ئه‌ڤرۆ نیوز:
نووترين نووچه
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
- كەسایەتییەكێ ئێزدی: چو جاران ئێزدیان جهێ خوە د ناڤا لەشكەرێ ئیراقێ دا نەدیتییە
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
سه‌ره‌كى Facebook
15 جۆرێن گۆشتێ ڤايرۆسێ ب ترس پێڤه ژ توركيا هاتينه ناڤ عيراقێ
ئه‌ڤرۆ نيوز:
لژنا ساخله‌ميێ ل په‌رله‌مانێ عيراقێ ئاشكه‌را كر كو زێده‌ترى 15 جۆرێن گۆشت و به‌رهه‌مێ هه‌ڤيرى هاتنه عيراقێ كو ڤايرۆسه‌كێ ب ترس پێڤه‌يه.
ئيقبال غه‌رابى، ئه‌ندامێ لژنا ساخله‌ميێ ل په‌رله‌مانێ عيراقێ راگه‌هاند: لژنا وان ب هه‌ڤكاريا وه‌زاره‌تا ساخله‌ميێ رێيێن پێدڤى گرتينه به‌ر بۆ رێگرتن ل دياردا ئينانا خوارنا ژه‌هراوى و ده‌م ب سه‌رڤه‌چوويى و گۆت: “ب گۆره‌يى دووڤچوونێن مه ده‌ركه‌فتيه كو هنده‌ك بازرگانان 15 جۆرێن خوارنێن گۆشتى و يێن وه‌كو هه‌ڤير دروستكرى ئيناينه عيراقێ، كو ماوێ وان ب سه‌رڤه چوويه و ڤايرۆسه‌كێ ب ترسێ ژه‌هراوى تێدا بوويه.
ته‌كست ژى كر كو ئه‌و ماده ب رێيا سنوران ل گه‌ل توركيا ئيناينه ناڤ عيراقێ، داخواز ژى ژ لايه‌نێن په‌يوه‌نديدار كر كو ئاميرێن پشكنينێ يێن پێشكه‌فتى ب دانن دا ل سه‌ر سنوران رێگريێ ل ڤان ره‌نگه‌ك كه‌رستان بكه‌ن.
كۆمبوونا پارتى و ئێكه‌تيێ ب دووماهى هات و كۆنگره‌كێ رۆژنامه‌ڤانى ئه‌نجام دا
ئه‌ڤرۆ نيوز:
كۆمبوونا شاندێ پارتى ديموكراتى كوردستان ل گه‌ل ئێكه‌تى نشتيمانى كوردستان ل سلێمانيێ ب دووماهى هات و د. به‌رهه‌م ئه‌حمه‌د سالح جێگرێ دويێ يێ سكرتێرێ گشتى و نێچيرڤان بارزانى جێگرێ سه‌رۆكێ پارتى ديموكراتى كوردستان كۆنگره‌كێ هه‌ڤپسك ئه‌نجامدا.
به‌رهه‌م سالح راگه‌هاند كو ئه‌وان بۆ شاندێ پارتى دايه زانين كو ئه‌و ب روونى ل گه‌ل سيسته‌مێ په‌رله‌مانى نه ل هه‌رێما كوردستانێ.
جێگرێ دويێ يێ سكرتێرێ گشتيێ ئێكه‌تيێ دا زانين ژى كو ب ئاشكرايى ژى ل گه‌ل وێ چه‌ندێ نه كو ده‌سپێكێ ئه‌ڤ پرسه ل گه‌ل به‌رپرسان بهێته گه‌نگه‌شه‌كرن.
نێچيرڤان بارزانى ته‌كست ل سه‌ر وێ چه‌ندێ كر كو دانوستاندن ل سه‌ر سه‌رۆكاتيا هه‌رێمێ و دستوورى كر و ئێكه‌تى ب هه‌ڤپشكا خوه يا رێكه‌فتناما ستراتيژى وه‌سفكر.
جێگرێ سه‌رۆكێ پارتى دا زانين ژى كو هه‌بوونا هه‌ڤبووچوونان ل گه‌ل ئێك تشته‌كێ ئاسايى و د كاودانێن ژ ڤى ره‌نگى دا و بزاڤا وێ چه‌ندێ دكه‌ن كو بگه‌هنه ئێك بۆچوون.
نێچيرڤان بارزانى دا زانين ژى كو ئه‌و وه‌كو پارتى ل گه‌ل سيسته‌مێ په‌رله‌مانى نه و چو بووچوونێن جودا ل گه‌ل ئێك نينن و هه‌ڤبۆچوونين و دێ گه‌هينه رێكه‌فتنێ.
بارزانى نه‌ڤه‌شارت ژى كو ئه‌وان چو پرۆژه به‌رچاڤ نه‌كرينه چونكو ب ديتنا پارتى لژنا دستوورى دێ ب كارێ خوه رابيت و هه‌موو به‌رهه‌ڤيان ئاماده كه‌ت و گۆت: “ئه‌و لژنا 21 كه‌سى دێ پرۆژێ دستوورێ هه‌رێما كوردستانێ و هه‌موو ئه‌و پێدڤيێن هه‌ين دابين كه‌ن ژ پرسيا سه‌رۆكاتيا هه‌رێمێ و چاوانيا هه‌لبژارتنێ و هه‌موو ئه‌و تشتێن د ناڤ دستوورى دا هه‌ين ئاماده بكه‌ن”.
ل دۆر سيسته‌مێ حوكمرانيێ ژى ل هه‌رێما كوردستانێ نێچيرڤان بارزانى گۆتژى: “سيسته‌مىێ هه‌رێما كوردستانێ نوكه ژى په‌رله‌مانى و ئه‌و د خه‌له‌تن يێن دبێژن سيسته‌مێ سه‌رۆكاتى يه، ل كوردستانێ سيسته‌مه‌كێ تێكه‌له و جوداهيا مه ل سه‌ر وێ چه‌ندێ يه”. ئاماژه ب وێ چه‌ندێ ژى كر كو كار ژ بوو وێ چه‌ندێ دكه‌ين هه‌ڤسه‌نگيه‌ك هه‌بيت، نه ده‌سته‌لات هه‌موو ل لايێ سه‌رۆكێ هه‌رێمێ و نه ژى چو جهێن دى كۆم ببيت ئه‌ڤجا ئه‌ڤه يێ پارتى بيت يان هه‌ر لايه‌نه‌كێ دى.
به‌رهه‌م سالح ل دۆر رێكه‌فتنا ستراتيژى يا پارتى و ئێكه‌تيێ ژى دا زانين كو ئه‌و رێكه‌فتن بۆ قووناغا پشتى شه‌رێ براكوژيێ ده‌ستكه‌فته‌كێ مه‌زن بوو، به‌لێ نوكه نه‌خشه‌يێ سياسى ل هه‌رێما كوردستانێ هاتيه گوهۆڕين و وه‌كو جاران نه‌مايه و گۆت: “نوكه پێدڤيه هه‌موو لايه‌نێن سياسى يێن كوردستانى دوور ژ جوداهيێن هه‌ين، نوكه دڤێت هه‌موو لايه‌ن خوه نێزيكى ئێك بكه‌ن و د به‌رژه‌وه‌ندا گشتى دا بڕيارێ بده‌ن”.
ده‌رباره‌يى ئه‌و كارێ په‌رله‌مانێ كوردستانێ ل 23ى خزيرانێ ب ئاماده‌بوونا قونسلێ ئيرانێ كرى، نێچيرڤان بارزانى دا زانين كو ب تنێ نه خواندنا ئێكێ بوو پرۆژه‌كێ به‌لكو شكاندنا وێ رێكه‌فتنا ناڤبه‌را هێز و لايه‌نێن سياسى بوو ئه‌وا حوكمه‌ت پێك ئينايى و پێدڤى نه‌بوو هاتيه كرن.
ئه‌ڤرۆ رۆژا ئێكشه‌مبى رێكه‌فتى 5ى تيرمه‌ها 2015ێ شاندێ پارتى ب سه‌رۆكاتيا نێچيرڤان بارزانى جێگرێ سه‌رۆكێ پارتى ديموكراتى كوردستان ل گه‌ل شانده‌كێ بلندێ ئێكه‌تى نشتيمانى كوردستان كو پێكهاتى بوو ژ هه‌ر ئێك ژ كوسره‌ت ره‌سۆل، به‌رهه‌م سالح، مه‌لا به‌ختيار، هێرۆ ئيبراهيم ئه‌حمه‌د، عيماد ئه‌حمه‌د، حاكم قادر حه‌مه‌جان و چه‌ند ئه‌ندامه‌كێن دى كۆمبوو.
مه‌ره‌م ژ سه‌ره‌دانا پارتى بۆ لايێ ئێكه‌تيێ دانوستاندن بوو ل سه‌ر قانوونا سه‌رۆكاتيا هه‌رێما كوردستانێ كو ب گۆره‌يى ئه‌و پێزانينێن ل به‌ر ده‌ست پارتى داخوازا سيسته‌مێ نيڤ سه‌رۆكاتى و نيڤ په‌رله‌مانى كريه.
بڕياره ئه‌ڤرۆ شاندێ پارتى ديموكراتى كوردستان سه‌ره‌دانا بزاڤا گۆڕان ژى بكه‌ت بۆ هه‌مان مه‌به‌ست ژى ل گه‌ل كۆم ببيت.
ب ڤان مه‌رجان زه‌لام دشێت ژنا دويێ بينيت
ئه‌ڤرۆ نيوز:
ل گۆشا ژوورا قانوونى يا رۆژناما ئه‌ڤرۆ كو ل لاپه‌رێ جڤاك و قانوون دهێته به‌لاڤكرن پرسياره‌ك هاتيه ئازراندن كا ئايا مەرجێن ئینانا ژنا دویێ چنە؟ و سزا وی کەسێ سەرپێچیا ڤان مەرجان بکەت چیە؟، د به‌رسڤێ دا، شيره‌تكارێ قانوونى يێ رۆژناما ئه‌ڤرۆ، كاروان نه‌جيب، به‌رسڤ دايه و ئاماژه ب وێ چه‌ندێ كريه كو زەلام نکاریت ل گورەی قانوونا بارێ کەسایەتی یا راستڤەکری، ژنا دویێ بینیت یان فرەھژنیێ بکەت ئیلا ب رازەمەندیا دادوەری و لدووڤ ڤان مەرجێن ل خوارێ:
١. دڤێت زەلام رازەمەندیا ژنا خوە یا ئێکێ ل بەرامبەری دادگەھێ وەربگریت.
٢. ھەبوونا نەخوشیەکاگران و یا جێگێر،کو ببیتە ڕێگر (مانع) کو ژن و زەلام بچنە لنک ئێکدو، یان دەمێ ژن یا خرش بیت (زارۆ نەبن)، لێ ئەڤ چەندە دڤێت ب راپورتا لێژنا بزیشکی بھێتە پەسەندکرن.
٣. دڤێت ئەو زەلامێ ژنا دویێ بینت، شیانێن ئابووری ھەبن بۆ بخودانکرنا ھەڤژینێن خوە و ب بەلگە ئەڤێ چەندێبۆ دادگەھێدیاربکەت.
٤. دڤێت زەلام بەری پێرابوونێن مارەبرینێ، بەلێنکاریەکا ب دەستی ل بەرامبەری دادگەھێ بدەت کو دادپەروەریێ پەیدابکەت دنێڤبەرا ژنێن خوەدائەوژی ژلایێ مادی و مەعنەوی ڤە.
٥. دیسا دڤێت ژنا ئێکێ مەرج نەکربیت د گرێبەستا ھەڤژینیێ داکو نابیت زەلامێ وێ چ ژنا ل سەر بینت.
و ھەر کەسەکێ سەرپێچیا ڤان مەرجێن ل سەری ھاتینە دیارکرن بکەت دێ ھێتە سزادان ب زیندانکرنێ بۆ ماوێ نە کێمتر ژ شەش ھەیڤان و نە زێدەتر ژ سالەکێ و جزاکرن ب دەە ملیون دیناران.
پەنجەشێرێ ژنەک و مێرەک بەردان
ئەڤرۆ نيوز:
پشتی کچەکێ و کوڕەکی بڕیار دای خێزانەکێ ب ئەڤینداری پێک بینن، لێ بەری دەھواتا خوە بکەن ژ نشکەکێ ڤە کچ ژ بِریارا خوە لێڤەبوو و داخوازا ژێکڤەبوونێ کر، لەورا ئێک ژ دادگەھێن دەوروبەرێ دھۆکێ پەیوەندیا ھەڤژینیا وان ب دووماھی ئینا.
کوڕەک و کچەک بۆ ماوێ زێدەتر ژ دو سالان ئەڤیندار بوون د ماوەکێ دا ئەڤ ھەردو ئەڤیندارە رێککەفتن ل سەر بنیاتێ ئەڤینا خوە بچنە د ھێلینا زێرین دا و خێزانەکێ پێکبینن، پشتی ماوەکی ئەڤ چەندە ھاتە پێش و ب فەرمی ئەڤ کچە ھاتە خواستن ژ لایێ ئەڤیندارێ وێ ڤە و پشتی نیشانیا ئەوان ژی ھاتیە کرن ڤی کوڕی خوە بەرھەڤ دکر بۆ ئەنجامدانا دەھواتا خوە، لێ ژ نشکەکێ ڤە ئەڤ کچە ژ بڕیار خوە یا بەری لێڤە دبیت!!.
ئەڤ کچە بەری ھینگێ تووشی نەخۆشیا پەنجەشێرێ بوویە و نە گۆتبوو خوشتڤیێ خوە، لەورا داخوازا لێبورینێ ژ خواستیێ خوە کر کو نەشێت بابەتێ پێکئینانا خێزانێ تمام بکەت و ل دووماھیێ ئەڤ کچە نەچاربوو ل دادگەھا بارێ کەسایەتی داخوازا بەردانێ ب رازیبوونا ھەردو لایان بکەت.
د روونشتنا دادگەھێ دا دادوەری خواست کو ئەڤ کچە ژ بڕیارا خوە لێڤە ببیت و بەردەوامیێ بدەنە ھەڤژینیا خوە، لێ ڤێ کچێ بۆ دادگەھێ دیارکر ژبەرکو بەری نوکە ئەوێ ئەڤ کوِرە ئاگەھدار نەکربوو کو وێ نەخۆشیا پەنجەشێرێ ھەیە و پێدڤی ب چارەسەریا بەردەوام یا کیمیاوی و چەندین جۆرێن دی یێن دەرمانن ھەیە کو ئەڤ چەندە ژی دێ بیتە بارگرانی بۆ خاستیێ وێ لەورا ئەو ناخوازیت یا بەردوام بیت ڤی کوڕی ب دەردێ خوە ڤە مژوول بکەت، سەرەرای کو خاستیێ ڤێ کچێ بەرامبەر دادوەری بەرھەڤیا خوە دیار کر بۆ بەردەوامی و تمامکرنا بابەتێ ھەڤژینیا خوە، لێ ئەڤ کچە یا رژدبوو ل سەر ب دووماھی ئینانا ڤێ پەیوەندیێ.
ل دووماھیێ دادوەر ژی نەچاربوو ڤێ پەیوەندیا ھەڤژینیێ بەری ئەنجامدانا شەھیانا وان ب دووماھی بینت و ڤێ کچێ ژ کوڕکی بدەتە بەردان ل دووڤ قانوونا بارێ کەسایەتی یا عیراقی.
ره‌وشا دراڤى ل بازارێن پاره گوهۆڕان
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 5ىتيرمه‌تا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1240 |
| 1 يۆرۆيێ ئه‌ورۆپى | 1370 |
| 1 ليرێ توركى | 460 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
زێر هاته خوار
سترانێ ئەز و ھەڤژینێ من ژێک جۆداکرین
ئەڤرۆ نیوز:
سترانبێژا جانێ حەیران، دیارکر کو ژ زارۆکینی حەزا ستران گۆتنێ ھەبوویە، ب ھاریکاریا خالەتا خوە دەست ب ستران گۆتنێ کریە، دیاکر کو دەمێ مالا وێ گوھداری ل دەنگێ وێ کرین مەندەھوش بوون.
گۆت: دا خەون بیت ھەکە من سترانەک ل گەل عەیشا شانێ گۆتبا، لێ مخابن عەیشاشان چوویە بەردلوڤانیا خودێ، چو جاران ستران گۆتنێ ناھێلم چونکو ھەموو دەما دخوازم دەنگێ من ھەبیت، گۆت: ھونەر نابیتە دەرگەھەک خوە پێ خودان بکەم، ھەکە ھونەر و ماف و بازارێ خوە نەبیت، ل وەلاتێ مە.
ھێشتا گۆت: سەرا سترانگۆتنێ ژھەڤژینێ خوە جۆدا بوویمە، نوکە ل شەڤێن پێنچ شەمبی ئاھەنگا دگێرم بۆ پەنابەران دناڤ خوارنگەھاندا، گۆت ژی: ئەگەر درامایەکا کوردی ھەبیت من ب ناڤ ودەنگ بکەت دێ بشکداربم.
پارتى ل گه‌ل ئێكه‌تيێ كۆمبوو و ئه‌ڤ پێشنيازه دانا به‌ر سينگى
ئه‌ڤرۆ نيوز:
به‌رى ماوه‌كى كۆمبوونا شاندێ پارتى ديموكراتى كوردستان ل گه‌ل ئێكه‌تى نشتيمانى كوردستان ل سلێمانيێ ده‌سپێكر و نوكه كۆمبوون يا به‌رده‌وامه.
شاندێ پارتى ب سه‌رۆكاتيا نێچيرڤان بارزانى جێگرێ سه‌رۆكێ پارتى ديموكراتى كوردستان نوكه د كۆمبوونێ دانه ل گه‌ل شانده‌كێ بلندێ ئێكه‌تى نشتيمانى كوردستان كو ژ هه‌ر ئێك ژ كوسره‌ت ره‌سۆل، به‌رهه‌م سالح، مه‌لا به‌ختيار، هێرۆ ئيبراهيم ئه‌حمه‌د، عيماد ئه‌حمه‌د، حاكم قادر حه‌مه‌جان و چه‌ند ئه‌ندامه‌كێن دى نه.
مه‌ره‌م ژ سه‌ره‌دانا پارتى بۆ لايێ ئێكه‌تيێ دانوستاندنه ل سه‌ر قانوونا سه‌رۆكاتيا هه‌رێما كوردستانێ كو ب گۆره‌يى ئه‌و پێزانينێن ل به‌ر ده‌ست پارتى داخوازا سيسته‌مێ نيڤ سه‌رۆكاتى و نيڤ په‌رله‌مانى كريه.
بڕياره ئه‌ڤرۆ شاندێ پارتى ديموكراتى كوردستان سه‌ره‌دانا بزاڤا گۆڕان ژى بكه‌ت بۆ هه‌مان مه‌به‌ست ژى ل گه‌ل كۆم ببيت.
دو مليۆن دينار دێ ب خێزانێن شه‌هيدان هێنه دان
ئه‌ڤرۆ نيوز:
په‌رله‌مانێ كوردستانێ دێ ل سه‌ر بودجا خوه هه‌ر خێزانه‌كا شه‌هيدان دو مليۆن ديناران پێ ده‌ت و نوكه ليسته‌كا 400 ناڤى هاتيه ئاماده‌كرن و كار د ئێكا دژى دا دهێته كرن.
قادر ره‌زگه‌يى ئه‌ندامێ په‌رله‌مانێ كوردستانێ بۆ خه‌ندان گۆت: “ژبلى ده‌ركرنا دو مادان د چارچۆڤێ بڕيارا ژماره 19 يا په‌رله‌مانێ كوردستانێ دا، هه‌ڤده‌م په‌رله‌مانى بڕيار دايه ل سه‌ر بودجا خوه بۆ هه‌ر خێزانه‌كا شه‌هيدێن شه‌رێ داعش دو مليۆن ديناران ته‌رخان بكه‌ت”.
گۆتژى: “ب پشت به‌ستن ب ليستا ناڤێن ئه‌و شه‌هيدێن ژ لايێ وه‌زاره‌تا پێشمه‌رگه‌يى ڤه ره‌وانه‌يى په‌رله‌مانى دهێنه كرن، كار ل سه‌ر دهێته كرن و نوكه هاريكارى داينه نێزيكى 400 خێزانێن شه‌هيدان و ليستا ناڤێن 400 شه‌هيدێن دژى يا ئاماده‌يه”.
ئاماژه ب وێ چه‌ندێ ژى كر كو ل گه‌ل وى كۆژمێ پاره‌يى پرسنامه‌كێ ژى ئاراسته‌يى خێزانا وان شه‌هيدان دكه‌ن يێن كو ل شه‌رێ دژى داعش هاتينه شه‌هيدكرن.
نيشاندان
WP Facebook Auto Publish Powered By : XYZScripts.com