وام بیت.
ئه‌ش كارته‌ر
وه‌زیرێ به‌رگرییا ئه‌مریكا
ئه‌ڤرو نیوز،بارزان مزوورى
پێشه‌نگ به‌درخان محه‌مه‌د سه‌لیم، به‌رپرسێ پشكا هاتنوچونا قه‌زا شێخان بو مالپه‌رێ ئه‌ڤرو نیوز ئاشكرا كر كو ئه‌ڤرو ده‌مژمێر 5:20 خوله‌ك سپێدێ 24ته‌مموزێ 2015 ل سه‌ر رێیا سه‌ره‌كیا شێخان بو كومه‌لگه‌ها چره ل نێزیك گوندێ زیناڤا ترومبێله‌ك ژ جورێ كه‌یه ئوپتیما وه‌رگه‌ریا دگه‌ل وه‌رگه‌ریانێ ئاگر تێبه‌ر دبیت و د ئه‌نجام دا كه‌سه‌كى گیانێ خو ژ ده‌ست دا و سێ كه‌س ب سه‌ختى برینداربون و بريندار بو نه‌خوشخانا شێخان هاتن ڤه‌گوهاستن و نها لبن چاڤدێریا نوژدارانه .
ناڤبرى دیار كر كو زیانێن مه‌زن یێن مادى ب ترومبێلێ كه‌فتن و بتمامى هاته سوتن .
بارزان ، نه‌وزاد زاده هلورى:
ئه‌ڤرو 23/7 ته‌رمێ وى گه‌نجێ دوهى ل ده‌ڤه‌را بارزان د روبارێ زێ مه‌زن دا خه‌ندقى هاته دیتن.
ژێده‌ره‌كێ هایدار ژ روودانێ بو ئه‌ڤرو نیوز گۆت : ( ئه‌ڤرو تیما نقوماڤان شیان ته‌رمێ گه‌نجێ دوهى كه‌فتیه د روبارێ زێ مه‌زن دا ل ده‌ڤه‌را بارزان ده‌ربینن )
دهێته زانین دوهى 22/7 گه‌نجه‌كێ 12 سالى بناڤێ مێهڤان فه‌رسه‌ت شنى كه‌فتو د روبارێ زیێ مه‌زن دا و خه‌ندقیبوو.
ئه‌ڤرۆ نیوز،زنار تۆڤى:
سكرتێرێ گشتى یێ نه‌ته‌وێن ئێكگرتى بان كى مونى د كونگره‌كێ رۆژنامه‌ڤانى دا ل ئاڤاهیێ گشتى یێ نه‌ته‌وێن ئێكگرتى دا دیاركرن: نوكه عێراق د ره‌وشه‌كا گه‌له‌كا ئالۆز و خراب دا دبۆریت و ره‌وشا گه‌له‌ك وه‌لاتیێن وێ دمه‌ترسیێ دایه.
هه‌روه‌سا گوت ژى:25% ژ خه‌لكێ عێراقێ پێدڤیا وان ب هاریكاریێن سه‌ربازى و مرۆڤى هه‌نه و ئه‌گه‌ر زوو ئه‌و هاریكارى نه‌گه‌هنه خه‌لكێ عێراقێ دبیت هێشتا كاره‌ساتێن مه‌زنتر و جه‌رگ ئێشتر روو بده‌ن و عێراقه به‌ره‌ف ره‌وشه‌كا مه‌ترسیدار ڤه بچیت،له‌ورا گرنگه ل سه‌ر هه‌مى وه‌لاتێن جیهانێ هاریكاریا خه‌لكێ عێراقێ بكه‌ن،ژ پێخه‌مه‌ت بشێن خوه بگه‌هیننه كناره‌كێ ئارام و ره‌وشا وان به‌ره‌ف باشیێ ڤه بچیت.
ئه‌ڤرۆ نیوز،زنار تۆڤى:
جۆتیارێن ده‌ڤه‌را به‌روارى بالا وه‌سا دده‌نه خویاكرن كو ژ ئه‌گه‌رێ هاتنا پێله‌كا گه‌رمێ ل ڤان رۆژێن بۆرى كارتێكرنه‌كا مه‌زن و به‌رچاڤ ل داروبارى و به‌رهه‌مێ وێ كریه و هه‌روه‌سا ژ ئه‌گه‌رێ هاتنا هرۆبایه‌كێ بهێز ل شه‌ڤا 23/7/2015 گه‌له‌ك به‌رهه‌مێ داروبارى بتایبه‌تى دارا سێڤێ ل هنده‌ك گوندان وه‌راندینه.
زانا ئه‌حمه‌د جوتیاره‌كێ ڤێ ده‌ڤه‌رێ یه بۆ ئه‌ڤرۆ نیوز دبێژیت:ئه‌ڤ ساله گه‌رمه‌كا مه‌زن هات و ژ ئه‌نجامێ وێ چه‌ندێ به‌لگێن داروبارێن وه‌كى سێڤێ و هرمیكێ سۆتن و هه‌روه‌سا گه‌رمێ كارتێكرنه‌كا مه‌زن ل به‌رهه‌مێ داروبارێ وه‌كى سێڤان كریه و پێڤه سۆتینه و ژ ئه‌نجامێ ڤێ گه‌رمێ گه‌له‌ك سێڤ وه‌ریاینه و ئه‌گه‌ر ب ڤى ره‌نگى گه‌رم یا به‌رده‌وام بیت ئه‌ڤ ساله دێ به‌رهه‌مێ سێڤان گه‌له‌كێ كێم بیت،ژبه‌ركو گه‌رما دژوار سێڤان دسوژیت .
گوتژى:ئه‌ڤ چه‌ندین ساله گه‌رم ب ڤى ره‌نگى ل ڤێ ده‌ڤه‌رێ په‌یدا نه‌بوویه و ئه‌گه‌ر هه‌بیت ژى ب ڤى ره‌نگى زیان نه‌دگه‌هانده داروبارى و به‌رهه‌مێ وان و له‌ورا ئه‌ڤ ساله دێ زیانه‌كا مه‌زن گه‌هیته به‌رهه‌مێ مه و داروبارێ مه یێ چاندنێ. عه‌لى سه‌عدولا جۆتیاره‌كێ دى یێ ده‌ڤه‌را به‌روارى بالایه دبێژیت:ل شه‌ڤا 23/7/2015 ژ ئه‌گه‌رێ هاتنا هرۆبایه‌كێ بهێز گه‌له‌ك سێڤ وه‌راندن و هنده‌ك دارێن سێڤان ب ئێكجارى هاتینه وه‌شاندن و سێڤ نه‌ماینه پێڤه و وى هرۆبایى زیانه‌كا مه‌زن گه‌هاندیه به‌رهه‌مێ مه یێ چاندنێ د ئه‌ڤ ساله‌دا.
ناڤهاتى دبێژیت:ئه‌ز دبینم ئه‌ڤ ساله‌ژى ئه‌م دێ بینه پالێن پیشى و به‌رهه‌مێ مه یێ چاندنێ هه‌مى دێ خرابیت و وه‌ریت و كه‌د و ماندیبوونا مه دێ ب هه‌روه چیت،چونكى وى هروبایى و گه‌رمێ زیانه‌كا مه‌زن گه‌هاندیه مه ژ هه‌مى لایه‌كیڤه،هه‌روه‌سا عه‌لى گوت ژى:گه‌رمێ زیان گه‌هاندیه باجان سوركان و پتریا باجانێن ڤێ ده‌ڤه‌رێ خراب بووینه.
نيشاندان