ئه‌ڤرۆ نيوز:

سترانبێژا دووری وەلات (ئالینێ) کو نوکە ل ئەلمانیا دژیت دیارکر وێ پرۆژەکێ مەزنێ ھونەری ھەیە، لێ ھەتا نوکە دیار نەکریە و ل ڤان نێزیکان دێ کەتە سۆپرایز بۆ حەزژێکەرێن دەنگێ خوە.
ناڤبریێ بۆ ئەڤرۆ گۆت: سۆپرایزا وێ یا مەزنە و جارێ وێ نەڤێت ئاشکەرا بکەت و بتنێ گۆت: دو سترانێن نوونە، من ب جلکێن پێشمەرگەی وێنەکرینە و نوکە دقۆناغا وێنەکرنێ دانە، کو دێ ب زمانێ کوردی و ئنگلیزی بیت، لێ جارێ ئەز ناڤەرۆکا وان ئاشکەراناکەم.
ل دووماھیێ گۆت: پشتی ڤی پرۆژەی مە ھندەک کارێن دی ژی ل بەردەستن و ھیڤیا من ئەوە ل گۆرەی شیانێن خوە خزمەتا ستران و مۆزیکا کوردی بکەم.
دھێتە زانین کو ناڤھاتی خەلکا رۆژئاڤایێ کوردستانێ یە، و ھەتا نوکە ھژمارەکا کێما ستران و کلیپان ھەنە و ب گۆتنا وێ بۆ داھاتی دێ ئەلبۆمەکا سترانێن خوە بەلاڤکەت.

ئەڤرۆ نيوز:
ئەکتەرا کچ ھێرۆ حەسەن ژدایک بوویا سالا ١٩٨٨ یە، ل باژێرێ مھابادێ ل روژھەلاتا کوردستانێ، پتر ژ سێ سالانە ل باژێرێ ھەولێرێ ئاکنجینە، دەستپێکا کارێ وێ پێشکێشکارا بەرنامەکێ سینەمایی بوویە ل کەنالێ زاگرۆس، ھەروەسا چەندین ریکلام چێکرینەو بەری چەندەکێ چوویە د بوارێ ھونەری دا و پشکداری د فلمەکێ سینەمایی دا کریە ب ناڤێ (خولەمێش).
ناڤبریێ بۆ ئەڤرۆ گۆت: د ژیێ زارۆکیێ دا حەزا من بۆ بھێمە دناڤ بوارێ ھونەری دا و بەردەوام ئەز دچوومە ھولێن سینەمایی و من دگۆت: ھەکە ئەز بچمە دناڤ بوارێ سینەمایی دا ببمە ئەکتەر دێ سەرکەفتنێ ب دەست خوەڤە ئینم و ئێک ژ خەونێن من بوو بجە ھات، بەلێ ب مخابنی ڤە سینەما مە گەلەک یا لاوازە و پێدڤی یە ئەم ھەموو بزاڤێ بکەین سینەما کوردی بەر ب پێشڤە ببەین.
ھەروەسا گۆت: ئەو فلمێ ئەو تێدا پشکداربوویی سیناریۆیەکا جوان ھەبوو، چیروکا وی ل سەر سێ مەزھەبێن جیاواز بوو دناڤا گوندەکێ بچووک دا دژین ل سەر دەمێ بەعسیان ، دوی فلمیدا من خەلاتەکێ تایبەت وەرگرت وەک کچەکا بوێر و چالاک.
دلایەکێ دی دا گۆت: ژبلی ئەکتەریێ ئەز گەلەک حەزژ موزێکێ ژی دکەم، بەس چو جاران ھزرێ دوێ چەندێ ناکەم کو ببمە سترانبێژ چونکو من کولێژا سینەمایی یا تمام کری.
ل دووماھیێ گۆت: ئەم د وەلاتەکی دژین دیموکراتیە چو کەس نەشێن بریارێ ل سەر ژیانا کەسەکێ بدەت، ئەم ھەموو حەزژ ژیانا ئازاد دکەین د کومەلگەھا مەدا چو کارێ زەلام بکەت عەیب نینە بەلێ بۆ ژنێ ھەموو کار عەیبن د کومەلگەھا مەدا گەلەک ھێرشێ دکەنە سەر ژنێ چونکو ژن د کومەلگەھا مەدا ب چاڤەکێ کێم بەرێ خوە ددەنێ.

ئەڤرۆ:
ل دەمێ پشکداریکرنێ د بەرنامەکێ ھونەری دا، سترانبێژێ گەنج عەمار کۆفی سترانەکا خوە یا نوو ل بن ناڤێ (نینە نینە) گۆت و گۆتە حەزژێکەرێن دەنگێ خوە ل ھیڤیا ئەلبۆما من بن.
ناڤبری بۆ رووداو گۆتیە: ئەلبۆما منا نوو بەر ب قوناغا دووماھیێ یە و ل دەمێ بھێت دێ بەلاڤ بیت. و ھیڤیا من ئەوە ب دلێ حەزژێکەرێن دەنگێ من بیت.
کۆفی خەلکێ باژێرێ زاخۆیە و ل خولا بۆری پشکداری دبەرنامێ عەرەب ئایدۆل دا کربوو، ئەوێ ل سەر شاشا (mbc) دھاتە نیشادان و دوی بەرنامەی دا جەماوەرەکێ زۆر ب خوەڤە گرێدا بوو.

ئەڤرۆ:
پشتی سالەکێ ژ دابڕینێ، بەری دو رۆژان سترانبێژا گەنج لۆکا زاھیر چەند وێنەیێن خوە یێن نوو ل تۆرێن جڤاکی دا بەلاڤکرینە و ل بن نڤیسسە: (خۆشتڤیێن من زۆر سوپاس بۆ نامێن ھەوە و جەژنا ھەوە ھەموویان پیرۆزدکەم، ھیڤی دارم ھەردەم د بەختەوەر بن).
دھێتە زانین کو ناڤبریێ ڕەنگێ پرچا خوە ژ رەشی بۆ زەری گوھارتیە و پتر ژ سالەکێ یە چو بەرھەمێن نوو بەلاڤ نەکرینە، و دوێ کومێنتێ دا دیارنەکریە کا وێ پرۆژێن داھی ل بەردەستن، یان دێ بەردەوامیێ ب بێدەنگیا خوە دەت.