ئه‌ڤرۆ نیوز:
ژ ئه‌نجامێ هێرشه‌كا تیرورستى بۆ سه‌ر كارگه‌هه‌كا به‌رهه‌مئینانا غازێ ل نێزیك باژێرێ لیون یێ باشوورێ رۆژهه‌لاتێ فره‌نسا، كه‌سه‌ك هاته كوشتن و ژماره‌كا كارمه‌ندێن وێ بریندار دبن ، ژێده‌رێن ده‌نگوباسان ل فره‌نسا دیار دكه‌ن كو كه‌سه‌كێ نه‌ناسكرى كو ئالایه‌كێ گروپێن ئیسلامى یێن توندره‌و ڤێ بوویه ئه‌ڤ كریاره ئه‌نجامدایه.
ئه‌ڤرۆ نیوز:
سه‌فین دزه‌یى په‌یڤدارێ حكومه‌تا هه‌رێما كوردستانێ د سه‌ره‌دانه‌كێ بۆ توركیا ل گه‌ل به‌رپرسێ په‌یوه‌ندییێن ده‌رڤه یێن پارتا كومارا گه‌ل جه‌هه‌پێ كومبوو و پشتى كومبوونێ كونگره‌كێ رۆژنامه‌ڤانى سازدا، د پرسیاره‌كێ رۆژنامه‌ڤانه‌كێ دا كو ئاراسته‌ى دزه‌یى هاتیه كرن، ئه‌رێ دێ پێشمه‌رگه پشتى روودانێن ڤێ دووماهیێ یێن كوبانێ، جاره‌كادى چیته كوبانى، سه‌فین دزه‌یى گۆت: هێشتا پرسه‌كا ب ڤى ره‌نگى مه به‌حس ژێ نه‌كریه.
ئه‌ڤرۆ نیوز:
د كومبوونا دوهى یا سه‌رۆك وه‌زیرێن عیراق و پارێزگه‌رێ كه‌ركوكێ عه‌بادى بریاردا داخوازیێن كه‌ركووكێ بجهـ بینیت.
ل گور ده‌نگوباسه‌كێ سومه‌ریه نیوز د كومبوونێ دا حه‌یده‌ر عه‌بادى سه‌رۆك وه‌زیرێن عیراقێ په‌یمانا وێ یه‌كێ دایه كو هه‌موو پێدڤیێن باژێرێ كه‌ركووكێ بجهـ بینیت و دیسان دووپاتى ل هه‌ڤكاریا وان ئاواران كریه یێن قه‌ستا وى باژێرى كرى.
ئه‌ڤرو نیوز،بارزان مزوورى
عه‌لى عه‌ونى ، ئه‌ندامێ سه‌ركردایه‌تیا پارتى دیموكراتى كوردستان و به‌رپرسێ لقا 20 یا شێخان بو مالپه‌رێ ئه‌ڤرو نیوز ئاشكرا گوران و ئێكه‌تى و هه‌مى لایه‌نێن دى ب هه‌ڤرا به‌حسێ سازانێ و ته‌وافقێ و به‌حسێ ئێك چاره نڤیس دكر كو نا چێبیت ده‌نگێ پرانى یێ كێمانى بهێته بن پێ كرن، به‌لێ ڤێ جارێ وان بخو پێل وان هێمایا دانا یا ژ وان ڤه دێ شێن ده‌نگێ زورینه‌یێ ئیرادا گه‌لێ كوردستانێ كێم بكه‌ن .
ناڤبرى دیار كر كو سالا بورى ل ده‌مێ روژانێن هاتنا داعش خونیشاندان ل سلێمانێ دروست بون سه‌را سه‌ر موچه و پانزینێ من زو راگه‌هاند كو ئه‌ڤه راهێنانا خه‌لكێ سلێمانیێ یه سه‌ر هندێ كو سلێمانیێ به‌ره‌ڤ هندێ ببه‌ن كو ل هه‌رێما كوردستانێ جودا كه‌ن چونكو ب هه‌ر شێوه‌یه‌كێ هه‌ى حكومه‌تا هه‌رێما كوردستانێ پارتى دیموكراتى كوردستان ته‌سلیمى ئیرادا بریارێن ده‌ره‌كى نابیت.
ناڤبرى گوت كو خه‌لكێ باوه‌رنه‌دكر كو ده‌ستێ ده‌وله‌تێن جیران دناڤ وان پارتێن سیاسى نه به‌س كومبوونا ڤێ دووماهیێ یا په‌رله‌مانى هه‌مى تشت ب زه‌لالى خه‌لكێ مه‌دیت.
ئه‌ڤرو نیوز ، بارزان مزوورى
عصمت ره‌جه‌ب، به‌رپرسێ لقا 14 مووسل بو مالپه‌رێ ئه‌ڤرو نیوز ئاشكرا كر كو ئه‌ڤرو 25/6/2015 چه‌كدارێن تیرورستێن داعش 40 وه‌لاتیێن سڤیل سێداره‌دان ل ده‌ڤه‌را شه‌لالات كو 10 كیلومه‌ترا دورى میحوه‌رێ ناوه‌رانه سه‌ر ب ناحیا باشیك ڤه.
ژلایه‌كێ دى ڤه ژێده‌ره‌ك ژ رێكخراوا ئازاد ل ناڤ باژێرێ مووسل بو مالپه‌رێ ئه‌ڤرو نیوز ئاشكرا كر كو چه‌كدارێن تیرورستێن داعش مه‌زنترین جهێ گێرانا ڤیسته‌ڤالا دناڤ سه‌نته‌رێ مووسل ب شه‌فه‌لا هه‌رفاند.
ئه‌ڤرۆ نیۆز، قائید میرۆ
ل سه‌نته‌رێ باژێڕێ مووسل، گروپا تیرۆرستیا داعش حه‌فت پۆلیسێن عیراقی كوشتن و دوو ژ وانا پله‌داربووینه.
غه‌یاس سورچی، كارگێرێ مه‌لبه‌ندێ ئێكه‌تی نیشتیمانی كوردستان ل نه‌ینه‌وا ب ئه‌ڤرۆ نیۆز راگه‌هاند” ئه‌ڤرۆ ل سه‌نته‌رێ باژێڕێ مووسل تیرۆرستێن داعش حه‌فت پۆلیسێن عێراقی كوشتن، ئه‌وژی ب تۆمه‌تا سیخۆریكرنێ، كو دو ژوان پله‌دارێن پۆلیسێن پارێزگه‌ها نه‌ینه‌وابووینه.
سورچی گۆتژی” ئه‌ف پۆلیسێن ئه‌ڤرۆ ژلایێ داعشڤه هاتینه كوشتن، پشتی هاتنا داعش بۆ مووسل چه‌كێ خوه راده‌ستكریه، به‌لێ دوهی دادگه‌ها بناڤ شه‌رعیا داعش بڕیارا كوشتنا وان ده‌ركر.
ئه‌ڤرۆ، زنار:
ژێده‌رێن رۆژنامه‌ڤانى دانوستاندنا ناڤبه‌را راهێنه‌رێ به‌رى نوكه یێ یانا ریال مه‌درید یێ پرتوگالىى خوزێ مورینهو و سه‌روكێ یانا مه‌له‌كى فێلرونتینو پێرێز ئاشكرا كر ئه‌وا به‌رى هه‌یڤه‌كێ هاتیه پێش. د ڤێ گه‌نگه‌شا ناڤبه‌را هه‌ردوكان دا هاتیه كرن مالپه‌رێ كونفیدونسیال دیاركریه كو مورینهوى گۆتیه سه‌روكێ یانا مه‌له‌كى ب رێكا په‌یوه‌ندیا ته‌له‌فونى پشتى یانا ریال مه‌درید شیاى ناسناڤێ باسكا ئوروپا به‌ت سێ سێڤێن رزى د ژورا خو گوهۆرینا یانێ دا هه‌نه و هێشتا د به‌رده‌وامن ئه‌و ژى سێرجیو راموس و كرستیانو رۆنالدو ل گه‌ل گولچیێ تیمێ ئێكه‌ر كاسیاس و دێ یا ب زه‌حمه‌ت بیت راهێنه‌ر بشێت ل گه‌ل ڤان هه‌رسێ كه‌سان كاربكه‌ن ژبه‌كو ئه‌و ئه‌گه‌رێ هه‌مى كێشه‌یانه د ناڤ یانێ دا و ئه‌ڤ هه‌رسێ یاریكه‌ره‌نه كارتێكرنێ ل كارێ راهێنه‌رى و ئه‌نجامێن یاریێ دكه‌ن، ئه‌ڤ چه‌نده هاته گۆتن پشتى سه‌روكێ یانا ریال مه‌درید ژ مورینهوى خواستى جاره‌كا دى ڤه‌گه‌ریته یانا مه‌له‌كى كار بكه‌ت.
ئه‌ڤرۆ نیوز، ره‌وان نهێلى:
ئه‌نجوومه‌نێ سه‌ركردایه‌تیا ده‌ڤه‌را بادینان یا یه‌كگرتووى ئیسلامى كوردستان ئه‌ڤرۆ كومبوونه‌كا نه‌ئاسایى ئه‌نجامدا و پشتى كومبوونێ، سه‌عید عه‌لى عه‌بو سه‌رۆكێ جڤاتا سه‌ركردایه‌تیا یه‌كگرتووى ئیسلامى كوردستان ل ده‌ڤه‌را بادینان داخوازا ڤه‌گه‌ریانا دیندار نه‌جمان دوسكى كریه بۆ مه‌یدانا سیاسى پشتى كو ده‌ست ژ كارێ خوه كێشاى.
هه‌روه‌سا ئه‌نجوومه‌نێ سه‌ركردایه‌تیا ده‌ڤه‌را بادینان یا یه‌كگرتووى ئیسلامى كوردستان پێگیریا سه‌ركردایه‌تیا ده‌ڤه‌رێ ب ئێكرێزیا یه‌كگرتووى ئیسلامى كوردستان د چارچوڤێ په‌یره‌وێ ناڤخو یێ په‌سه‌ندكرى یێ كونگرێ شه‌شێ كریه.
ئه‌ڤرۆ نيوز:
وه‌زاره‌تا دارايى و ئابوورى يا حوكمه‌تا هه‌رێما كوردستانێ راگه‌هاند كو ل سه‌ر بڕيارا جڤاتا وه‌زيران ده‌ستووريا خواندنێ ب ره‌نگێ ده‌مى هاتيه راگرتن و هه‌تا رێنمايێن نوو ژ لايێ لژنه‌يا راسپاردى ڤه ده‌ربچن كو نوكه كار ل سه‌ر دهێته كرن.
د روونكرنه‌كا وه‌زاره‌تا دارايى و ئابوورى يا حوكمه‌تا هه‌رێما كوردستانێ دا كو وێنه‌ك ب ده‌ست ئه‌ڤرۆ نيوز كه‌فتيه، تێدا هاتيه: مه ب پێدڤى زانى هه‌موو وه‌زاره‌تان ئاگه‌هدار بكه‌ين كو ئه‌ڤ گشتاندنه ل سه‌ر بڕيارا جڤاتا وه‌زيران يا ژماره (61) ل 9ى تيرمه‌ها 2013ێ ده‌رچوويه يا تايبه‌ت ب مۆله‌تا خواندنێ ل پشتى ڤێ مێژوويێ ب ره‌نگه‌كێ ده‌مكى هاتيه راوه‌ستاندن، هه‌تا رێنمايێن نوو د ڤێ ده‌ربارێ دا ژ لايێ لژنا راسپاردى ڤه ده‌رنه‌كه‌ڤيت كو نوكه كارێن وان د قووناغا دووماهيێ دايه و جڤاتا شورا يا هه‌رێمێ دێ پێداچوونێ د وارێ قانوونى دا بۆ كه‌ن”.
د ڤێ رووهنكرنێ دا هاتيه ژى: “پشتى جڤاتا وه‌زيران په‌سه‌ند دكه‌ت وه‌كو سيستمێ نوو يێ خواندنێ و مافێ چو فێرخوازان ناهێته خوارن”.
نيشاندان