ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 25ى چريا دويێ يا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1222 |
| 1 يۆرۆيێ ئه‌ورۆپى | 1300 |
| 1 ليرێ توركى | 420 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
شيلان ئه‌مين ژنه‌كا كورده و تۆرنتۆ يا ۆه‌لاتێ كه‌ندا دژيت كۆمه‌كا وێنێن خوه ب جلێن پكينى به‌لاڤكرينه و راگه‌هانديه كو ئه‌وێ وه‌كو ژنه‌كا كورد ئه‌ڤ كاره كريه.
شيلان ئه‌مين يا ميوزيكژه‌ن ل سه‌ر به‌لاڤكرنا ڤان وێنێن خوه يێن رووت دبێژيت: “ده‌ما ئازادى و ديموكراتى دهێته پێش، ژنێن مه سه‌ربه‌خۆ و خوانده‌ڤان بن، هه‌ر ژ به‌ر ڤێ هزرا ساده ژى ئه‌ز ژنه‌كا ئازادا كوردم ب جلكێن پكينى ڤه”.
شيلان دبێژيت ژى: “من ب تنێ دڤێت د رێيا ڤان وێنان دا خه‌لكى هان بده‌م، ژيانه‌كا ته‌ندروست و وه‌رزشانه بژين”.
ئەڤرۆ نیوز:
شاھـ جوانا ئیسپانیا میریا لاجونا چەند وێنەیێن خوە ل پەیجێ خوە یێ فەرمی یێ تویتر و فێسبوکی بەلاڤەکری نە و دیارکری یە ئەوێ بەری یاریێ دیارکر بوو بەرشەلۆنا د یاریا کلاسیکو دا دێ سەرکەفتنەکا مەزن تومارکەت و ئەنجامێ سێ گولان بێ بەرامبەر بۆ بەرشا دانابوو لێ چار گولان ھاتنە تومارکرن .
ھەژی گوتنێ یە میریا لاجونا شاھـ جوانا ئیسپانیا یا سالا ٢٠١٥ ئێک ژ حەژێکەرێن یانا بەرشا یە و بەری نوکە ژی ل چەندین رۆژنامەیێن ئیسپانی حەشێکرنا خوە بۆ یانا کەتەلونی دیارکر بوو.
ژ دیتنا یاریا کلاسیکو بێ بار بوو ژبەر گەشتا وێ بۆ وەلاتێ چینێ
شاھـ جوانا ئیسپانیا دیارکر بوو ئەوێ دیاریەک ژ ستێرا ریال مەدرید رۆنالدوی وەرگرت بو ئەوژی درێسێ وی یێ تایبەت یێ یاریێ بوو ل سەر ئیمزاکر ژی بوو، پاش ئەو درێس فروت ئەو پارە کرنە دیاری بۆ زاروکێن ھەژار ل وەلاتێ چینێ
ئەڤرۆ نیوز، ئەیاد بەرواری:
ناسناما فرۆکەڤانێ روسی ئەوێ د روودانا ئێخستنا فرۆکا روسی دا ل سووریێ ژلایێ فرۆکێن تورکی ڤە، ل تۆرێن جڤاکی ل روسیا ھاتە ئاشکراکرن.
ل دووڤ سایتێ (روسیا الیوم)، ھندەک چالاکڤانێن تۆرێن جڤاکی ل روسیا پشتی دووڤچوونەکا ھوور دیاربوو کو ئەو فرۆکەڤانێ ھاتیە کوشتن کو فەرماندێ فرۆکا (سوخۆی – ٢٤) بوو و ناڤێ وی ( سیرغی رومیانتسیف) ژ باژێرێ (تشیلیابینسک) یێ روسی یە.
ھەتا نوکە روسیا ب شێوەکێ فەرمی بەحسێ کوشتنا فرۆکەڤانێ خوە نەکریە و وەزارەتا بەرگریا روسی راگەھاندبوو کو ئەو بزاڤا وەگرتنا پێزانینان ل سەر چارەنڤیسێ ھەردو فرۆکەڤانێن روسی و ئەگەرێن وێ روودانێ دکەت.
ئه‌ڤرۆ نيوز:
پشتى بۆ ماوێ 48 ده‌مژمێران گه‌شتێن فرۆكه‌ڤانى يێن فرۆكخانێن هه‌ولێر و سلێمانيێ هاتينه راگرتن، ئه‌ڤرۆ رۆژا چارشه‌مبى رێكه‌فتى 25ى چريا دويێ جاره‌كا دى گه‌شتێن ڤان دو فرۆكخانا ده‌سپێكرن.
ب گۆره‌ى راگه‌هاندنه‌كا وه‌زاره‌تا ڤه‌گوهاستن و گه‌هاندنێ ل حوكمه‌تا هه‌رێما كوردستانێ كو دانه‌ك ب ده‌ست ئه‌ڤرۆ نيوز كه‌فتيه هاتيه: “ژ ده‌مژمێر 8ى سپێده‌هيا ئه‌ڤرۆ رۆژا چارشه‌مبى رێكه‌فتى 25ى چريا دويێ 2015 گه‌شتێن هه‌ردو فرۆكخانێن نێڤده‌وله‌تى يێن هه‌ولێر و سلێمانيێ ده‌ست ب گه‌شتێن خوه كره‌ڤه”.
ژ ئه‌نجامێ بۆردۆمانا مووشه‌كێن رۆسى ل سه‌ر وه‌لاتێ سوريا كو بنگه‌هێ وان ژ ده‌ريا قه‌زوين بوو، بۆ ماوێ 48 ده‌مژمێران گه‌شتێن ڤان هه‌ردو فرۆكخانان هاتبوونه راوه‌ستاندن.
ئه‌ڤرۆ نيوز:
رێڤەبەریا گشتی یا ساخلەمیا پارێزگەھا دھۆکێ خزمەتێن ساخلەمیێ گەھاندنە دناڤ قەزا شنگالێ دا و رۆژانە دێ چارەسەریا پێشمەرگەی و خەلکەکی ب گشتی ھێتە کرن.
د.مەردان برجس، رێڤەبەرێ ساخلەمیێ ل قەزا شنگالێ دیارکر کو تیمەکا گەرۆک ل گەل ترۆمبێلەکا ئەمبولانس ژلایێ رێڤەبەریا گشتی یا ساخلەمیا پارێزگەھا دھۆکێ گەھشتنە شنگالێ و ل بەرامبەر قایمقامیا قەزا شنگالێ دێ ھێنە دانان و رۆژانە چارەسەریا پێشمەرگەی و خەلکێ شنگالێ دێ ھێتە کرن و گۆت: تیمێن مە ژ نوشدار و کارمەندێن ساخلەمیێ پێکھاتینە و ھەکە نشیان چارەسەریا نەخۆشەکی بکەن دێ ڤەگوھێزنە نێزیکیترین دەزگەھێ ساخلەمیێ.
رێڤەبەرێ ساخلەمیا قەزا شنگالێ دیارکر ژی کو ھەتا بنگەھێن ساخلەمیێ دناڤ شنگالێ دکەڤنە کاری ئەو تیمێن گەرۆک رۆژانە دێ کارێ خوە کەن و گۆت: ب ھاریکاریا رێڤەبەریا گشتی یا ساخلەمیا پارێزگەھا دھۆکێ ل دەمەکێ نێزیک بنگەە دێ ھێنە نووژەنکرن.
ئەڤرۆ نیوز، ئەیاد بەرواری:
حوکمەتا تورکیا رادەیا بەرھەڤیا لەشکری بۆ بلند ئاست راگەھاند پشتی لەشکرێ تورکی ل رۆژیا سێشەمبی فرۆکەکا لەشکری یا روسی ل نێزیک سنۆرێ سووریێ ئێخستی.
ل دووڤ سایتێ (ھافینگتۆن پۆست)، رادارێن تورکی بەردەوام چاڤدیرێا سنۆرێ خوە ل گەل سووریێ دکەن ب رووبەرێ ٤٠٠ کیلۆمەتران، د دەمەکی دا ئەمیندارێ گشتیێ قۆلپا ناتۆی (ینس ستولتنبرغ) داخوازا تەناکرنا رەوشێ کر.
ھەر دوھی سێشەمبی،پشتی ئێخستنا فرۆکا روسی، سەرۆکێ تورکی (رەجەب تەیب ئەردوگان) کۆمبوونەکا ئەمنی یا بلەز ئەنجامدا، د ھەمان دەم دا تورکیا پێرابوونێن ئەمنی ل سەر سنۆرێ خوە ل گەل سووریێ توندتر لێکرن و ل دووڤ رۆژناما (سەباح) یا تورکی ، ١٥ زریپۆش ھاتنە ھنارتن بۆ باژێرێ (ئۆرفا) ل باشوورێ تورکیا. ئەڤ پێرابوونێن زێدە ھاتنە وەرگرتن پشتی توندبوونا شەڕی د ناڤبەرا گرۆپێن کوردی و رێکخستیا داعش ل نێزیک کۆبانی ل باکوورێ سووریێ و نێزیکبوونا وان ژ دەڤەرا (سوروج) یا تورکی یا ھەڤسنۆر ل گەل سووریێ.
نيشاندان
