ئهڤرۆ نیوز:
نووترين نووچه
- كۆمبوونا سەرۆك بارزانی و بافل تالەبانی گەلەك یا ئەرێنی بوو
- نێچیرڤان بارازنی چەندین دیدارێن دی یێن گرنگ ل گەل سەركردە و بەرپرسێن وەلاتێن جیهانێ ل میۆنشنێ ئەنجامدان
- مەسرور بارزانی و بالیۆزێ هنگاریا دوپاتی ل گرنگییا ب هێزكرنا هەڤبەندییان كر
- سەرۆك بارزانی: ئازارێن هەڤپشك بنەمایێن هەڤبەندیێن كوردستانێ و كوێتێ نە
- نێچیرڤان بارزانی ل كۆنفرانسێ ئاسایشا میونشنێ زنجیرەكا كۆمبونێن دیپلۆماسی ل گەل سەرۆك و بەرپرسێن جیهانێ ئەنجام ددەت
- مەسرور بارزانی و بالیۆزێ ئەرمینیا دوپاتی ل پێشڤەبرنا هەڤبەندییان كر
- سەرۆكێ حوكمەتا هەرێمێ و بالیۆزێ گورجستانێ گوهۆڕینێن سووریێ گەنگەشەكرن
- پارتی و ئێكهتی ل دۆر پۆستێ سهرۆك كۆمارێ ئیراقێ و كابینەیا دههێ یا حوكمهتا ههرێما كوردستانێ كۆمبوون
- سەرۆك بارزانی: دخوازین ئاشتی و ئارامی ل سووریێ و رۆژئاڤایێ كوردستانێ بەرقەرار ببیت
- مالپەڕەكێ ئەمریكی باسێ كاریگەرییا سەرۆك بارزانی و نێچیرڤان بارزانی د پرسا رۆژئاڤایێ كوردستانێ دا دكەت
سهرهكى Facebook
390 مێگاوات دێ زێدهبن
ئهڤرۆ نیوز:
دیار تاهر بابان رێڤهبهرێ گشتى یێ بهرههمئینانا كارهبێ ل وهزارهتا كارهبێ راگههاند كو دو ویستگههێن نوو دێ كهڤنه كارى كو شیانێن بهرههم ئینانا 390 میگاواتێن كارهبێ ههیه.
دیار تاهر بابان رێڤهبهرێ گشتى یێ بهرههمئینانا كارهبێ دیاركر ژبلى ڤان 390 میگاواتێن دێ زێده بن، چ بهرههمهكى دى زێده نابیت ژبهر كو قهیرانا دارایى گهلهك پرۆژێن وان یێن كارهبێ راوهستاندى نه.
وهزارهتا كارهبێ د ڤێ ههیڤێ دا رۆژانه 22 دهمژمێرێن كارهبێ بۆ وهلاتیان دابین دكرن.
بۆ كێمبوونا روودانێن سووتنێ دڤێت شوفێر د هشیار بن
ئاكرێ،بێوارحسێن زێبارى
ژبهر هاتنا وهرزێ هاڤینى بهرگریا باژێرڤانیا ئاكرێ رێنمایێ ل سهر شۆفێران بهلاڤكرن و داخازا هاریكارى و كێمكرنا روویدانان دكهن.
بهرپرسێ راگههاندنا بهرهڤانیا باژێرڤانیا ئاكرێ فیراس ئاكرهیى بۆ ئهڤرۆ گوت : مه ب فهر زانى كۆ رابین ب بهلاڤكرنا رێنمایان ب سهر شوفێران یێن بهرهڤانیا باژێرڤانیا ئاكرێ و مهرهم ژى ئهوه نهخاسمه بهرهڤ وهرزێ هاڤینێ ڤه دچین و ئهو ژى بۆ كێم كرنا و نههێلانا روویدانێن سووتاندنێ ل دهڤهرێ ب گشتى و ئهم ژى داخاز كهین كۆ هاولاتى ژى دگهل مه هاریكار بن و دیسان ڤان رێنمایان ژى بهرچاڤ وهربگرن.
ل گوێڕ پێشمهرگه و ههڤپهیمانا داعش بێدهنگ كر
ئهڤرۆ نیۆز، قائید میرۆ
شهڤا بۆری ل میحوهرێ گوێڕ هێزێن پێشمهرگهی ب پشتهڤانیا فڕۆكهیێن ههڤپهیمانان گورزهكا كوژهك ل چهكدارێن داعش دا و ئهفسهرهكێ پێشمهرگهی ژی رادگههینیت زیانێن مهزن گههشتینه تیرۆرستان.
نهقیب عهگید عهبدولجهبار، ئهفسهرێ پێشمهرگهی ل میحوهرێ گوێڕ ب ئهڤرۆ نیۆز راگههاند” دوهی تیرۆرستێن داعش لڤینێن زۆر ههبوون ل میحوهرێ گوێڕ، بهلێ بشهڤ هێزێن پێشمهرگهی ب پشتهڤانیا فڕۆكهیێن ههڤپهیمانان شیان بنكه و بارهگایێن تیرۆرستێن داعش ل ههردو گوندێن نهسرو سولتان عهبدولا بوردۆمان بكهن”.
نهقیب عهگیدی گۆت ژی” ب ئهگهرێ ئهڤێ بورۆدۆمانێ زیانێن مهزن گههشتینه چهكدارێن داعش و پێشبینی دهێتهكرن، هژمارهك چهكدارێن وان هاتبنه كوشتن، چونكو پشتی بوردۆمانێ زۆر ئالۆزبووینه و ههمبهر پێشمهرگهی ژی بێدهنگبووینه”.
داعش دێرهكا كهڤنار تێكدا
ئهڤرو نیوز ،بارزان مزوورى
عصمت رهجهب، بهرپرسێ لقا 14 مووسل بو مالپهرێ ئهڤرو دیار كر كو ئهڤرو چهكدارێن تیرورستێن داعش دێرا “الارپونكس” كهڤنترین دێره ل تاخێ شیفا لایێ چهپێ باژێرێ مووسل دیكور و صهلیب هاتن ژێڤهكرن و شكاندن ل دوڤ دا دێر بتمامى تێك دا .
ناڤبرى دیار كر كو ئهو كهل پهلێن دناڤ دێرى بو جههكێ نهدیار ڤهگوهاستن و گهلهك كهل و پهلێن كهڤنار و ب بها دناڤ بوون هندهك ژ وان هاتن شكاندن و هندهك ژى ژ وان هاتن برن بو جههك دى.
چهكێ دهڤهرهكا د دهستێ داعش دا هاته ژناڤبرن
ئهڤرو نیوز ،بارزان مزوورى
ئهفسهرهك ژ هێزێن پێشمهرگهى ل میحوهرێ ناوهران بو مالپهرێ ئهڤرو نیوز ئاشكرا كر كو ئهڤرو دهمژمێر 3:36 خولهك 21/5/2015 فروكهیێن ههڤپهیمانان مهزنترین بارهگایێ داعش ل گوندێ خورسهبات توپبارانكرن و ژناڤبرن كو بهرى چهند روژهكه هێزێن نوى تێدا كوم كرینه و چهكێ نوى ئهوێ نها كهفتیه دهستێن وان تێدا كوم كربوو و دیسا كارووانهكێ ترومبێلێن وان ژى بتمامى ژناڤ برن .
ژێدهرى دیار كر كو لدوڤ پێزانینێن دهسپێكێ گهلهك چهكدار هاتینه كوشتن و ژمارهكا مهزن یا ترومبێلێن وان هاتن سوتن .
چاڤى بهرشهلۆنا هێلا و ب فهرمى بۆ ياريكهرێ ڤێ يانێ
ئەڤرۆ نیوز،زنار تۆڤی:
چاڤی ھێرناندز یاریکەرێ ھێلا ناڤین یێ یانەیا بەرشەلونا و ھەلبژارتیێ ئیسپانیا د پرێس کونفرانسەکی دا ل باژێرێ بەرشەلونا بۆ دەزگەھێن راگەھاندنێ دياركر كو ئەو دێ ل وەرزێ بھێت ب فەرمی بیتە یاریکەرێ یانەیا سەد یا قەتەری و بۆ ماوێ دوو سالان وی گرێبەست دگەل وێ یانێ گرێدایە و ل سالا سیێ ئەو یاریکەر یێ ئازادە و دشێت بەردەوامیێ بدەتە وێ گرێبەستێ يان ب دووماهى بينيت.
گۆتژى: “چوونا من ژ بەرشەلونا بۆ یانا سەد یا قەتەری بریارەکا ب ساناھی نینە، ھەر چەندە ئەڤ سالە یانەیا بەرشەلونا دێ چەندین ناسناڤان ب دەست ڤە ئینیت و ئەز یێ پێخوشحالم بۆ ھەمی وان دەسکەفتێن من بۆ ڤێ یانێ بدەستڤە ئیناین د ماوێ وان سالێن من یاری بۆ ڤێ یانێ کرین،لێ ژبەرکو ل ڤی وەرزی من گەلەک یاری دگەل ڤێ یانەیێ ئەنجام نەدان و پتر ل سەر کورسیێ یەدەک مام ئەڤە بوویە ئەگەرەک کو ئەز یانەیا بەرشەلونا بجە بھێلم”.
پارێزگارێ كهركووك دێ پارچێن ئهردى دهته كوشتيێن حهشهد شهعبى
ئهڤرۆ نيوز:
پشتى نڤيسارهكا وهزارتا باژێرڤانيێن عيراقێ، باژێرڤانيا كهركووك رهزامهندى نيشان دايه ب بهلاڤكرنا پارچه زهڤيان ب سهر كهسوكارێن كوشتيێن حهشهد شهعبى ل كهركووك.
سهردار عهلى، رێڤهبهرێ باژێرڤانيا كهركووك راگههاند: “نڤيسارهك ژ لايێ وهزارهتا باژێرڤانيا و ل سهر بڕيارا جڤاتا وهزيران دهرچوويه و داخواز ژ مه هاتيه كرن كو پارچه زهڤيان تهرخان بكهين بۆ ئهو چهكدارێن حهشهد شهعبى يێن دشهرى دا هاتينه كوشتن”.
گۆتژى: “ئهڤ زهڤيه ئامادهكرينه دا كو ب سهر كهسوكارێن كوشتيێن حهشهد شهعبى دا بهێنه بهلاڤكرن، بهلێ ههتا نوكه ناڤ ژ بهغدا نهگههشتينه بۆ پێدانا ڤان ئهردان”.
دهربارهيى ڤێ چهندێ رۆژنامهڤانهكى راگههاند: ژ دهسپێكا شۆرهشا ئيلۆنێ و ههتا سالا 1975 و ژ شۆرهشا نوو يا گهلێ مه و ههتا پرۆسا ئازادكرنا عيراقێ ل 2003 و ژ 2003 و ههتا نوكه كوردان خوين يا بۆ كهركووكێ رێتى، بهلێ كهسوكارێن وان ئێك بۆستا ئهردى وهرنهگرتيه، ئهڤ دلفرههيا بهرپرسێن كهركوو كبهرامبهر كوشتيێن حهشهد شهعبى جهێ سهرسۆرمانێ يه”.
برايێ شههيدهكى ژى گۆت: “جهێ دلتهنگيێ يه كوڕێن مه شهعيد دبن و پارچێن ئهردى ددهنه عهرهبان”.
كهمال كهركووكى، بهرپرسێ ميحوهرێ رۆژئاڤايێ كهركووكێ يێ هێزێن پێشمهرگهيى د ڤێ دهربارێ دا راگههاند: “ئهم ئاگههدارى چو نڤيسارێن ژ ڤى رهنگى نينين، بهلێ ههبوونا بڕيارهكا ژ ڤى رهنگى دوور نابينين، چونكو ههردهم حوكمهتا عيراقێ كوردان پشت گوهـ دهاڤێژيت.
چهكدارێن حهشهد شهعبى ل دهڤهرێن نوو يێن باكوورێ كهركووك بنهجهبووينه و ب تنێ پشكدارى د شهرێ گرتنا گۆندێ بهشير دا كريه، بهلێ سهركهفتى نهبووينه و چهند چهكدارێن وان ل وێرێ هاتينه كوشتن.
ژێدهر: رۆژناما هاوڵاتى
سهرۆكێ ههرێما كوردستانێ بهر ب ئوردن ب رێ كهفت
ئهڤرۆ نيوز:
ئهڤرۆ رۆژا پێنجشهمبى 21ى گۆلانا 2015ێ مهسعود بارزانى سهرۆكێ ههرێما كوردستانێ ب ههڤالينيا شاندهكى ب رێيا فرۆكخانا نێڤدهولهتى يا ههولێر و ل سهر داخوازا فهرميا شاهـ عهبدولا بهر ب وهلاتێ ئوردن ب رێ كهفت.
ب گۆرهيى راگههاندنهكا سهرۆكاتيا ههرێما كوردستانێ د ڤێ سهرهدانێ دا سهرۆك بارزانى دێ چاڤ ب شاهێ ئوردن عهبدولايێ دويێ كهڤيت و پشكدارى كۆربهندێ ئابوورى يێ جيهانى ل دهريا مرى ل ئوردن بيت.
كيفاح مهحمود، شيرهتكارێ راگههاندنێ ل نڤيسينگهها سهرۆكێ ههرێما كوردستانێ بۆ رۆژناما “الشرق الاوسط” راگههاند: مهسعود بارزانى سهرۆكێ ههرێما كوردستانێ دێ ل سهر داخوازا شاهـ عهبدولايێ دويێ، ب سهرهدانهكا فهرمى چيته عهمانا پايتهختێ ئوردن.
ئاماژه ب وێ چهندێ ژى كر كو ئهڤ سهرهدانه بۆ گهنگهشا پهيوهنديێن مێژوويى و ناڤخۆ يێن ناڤبهرا ههرێم و ئوردنێ يه، ديسا بارزانى دێ پشكدارى كۆنگرهكێ مهزن يێ ئابوورى بيت كو دێ سهركردێن چهند وهلات و كۆمپانيێن مهزن پشكداريێ تێدا كهن.
ئهو ئێك ژى ئاشكهرا كر كو سهرهدانا سهرۆكێ ههرێما كوردستانێ بۆ ئوردن دێ سێ رۆژان ڤهكێشيت و ئهو سهرهدان بۆ ههرێمێ ژ روويێ وزێ و ئابوورى ڤه گهلهك يا گرنگه و ب تايبهت نوكه خودان پهترۆل و غازه و ئهڤه ژبلى هاتنا ئهو ههموو كۆمپانيێن مهزن بۆ ههرێمێ.
شيرهتكارێ راگههاندنێ ل سهرۆكاتيا ههرێما كوردستانێ گۆتژى: “رهنگه د پاشهرۆژێ دا كوردستان ببيته دهڤهرهكا پهترۆلێ يا مهزن و ژ بهر هندێ ههبوونا سهرۆكێ ههرێمێ ل عومان بۆ مفا وهرگرتنێ ژى دهرهاڤێژێن جيهانى دهربارهيى وزێ”.
خوێ گەھشتنا سیکسی گیرۆ دکەت
ئەڤرۆ:
ئەنجامێن ڤەکۆلینەکا زانستی دیار کر کو زێدەھی یان کێمیا خوێ د ناڤ خوارنێ دا گەھشتنا سیکسی ل نک مرۆڤ گیرۆ دکەت.
زانایێن زانکۆیا “وایومینگ” یا ئەمریکی ژ ئەنجامێ ڤەکۆلینەکێ ئاشکرا کر کو کێمبوون یان زێدەبوونا قەبارێ خوێ د ناڤ خوارنێ دا دبیتە ئەگەر کو گەھشتنا سیکسی ل نک مرۆڤی گەلەک کێم دکەت. ئانکو قەبارێ خوێ د ناڤ خوارنێ ب شێوەکێ ئێکسەر باندۆرێ ل سەر شیانێن زارۆبوونێ دکەت.
ڤەکۆلینێ ئاشکرا کر کو ھەبوونا خوێ ب قەبارێ سێجارکی ژ یا پێدڤی (٥ گرام د رۆژێ دا) دبیتە ئەگەرێ ئەنجامێن نەرێنی یێن بلەز، ھەروەسا بکار نەئینانا خوێ ژی دبیتە مەترسی ل سەر ساخلەمیا مرۆڤی. ھەبوونا روونی د ناڤ خوارنێ دا گەھشتنا سیکسی بلەز دئێخیت، بەلێ تاقیکرنێن ل سەر مشکان وەسا جیار کریە کو خو ھەکە روون ژی د ناڤ خوارنێ دا بیت بەلێ خوێ گەلەکێ بکەنە سەر ھەر گەھشتنا سیکسی بلەز نائێخیت.
بۆ جارا ئێکێ یە زانا بشێن رۆلێ خوێ د گەھشتنا سیسکی دا بنەجە بکەن، ل دووڤ بەیانناما رێکخراوا ساخلەمیا جیھانی، خەلک زێدە ژ یا پێدڤی خوێ د ناڤ خوارنێ دا بکاردئینن، ئەڤە نە بەحسێ وێ خوێ یە ئەوا د کەنە ناڤ خوارنێ ب تنێ بەلکو رێژا وێ خوێ ژی یا د ناڤ ھندەک کەرستێن خوارنێ دا وەکو گوشت و شیر و زەرزەوات و نان و یێن دی.
نيشاندان
WP Facebook Auto Publish Powered By : XYZScripts.com