ئەڤرۆ:
رۆژناما تایمز یا بریتانی د راپۆرتەکێ دا دیار دکەت کو لەشکرێ دو وەلاتێن وەک سووریە و عیراق ھەتا نھا ژی نەشیاینە ئاستەنگیان ل ھەمبەر پێشڤەچوونێن داعشێ دروست بکەن و ل سووریە و عیراقێ داعش رۆژ ب رۆژێ ب ھێز دکەڤیت و نھا داعشێ بەرێ خوە دایە پایتەختا ھەر دو وەلاتان، لێ ئەو یەک د دەمەکێ دایە کو داعشێ ب ھەیڤان شەرێ کوردان کر لێ نەشیا ئاخا وان داگیر بکەت و ژ بەر ھندێ ژی ئەو بەرخوەدان و سەرەدەریا کوردان یا گەل خەلکێ بیانی کو نھا ل کوردستانێ نە وەسا کر کو ھەلویستێ وەلاتێن رۆژئاڤا ل ھەمبەر کوردان بھێتە گوھۆرین و نھا پرانیا وەلاتێن رۆژئاڤا پشتەڤانیێ ل ھەرێما کوردستانێ دکەن و ھەکە کورد بریارەکێ بۆ پاشەرۆژا خوە بدەن ژی دێ وەلاتێن رۆژئاڤایی پشتەڤانیێ ل وێ بریارا کوردان بکەن و ئەوە ژی بۆ کوردان سەرکەڤتنەکا گەلەک مەزنە.
د بەردەوامیا راپۆرتێ دا ھاتیە دیار کرن کو نھا نێزیکی دو ملیۆن ئاوارە و پەنابەر ل ھەرێما کوردستانێ دانە و کورد وان دپارێزن، لێ بەغدا بەرھەڤ نەبوو کو دەرگەھێ خوە بۆ ئاوارێن پارێزگەھا ئەنبارێ ڤەکەت و ئەو ھەلویستێ کوردان ژی نیشا ددەت کو براستی وان شیایە ل ھەرێما خوە نموونەکا باش یا پێکڤەژیانێ دروست بکەن و ئەو یەک ژی تشتەکە کو ب سالانە وەلاتێن رۆژئاڤایی کار بۆ دکەن. ژ بەر ھندێ ژی ئەڤرۆکە ئەمریکا و ھندەک وەلاتێن ئوروپی ژی دخوازن کو ھێزێن پێشمەرگەە ب رەنگەکێ راستەوخوە ژ ئالیێ وەلاتێن ھەڤپەیمان ڤە بھێنە چەکدار کرن.
د بەردەوامیا راپۆرتێ دا ھاتیە دیار کرن کو شکەستنا لەشکرێ عیراقێ ل باژارێ رمادی ئەو یەک سەلماند کو لەشکرێ عیراقێ نەشێت شەرێ داعشێ بکەت و ئیرادا خوە نەمایە، نھا ژی بەرپرسێن ئەمریکی دترسن ھەکە چەکێن گران بدەنە لەشکرێ عیراقێ ئەو چەک دێ دیسان بکەڤنە دەستێ داعشێ و دێ ل دژی بەرژەوەندیێن ئەمریکا ھێنە بکارئینان و چەندین بەرپرسێن ئەمریکی داخواز ژ ئۆبامای کرینە کو ب جھێ چەکان ددەتە لەشکرێ عیراقێ بلا بدەتە کوردان چونکو کورد دێ بشێن ب وان چەکان داعشێ ژناڤ ببەن.
د پشکەکا دی یا راپۆرتێ دا بەحسێ ئالۆزیان د ناڤبەرا ھەولێر و بەغدایێ دا ھاتیە کرن و بەحسێ وێ یەکێ ھاتیە کرن کو ئەمریکا ژی باش دزانیت ئێدی باوەریا کوردان ب حوکمەتا ناڤەندی نەمایە و کوردان دڤێت وەک پێنگاڤا یەکێ سەربخوەیا خوە یا ئابووری وەربگرن و بشێن نەفتا خوە بفرۆشن، سالا بۆری ئەمریکا تا رادەیەکێ ئاستەنگی ل ھەمبەر فرۆشتنا نەفتا کوردستانێ دروست کر، لێ پشتی شەرێ داعشێ و سەرکەڤتنێن کو پێشمەرگێن کوردستانێ بدەستڤە ئیناین ھەلویستێ ئەمریکا ژی وەک بەرێ نەمایە و ھەکە کورد و بەغدا نەگەھنە چ رێککەڤتنەکێ ئەمریکا ژی دێ رازی بیت کو کورد بخوە نەفتا خوە بفرۆشن.
د دووماھیا راپۆرتا رۆژناما تایمز یا بریتانی ئەو یەک ژی ھاتیە دیار کرن کو ھەکە کورد بشێن د ھەلبژارتنێن پەرلەمانێ تورکیا دا بەندێ ١٠% دەرباز بکەن و پەیوەندیێن خوە ل گەل ھەرێما کوردستانێ باش بکەن ئەو یەک دێ کاریگەریا خوە ل سەر تورکیا ژی کەت و دێ ئەردۆگان ل ھەمبەر کوردان نەرم بیت و دێ بزاڤێ کەت کو پێنگاڤێن باش بۆ چارەکرنا پرسا کوردی ل تورکیا ب ھاڤێژیت، چونکو تورکیا دبینیت کو ئەو دێ بشێت مفایەکا باش ژ نەفت و گازا کوردستانێ وەربگریت و ژ بۆ وێ یەکێ ژی دھێتە خواستن کو دەستان ژ گۆتارا خوە یا توند بەردەت و بزاڤێ بکەت پرسا کوردی ل وەلاتێ خوە چارە بکەت، چونکو ئەردۆگان شیایە تا رادەیەک باش کۆنترۆلا خوە ل سەر ھەموو سازیێن دەولەتێ دروست بکەت و ئەو ھێزا ئەردۆگانی ھەیە کو بشێت پرسا کوردی چارە بکەت و گەلەک وەلاتیێن کورد ل تورکیا ژی دبێژین ھەکە ئەردۆگان پێنگاڤان بۆ چارەکرنا پرسا کوردی نەھاڤێژیت دێ جارەکا دی رەوشا تورکیا ئالۆز بیت.
ئەڤرۆ نيوز:
یاریکەرێ ھێلا ناڤینا تیما تەپا پێی یا زێرەڤانی دیارکر کو دو رۆژان بەری یاریا وان د گەل تیما تەپا پێی یا سلێمانیێ کادرێ راھێنانێ و ل گەل سەرپەرشتێ تیمێ کار لسەر کرینا وێ یاریێ دکر و چەندین بزاڤ ل گەل من کرن کو واستەکاریێ بو وان بکەم ل گەل یاریکەرێن تیما ھەڤرک لێ رازینەبووم.
زێدەتر د دیدارەکا تایبەت دا ھوزان ئازاد بۆ رۆژناما ئەڤرۆ گوت: ل باژێرێ سلێمانیێ بەری رۆژا یاریێ راھێنەرێ یانا زێرەڤانی سلێمان رەمەزان و ل گەل دا ھاریکارێ وی غەزوان محەمەد حاجی ئەز گازیکرمە ژورا خوە و داخواز ژمن کر ل گەل گولچیێ سلێمانیێ یاسین باخڤم و رازیبکەم یاریێ بدەتە مە بەرامبەر کوژمێ دو ملیون دینارا و پشتی ئەز لسەر ڤێ چەندێ رازینەبوویم کو ڤی کاری بکەم چنکو دێ لسەر من ھێتە ھژمارتن و سەرەرای وێ چەندێ کو گەلەک گڤاشتن لمن کرن ڤی کاری بکەم و دووماھیێ ب تورەی ڤە ئەز ژ ژورێ دەرخستم.
زێدەتر ناڤبری ئەو چەندە ژی دیارکر کو سەرپەرشتێ تیمێ رێبەر نوعمان گوتبویێ ھەر دەمێ رازیبوو ئێکسەر وەرە پارا ببە و ھەر چ کوژمێ بڤێت د حازرین بدەینێ بەرامبەر وێ چەندێ گولچی یاریێ بدەتە مە و ب سەرکەڤین.
ھوزانی ئەو چەندە ژی گوت: من پێزانین ھەنە بزاڤ ل گەل گەلەک یاریکەرێن سلێمانیێ ھاتبوکرن کو یاریێ بدەنە مە لێ یاریکەرێن سلێمانیێ رازی نەبوون.
لدووماھیێ ھوزانی دیارکر کو بزاڤ ب رێکا یاریکەرێن مە یێن پیشەکارێن سلڤادوری دھاتنەکرن کو یاریکەرێ زاخۆ یێ سلڤادوری رامون بھێتە رازیکرن ب دروستکرنا پەنەلتیەکێ بەرامبەر کوژمەکێ پارەی و دیارکر کو زوربەیا ڤان کارا ب رێکا ھاریکارێ راھێنەری دھاتنەکرن و راھێنەری ئەو کارە پێ دکرن.
ئەڤرۆ نيوز:
پشتی ل ھەیڤا چار ھەڤبەستا راھێنەر شڤان حاجی ب دووماھی ھاتی و چەند ھەولێن مەزن ھاتینە کرن بو رازیکرنا وی بو نووکرنا ھەڤبەستێ لێ راھێنەرێ ناڤبری رازینەبوو ھەڤبەستا خوە نوو بکەت و پاشەرۆژا خوە ل پارێزگەھێ دیارکر.
ل دور ڤێ بابەتی شڤان حاجی بۆ رۆژناما ئەڤرۆ گوت: ھەر جھێ نە شێم ب دروستاھی کارێ خوە بکەم لێ نامینم، ژبەر ڤێ چەندێ من ھەڤبەستا خوە نوو نەکر و ل نێزیک دێ بەر ب تیمەکا پارێزگەھێ ڤە چم و کارێ خوە بەردەوامیێ پێ دەم.
زێدەتر شڤانی سوپاسیا کارگێریا یانێ کر و گوت: سوپاسیا کارگێریا یانێ دکەم کو حەزا نوو کرنێ ل گەل من ھەبوو و بەرامبەر ڤێ چەندێ دو یاریێن بھێت یێن تیمێ دێ ل گەل تیما لاوان مینم وەکو رێزگرتن بو وان و ھاریکارێن من و وەکو رەوشتەکێ وەرزشی کو تیمێ د ڤان یاریان دا ناھێلم.
ل دور پاشەرۆژا خوە ناڤبری گوت: چەندین یانێن ھەولێر و سلێمانیێ داخازی ژمن کریە ھەڤبەستا وان ئیمزا بکەم، لێ من دڤێت خزمەتا وەرزشا پارێزگەھا دھۆکێ بکەم و ھەروەکی من ھەر دگوت و ل نێزیک یان دێ بەر ب یانا دھۆک یان گارە چم.
ئهڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبههى دێ هندهك ئهورێن كێم ل ئهسمانى ههبن و پاشان پيچهك زێده بن و ل هندهك دهڤهران دێ ب تمامى بيته ئهور و لهزاتيا بايى دێ زێده بيت و ل دانێ ئێڤارى دێ هندهك باران باريت و بريسى ژى دێ ل گهل بن.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئهنجامێ فشارێن نزمێن رۆژههلاتێ توركيا و ڤهكێشانا فشارێن نزمێن گزيرتا عهرهبى بۆ سەر ھەرێما کوردستانێ ئەو پێشبینی دکەن کو سوبههى رێكهفتى 28ى گۆلانا 2015ێ دێ هندهك ئهورێن كێم ل ئهسمانى ههبن و پاشان پيچهك زێده بن و ل هندهك دهڤهران دێ ب تمامى بيته ئهور و لهزاتيا بايى دێ زێده بيت و ل دانێ ئێڤارى دێ هندهك باران باريت و بريسى ژى دێ ل گهل بن.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ بلند بيت وهكو ههڤبهركى ل گهل رۆژێن بهرى نوكه ب رەنگەکی د ناڤبەرا 22 بۆ 34 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باكوورێ رۆژههلات بیت ب رەنگەکی دێ ل سهر خوه و ناڤهندى بیت د ناڤبەرا 5 بۆ 25 کلم د دەمژمێرەکێ دا، ماوێ دیتنێ ژی دێ 8 بۆ 10 کلم بیت.
ئەڤرۆ نیوز،زنار تۆڤی:
ژێدەرێن دەنگوباسێن قەتەرێ وەسا دانە دیارکرن کو سوباهی روژا پێنجشەمبی 28ى گۆلانا 2015ێ خالد عەتیە وەزیرێ دەرڤە یێ قەتەرێ دگەل شاندەکێ بلند یێ وی وەلاتی دێ گەهنە پایتەختێ عێراقێ بەغدا و د رێ و رسمەکی دا د هەمان روژدا بالیوزخانەیا وەلاتێ قەتەرێ دێ ل بەغدا هێتە ڤەکرن و هەروەسا چەندین پوتوکولێن بازرگانی ژی دناڤبەرا هەردو وەلاتان دا دێ هێنە ئەنجام دان.
ئەڤرۆ نیوز:
شەڤا ئێکێ یا زاڤایینیێ، ژ ئەنجامێ نەبوونا باوەری ب خوبوونێ و شەڤێن نورمال پشتی وەستیان و دامابوونێ و گەلەک شەڤان ژی ژ ھندەک ئەگەرێن نەدیار زەلام ل دەرمانێن چالاککەر بۆ سێکسی دگەریێن.
چ کەسەک نینە ئاگەە ژ دەرمان و چالاککەرێن سێکسی نەببیت، لەورا ژی ھەر ئێک ل لایێ خوە ل دەرمانێن سێکسی دگەریێت د ھندەک دەلیڤەیێن دەستنیشانکری دا و رەنگە ھەموو دەلیڤەژی ددروست نینن بۆ ب کارئینانا ڤان جورە دەرمانان و گەلەک زەلام ژی ھەبن کو مفای ژێ نەبینن، یان گەلەک زەلام ھەبن شەرم بکەن پرسیارا وان بکەن و شەڤەکا تال نە ژ لایێ شیانێن سێکسی بەلکو ژلایێ حەزا سێکسی ببوورینن، شەڤەک کو زەلام و ھەڤژینا خوە د ھەڤدو نەگەھن و ئەگەرێن وێ د دیارنەبن و ھەڤکاری دناڤبەرا وان دا نەبیت.
دەمێ مە پرسیار ل نوشدارەکی کری: ئەرێ زەلامێن کو شیانێن وان یێن سێکسی د کێم بن، رێژەیا وان د زێدەبوون یا کێمبوونێ دایە؟ گۆت: ژ ئەنجامێ وێ چەندێ کو ب دەھان ناڤێن دەرمانێن چالاککەرێن سێکسی ل بازاری ھەنە و سەرەرای مەترسیێن وان بێی راچێتا نوشداران ژی دھێنە فرۆتن، لەورا ئەم چ ژ رێژەیا وێ نزانین، بەلێ گەلەک کەس یێن ھەین مفای ژێ نابینن و پشتی دەمەکی دێ ھێنە دەڤ مە، دێ دیاربیت کو فشارێن دەروونی و کارێن رۆژانە و نەبوونا وەکھەڤیا حەزێن وی ل گەل ھەڤژینا وی بوویە ئەگەر کو ئەوی شیانێن ئەنجامدانا کریارا سێکسی نەبن و پێدڤیە زەلام ڤێ چەندێ بزانن و ھزر ل شەڤەکا پری بزاڤا سێکسی نەکەن.
ل ڤێرێ مە ڤییا ئەم ئاماژە ب خالەکێ بدەین، ئەرێ جوداھی دناڤبەرا حەزا سێکسی و شیانێن سێکسی چیە؟
حەزا سێکسی دبیت بۆ زەلامان نەمینیت و نەشێن سێکسی ئەنجام بدەن، بۆ نموونە ل دەمێ تووشی نەخوشیا شەکرێ دبن یان گەلەک کەرستەیێن کحولی ب کاربینن، ل وی دەمی دەرمانێن ڤیاگرا چ مفایێ خوە نابینن، بەلکو ھندەک دەرمانێن دی ھەنە وەکو کورتیزون و ھورمونێ نێرینە و کزکایین، رەنگەژی د ھندەک ھەلویستێن تایبەت دا مرۆڤی حەزا سێکسی نەمینیت بۆ نموونە ژ شەرمکرنێ، یان ل دەمێ زەلام دەرمانێن بێھوشکرنێ ب کاردئینن، یان گەلەک جگارەیان بکێشن، ل دووڤ ڤەکولینان دیاربوویە ئەو زەلامێن دەست ژ جگارەکێشانێ بەرددەن حەزا وان یا سێکسی پتر لێ دھێت.
پتریا نەخوشیان حەزا زەلامی بۆ سێکسی کێم دکەن و دەرمانێن چالاککرنا سێکسی گەلەک مفایێ خوە نابینن، ھەکە ھات و زەلام تووشی نەخوشیەکێ بوو و حەزا وی یا سێکسی زێدەبوو! ل وی دەمی رەنگە ژ ئەنجامێ ھەبوونا کەرستەیێن پێدڤی بیت دناڤ وان دەرمانێن کو بۆ چارەسەریا خوە ب کاردئینیت.
لەورا نابیت زەلامێ حەزا سێکسی نەبیت دەرمانێن بھێزکرنا سێکسی ب کاربینیت، بەلکو پێدڤی ب ھندەک تشتێن دیترە کو پێدڤیە ئەنجام بدەت و بێی دەرمان دێ ھێتە چارەسەرکرن، ئەڤەژی پێدڤی ب وەرگرتنا شیرەتان ژلایێ نوشدارەکێ تایبەتمەند ھەیە.
ئهڤرۆ نيوز:
دەمێ سابوون دچیتە دناڤ کونکێن لەشی دا نەدوورە ببیتە ئەگەرێ پەنجەشێرا پیستی، ڤەکولینەکا زانستی یا نوی دیارکر کو دەمێ مرۆڤ راھێنانێن وەرزشی یان کارەکێ گران دکەت، کونکێن پیستی ڤەدبن و بۆ دەمێ نیڤ دەمژمێرێ ژی دمینن ڤەکری دا کو مرۆڤی ژ خوھدانێ ب پارێزن.
دەمێ مرۆڤ پشتی راھێنانێن وەرزشی ئێکسەر سەرێ حوه دشووت ب شامپۆ و سابوونێ ئەو پاقژکەر د رێيا وان کونکان را دگەھنە د ناڤ پیستی دا و ب بورینا چەند سالان دبنە ئەگەرێ تووشبوونا مرۆڤی ب پەنجەشێرا پیستی، لەوران ژی زانا شیرەتان ل مە دکەن ھەکە مەڤیا ئێكسهر پشتی وەرزشێ سەرێ خوه بشووین باشترە ب ئاڤێ ب تنێ بیت و سابوون و شامپویان نێزیکی لەشێ خوه نەکەین.
نيشاندان