ئه‌ڤرۆنیۆز، ئه‌یاد به‌روارى
ژێده‌ره‌كی رۆژنامه‌ڤانیێ تونسی بۆ ئه‌ڤرۆنیۆز راگه‌هاند كو به‌ری ده‌مه‌كێ كێم د ئه‌نجامێ هێرشه‌كا تیرۆرستی دا ل باكوورێ تونسێ 27 كه‌س هاتنه كوشتن.
نوزهه نورلدین رۆژنامه‌ڤان ل رادیویا تونسێ بۆ ئه‌ڤرۆنیۆز گوت” ئه‌و هێرشه ل سه‌ركنارێن ده‌ریای ل ده‌ڤه‌را (نوزول قه‌نتاوی) ل باژێرێ سۆسه ژلایێ كه‌سه‌كی ڤه هاتیه ئه‌نجامدان”.
ناڤبرى زێده‌تر گوت” ژ ئه‌نجامێ وێ هێرشێ 27 كه‌س هاتنه كوشتن و شه‌ش كه‌س ژى بریندار بوون”.
ئه‌ڤرۆنیۆز، ئه‌یاد به‌روارى
به‌رپرسه‌كێ هه‌والگیریا ئه‌لمانی ئاشكراكر كو هژمارا وه‌لاتیێن ئه‌لمانی ئه‌وێن هه‌ڤسۆزی ل گه‌ل داعشێ هه‌ی گه‌هشتیه 7500 كه‌سان و دیاكر كو هه‌تا نوكه 100 وه‌لاتیێن ئه‌لمانی دناڤ داعشێ دا یێن هاتینه كوشتن.
سه‌رۆكێ ئاژانسا هه‌والگیریا ناڤخوه‌یی یا ئه‌لمانی (هانز جورج ماسن) بۆ ئاژانسا رۆژپرێس ل به‌رلینێ راگه‌هاند: هژمارا ژنێن ژیێ وان دبن 25 سالیێ دا یێن كو ئه‌لمانیا بجه دهێلن و دگه‌هنه رێزێن تیرۆرستێن داعشێ د زێده‌بوونه‌كا مه‌زن دایه و 100 كه‌سێن ئه‌لمان ل ده‌ڤه‌رێن شه‌ڕى ژنن و نیڤا وان ژى ژیێ وان كێمتره ژ 25 سالیێ.
ئه‌ڤرۆنیۆز، ئه‌یاد به‌روارى :
ژێده‌ره‌كێ كوێتی بۆ ئه‌ڤرۆنیۆز دیاركر كو په‌قینه‌ك دناڤ مزگه‌فته‌كێ دا روودا و دئه‌نجامدا چه‌ندین وه‌لاتی هاتنه كوشتن و برینداركرن. مسته‌فا مه‌حمود ژ رۆژناما ( الكویتیه) یا كوێتی بۆ ئه‌ڤرۆنیۆز گوت” په‌قین ل مزگه‌فتا (ئیمام سادق) كو مزگه‌فته‌كا شیعانه ل ده‌ڤه‌را (سه‌وابر) ل نیڤا پایته‌ختێ كوێتێ روودا”. زێده‌تر گوت” ئه‌نجامێن ده‌ستپێكی یێن وێ په‌قینی هه‌شت كوشتی و ب ده‌هان بریندارن”. گوت ژى” رێكخستیا داعشێ به‌رپرسیاره‌تیا خوه ژ وێ په‌قینێ دیاركریه و هه‌ر پشتى په‌قینێ میرێ كوێتێ ( سه‌باح ئه‌لئه‌حمه‌د ئه‌لجابر ئه‌لسه‌باح) سه‌ره‌دانا جهێ په‌قینێ كر و جڤاتا وه‌زیرێن كوێتی كۆمبوونه‌كا نه‌ئاسایی گرێدا و سه‌رۆكێ په‌رله‌مانێ كوێتی (مه‌رزوق عه‌لی ئه‌لغانم) داخوازا كۆمبوونه‌كا ب له‌ز یا په‌رله‌مانی كر”.
ئه‌ڤرۆ نیوز:
كه‌نالێ CNN یێ ئینگلیزى د به‌لگه‌یه‌كا ڤیدیویى دا، ل ده‌مێ پشكنینا لاشه‌یێن تیرورستێن داعش یێن كوشتى ل كوبانێ، دوهى ل موبایله‌كا ئێك ژ تیرورستێن داعش گرته‌كا ڤیدیویى ئاشكرا دبیت كو خوه بۆ كریارا كوبانێ به‌رهه‌ڤ دكه‌ن و ب زمانێ توركى د ئاخڤن و پاشان دیاردكه‌ن كو ئه‌و سه‌ر ب هێزێن سوپایێ توركیا و جه‌ندرمێن توركیانه.
ئه‌ڤۆ‌و نیۆز، سالار
سه‌رۆكا لژنا مافێ ئافره‌تان ل په‌رله‌مانێ كوردستانێ دیاركر كو سه‌ره‌دانا به‌غدا كرینه و ل گه‌ل لژنا مافێ ئافره‌تان ل په‌رله‌مانێ عیراقێ كومبووینه و ب هه‌ڤرا خواست و داخازیێن ژن و زارۆیێن ئێزدى گه‌هاندینه وه‌زاره‌تا كار و كارۆبارێن جڤاكى ل په‌رله‌مانێ عیراقێ.
ئێڤار ئیبراهیم سه‌رۆكا لژنا مافێ ئافره‌تان ل په‌رله‌مانێ كوردستانێ گۆت: هاتینه ئاگه‌هداركرن كو وه‌زاره‌تا كارۆ وبارێن جڤاكى یا عیراقێ ب كوژمێ(110) هزار دیناران بۆ هه‌ر ژنه‌ك و زارۆیه‌كێ ئێزدى یێ قورتالبوویى ژ ده‌ستێ داعش ته‌رخانكرینه، ئێڤارێ ئاشكراكر كو نوكه مژوولى كومكرنا ناڤانه داكو بۆ وه‌زاره‌تا ناڤبرى ل عیراقێ بهنێرین.
ئه‌ڤرۆ نیوز:
ژ ئه‌نجامێ هێرشه‌كا تیرورستى بۆ سه‌ر كارگه‌هه‌كا به‌رهه‌مئینانا غازێ ل نێزیك باژێرێ لیون یێ باشوورێ رۆژهه‌لاتێ فره‌نسا، كه‌سه‌ك هاته كوشتن و ژماره‌كا كارمه‌ندێن وێ بریندار دبن ، ژێده‌رێن ده‌نگوباسان ل فره‌نسا دیار دكه‌ن كو كه‌سه‌كێ نه‌ناسكرى كو ئالایه‌كێ گروپێن ئیسلامى یێن توندره‌و ڤێ بوویه ئه‌ڤ كریاره ئه‌نجامدایه.
ئه‌ڤرۆ نیوز:
سه‌فین دزه‌یى په‌یڤدارێ حكومه‌تا هه‌رێما كوردستانێ د سه‌ره‌دانه‌كێ بۆ توركیا ل گه‌ل به‌رپرسێ په‌یوه‌ندییێن ده‌رڤه یێن پارتا كومارا گه‌ل جه‌هه‌پێ كومبوو و پشتى كومبوونێ كونگره‌كێ رۆژنامه‌ڤانى سازدا، د پرسیاره‌كێ رۆژنامه‌ڤانه‌كێ دا كو ئاراسته‌ى دزه‌یى هاتیه كرن، ئه‌رێ دێ پێشمه‌رگه پشتى روودانێن ڤێ دووماهیێ یێن كوبانێ، جاره‌كادى چیته كوبانى، سه‌فین دزه‌یى گۆت: هێشتا پرسه‌كا ب ڤى ره‌نگى مه به‌حس ژێ نه‌كریه.
ئه‌ڤرۆ نیوز:
د كومبوونا دوهى یا سه‌رۆك وه‌زیرێن عیراق و پارێزگه‌رێ كه‌ركوكێ عه‌بادى بریاردا داخوازیێن كه‌ركووكێ بجهـ بینیت.
ل گور ده‌نگوباسه‌كێ سومه‌ریه نیوز د كومبوونێ دا حه‌یده‌ر عه‌بادى سه‌رۆك وه‌زیرێن عیراقێ په‌یمانا وێ یه‌كێ دایه كو هه‌موو پێدڤیێن باژێرێ كه‌ركووكێ بجهـ بینیت و دیسان دووپاتى ل هه‌ڤكاریا وان ئاواران كریه یێن قه‌ستا وى باژێرى كرى.
ئه‌ڤرو نیوز،بارزان مزوورى
عه‌لى عه‌ونى ، ئه‌ندامێ سه‌ركردایه‌تیا پارتى دیموكراتى كوردستان و به‌رپرسێ لقا 20 یا شێخان بو مالپه‌رێ ئه‌ڤرو نیوز ئاشكرا گوران و ئێكه‌تى و هه‌مى لایه‌نێن دى ب هه‌ڤرا به‌حسێ سازانێ و ته‌وافقێ و به‌حسێ ئێك چاره نڤیس دكر كو نا چێبیت ده‌نگێ پرانى یێ كێمانى بهێته بن پێ كرن، به‌لێ ڤێ جارێ وان بخو پێل وان هێمایا دانا یا ژ وان ڤه دێ شێن ده‌نگێ زورینه‌یێ ئیرادا گه‌لێ كوردستانێ كێم بكه‌ن .
ناڤبرى دیار كر كو سالا بورى ل ده‌مێ روژانێن هاتنا داعش خونیشاندان ل سلێمانێ دروست بون سه‌را سه‌ر موچه و پانزینێ من زو راگه‌هاند كو ئه‌ڤه راهێنانا خه‌لكێ سلێمانیێ یه سه‌ر هندێ كو سلێمانیێ به‌ره‌ڤ هندێ ببه‌ن كو ل هه‌رێما كوردستانێ جودا كه‌ن چونكو ب هه‌ر شێوه‌یه‌كێ هه‌ى حكومه‌تا هه‌رێما كوردستانێ پارتى دیموكراتى كوردستان ته‌سلیمى ئیرادا بریارێن ده‌ره‌كى نابیت.
ناڤبرى گوت كو خه‌لكێ باوه‌رنه‌دكر كو ده‌ستێ ده‌وله‌تێن جیران دناڤ وان پارتێن سیاسى نه به‌س كومبوونا ڤێ دووماهیێ یا په‌رله‌مانى هه‌مى تشت ب زه‌لالى خه‌لكێ مه‌دیت.
نيشاندان