ئهڤرۆ نيوز:
سهرۆكێ لژنا پێشهسازى ل جڤاتا پارێزگهها دهۆكێ د داخۆيانيهكێ دا بۆ راديۆيا دهۆك راگههاند كو ئهو رێژا پانزينێ يا بهرى نوكه هاتى يا پيس بوو و ژ بهر هندێ ژى كێشێن تهكنيكى بۆ گهلهك ترۆمبێلان دروست ببوون.
عهبدولسهمهد گۆت: “نوكه پانزينا نوو يا گههشتى و دێ ل سهر پانزينخانێن پانزينا حكومى ل دهۆكێ وهردگرن هێته بهلاڤكرن و كێشا پانزينا پيس ل دهۆكێ نامينيت”.
داخۆيانيا سهرۆكێ لژنا پێشهسازى ل جڤاتا پارێزگهها دهۆكێ بۆ راديۆيا دهۆك
ئهڤرۆ نيوز:
ئهشواق جاف پهرلهمانتارا ديارا پارتى ديموكراتى كوردستان ل جڤاتا نوونهرێن عيراقێ بۆ راديۆيا دهۆك دا زانين كو ههكه كۆمبوونا سوبههى يا جڤاتا وهزيرێن عيراقێ فيدرال و دانوستاندنا وان ل سهر كێشا كێم هنارتنا پارێ ههرێما كوردستانێ نهگههشته چو ئهنجامان، ئهو دێ خوازن كو ل جڤاتا نوونهرێن عيراقێ مێڤاندارايا حهيدهر عهبادى يێ سهرۆك وهزير و هشيار زێبارى وهزيرێ دارايى و عادل عهبدولمههدى يێ وهزيرێ پهترۆلێ بكهن دا كو راستيا بابهتى ئاشكهرا بيت.
داخۆيانيا ئهشواق جاف ل دۆر كۆمبوونا جڤاتا وهزيرێن عيراقێ بۆ راديۆيا دهۆك
ئهڤرۆ نيوز:
سهرۆكێ ههرێما كوردستانێ مهسعود بارزانى ئهڤرۆ رۆژا ئێكشهمبى رێكهفتى 18ى گۆلانا 2015ێ ل پيرمام ل گهل سهركردێن لايهنێن سياسى يێن كوردستانى كۆمبوو و بڕياره بهحس ل ئهنجامێن سهرهدانا خوه بۆ وهلاتێ ئهمريكا بكهت.
نوونهرێن ئێكهتيێ مهلا بهختيار و عومهر فهتاحن و نوونهرێن گۆڕان ژى ههر ئيك جهلال جههوهر و عۆمهر سهيد عهلى دكهن، ژ لايێ يهكگرتوو ئيسلامى كوردستان ژى ئهميندارێ وێ محهمهد فهرهج يێ پشكداره و ژ لايێ كۆمهلا ئيسلامى ژى ئهميرێ وێ مهلا باپير، حهمهيى حاجى مهحمود ژ پارتا سوشالستا كوردستانێ.
مهسرۆر بارزانى شيرهتكارێ ئاژانسا پاراستنا ههرێما كوردستانێ كوسرهت رهسۆل جێگرێ سهرۆكێ ههرێما كوردستانێ و سهرۆكێ پهرلهمانێ كوردستانێ، يوسف محهمهد و قوباد تهلهبانى جێگرێ سهرۆكێ حوكمهتا ههرێما كوردستانێ و فوئاد حسێن سهرۆكێ ديوانا ههرێما كوردستانێ و سهرۆكێن فراكسيۆنێن توركمان و مهسيحى و چار لايهنێن سياسى پشككدارى د كۆمبوونێ دا كريه.
ئهڤرۆ نيوز:
ئهڤرۆ رۆژا دوشهمبى رێكهفتى 18ى گۆلانا 2015ێ وهزيرێ بهرهڤانيا ئيرانێ و هاريكارێ فهرماندێ هێزێن چهكدارێن ئيرانى عهميد حسێن دههقان گههشتنه عيراقێ.
ئهڤ سهرهدانا وهزيرێ بهرهڤانيا ئيرانێ بۆ عيراقێ ب گۆرهيى داخوازهكا فهرمى يا ههڤالێ وى يێ عيراقى خالد عۆبێدى بوويه و ژ لايێ سۆپاسالارێ لهشكرێ عيراقێ بابهكر زێبارى ڤه هاته پێشوازيكرن.
ب گۆرهيى بهياننامهكا وهزارهتا ناڤخۆ يا عيراقێ ئهوا دوهى دهرچوويى، د سهرهدانا خوه دا عهميد دههقاد دێ ل گهل سهركردێن عيراقێ كۆم بيت دا كو ههڤكاريهكا باش د ناڤبهرا ههر ئێك ژ بهغدا و تههران دا دروست بكهن.
سهرهدانا وهزيرێ بهرهڤانيا ئيرانێ د دهمهكى دايه كو حهشهد شهعبى راگههانديه كو ئهو دێ پشكداريێ د ئازادكرنا ئهنبار ل باژێرێ رۆمادى دا كهن ئهوا ب رهنگهكێ تهمام كهفتيه دهستێ داعش.
ئهڤرۆ نيوز:
عادل عهبدولمههدى وهزيرێ پهترۆلا عيراقێ ل رۆژا 13ى گۆلانا 2015ێ سهرهدانا ههولێر كربوو و ماوێ دو رۆژان ل ههرێما كوردستانێ مابوو و سێ كۆمبوون ل گهل سهرۆكێ حوكمهتا ههرێما كوردستانێ ئهنجام دان، بهلێ بێ ئهنجام ب دووماهى هاتن.
ئامانج رهحيم، سكرتێرێ پهرلهمانێ كوردستانێ، بۆ رووداو راگههانديه كو دهربارهيى بهرسڤا وهزيرێ پهترۆلا عيراقێ، عادل عهبدولمههدى، ب ئاشكهرايى گۆتى: “چو جاران چاڤێ ههوه ل ئێك مليار دۆلار نهبيت د ئێك ههيڤ دا وهكو ئهوا د رێكهفتنێ دا هاتى، چونكو حوكمهتا عيراقێ وى پارهيى نادهت”.
ئهڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبههى ئهسمان دێ ههتاف بيت و پلێن گهرماتيێ ژى دێ بلند بن.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئهنجامێ بهردهواميا فشارێن نزمێن گزيرتا عهرهبى بۆ سەر ھەرێما کوردستانێ ئەو پێشبینی دکەن کو سوبههى رێكهفتى 19ى گۆلانا 2015ێ ئهسمان ببيته ههتاڤ ل گهل ههبوونا تۆزهكا سڤك.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ بلند بيت وهكو ههڤبهركى ل گهل رۆژێن بهرى نوكه ب رەنگەکی د ناڤبەرا 22 بۆ 35 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باكوورێ رۆژئاڤا بیت ب رەنگەکی دێ ل سهر خوه بیت د ناڤبەرا 5 بۆ 10 کلم د دەمژمێرەکێ دا، ماوێ دیتنێ ژی دێ 10 کلم دا بیت.
ئهڤرۆ نيوز، قائید میرۆ:
ئەندامەکا لژنا رەوشنبیری و راگەھاندنێ یا پەرلەمانێ کوردستانێ ئاشکرا کر، د گەل وەزیرێ دارایی دانوستان ل دۆر بڕینا مینحێن رێکخراوێن نە حکومی ئەنجام داینە و دێ پێداچوون بۆ پرسا بڕینا مینحێن وان رێکخراوا ھێتەکرن و یێ ھەموویان ناھێتە بڕین.
حەیات مەجید، ئەنداما لژنا رەوشنبیری و راگەھاندنێ ل پەرلەمانێ کوردستانێ بۆ ئەڤرۆ نیۆز گۆت: “پشتی وەزارەتا دارایی و ئابوورى بڕیارا بڕینا مینحێن سەنتەر و رێکخراوێن نە حکومی دەرکری، لژنا رەوشنبیری و راگەھاندنێ یا پەرلەمانێ کوردستانێ دووڤچوون بۆ کریە و د گەل وەزیرێ دارایی دانوستان ھاتینەکرن، گەھشتینە ڤێ رێکەفتنێ د گەل وەزارەتا دارایی و ئابووری، کو مینحە بھێتە راگرتن، چونکو حوکمەتێ شیانێن دارایی نینن، مینحە بۆ ھەموو رێکخراوان بهێنه مەزاختن و ل سەر پارێ حوکمەتێ بژین”.
حەیاتێ گۆتژی: “راگرتن بۆ ھەتا ھەتا نینە، بەلکۆ دێ پێداچوون ھێتەکرن بۆ ڤان رێکخراوێن پشتەڤانیا دارایی ژ حوکمەتێ وەردگرن و یێن بێ بەرھەم و چو پڕۆژە نەبن، دێ مینحێن وان ھێنە بڕین، بەلێ دێ دوبارە مینحە ب ڤان رێکخراوان ھێنە دان، یێن چالاکی ھەنە و کارێ خوە دکەن، ژ بەر کو ھژمارەکا ئێکجار زۆرا رێکخرا و کۆمەلە و سەنتەرێن نە حکومی ل ھەرێما کوردستانێ ھەنە”.
ئەڤرۆ:
پشتی خونیشادانێن ل باژارێ مھابادێ و باژارێن دی یێن رۆژھەلاتێ کوردستانێ دوھی ھێزێن ئێمناھیێ یێن ئیرانێ ل چەندین باژارێن رۆژھەلاتێ کوردستانێ دەست ب ئۆپەراسیۆنێن جودا جودا کرن و ھەتا نھا ب دەھان لاوێن کورد ب ئەگەرێ کو پشکداری د خوەنیشادانان دا کرینە ھاتینە گرتن و چارەنڤیسێ وان ھەتا نھا ژی دیار نینە و رەوشەکا گەلەک خراب ل رۆژھەلاتێ کوردستانێ ھەیە.
حەمید حسێنی چاڤدێرێ سیاسی ل رۆژھەلاتێ کوردستانێ بۆ رۆژناما ئەڤرۆ دیار کر کو دوھی ھێزێن ئێمناھیێ یێن ئیرانێ ل باژارێن، مھاباد، سنە، ئورمیە، سەقز و گەلەک باژارێن دی یێن رۆژھەلاتێ کوردستانێ دەست ب ئۆپراسیۆنەکا مەزن کرن و د ئەنجاما وێ ئۆپەراسیۆنێ دا ھەتا نھا ب دەھان لاوێن کورد ھاتینە دەستەسەرکرن و کەس نزانیت کا نھا ئەو ل کیڤەنە و ھێزێن ئیرانێ ژی دەلیڤێ نادەنە مالباتان دا سەرەدانا لاوێن خوە بکەن و گۆت: (د خوەنیشادانێن ل مھابادێ و باژارێن دی یێن رۆژھەلاتێ کوردستانێ دا ب دەھان خوەنیشادەر بریندار ببوون و مالباتێ وان ئەو کەس نەبربوونە نەخوشخانان دا کو نەھێلن گرتن و پرانیا وان کەسان ل مالان دا دھاتنە دەرمان کرن و ئێک ژ مەرەمێ ڤێ ئۆپەراسیۆنێ ژی گرتنا وان بریندارانە).
ناڤھاتی د بەردەوامیا ئاخڤتنا خوە دا ئەو یەک ژی دیار کر کو مانگرتن و نەچوونا سەر کاری ژ ئالیێ کارمەندێن کورد ل باژارێن جودا جودا یێن رۆژھەلاتێ کوردستانێ بەردەوامە و خەلکێ کورد دخوازن ب ڤی رەنگی نەرازیبوونا خوە ل ھەمبەر ھەلویستێ ئیرانێ نیشا بدەن و رەوشەنبیرێن کورد ژی داخواز ژ پەرلەمانێ ئیرانێ کرینە کو لیژنەکا سەربخوە ڤەکۆلینێ ل دۆر روودانا مھابادێ بکەت و دڤێت بەرپرسێن وێ روودانێ و یێن بووینە ئەگەرێ مرنا لاوێن کورد بگەھنە سزایێن خوە و گۆت: (رەوشەکا گەلەک خراب نھا ل رۆژھەلاتێ کوردستانێ ھەیە، ترسا سەرەکی یا ئیرانێ ئەوە کو جارەکا دی خوەنیشادان دەستپێ نەکەن و بەرفرەھتر نەبن و ژ بەر ھندێ ژی ب رێیا ئۆپەراسیۆنێن ڤێ دووماھیێ دخوازن رێکخەر و پشکدارێن خوەنیشادانێن رۆژێن بۆری دەستەسەر بکەن و خەلکێ ژی چاڤترسی بکەن دا کو جارەکا دی دەست ب خوەنیشادانێن وەسا نەکەن و بێگومان گرتنا برینداران و کەسێن پشکداری د خوەنیشادانان دا کرینە دێ کاریگەریا خوە ل سەر جڤاکێ کوردی کەت و ئەز باوەرم دێ خوەنیشادان بەردەوام بن و ناھێتە راگرتن).
ناڤھاتی د دووماھیا ئاخڤتنا خوە دا رەخنە ژ رێکخراوێن مافێ مرۆڤی یێن ئورۆپا و جیھانی گرت و دیار کر کو ب دەھان لاوێن کورد ژ ئەنجاما خوەنیشادانان ھاتنە کوشتن و ب دەھان کەس ژی بریندارن و چارەنڤیسێ گەلەک کەسان ژی دیار نینە، لێ وەک پێدڤی وان رێکخراوان ھەلویستێ خوە نیشا نەدان و پێدڤی بوو وان گەفەک مەزن ل ئیرانێ کربا دا رێ بدەت دەزگەھێن راگەھاندنێ روودانان ب رەنگەکێ راست بگەھیننە خەلکی، لێ ئەو یەک نەھاتە کرن و ئەوە ژی نیشا ددەت کو ژ بەر دانوستاندنێن نھا ل گەل ئیرانێ گەلەک وەلات ھزرا بەرژەوەندیێن خوە دکەن و مافێ مرۆڤی ھاتیە پشتگوە خستن.
نيشاندان