سێ كه‌سا ب لێدانا كاره‌بێ گیانێ خوه‌ ژده‌ستدا

02/07/2015 03:55

252

ئه‌ڤرۆ نیۆز، قائید میرۆ
ئه‌ڤرۆ ل باژێڕێ هه‌ولێرێ سێ وه‌لاتیان ب ئه‌گه‌رێ لێدانا كاره‌بێ گیانێ خوه‌ ژه‌دستدان و دو ژوان ئاواره‌یێن عه‌ره‌بن.
رائید كاروان عه‌بدولكه‌ریم، په‌یڤدارێ پۆلیسێن پارێزگه‌ها هه‌ولێرێ ب ئه‌ڤرۆ نیۆز راگه‌هاند” به‌ری نیڤرۆیا ئه‌ڤرۆ ل قه‌زا خه‌بات یا رۆژئاڤایێ هه‌ولێرێ وه‌لاتیه‌كێ 23سالی خوه‌دیێ مۆه‌لیدا ئه‌هلی پشتی ده‌ستكاریكرنێ گیانێ خوه‌ ژده‌ستدا.
رائید كاروانی گۆتژی” هه‌ر ئه‌ڤرۆ وه‌لاتیه‌كێ ئاواره‌یێ عه‌ره‌ب ل تاخێ به‌هار یێ باژێڕێ هه‌ولێرێ وی ده‌می َمژۆلی سه‌خبێریا مۆبه‌ریدا خوه‌ بۆیه‌ ب ئه‌گه‌رێ لێدانا كاره‌بێ گیانێ خوه‌ ژده‌ستدایه‌، هه‌ر ئه‌ڤرۆ ل تاخێ راپه‌ڕین وه‌لاتیه‌كی دی یێ عه‌ره‌ب دده‌مێ كاركرنێ ب ئه‌گه‌ری َلێدانا كاره‌بێ گیانێ خوه‌ ژده‌ستدا.

پێشمه‌رگه‌ی ل گوندێن بن كۆنتڕۆلا داعش ئالایێ كوردستانێ بلندكر

02/07/2015 03:53

422

ئه‌ڤرۆ نیۆز، قائید میرۆ
هێزه‌كا پێشمه‌رگه‌ی شه‌ڤا بۆری خوه‌ گه‌هاندیه‌ دو گوندێن بن كۆنتڕۆلا داعش و ل جهێ ئالایێ داعش ئالایێ كوردستانێ هاتیه‌ بلندكرن.
ژێده‌ره‌كێ هێزێن پێشمه‌رگه‌ی ل میحوه‌رێ گوێر ب ئه‌ڤرۆ نیۆز راگه‌هاند” شه‌ڤا بۆری مه‌فره‌زه‌یه‌كا پێشمه‌رگه‌ی بشێوه‌یه‌كێ پارتیزانی، شیاینه‌ بچنه‌ ده‌ڤه‌رێن بن كۆنتڕۆلا داعش و چالاكیه‌كێ ئه‌نجام بده‌ن”.
ئه‌ڤی ژێده‌ری كو نه‌ڤیا ناڤێ وی بهێته‌ به‌لافكرن گۆتژی” ئه‌ف مه‌فره‌زا پێشمه‌رگه‌ی ب سه‌رپه‌رشتیار فه‌رمانده‌ عه‌لی چه‌مچه‌مالی چووینه‌ هه‌ردو گوندێن ته‌لشعیر و دویزات و ئالایێ داعش ئینایه‌ خوار و ئالایێ كوردستانێ بلندكریه‌، بێی كو داعش چو كارڤه‌دان هه‌بن”.

داعش به‌رپرسايه‌تیا خوه‌ ژ ته‌قینا مسرێ راگه‌هاند

01/07/2015 23:18

126

ئه‌ڤرۆ نیوز:
داعش به‌رپرسایه‌تیا خوه‌ ل هه‌مبه‌ر ته‌قینا ئه‌ڤرۆ ل مسرێ دیاركر كو خاله‌كا پشكنینێ یا سه‌ربازى ل شێخ زوه‌ید ل باكوورێ سینا یا ولاتێ مسرێ كریه‌ ئامانج و زێده‌تر 80 سه‌ربازى كریه‌ ئامانج.

میرێ سعودیه‌ دێ هه‌می سامانێ خوه‌ كه‌ته‌ خێر

01/07/2015 22:43

373

Prince-Alwaleed-Bin-Talal — ئه‌لوه‌لید بن ته‌لال

ئه‌ڤرۆ نیوز: ڤه‌ده‌ر ره‌شاڤایی:
میرێ سعودیه‌ ئه‌لوه‌لید بن ته‌لال كو ب ئێك ژ زه‌نگینترین كه‌س ل جیهانێ و ب ژیرترین وه‌به‌رهێنه‌ر د جیهانا عه‌ره‌بی دا دهێته‌ نیاسین و هه‌روه‌سا يێ بناڤوده‌نگه‌ ب مه‌رداتییا خوه‌ د پێشكێشكرنا دیاریان دا، لبه‌ره‌ هه‌می سامانێ خوه‌ ژ 32 ملیار دۆلاران بكه‌ته‌ خێر و بۆ رێكخستنێن خێرخازی پێكێشكه‌ت.
میرێ سعودیه‌ ل ده‌ستپێكێ ب 30 هزار دۆلارێن كو وه‌ك خه‌لات ژ بابێ خوه‌ وه‌رگرتی سامانێ خوه‌ ئاڤاكر و هه‌تا نها گه‌هاندیه‌ 32 ملیاران، لێ ناڤهاتی ئاشكرا نه‌كریه‌ پشتی ڤی پاره‌ی هه‌میێ دبه‌خشیت دێ پاشه‌رۆژا گرۆپێن وی یێن بازرگانی چ بیت ژ وه‌به‌رهێنانا وی د هوتێلا له‌نده‌ن سه‌ڤۆی و ئه‌پل و سیتی گرۆپ و نیو كۆرپ دا.
بن ته‌لال كو خودانێ دو زارۆكانه‌ ژبلی ڤی سامانێ سه‌ره‌كی چه‌ندین مال و ملك هه‌یه‌ ژ وان ژی 200 ترۆمبێلێن بها گران و مه‌زنترین فرۆكه‌یا تایبه‌ت كو ناڤدا ب زێری هاتیه‌ خه‌ملاندن و قه‌سره‌كا 420 ژووری ل ریازێ و 120 ئه‌یكه‌رێن چه‌م و هاڤینگه‌هان.

هیلاكا داعش رابوو

01/07/2015 22:18

954

ئه‌ڤرۆ نیۆز، قائید میرۆ
ئه‌ڤرۆ هژماره‌كا زۆرا ته‌رمێن چه‌كدارێن گروپا تیرۆرستیا داعش ل قه‌زا بێجی گه‌هشتنه‌ڤه‌ باژێڕێ مووسل و به‌رپرسه‌كێ كوردژی دبێژیت، پێنجی پیكابێن داعش ئه‌ڤ ته‌رم ڤه‌گوهاستینه‌.
غه‌یاس سورچی، په‌یڤدارێ مه‌لبه‌ندێ ئێكه‌تیێ ل نه‌ینه‌وا ب ئه‌ڤرۆ نیۆز راگه‌هاند” ئه‌ڤرۆ پێنجی ترۆمبێلێن پیكاب یێن گروپا تیرۆرستیا داعش چه‌كێ ناڤنجی لسه‌ربوویه‌ و تژی بووینه‌ ل ته‌رمێن چه‌كدارێن وان ل قه‌زا بێجی گه‌هشتینه‌ نه‌خۆشخانه‌یێن باژێڕێ مووسل و پشتی گه‌هشتنا وان ته‌رما هاتن وچوون لباژێڕی هاته‌ قه‌ده‌غه‌كرن”.
سورچی گۆتژی” بته‌مامی هژمارا وان ته‌رما نه‌هاتیه‌ زانین، به‌لێ پێشبینی دكه‌ین 100 ته‌رم دناڤا ترۆمبێلێن داعشدابن، هه‌مووژی ل شه‌ڕ و پێكدادانێن چه‌ند رۆژێن بۆری ل قه‌زا بێجی هاتینه‌ كوشتن و پتریا وانژی بیانینه‌”.

خشتێ به‌لاڤكرنا مووچان بۆ حه‌فتيا بهێت

01/07/2015 22:10

1277

ئه‌ڤرۆ نيوز:

وه‌زاره‌تا دارايى و ئابوورى يا حكومه‌تا هه‌رێما كوردستانێ د راگه‌هاندنه‌كێ دا دياركر كريه‌ كو حه‌فتيا بهێت، رۆژا دوشه‌مبى دێ وه‌زاره‌تێن ناڤخو و باژێرڤانى مووچه‌ى وه‌رگرن و رۆژا سێشه‌مب دێ مووچێ خانه‌نشينێ هێنه‌ به‌لاڤكرن و رۆژ 5 شه‌مبيێ دێ مووچێ هه‌يڤا چار يێ سه‌رۆكايه‌تيا په‌رله‌مان و سه‌رۆكايه‌تيا هه‌رێم و جڤاتا وه‌زيران هێنه‌ به‌لاڤكرن و دێ دووماهى ب مووچێ هه‌يڤا 4 هێت.

ئیراق دێ قه‌ره‌كێ مه‌زنتر ژ یا پێشبینی كری ل بانكا نێڤده‌وله‌تی كه‌ت

01/07/2015 22:05

125

ئه‌ڤرۆ نیوز: ڤه‌ده‌ر ره‌شاڤایی:
وه‌زاره‌تا دارایی یا ئیراقێ دا خویاكرن كو ئیراق دێ داخازێ ژ بانكا نێڤده‌وله‌تی كه‌ت كو كوژمێ 2.3 ملیار دۆلاران وه‌ك قه‌ر بده‌ته‌ ئیراقێ، بمه‌ره‌ما دابینكرنا خه‌رجیێن پێدڤی ژبۆ پرركرنا كورتهێنانا دارایی و مه‌زاختنێن شه‌رێ دژی داعش.
ئه‌ڤه‌ دده‌مه‌كی دایه‌ كو وه‌سا لبه‌ر بوو بانكا جیهانی 1.7 ملیار دۆلاران بقه‌ر بده‌ته‌ ئیراقێ.
هه‌روه‌سا ژبۆ نووژه‌نكرن و نووئاڤاكرنا ناوچه‌یێن ژ شه‌رێ دژی داعش تۆشی زیانان بووی دێ بانكا جیهانی 350 ملیۆن دۆلاران بقه‌ر ده‌ته‌ ئیراقێ.
هه‌ر ژ بۆ هه‌مان مه‌ره‌م رۆژا چارشه‌مب ئێكی ڤێ مه‌هێ هوشیار زێباری وه‌زیرێ دارایێ ئیراقێ د گه‌ل شانده‌كێ بانكا جیهانی كۆمبوو.

ئیران گه‌فێن هنارتنا هێزێن به‌سیج بۆ ئیراقێ ل داعش دكه‌ت

01/07/2015 21:47

162

ئه‌ڤرۆ نیوز: ڤه‌ده‌ر ره‌شاڤایی:
یه‌حیا ره‌حیم سه‌فه‌وی جه‌نه‌رالێ ئیرانی و شیره‌تكارێ رێبه‌رێ ئیرانێ ئایه‌توللا خامه‌نایی ئاشكرا كر كو ئیرانێ هۆشداریی دایه‌ داعش كو دێ هێزێن به‌سیج یێن ئیرانی هنێریته‌ ئیراقێ و به‌رهنگاری وان بیت هه‌رده‌ما داعش نێزیكی مه‌زارگه‌هێن پیرۆز یێن شیعه‌یان ل ئیراقێ بوو.
سه‌فه‌وی دیاركریه‌ ژی كو ئیرانێ وه‌ك نامه‌ ئه‌ڤ هۆشداریه‌ ئاراسته‌ی داعش كریه‌ و ئه‌و دێ راسته‌راست ده‌ستێوه‌ردانێ كه‌ن هه‌كه‌ر داعش نێزیكی مه‌زارگه‌هێن شیعه‌یان ل ئیراقێ بوو و داعش شیانێن به‌رهنگاربوونا ڤێ هێزا ئیرانێ نینه‌.
چاڤدێر ڤان داخۆیانیێن ئیرانێ وه‌ك ره‌نگڤه‌دانا دلگرانییا وی وه‌لاتی دبینن ژ ره‌وشا ڤێ داوێ یا ئیراق و سوريا.

855 گۆمانلێكریێن تیرۆرێ ل ئیراقێ هاتنه‌ ئازادكرن

01/07/2015 21:30

ئه‌ڤرۆ نیوز: ڤه‌ده‌ر ره‌شاڤایی:
ده‌ستهه‌لاتا داد یا ئیراقی ئازادكرنا 855 گۆمانلێكریێن كه‌یسێن تیرۆرێ راگه‌هاند.
په‌یڤداره‌كێ وه‌زاره‌تا داد یا ئیراقی عه‌بدولستار بیره‌قدار خۆیاكر كو د ماوێ ئێك مه‌هـ دا ئه‌ڤ ژمارا مه‌زن یا كه‌یسان ل ئیراقێ هاتینه‌ سه‌رراستكرن و گۆمانلێكری سه‌ربه‌ست هاتینه‌ به‌ردان ژبه‌ر نه‌بوونا به‌لگه‌ و گرۆڤێن پێدڤی لدژی وان.

هه‌رێما كوردستانێ بڕيارا سه‌ربه‌خۆيا ئابوورى دا

01/07/2015 19:24

794

ئه‌ڤرۆ نيوز:

ئه‌ندامه‌كێ لژنا دارايى ل جڤاتا نوونه‌رێن عيراقێ راگه‌هاند، ئه‌و په‌ترۆلا ل هه‌يڤا خزيرانێ دا ژ لايێ هه‌رێما كوردستانێ ڤه‌ هاتيه‌ كرن ب رێيا سۆمۆ گه‌له‌ك يا كێم بوويى.

ئه‌حمه‌دێ حاجى ره‌شيد، ئه‌ندامێ لژنا دارايى ل جڤاتا نوونه‌رێن عيراقێ د نڤيسينه‌كێ ل په‌يجێ تايبه‌تێ خوه‌ ل تۆڕا جڤاكيا فه‌يسبۆكى به‌لاڤكريه‌ و ل ژێر ناڤێ “هه‌رێما كوردستانێ بڕيارا سه‌ربه‌خۆيا ئابوورى دا؟ ده‌رئه‌نجامێ وێ دڤێت هه‌موو ل ستوويێ خوه‌ بگرن”، به‌لاڤكريه‌ تێدا ئاماژه‌ ب وێ چه‌ندێ كريه‌ كو رۆژانه‌ 576 هزار و 452 به‌رميل دكه‌ڤيت.

هه‌ر ديسا ئاماژێ ب وێ چه‌ندێ ژى كريه‌ د وێ هه‌يڤێ دا، چار مليۆن و 292 هزار و 223 به‌رميلێن په‌ترۆلێ راده‌ستى كۆمپانيا بازركرنا په‌ترۆلا عيراقێ “سۆمۆ” كريه‌ كو رۆژانه‌ 148 هزار و 8 به‌رميلێن په‌ترۆلێ بووينه‌.

دايه‌ زانين ژى كو ئه‌و په‌ترۆل ب تنێ 194 هزار و 711 يا هه‌رێما كوردستانێ بوويه‌ راستى كۆمپانيا سۆمۆ كرى كو رۆژانه‌ ب تنێ شه‌ش هزار و 714 به‌رميلێن په‌ترۆلێ دكه‌ڤن.

دبێژيتژى: “ب گشتى ل هه‌يڤا بۆرى چار مليۆن و 486 هزار و 943 به‌رميلێن په‌ترۆلێ نه‌ كو پتريا وان يا بيستانێن كه‌ركووكێ نه‌، راستى سۆمۆ هاتينه‌ كرن و رۆژانه‌ 154 هزار و 722 به‌رميل دكه‌ڤن. هه‌ر د هه‌يڤا بۆرى دا، هه‌رێما كوردستانێ 12 مليۆن و 230 هزار و 168 به‌رميلێن په‌ترۆلێ فرۆتينه‌ و تێكرايا رۆژانه‌ 421 هزار و 730 به‌رميل هاتينه‌ هنارتن.

نيشاندان 1...1,510 2,510 3,510 3,5143,5153,516...4,207 زێده‌تر

لاپه‌ر 3,515 ژ 4,207