ئەڤرۆ نیۆز، سالار دۆسکی:
ئەندامەکێ لژنا سامانێن سرۆشتی و دارایی و ئابووری ل پەرلەمانێ کوردستانێ بۆ مالپەرێ ئەڤرۆ نیۆز ئاشکراکر کو چ جاران وەک ڤی دەمی ل گەل بەغدا دبێ موونەت نین و ھەر دەمێ بەغدا پابەند نەبیت ب رێکەفتنێ ل گور قانوونا ئەڤ سالە دێ سەردەریێ ل گەل کەین.
یەرونت نیسان، زێدەتر ب مالپەرێ ئەڤرۆ نیۆز گۆت: ھەکە ل دووڤ رێکەفتنا مە و بەغدا بەرامبەرپەترۆلا ب رێکا سومو دچیت بەغدا پارە ھنارت دێ پابەند بیت، لێ ھەیڤا نیسانێ مە پتر ژ ٥٥٠ بەرمیلان رۆژێ ھنارتینە و بەرامبەر نیڤا وی پارەیی نەھاتیە، ئەم پشتەڤانیا ھەلویستێ سەرۆکێ حوکمەتا ھەرێما کوردستانێ دکەین، یان بەغدا دێ پابەندبیت یان دێ راستەوخۆ پەترۆلێ فرۆشین.
نیسانی ھێشتا گۆت: دێ گازا کەرکووکێ فروشین و دێ کارێ برێڤەبرنێ ل پارێزگەھێ کەین و داھاتێ پەترۆلا وان ھەر دێ بۆ زڤریت، ھەر چ کێشە نابن چونکە بۆدجا ٢٠١٥ مادا (١٠) برگا سێ دیارکریە ھەر لایەنەکێ پێگرنەبیت لایەنێ بەرامبەر نەیێ بەرھەڤ بڤێ قانوونێ.
ھەمان ئەندام پەرلەمان گۆت: خوشحالین کو کومپانی ھەنە پەترۆلێ بکرن و دیسان ھێشتا گاز نەفرۆتی پارا رادەستی ھەرێمێ بکەن، ب مەرەجەکی خوە ل گەل بەغدا ئێک لابکەین، ئەڤە بەر ب سەربەخۆیا ئابووری یە.
ئهڤرۆ نيوز، بێوار حسێن زێباری :
ترۆمبێلهكا تهكسى ل چيايێ پيرس سۆت خودانێ وێ ژى ئهگهرێن ڤێ روودانێ بۆ تێكچوونا فیولپەمپی ڤهدگهرينيت كو بوويه ئهگهرێ ڤێ روودانێ.
ھهلگورد خورشید ژ بنگەھی پولیسێن ھاتنوچوونا دینارتێ بۆ ئەڤرۆ نيوز گۆت: “دوھی ئێڤاری ترومبێلەک ل چیایی پیرس سووت و ل دووڤ گوتنێن شوفێری ژی ئەو بوو کو ل بن کوشنێ دووماهيێ جھی فيولپهمپى ئاگر بەربوویێ و بوويە ئەگەرێ سوتاندنا ترۆمبێلا تهكسى نيسان.
ئەڤرۆ نیۆز، قائید میرۆ:
ھژمارەکا ئاوارەیێن پارێزگەھا رومادی گەھشتینە ھەرێما کوردستانێ و سەرۆکێ فڕاکسیۆنا گۆڕان ل جڤاتا پارێزگەھا ھەولێرێ ئاماژە ب وێ چەندێ دکەت، پێدڤیە ئاوارە د ناڤا کەمپادا بھێنە ئاکنجیکرن نەک د ناڤا باژێڕان دا ببنە بارگرانی بۆسەر خەلکێ ھەرێمێ.
عەبدولڕەحمان موھەندیس، سەرۆکێ فڕاکسیۆنا گۆڕان ل جڤاتا پارێزگەھا ھەولێرێ بۆ ئەڤرۆ نیۆز دیارکر كو حوکمەتا ھەرێما کوردستانێ ھەر ل دەستپێکێ چو بەرنامە نەبووینە بۆ ھاتنا ئاوارەیان، پێدڤی يه کەمپێن تایبەت بۆ ئاوارەیێن عەرەب بھێنە ڤەکرن، چونکە پەرت و بەلاڤبوونا وان زۆر مەترسی ھەنە ھەر لایێ ئەمنی ھەتا گرانبوونا بازاڕی بەرچاڤیا وەلاتێن بیانی عێراقێ ژی باشتربوو و گۆت: “ھاتنا ڤێ ھژمارا زۆرا ئاوارەیان بووینە بارەکێ گرانى بۆ خەلکێ مە، چونکە بووینە ئەگەرێ گرانبوونا کریا خانیان و بازاڕی و ل سەر كيستێ خەلکێ مە دژین”.
عەبدولڕەحمانی گۆتژی: “ئەڤان ئاوارەیێن عەرەب ب تایبەتی ئەگەر بەحسێ یێن رومادی بكەین کو ھژمارەک ھاتینە ھەولێرێ و بڕیارە ھێشتا بگەھن، ئەڤانە ل پارێزگەھێن خوە بودجە ھەیە و نوکە دکەڤنە سەر کوردستانێ بەلێ بێ بودجە دھێن، چەندین جارا مە پێشنیارا ڤەکرنا کەمپا کریە و نوکە پارێزگەهـ یا مژۆلە ب ڤەکرنا کەمپا بۆ ئاوارەیێن ئەنبار و یێن بەری نوکە ژی”.
ئەڤرۆنیۆز، سالار دۆسکی:
ب بەرھەبوونا د.سەمیان عەبدولخالق رێڤەبەرێ گشتیێ ئەوقاف و کارۆبارێن ئاینی ل پارێزگەھا دھۆک، سەباح باپیری سەرۆکێ لژنا ئەوقاف و کارۆبارێن ئاینی ل پارێزگەھێ و مەلا ئیحسان رێکانی سەرۆکێ ئێکەتیا زانایێن ئاینی ل پارێزگەھێ، ئەڤرۆ ٢٧-٥-٢٠١٥ د رێورەسمەکێ ژ ھەژی دا ناڤێن مامۆستایێن ئاینی ھاتینە دیارکرن کو ئەوێن دێ قەستا مالا خودێ کەن بۆ چوونا حەجێ ل ئەڤ سالە.
مالک رەمەزان رێڤەبەرێ رێڤەبەریا پەیوەندی و راگەھاندنێ ل رێڤەبەریا گشتی یا ئەوقاف و کارۆبارێن ئاینی ل پارێزگەھا دھۆکێ بۆ مالپەرێ ئەڤرۆ نیۆز ئاشکراکر کو ئەڤ رێورەسمە ب پشک کێشان ھاتنە برێڤەبرن و ھەر قەزایەکێ زانایەکێ ئاینی ھاتە ھەلبژارتن وەک (مرشد دینی) ل گەل کەسێن ئەڤ سالە دچنە حەجێ دێ چیت.
مالک رەمەزان ئاشکراکر ژی کو پشتی پشک کێشان ھاتیەکرن ئەڤ مامۆستانیێن ئاینی ھاتنە ھەلبژارتن بۆ چوونا حەجێ ل ئەڤ سالە.
١- قەزا دھۆک (عەلی شکر مەجید)(جوتیار عزەت حاجی)
٢- قەزا زاخۆ (عەبدوللا سالح یوسف)
٣- قەزا ئاکرێ (عێام مەجید)
٤- قەزا شێخان (کەمال عەبدولقادر)
٥- قەزا بەردەرش (عەمار محەمەد)
٦- قەزا سێمێل(جەلال رەشید حاجی)
٧- قەزا ئامێدیێ (فەرسەت ئیسلام محەمەد)
ھەڤدەم رێڤەبەرێ پەیوەندی و راگەھاندنێ نەڤەشارت و گۆت: سالانە بڤی رەنگی و ل بەرچاڤێن ھەموو سازیێن راگەھاندنێ زانایێن ئاینی ب رێکا پشک کێشانێ دھێنەدیارکرن بۆ چوونا حەجێ.
ئەڤرو نیوز،بارزان مزووری:
بهرپرسێ هێزا ئاگرى ل ميحوهرێ ناوهران راگههاند كو ئهڤرۆ فرۆكێن ههڤپهيمانان و پێشمهرگێ كوردستانێ بۆردومانا چهكدارێن داعش كر و 15 چهكدارێن وێ كوشتن.
لوقمان شهرفانى بهرپرسێ هێزا ئاگرى ل ميحوهرێ ناوهران بۆ ئهڤرۆ نيوز گۆت: “نيڤرۆيا ئەڤرۆ رۆژا چارشهمبى رێكهفتى 27ى گۆلانا 2015ێ فروکەیێن ھەڤپەیمانان ب ھەڤکاری د گەل ھێزێن پێشمەرگەی دو ترۆمبێلێن لهشكرى يێن داعش د ناڤبهرا گۆندێن فازليه و قامچى دا بوردومان كرن و د ئهنجام دا 15 كهس هاتنه كوشتن و دو ترۆمبێل ژى ژ ناڤبرن”.
دا زانين كو داعش ب مهرهما ڤهشارتنا چهكى ل وان دهڤهران بوو و ب هيڤى چهكهكێ مهزن يێ ژ مووسل ئينايى ل وێ دهڤهرێ ڤهشێرن.
ئاكرێ ، بێوارحسێن زێبارى
دوهى د روودانهكا ئاگر بهربوونێ دا ل نزیك گوندى سماقوكێ سهر ب قهزا ئاكرێ ڤه 20 دونهمێن دهخل و دانى هاتن سووتن .
بهرپرسێ راگههاندنا باژێرڤانیا ئاكرێ فیراس یاسین بۆ ئهڤرۆ نیۆز گوت : بهرى چهند رۆژان ڤه مه شوفێرو خهلكێ دهڤهرێ هایدار كریه ل سهر سووتاندن یان بكارئینان ئاگرى كۆ هشیار بن و نههێلن زیان بگههیته خهلكێ دهڤهرێ نهخسامه ئهم بهرهڤ وهرزێ هاڤینێ دچین كۆ ل سهر ههر ئێك ژمه پێدڤیه هاریكار بیت لێ ب مخابنى ڤه رۆژا بورى ل گوندێ سماقوك سهر قهزا ئاكرێ ڤه 20 دونهمێن ئهردى دهخلى و دانى هاتن سوتن و ئهگهرێ ڤى روودانى ژى هێشتا دیار نینینه لێ ئهم بهردهوام دیڤچوونێ ل سهر كهین ، ئاشكرا كر ژى كۆ ئ پولیسێن بنگههێ گولان ڤه رولهكێ مهزن گێرا ههكه ئهرد ههموو دا سوژیت.
ئەڤرۆ نیۆز، قائید میرۆ:
ل دەڤەرەکا مووسل ئەڤرۆ فڕۆکەیێن ھەڤپەیمانان کاروانەکێ ترۆمبێلێن داعش کرە ئارمانج و بەرپرسەکێ کورد ژی دبێژیت، والیێ مووسل د ناڤا ئەڤی کاروانی دا بوویە و گومان ھەیە ئەو ژی ھاتبیتە کوشتن.
غەیاس سورچی، پەیڤدارێ مەلبەندێ ئێکەتیێ ل نەینەوا بۆ ئەڤرۆ نیۆز گۆت: “سپێدەھیا ئەڤرۆ رۆژا چارشهمبى رێكهفتى 27ى گۆلانا 2015ێ فڕۆکەیێن ھەڤپەیمانان ل دەڤەرا بادۆش کاروانەکێ ترۆمبێلێن چەکدارێن داعش کریە ئارمانج و د ئەنجام دا زیانێن زۆر مەزن گەھاندینە تیرۆرستێن داعش”.
غەیاسی گۆتژی: “ب گورەی زانیاریێن گەھشتینە مە فڕۆکەیان 16 ترۆمبێلێن تژی چەکدارێن داعش کرینە ئارمانج و ھژمارەک ژ وان ب چەکدار ڤە ھاتینە سوتن و ھژمارەک ژی رزگار بووینە، بەلێ گومان ھەیە والیێ مووسل ژی د ناڤا کوشتیان دا بیت، چونکو د ناڤا ئێک ژ وان ترۆمبێلان دا بوویە و نوکە ئەم یێ زانیاریان کۆم دکەین بۆ پشتڕاستبوونا کوشتنا والیێ مووسل”.
ئهڤرۆ نيوز:
ئهيوب رهمهزان رێڤهبهرێ گشتيێ رهوشهنبيرى و هۆنهرى بۆ راديۆيا دهۆك بهحس ل چالاكيێن ئهڤرۆ ئێڤارى يێن كهرنهڤالێ رۆژا پارێزگههبوونا دهۆكێ دكهت.
ههر ئهڤرۆ دانێ سپێدێ ل پانۆراما ئازادى ل دهۆكێ چهندين سمينار ل سهر پارێزگهها دهۆكێ ل دۆر دهمێن بهرى پارێزگههبوونا وێ و پشتى پارێزگههبوونا وێ هاتنه پێشكێشكرن و چاوانيا وێ وهكو پرهك د ناڤبهرا پارچێن دى يێن كوردستانێ دا ب تايبهت باكوورێ كوردستانێ.
نيشاندان