پێکھاتیێ چاڤەرێکری یێ ریال بۆ یاریا کلاسیکو بزانە
ئەڤرۆ نیوز:
حکومەتا ئیسپانیا دیارکری یە یاریا کلاسیکو یا دناڤبەرا ریال مەدرید و بەرشەلۆنا ئەوا بریارە رۆژا شەمبیا بێت بھێتەکرن ل بن چاڤدێریەکا توند یا ئێمنەھیەکا بیت داکو چو رویدان ل وێ یاریێ پەیدانەبن تایبەت ئەو رویدانێن ڤێ دووماھیێ ل فەرەنسا .
پێکھاتیێ چاڤەرێکری یێ یانا ریال مەدرید بۆ ڤێ یاریێ ژلایێ چەندین رۆژنامەیێن ئیسپانی ڤە ھاتیە دیارکرن کو پێکھاتیێ یە ژ  نافاس و ل ھێلا بەرەڤانیێ سێرجیو راموس و فاران و ھەردو یاریکەرێن بەرازیلی دانێلۆ مارسێلو یاریێ کەن،  ل ھێلا ناڤین ھەر ئێک ژ یاریکەران تونی کروس و مۆدریج و کاسمێرۆ ل ھێلا پێشیێ رۆدرێگز یێ کولومپی و ستێرا پرتوگالی کریستیانو رۆنالدو ل ھێلا ھێرشبەریێ کریم بن زیما.

ئەڤرۆ نیوز:
رۆژنامەیێن کەتەلونی پێکھاتیێ چاڤەرێکری یێ بەرشەلونا بۆ یاریا کلاسیکو دیارکری یە کو برافۆ دێ تورا یانا کەتەلونی پارێزیت و ھەر ئێک ژ بیکێ ماسکێرانو و ئەلفیش و ئەلبا دێ ل ھێلا بەرەڤانیێ کەن، راھێنەرێ یانا بەرشەلۆنا لویس ئەنریکی دێ ل ھێلا ناڤین پشت بەستنێ ل سەر بۆسکێس و ئەنێستا و راکیتیش و رۆبێرتو کەت و ل ھێلا ھێرشبەریێ نیمار و سواریز کەن.
راپورتێن رۆژنامەڤانی ل ئیسپانیا وەسا دیارکری یە دبیت راھێنەرێ بەرشەلۆنا ل چارێکا دووماھیێ یاریێ ب ستێرا ئەرژەنتینی لیونێل مێسی بکەت و  نەشێت ل دەستپێکا یاریێ پشت بەستنێ ل سەر بکەت ژبەر ئەو ھنگافتنا بەری نوکە ھەردیسان کو یێ بەرھەڤە بۆ یاریێ لێ نە ٩٠ دقیقە .

ئەڤرۆ نیوز:
بریارە ل رۆژا پێنج شەمبیا بھێت چەندین بریار بھێنەدانێ ل سەر شێوازی کرنا خۆلا کوردستانێ یا وەرزێ ئەڤ سالە کو ژێدەرێن دەنگوباسی ل ئێکەتیا تەپا پێ یا کوردستانێ وەسا دیار دکەن رێڤەبرنا خۆلێ ل سەر ئەرکێ مللێن یانێن پشکدار ژی مای یە ھەکە ئەو ب خوازن دێ خول ھێتە برێڤەبرن.
ل کومبوونا رۆژا پێنج شەمبیا بھێت دێ بەحس ل سەر شێوازی کرنا خولێ ھێتەکرن کو ئێکەتیا کوردستانێ دڤێت سێ پشنیازا پێشکێشی یانێن پشکدار بکەت بۆ برێڤەبرنا خولێ ئەوژی یانێن پشکدار بھێنە بەلاڤەکرن ل سەر دو کوما یان ژی یاریێن خولێ ب ئێک قوناغا بھێنەکرن ئەڤ ھەردو شێوەزە دێ ھێنە دانێ  ژبەرکو زوربەیا یانە نوکە د قەیرانا دارایی دا نە.

ھێتە زانین ژی ئێکەتیا ناڤەندی دێ بۆ یانێن پشکدار دیارکەت ژی ھەکە د شیانێن یانێن پشکدار دابیت یاریێن خولێ وەکو سالێن بوری بھێنە برێڤەبرن ب شێوەیێ دو قوناغا، لێ دبیت ب ڤی شێوەی گەلەک یانە خوە ژ خۆلێ ڤەکێشین .
ژێدەرەکێ نێزیک ژ ئێکەتیا ناڤەندی بۆ ئەڤرۆ نیوز دیارکر دێ ل رۆژا پێنج شەمبیا بھێـت گەلەک بریار ھێنە دانێ و ھەکە ھژمارە یانێن دخوازن ژ یانێن نە خوازن زێدەتر لێ ھات وی دەمی دێ بریار ل سەر ژڤانی دەستپێکرنا خولێ ب فەرمی ھێتەدانێ و ھەر یانەکا خوە ژ خولێ ڤەکێشت دێ فەرمی کەڤتە دخولا پلا ئێک دا.
دەنگوباس وەسا دھێنە دیارکرن دبیت دو یانە خوە ژ خۆلا کوردستانێ ڤەکێشین ژبەرکو ھەتانوکە ئەو ھەردو یانە بێ دەنگن بەرھەڤیا خوە دیارنەکری یە بۆ پشکداریێ بەرامبەر دەھـ یانە بەردەوام راھێنانێن خوە کەن بۆ یاریێن وەرزێ نووی یێ خولا کوردستانێ.