ئهڤرۆ نيوز:
حاكمێ مهدهنى يێ بهرێ يێ ئهمريكا ل عيراقێ، بهرپرساتيا روودان و كارهساتێن نوكه يێن عيراقێ، دئێخيته ستوويێ ئوبامايى و دبێژيت: “ئهوا نوكه ههيى، دهرئهنجامێ بڕيارا ڤهكێشانا هێزێن ئهمريكايه”.
پۆل بريمهر، حاكمێ مهدهنى يێ بهرێ يێ ئهمريكا ل عيراقێ، د ديدارهكێ دا ل گهل تۆڕا دهنگوباسێن CNN بهرپرساتيا روودان و كارهساتێن نوكه يێن عيراقێ خستنه ستوويێ باراك ئوبامايێ سهرۆكێ ئهمريكا و تهكست ل وێ چهدێ ژى كر كو ئهڤا روو ددهت بڕيارا ڤهكێشانا هێزێن ئهمريكايه ل عيراقێ، بۆ رزگاربوونێ ژ وێ قهيرانێ ژى سێ پێشنياز كريه كو ئهو ژى بهرفرههكرنا بزاڤێن ئهسمانى دژى چهكدارێن داعش و ههبوونا هێزێن هشكاتيێ ل سهر ئهردى بۆ ئاراستهكرنا بزاڤێن ئهسمانى، د پێشنيازا سيێ دا داخواز دكهت چهكى بدهته كوردان و عهشيرهتێن هێزێن سونى يێن عيراقێ.
دهربارهيى بڕيارا ژناڤبرنا سۆپايێ بهرێ يێ عيراقێ ل سهر دهستێ بريمهر، ناڤبرى راگههاند ژى رێكخراوا قاعيده ژ لايێ ئهوى سۆپايێ عيراقێ هاته تێكشكاندن ئهوێ ژ لايێ هێزێن ئهمريكى ڤه هاتيه مهشقكرن ههر ژ بهر هندێ ل سالا 2009 قاعيده ل عيراقێ ب دووماهى هات.
ئەڤرۆ نیۆز، قائید میرۆ:
شەڤا بوری ل سەنتەرێ باژێڕێ باشیکێ فڕۆکەیێن ھەڤەپمانان دو ھێرش کرنە سەر بنگەھێن گرۆپا تیرۆرستیا داعش و فەرماندەکێ پێشمەرگەی ژی دبێژیت، ژمارهكا چەکدارێن داعش ھاتینە کوشتن.
بەھرام عریف یاسین، فەرماندێ پێشمەرگەی ل میحوەرێ باشیک بۆ ئەڤرۆ نیۆز گۆت: “پشتی داعش دەست ب لڤینێ کری، شەڤا بۆری فڕۆکەیێن ھەڤپەیمانان دو ھێرش کرنە سەر بنگەهـ و بارەگایێن وان ڤه و زیانێن مەزن گەھاندیە چەکدارێن داعش”.
بەھرام گۆتژی” ھەردو ھێرشێن فڕۆکەیێن ھەڤپەیمانان بۆ سەر ناڤەندا باژێڕێ باشیکێ بووینە و ب گورەيی زانیاریێن گەھشتینە ھێزێن پێشمەرگەی ژبلی تێکدانا بنگەھێن داعش ھەشت چەکدارێن وان ژی ب ڤێ ئەگەرێ ھاتینە کوشتن”.
ئهڤرۆ نيوز:
وهزارهتا بهرهڤانيا عيراقێ ئهڤرۆ رۆژا شهمبى رێكهفتى 30ى گۆلانا 2015ێ راگههاند كو ههموو ئهو دهرگههێن داعش تێدا بشێت ژ رومادى ب دهركهڤيت يێن هاتينه گرتن.
وهزارهتا بهرهڤانيا عيراقێ بهياننامهك بهلاڤكريه و تێدا هاتيه: “هێزێن مه و حهشهدێن مه يێن خهباتكهر د بهردهوامن ل سهر شهرێن خوه ل ئهنبار”.
د ڤێ بهيانناما وهزارهتا بهرهڤانيا عيراقێ دا زێدهتر هاتيه: “ئهوان هێزان رێيێن دهركهفتنێ ژ رومادى يێن ل چهكدارێن داعش گرتين”.
ئهڤرۆ نيوز:
ئهڤرۆ رۆژا شهمبى رێكهفتى 30ى گۆلانا 2015ێ كۆنگرێ سيێ يێ كۆمهلا ئيسلاميا كوردستانێ ب پشكداريا 760 ئهندامان كو 152 ژنن دهست ب كارێن خوه كر و دێ سێ رۆژان يێ بهردهوام بيت.
ب گۆرهيى ئهو پێزانينێن ل بهر دهست كۆنگره ئهڤرۆ ل ههولێر دێ ل هۆلا ئهوتار ل دهمژمێر 10:00ى سپێدێ دهسپێكهت.
د سهر وێ چهندێ كو پۆستێ ئهميندارێ گشتيێ كۆمهلێ بۆ عهلى باپير ئێكلابوويه و كهسێ حهزا خوه بهربژاركرنێ بۆ وى پۆستى نيشان نهدايه، بهلێ ژ سهرجهمێ 31 ئهندامێن سهركراتيێ 20 خوه بهربژێر ناكهت، 10 ئهندامێن دهستهيا چاڤدێرى و دووڤچوونێ ژى د بهياننامهكا نهرازيبوونێ دا راگههانديه كو ژ بهر كو داخوازيێن وان بۆ گورانكاريان بهرچاڤ وهرنهگرينه ئهو دێ بايكوتا كۆنگرهيى كهن.
ئهڤرۆ نيوز، زنار زوبێر:
ئێکەتیا تەپا پێ یا ھەرێما کوردستانێ بریار دایە دووڤچوونا بابەتەکێ رۆژناما ئەڤرۆ بکەت پشتی یاریکەرەکێ وێ ئاشکرا کری کو راھێنەر و ھاریکارێ وی بزاڤا دەستکاری کرنا ئەنجامێن یاریا کریە، بۆ ڤێ مەرەمێ ژی پەیامنێر و نڤیسەرێ رۆژناما ئەڤرۆ مللەت جەمال ھاتیە داخواز کرن سوباھی رۆژا شەمبی ل دەمژێر دوازدەی نیڤرۆ ل بارەگایێ ئێکەتیا ناڤبری ئامادە بیت.
د ڤی چارچوڤەی دا پەیامنێرێ رۆژناما ئەڤرۆ مللەت جەمال بۆ سایتێ ئەڤرۆ نیوز ئاشکرا کر کو ب رێکا سکرتێرێ ئێکەتیا تەپا پێ یا کوردستانێ ھاتیە ئاگەھدارکرن رۆژا شەمبی ل بارەگایێ ئێکەتیا ناڤبری ئامادە بیت ل گەل یاریکەر ھوزان ئازاد و ھەمی بەلگەیێن دەستی دا بەرھەڤ بکەت بۆ ئێکەتیا تەپا پێ یا کوردستانێ پێخەمەت ڤەکولین د ئەنجامێ ھەردو یاریێن یانا زێرەڤانی ل گەل زاخۆ و سلێمانیێ بکەت و راستیا بزاڤێن راھێنەرێ یانا زێرەڤانی سلێمان رەمەزان و غەزوان محەمەد و سەرپەرشتێ تیمێ رێبەر نوعمان ئاشکرا بکەت لەورا من ژی بەرھەڤیا خوە دیارکریە ل بارەگایێ ئێکەتیا تەپا پێ یا کوردستانێ بەرھەڤ بم ھەر تشتێ پێدڤی ل دۆر ڤی بابەتی پێشکێشی ئێکەتیا کوردستانێ بکەم.
بۆ خواندنا ناڤهرۆكا بابهتێ دێ كۆمبوون ل سهر هێته ئهنجام دا، ڤێره كليك بكه:
ئهڤرۆنیوز, رهزوان رۆژبهیانى:
كومیسهر حازم محمد ژ راگههاندنا هاتن و چوونا قهزا بهردهرهش بۆ ئهڤرۆ نیوز خویاكر كو ئهڤرۆ ل رێكهفتێ 29/5/2015 ل دهمژمێر (5:00) ئیڤارێ ل سهر رێیا گشتى یا ناڤبهرا بهردهرهش و ناحیا روڤیه ل نێزیك گوندى ئامیان ب ئهگهرێ پێكدادانا دوو ترومپێلان ژ جۆرێ شوفهرلێت و ئوپل فیكترا شهش كهس بریندار بوون و هاتنه رهوانهكرن بۆ نهخوشخانا تهنگاڤیا ئاكرێ و گوت : دوو كهس د ناف ڤیكترا دا بریندار بوونه كو ههردوو برایێت ئێكن و بریندارێن ترومپێلا شوفهرلێت ژى ههمى ئهندامێ ئێك خیزانن كو ژنهك و زهلامهك و دوو زارونه و ژیانا ئێك ژوان زاروكان ل بن مهترسێ دانه .
كومیسهر حازم دیار كر كو ئێك ژ شوفێران لێبورینا ب خهلهتى ب كار ئینایه.
نيشاندان