ئەڤرۆ نیوز، زنار:
کارگێریا یانا بەرشەلونە شیا ھەڤبەستا یاریکەرێ خوە یێ بەرازیلی یێ ھێلا ناڤین رافینا ئەلکانتایا ھەتا سالا ٢٠٢٠ نوو بکەت.ماپەرێ فەرمی یێ یانا بەرشەلونە ئەڤ پەیامە بەلاڤکریە کو ئەو شیان یاریکەرێ خوە یێ گەنج یێ بەرازیلی رافینا رازی بکەن بۆ درێژکرنا ھەڤبەستا وی ھەتا سالا ٢٠٢٠ و ئەڤ ھەڤبەستە بەری نوکە ھاتبو ئیمزاکرن لێ راگەھاندنا وی پشتی یاریا کلاسیکویێ ھاتە پێش.
دھێتە زانین یاریکەرێ ناڤبری د یاریا ھەمبەر یانا روما یا ئیتالی دا د قارەمانیا چامپیونس لیگ دا تووشی ھنگافتنێ ببو و بۆ ماوێ شەش ھەیڤان ژ یاریگەھان دوورکەفتیە

ئەڤرۆ نیوز، زنار:
ب فەرمی یانا زاخۆ رازی بوو پلێتا دەسبەردانێ بدەتە یاریکەرێ خوە ئەمیر سەباح پشتی یاریکەرێ ناڤبری کوژمێ ١٠٠ ملیۆن دینارێن عیراقێ بۆ یانا زاخۆ ڤەگەراندین.
د ڤی چارچوڤەی دا ئەمیر سەباح یاریکەرێ یانا زاخۆ یێ بەری نوکە د داخویانیەکا تایبەت دا بۆ سایتێ ئەڤرۆ نیوز گۆت: پشتی وی بریار دای یانا زاخۆ بجە بھێلیت ڤەگەریتە باژێرێ بەغدا یاریێ بکەت ژبەر ئەگەرێن خێزانی یێن تایبەت ب وی ڤە کو نەدشیا بەردەوامیێ بدەتە یاریێ د قوناغا دویێ دا ل گەل یانا زاخۆ و داخوازا لێبورینێ ژ یانێ کر و ب فەرمی دوھی من ھەڤبەستا یانا شورتە ئیمزا کر بەرامبەر بەرامبەر کوژمێ ١٥٠ ملیۆن دیناران بۆ قوناغا دویێ یا خولا عیراقێ.
ناڤبری ل دۆر دەستبەرداریا خوە ژ یانا زاخۆ گۆت: من کوژمێ ١٠٠ ملیۆن دینارێن عیراقێ بۆ یانا زاخۆ ڤەگەراندی نە بەرامبەر بەرامبەر دەستبەرداریا من و ھەردو لا رازیبون و ب فەرمی دێ یاریێ ل گەل یانا شورتە کەم د قوناغا دویێ یا خولا عیراقێ دا یا تەپا پێ.

ئه‌ڤرۆ نيوز:

فلۆرينتينۆ پيرێز سه‌رۆكێ يانا ريال مه‌دريد يا مه‌له‌كى پشته‌ڤانيا خوه‌ يا ته‌مام بۆ راهێنه‌رێ يانێ راڤا پينێتێز راگه‌هاند د ده‌مه‌كى دا كو نشيانێن تۆره‌بوونێ ل سه‌ر دێمێ وى د ئاشكه‌را بوون ژ به‌ر وێ خوساره‌تيا مه‌زن يا ل گه‌ل به‌رشه‌لۆنا ب چار گۆلێن بێ به‌رامبه‌ر ل ياريگه‌ها ريال مه‌دريد.

سه‌رۆكێ يانێ به‌رى ده‌مه‌كێ كێم د كۆنگره‌كێ رۆژنامه‌ڤانى دا، داخواز ژ جه‌ماوه‌رى كر كو ياريكه‌ر و راهێنه‌ر پتر ژ هه‌ر ده‌مه‌كێ دى پێدڤى ب پشته‌ڤانيا وانن.

ده‌رباره‌ى هه‌لبژارتنا ياريكه‌ران ژى دا زانين كو وى چ جاران ژ چ راهێنه‌ران نه‌خواستيه‌ كا چ ياريكه‌ر ياريێ بكه‌ن و هه‌موو ده‌سته‌لات يێن راهێنه‌رێ يانێ نه‌.

ئەڤرۆ نیوز:
تیما تەپا پێ یا دھۆک یا پشکدار دخولا عیراقێ دا توشی خوسارەتیی بو ل گەل تیما زێرەڤانی د یاریەکا ھەڤالینی دا ب دو گولان بەرامبەر گولەکێ دوێ یاریی دا ئەوا ئەڤرو ل یاریگەھا زێرەڤانی ھاتیە کرن .