ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 19ى چريا دويێ يا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1225 |
| 1 يۆرۆيێ ئه‌ورۆپى | 1300 |
| 1 ليرێ توركى | 420 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز، ھەژار مەعروف:
خوبەرھەڤکرن بوو وەرزێ نوو یێ خۆلا کوردستانێ یێ تەپا پێ بریارە ھەردو یانێن پارێزگەھا دھۆکێ زێرەڤانی و گارە ئەڤرۆ دو یاریێن ھەڤالینی ل باژێرێ ھەولێرێ بکەن .
تیما زێرەڤانی ھەلگرا ھەر سێ ناسناڤێن وەرزێن بوری دێ بەرامبەر تیما ھەولێرێ کەت ل یاریگەھا شەھید فەرەنسۆ حەریری یا دوێ و تیما گارە ل گەل تیما ھندرین کەت ل یاریگەھا ھندرین.
ئه‌ڤرۆ نیوز:
ئه‌ڤرۆ ل دێره‌لوكێ ب به‌رهه‌ڤبوونا نێچیرڤان بارزانى سه‌رۆكێ حكوومه‌تا هه‌رێما كوردستانێ و سه‌لاحه‌دین بابه‌كر وه‌زیرێ كاره‌بێ و قونسولێ ژاپونێ ل عیراقێ به‌رێ بنیاتێ بۆ پرۆێ وێستگه‌ها كاره‌با گه‌لیێ ره‌شاڤا – دێره‌لوك هاته دانان كو پرۆژه‌یه‌كێ هایدروپاوه‌ره و دێ ب ئاڤێ كار كه‌ت و ب ئێكه‌م پرۆژێ ستراتیژى یێ كاره‌بێ پشتى سه‌رله‌هلدانێ دهێته هژمارتن كو هێزا ئاڤێ كار بكه‌ت و شیانێن به‌رهه‌مئینانا 37 میگاواتێن كاره‌بێ دێ هه‌بن.
ئه‌ڤرۆ نيوز:
شه‌ڤا بۆرى ل باژێرێ هه‌ولێرێ سێ كه‌سان بزاڤا دزينا كاميرا هاتنوچوونێ دا، ژ وێ ئه‌گه‌رێ ژى ته‌قه د ناڤبه‌را پۆليسێن هاتنوچوونێ و وان كه‌سان دا دروست بوو.
نه‌قيب هۆگر عه‌زيز، ئاخفتنكه‌رێ ب ناڤێ پۆليسێن هه‌ولێر گۆت: “شڤێدى ده‌مژمێر 11ى شه‌ڤ، 18ى چريا دويێ يا 2015ێ ل نێزيك نه‌خۆشخانا رزگارى ل هه‌ولێر سێ كه‌سێن سه‌رخۆش بزاڤێن دزينا كاميره‌كا پۆليسێن هاتنوچوونێ كر”.
راگه‌هاند ژى كو ده‌ما پۆليسان زانى، ته‌قه لێكر و ئه‌و سێ كه‌س و پۆليسێن هاتنوچوونێ ب شه‌ر چوون و د ئه‌نجام دا كه‌سه‌ك ب دژوارى بريندار بوو.
گۆتژى: “د وى شه‌رى دا كاميرا پۆليسێ هاتنوچوونێ شكه‌ست و وه‌لاتيه‌ك ژى ب دژوارى بريندار بوو و نوكه ره‌وشا ساخله‌ميا وى با بنه‌جهـ نينه”.
هۆگر عه‌زيز به‌حس ل وێ چه‌ندێ ژى كر كو ئه‌و سێ كه‌سه د ترۆمبێله‌كا ژ جۆرێ “كامرى” يا ره‌نگ سپى دا بوون، هه‌تا نوكه نه‌هاتينه ده‌سته‌سه‌ركرن و مژوولى ڤه‌كۆلينانن ژ بوو ده‌سته‌سه‌ركرنا وان كه‌سان.
ژێده‌ر: رووداو
ئه‌ڤرۆ نیوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئه‌ينى رێكه‌فتى 20ى چريا دويێ 2015 ئه‌سمانێ دهۆكێ دێ هنده‌ك ئه‌ور هه‌بن و ل گه‌ل ئه‌گه‌رێ باران بارينه‌كا هوور ل ده‌مێن سپێدێ و پاشان ئه‌سمان دێ ئه‌وره‌كێ ناڤه‌ندى بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمانێ دهۆكێ ئه‌وره‌كێ ناڤه‌ندى بيت.
پشكا پێشبينيان دايه زايه زانين كو دێ ئاراستێ باى ژى دێ باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 10 كم دا و ماوێ ديتنێ ژى 6 بۆ 8 كم بيت و پلێن گه‌رمێ ژى دێ د ناڤبه‌را 8 بۆ 15 پلان دا بيت.
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو ژ ئه‌نجامێ فشارێن نزمێن ده‌ريا سۆر بۆ سه‌ر هه‌رێما كوردستانێ د ماوێ 24 ده‌مژمێرێن بۆرى دا ب ره‌نگه‌كێ جودا باران ل ده‌ڤه‌رێن جودا يێن هه‌رێما كوردستانێ باريه و ب ڤى ره‌نگێ ل خوارێ:
ل سنورێ پارێزگه‌ها دهۆكێ ژى ب ڤى ره‌نگێ ل خوارێ يه:
ئەڤرۆ نیوز:
رێڤەبەریا ئاڤا دەوروبەران و ئاڤا دھۆکێ راگەھاند، پێدڤیە ھەموو خێزان پیڤەرێن ئاڤێ ل مالا خوە بدانن و ئەو پارێ ژ ھەر خێزانەکێ کو نێزیکی 40 ھزار دینارانە دھێنە وەرگرتن بۆ دانانا پیڤەرێن ئاڤێ، پشتی خواندنا پیڤەران دێ ھەیڤانە کۆژمەکێ پارەی بۆ وەلاتیان ژ ویپارەی ھێتە ڤەگەراندن. ل گۆرەی داخویانیێن وەزارەتا شارەوانی و گەشت و گۆزار ژی، پێدڤیە پیڤەرێن ئاڤێ ل گشت پارێزگەھا دھۆکێ بھێنە دانان و ژ نوو دەست ب خواندنا پیڤەران بھێتە کرن و رەنگە ھەتا مەھا پێنچ ژ سالا بھێت ڤەکێشیت.
ئەندازیار موسا عومەر سالح، سەرپەرشتێ لیژنا دانانا پیڤەرێن ئاڤێ ل رێڤەبەریا ئاڤا دەوروبەرێن دھۆکێ بۆ ئەڤرۆ دیار کر، کارێ وان دانانا پیڤەرێن ئاڤێ یە ل قەزا و ناحیێن ب سەر دھۆکێ ڤە و نھا ل پتریا قەزا و ناحیان دەست ب دانانا پیڤەرێن ئاڤێ ھاتیە کرن، رێژا ھەرە ھەتا نھا مەزن ل قەزا سێمێلێ و فەیدیێ و شێخان ھاتینە دانان، بەلێ ھەتا نھا ل ئامێدیێ و سەرسنکێ دەست ب دانانا وان نەھاتیە کرن و گۆت: ئاریشەکا ئاڤێ یا تەکنیکی ل قەزا ئاکرێ ھەیە و ئەو ئاریشە بوویە ئەگەر کو ھەتا نوکە چو پیڤەر ل وێ قەزایێ نەھاتینە دانان.
ناڤبری زێدەتر دبێژیت: ل قەزا سێمێلێ ب رێژا 75% پیڤەر ھاتینە دانان، بەلێ ل ھندەک قەزایان ھێشتا نەھاتینە دانان و ژ بەر ھندێ رێژا گشتی یا دانانا پیڤەرێن ئاڤێ ل سنوورێ رێڤەبەریا مە دگەھیتە 30% و گۆت ژی: ماوێ پرۆژێ دانانا پیڤەرێن ئاڤێ دو سالن و پێدڤیە ل سالا 2017 ئەڤ پرۆژە ب دووماھی بھێت و ل ھەموو مالان پیڤەر بھێنە دانان و کار پێ بھێتە کرن.
سەرپەرشتێ لیژنا دانانا پیڤەرێن ئاڤێ ل رێڤەبەریا ئاڤا دەوروبەرێن دھۆکێ خویا کر کو راستە نھا پیڤەرێن ئاڤێ ل گەلەک مالان ھاتینە دانان، بەلێ ئەو ناھێنە ھژمارتن و پارێ ئاڤێ نھا ھەر ل دووڤ سیستەمێ بەرێ دھێتە وەرگرتن و ھەتا ل ھەموو مالێن پارێزگەھا دھۆکێ نەھێنە دانان، پیڤەر ناھێنە خواندن و گۆت: ل گۆرەی پێزانینێن ژ وەزارەتێ گەھشتینە بەردەستێ مە، ھەتا مەھا پێنچ ژ سالا بھێت پارێ ئاڤێ ل دووڤ پیڤەران ناھێتە وەرگرتن و ئەو خواندنا ھەتا وی دەمی پیڤەران خواندی ژی دێ ھێتە لادان و ل وی دەمی سەر ژ نوو دێ خواندن ھێتە کرن.
ئەندازیار موسا عومەر سالح ئاماژە دا وێ چەندێ کو دبیت بەری نھا چو دادی د وەرگرتنا پارێ ئاڤێ دا نەبوو و ل گۆرەی رووبەرێ خانی دھاتە وەرگرتن و ئەڤ سیستەمە ژی ل چو وەلاتێن جیھانێ نینە و چو دادی تێدا نینە، چونکو دبیت رووبەرێ خانیەکی 100 مەترن بەس دو جارکی تەمەت خانیەکێ 250 مەتری ئاڤێ د مەزێخیت و دانانا پیڤەرێن ئاڤێ دێ دادیەکا مەزن د وەرگرتنا پارێ ئاڤێ دا پەیداکەت و گۆت: بەری نھا گەلەک ئاڤ زەعی دبوو، بۆ نموونە ھندەک خێزان ھەبوون تەوافێن ئاڤێ د شکەستی بوون و رێژەکا مەزن یا ئاڤێ ب ھەروە دچوو، بەلێ دانانا پیڤەرێن ئاڤێ دێ ھەموو خەلکی ناچارکەت تەوافان بدانن و ب چو رەنگەکی ئاڤێ زەعی نەکەن.
موسا زێدەتر دا زانین، پارێ ئاڤێ ل گۆر پیڤەرێن ئاڤێ ژی تەساعدیە، وەکو سیستەمێ کارەبێ یە، چەند ئاڤێ زێدە ب مەزێخیت دێ پارێ وێ ھێدی ھێدی زێدەتر لێ ھێت و گۆت ژی: ل دەستپێکێ کۆمپانیا جێبەجێکاران دانانا پیڤەرێن ئاڤێ سێ جۆرێن پیڤەران ئینابوون، ئێک ب 40 ھزار دیناران، یێ دی ب 41 ھزاران و یێ سیێ ب 46 ھزار دیناران بوو، بەلێ پشتی دەست بکاربوونا پرۆژەی جۆرێ سێ ھاتە لادان ب مەرەما گرانیا بۆھایێ وێ و خەلکی ژی گەلەک کێم د دانان.
جەلال جەمیل بەرئاشی، رێڤەبەرێ ئاڤا دھۆکێ بۆ ئەڤرۆ دیار کر، ھەتا نوکە 75% پیڤەرێن ئاڤێ ل دھۆکێ ھاتینە دانان و خەلکێ دھۆکێ گەلەک یێ ھاریکارە و گۆت: خەلکێ دەست کورت پتر ژ خەلکێ دەولەمەند یێ ھاریکار و پێگیرە، د دەمەکی دا نھا پیڤەرێن ئاڤێ پتر ل تاخێ بەرۆشکێ و گژەبەرا ھاتیە دانان ژ تاخێن دەولەمەند وەکو تاخێ (K.R.O).
ل دور گازندێن وەلاتیان کو بھایێ پیڤەرێن ئاڤێ د سەر 40 ھزار دیناران دایە و ئەڤە ژی ل گۆرەی قەیرانا دارایی یا نھا ھەرێم تێدا دبۆریت یا ب زەحمەتە وەلاتی بشێن وی پارەی بدەن، ئەرێ گازندێن خەلکی ل سەر ڤێ چەندێ ھێشتا ھەنە؟ رێڤەبەرێ ئاڤا دھۆکێ گۆت: بێگۆمان گازندە ھەنە، بەلێ ئەم بۆ خەلکی دۆپات دکەین کو ئەو پارێ خەلک ددەت دێ جارەکا دی پشتی دەست ب کاربوونا پیڤەرێن ئاڤێ ھێتە ڤەگەراندن، ب وی شێوەی کو ھەر ھەیڤ کا پیڤەرێن ئاڤێ دێ چەند پارەی خوینیت، رەنگە ھەیڤانە دو یان سێ ھزار ژ پارێ ئاڤێ یێ ھەر خێزانەکێ بھێتە بڕین ھەتا ئەو 40 ھزار دینارێ وێ خێزانێ دای ھەموو بۆ ب ڤەگەریت.
ئەڤرۆ نیوز:
پجڤاتا نونەرێن عێراقێ یا بەردەوامە ل سەر دانوستانێن پڕۆژێ قانوونا بودجێ یا سالا داھاتی و پێشنیارەک ھاتیەکرن، ھەتا دەرچوونا قانوونا نەفت و غازێ ل عێراقێ، ھەرێما کوردستانێ و عێراق ھەر ئێک یێ ئازاد بیت ژ مافێن خوە یێن دارایی، پەرلەمانتارەکا کورد ژی ئاشکراکر، سالا داھاتی دێ سەرژمێری ھێتەکرن و گورەی ھژمارا رۆنشتڤانان دێ بودجە ھێتە بەلاڤکرن.
دکتۆر ئەشواق جاف، پەرلەمانتارا پارتی دیموکراتی کوردستان ل پەرلەمانێ عێراقێ بۆ رۆژناما ئەڤرۆ گۆت” راستە نێزیکە شاندێ ھەرێما کوردستانێ سەرەدانا بەغدا بکەت و لدۆر پرسێن ھەلویستی دگەل حوکمەتا عەبادی کۆمبوونان ئەنجامبدەت، ھەتا نوکە پڕۆژە قانوونا بودجێ وەکی سالا بۆری ھاتیە دارشتن و سێ خال ھاتینە زێدەکرن، ئێک ژوانا دڤێت سەرژمێریا ئاکنجیێن عێراقێ بۆ سالا 2016ێ بھێتە ئەنجامدان و گورەی ھژمارا رۆنشتڤانان دێ بودجە بۆھەر پارێزگەھەکێ ھێتە دیارکرن، ھەروەسا خالەکادی ھاتیە و دڤێت قانوونا گومرکی ل سەرانسەری عێراقێ بھێتە بجە ئینان، ئەڤ چەندە ھەموو قانوونێن سالا بۆری نە یا 2015یە و چو گۆھۆڕین تێدا نەھاتینەکرن، ئەڤە ددەمەکیدایە سالا بۆری قانوونا بودجێ ھەمبەر ھەرێما کوردستانێ نەھاتە بجە ئینان و بەغدا یا پێگیرنەبوو ب رێکەفتنا دگەل ھەرێمێ، بەلێ بۆچوونەکادی ھەبوو ژلایێ ھژمارەکا پەرلەمانتارێن شیعە، ئەوژی داخوازھاتەکرن ژبەرکو قانوونا نەفت و غازێ ل عێراقێ دەرنەچوویە، بەلێ بەغدا بەرپرس بیت ل ھەمبەر مافێن خوە یێن دارایی و ھەرێما کوردستانێ ژی ژلایێ خۆڤە یا بەرپرس بیت ھەمبەر مافێن خوە یێن دارایی، ھەتا وی دەمێ قانوونا نەفت و غازێ دھێتە دەرکرن”.
دکتۆر ئەشواقێ گۆتژی” یا فەرە وەزارەتا سامانێن سرۆشتی ڤێ چەندێ رۆھن بکەت، کو ئایا دێ شێت پتڕۆلێ بشێوەیەکی فڕێکەت دەرڤە بەھرا بودجا ھەرێما کوردستانێ بکەت یان ژی دگەل بەغدا بمینین، بەری ھەیڤا رەمەزانێ ژی مە پێشنیارەکا بڤی شێوەی دایە بەغدا و پێدڤیە بەغدا رەوشا ھەرێما کوردستانێ بەرچاڤ وەربگریت، ئەگەر بەغدا ھەموو ھەیڤا نەشێت بودجە و موچێ ھەرێمێ پنێریت بەلێ ھەرێما کوردستانێ یا ئازادبیت ژ فرۆتنا پتڕۆلێ، یان ژی بەغدا یا پێگیربیت ب ھنارتنا مافێن دارایی یێن خەلکێ کوردستانێ، بەغدا نەیا رازیە ئەم پتڕۆلا خوە بفرۆشین نە پارێ ھەرێمێ دھنێریت، ئەڤ پێنشنیارە ھەیە ھەر ئێک بۆخوە بفرۆشیت دێ مینیت سەر رێکەفتنێ بزانین دێ ھەردولا چاوا رێکەڤن”.
نيشاندان
