ئه‌ڤرۆ نیوز:
نووترين نووچه
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
- كەسایەتییەكێ ئێزدی: چو جاران ئێزدیان جهێ خوە د ناڤا لەشكەرێ ئیراقێ دا نەدیتییە
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
سه‌ره‌كى Facebook
سێ وه‌لاتى د روودانه‌كێ دا بریندار دبن
ئه‌ڤرو نیوز،بارزان مزوورى
پێشه‌نگ به‌درخان محه‌مه‌د سه‌لیم، به‌رپرسێ پشكا هاتنوچونا قه‌زا شێخان بو مالپه‌رێ ئه‌ڤرو نیوز ئاشكرا كر كو ئه‌ڤرو ده‌مژمێر 6 مه‌غره‌ب 22/6/2015 ل سه‌ر رێیا سه‌ره‌كى باعه‌درێ بو ناحیا ئه‌لقوش رویدانه‌ك دناڤبه‌را ترومبێله‌ك ژ جورێ BMW و ترومبێله‌ك نیسان بریمه‌ر تایبه‌ت رویدا و د ئه‌نجام دا سێ وه‌لاتى ب سه‌ختى برینداربون و بو نه‌خوشخانا شێخان یا گشتى هاتن ڤه‌گوهاستن، پاشان ژبه‌ر نه‌باشیا ره‌وشا ته‌ندروستیا وا ب ترومبێلا هه‌وار هاتنێ ڤه بو نه‌خوشخانا ته‌نگاڤیا دهوك هاتن ڤه‌گوهاستن.
ناڤبرى لدور ئه‌گه‌رێ رویدانێ دیار كر كو ئێك ژ وان شوفێرا نه‌پێگیرى ب رێنمایێن هاتن كربو له‌زانى بكارئینابو حه‌تا توشى لێكدانێ بوین.
سبه كومبوونا په‌رله‌مانى دێ یا ئالوز بیت
ئه‌ڤرۆ نیۆز، قائید میرۆ
بڕیاره سبه په‌رله‌مانێ كوردستانێ كۆمبوونه‌كا گرنگ ئه‌نجام بده‌ت و تێدا دێ خواندنا ئێكێ بۆ چوار پڕۆژه قانوونان ئه‌نجامده‌ت و ل گوره‌ی زانیاریێن ئه‌ڤرۆ نیۆز دێ كۆمبوونه‌كا ئالۆزبیت.
شوان شێخ ئه‌حمه‌د، په‌رله‌مانتارێ پارتی بۆ ئه‌ڤرۆ نیۆز گۆت” كۆمبوون دێ ڤه‌خواندنا ئێكێ بۆ راستڤه‌كرنا پڕۆژه قانوونا سه‌رۆكایه‌تیا هه‌رێمێ كه‌ت یا هژماره ئێك سالا 2005ێ، به‌لێ چو رێكه‌فتن نه‌هاتینه‌كرن ل دۆر پڕۆژه قانوونێ.
ل گوره‌ی زانیاریێن ئه‌ڤرۆ نیۆز، كۆمبوونا سبه یا په‌رله‌مانی دێ كۆمبوونه‌كا ئالۆزبیت، ژبه‌ركو لایه‌نێن سیاسی هه‌ر ئێكێ بۆچوونه‌كا جۆدا ل دۆر پڕۆژه قانوونا سه‌رۆكایه‌تیا هه‌رێمێ هه‌یه و پێشبینی دهێته‌كرن ئالۆزی بكه‌ڤنه كۆمبوونێ.
داعش 50 ژن و زه‌لام ب چ ره‌نگ خه‌ندقاندن
شێخان، بارزان مزوورى:
ژێده‌ره‌ك ژ چه‌كدارێن رێكخراوا ئازاد ل ناڤ باژێرێ مووسل بو مالپه‌رێ ئه‌ڤرو نیوز ئاشكرا كر كو ئه‌ڤرو سپێدێ 22/6/2015 چه‌كدارێن تیرورستێن داعش 50 وه‌لاتى پتریا وان ژنن دناڤ مه‌له‌ڤانگه‌هه‌كێدا دناڤ باژێرێ مووسل خه‌ندقاندینه.
وى ژێده‌رى گوت ژى : ئه‌و كه‌سێن هاڤێتینه دناڤ مه‌له‌ڤانگه‌هێدا به‌رى نها هاتبونه ده‌سته‌سه‌ركرن ژبه‌ر كارێ سیخورى كرنێ.
داعش ئه‌ڤرۆ 21 خانى ل مووسل په‌قاندن
یه‌كگرتوو هه‌لوێستێ خوه سه‌باره‌ت پرسا سه‌رۆكاتیا هه‌رێمێ راگه‌هاند
ئه‌ڤرۆ نیوز:
یەکگرتووی ئیسلامی کوردستان داخوازا كومبوونا بله‌ز یا 5 ئالیێن سیاسیێن كوردستانێ دكه‌ت داكو بگه‌هنه سازانه‌كا نیشتمانى ل سه‌ر پرسا پوستێ سه‌رۆكایه‌تیا هه‌رێمێ.
ئه‌ڤرۆ یەکگرتووی ئیسلامی کوردستان د راگه‌هاندنه‌كێ دا ئاماژه ب وێ یه‌كێ دایه كو چاره‌كرنا پرسا ویلایه‌تا سه‌رۆكێ هه‌رێمێ دێ ب سازانا نیشتمانى و د چوارچوڤێ دستوورى دا هێته چاره‌كرن، به‌لێ پرسا دستوورێ هه‌رێما كوردستانێ ل ژڤانێ خوه ده‌ركه‌فتیه.
سوبه‌هى ئه‌ڤ وه‌زاره‌ته دێ مووچه‌يى وه‌رگرن
ئه‌ڤرۆ نيوز، ئه‌ياد به‌روارى:
بڕياره سوبه‌هى رۆژا سێشه‌مبى رێكه‌فتى 23ى خزيرانا 2015ێ دو وه‌زاره‌تێن دى ل حوكمه‌تا هه‌رێما كوردستانێ دێ مووچێ هه‌يڤا نيسانێ وه‌رگرن.
پشكا په‌يوه‌ندى و راگه‌هاندنێ ل وه‌زاره‌تا دارايى و ئابووريا حوكمه‌تا هه‌رێما كوردستانێ راگه‌هاند كو سوبه‌هى رۆژا سێشه‌مبى رێكه‌فتى 23ى خزيرانا 2015ێ مووچێ هه‌يڤا نيسانێ يێ هه‌ردو وه‌زاره‌تێن ئاڤه‌دانه‌كرن و بنه‌جهكرنێ و و ڤه‌گوهاستن و گه‌هاندنێ بهێته به‌لاڤكرن.
يه‌كگرتوو: مه خواست پارێزگارێ دهۆك گازى جڤاتا پارێزگه‌هێ بكه‌ين
ئه‌ڤرۆ نيوز، نيوار محه‌مه‌د سه‌ليم:
سه‌رۆكێ فراكسيۆنا يه‌كگرتوو ئيسلامى كوردستان ل جڤاتا پارێزگه‌ها دهۆكێ راگه‌هاند كو ل دۆر ئه‌و كێشا پانزينێ يا نوكه ل پارێزگه‌ها دهۆكێ هه‌يى، پارێزگارى داخوازى جڤاتێ بكه‌ن.
سه‌باح بابيرى، سه‌رۆكێ فراكسيۆنا يه‌كگرتوو ئيسلامى كوردستان ل جڤاتا پارێزگه‌ها دهۆكێ بۆ ئه‌ڤرۆ نيوز گۆت: “ئه‌ڤرۆ كۆمبوونا جڤاتا پارێزگه‌ها دهۆكێ هاته ئه‌نجام دان و تێدا دانوستاندن ل سه‌ر سێ ته‌وه‌ران هاته كرن”.
زێده‌تر گۆت: “ئێك ژ وان ته‌وه‌رێن دانوستاندن ل سه‌ر هاتيه كرن، كێشا پانزينێ بوو، كو مه وه‌كو فراكسيۆنا يه‌كگرتوو پێ باش بوو پارێزگارێ دهۆكێ ل دۆر ڤێ كێشێ بۆ جڤاتێ بهێته گازيكرن”.
دا زانين ژى كو سه‌رۆكاتيا جڤاتا پارێزگه‌هێ ل سه‌ر ڤێ چه‌ندێ رازى نه‌بوون ب به‌هانه‌يا وێ چه‌ندێ كو ئه‌و دێ جارێ ب ره‌نگه‌كێ نه‌يێ فه‌رمى بابه‌تى ل گه‌ل گه‌نگه‌شه كه‌ن دا بزانن گه‌هشتيه كيرێ و ل چو ئاسته.
سه‌رۆكێ فراكسيۆنا يه‌كگرتوو ئيسلامى كوردستان ل جڤاتا پارێزگه‌ها دهۆكێ پێ باش بوو پتر ده‌ليڤه بهێته خۆشكرن كو وه‌لاتى بشێن پانزينێ ژ ده‌رڤه بينن و ره‌نگه‌كێ بازرگانى بفرۆشن چونكو نوكه رێكارێن وێ گه‌له‌ك ب زه‌حمه‌تن.
سه‌باح بابيرى گۆتژى: “به‌لێ هه‌كه ره‌زامه‌ندى ل سه‌ر ڤى بابه‌تى هاته كرن ژى پێدڤيه ب هوورى دووڤچوونا ڤان بازرگانان بهێته كرن و كوالێتيا پانزينێ يا باش بيت و بۆ خزمه‌تكرنا وه‌لاتيان بيت”.
بۆچوونا ئه‌دهه‌م بارزانى ل سه‌ر شێوازێ هه‌لبژارتنا سه‌رۆكێ هه‌رێمێ
ئه‌ڤرۆ نيوز:
ئه‌ندامه‌كێ به‌رێ يێ سه‌ركرداتيا پارتى ديموكراتى كوردستان راگه‌هاند كو دا كو پێگه‌هێ سه‌رۆكى يێ ب هێز بيت باشتره ژ لايێ وه‌لاتيان ڤه بهێته هه‌لبژارتن و لايه‌نێ هه‌ڤدژى ڤێ كار دكه‌ت ژ پێگه‌هێ خوه يێ جه‌ماوه‌رى يێ دو دله.
ئه‌دهه‌م بارزانى، ئه‌ندامێ به‌رێ يێ سه‌ركرداتيا پارتى ديموكراتى كوردستان، ل په‌يجێ خوه يێ تۆڕا جڤاكيا فه‌يسبۆكى نڤيسيه: “چو گۆمان تێدا نينه هه‌ر سه‌رۆكه‌ك ئێكسه‌ر ژ لايێ جه‌ماوه‌رى ڤه بهێته هه‌لبژارتن دێ پێگه‌هه‌كێ ب هزێتر ل ده‌ف وه‌لاتيان هه‌بيت و ب شيانێن زێده‌تر ل سه‌ر ئاستێ ژ ناڤخۆ و ده‌رڤه دێ شێت ئه‌ركێن خوه يێن نه‌ته‌وى د ڤێ قوزناغا ئازادكرنا وه‌لاتى دا ب رێڤه به‌ت”.
ئاماژه ب وێ چه‌ندێ ژى كريه كو ب بۆچوونا وى هه‌ر كه‌س و لايه‌نه‌ك هه‌ڤدژى ڤێ بۆچوونێ ته‌ماشه بكه‌ت دبيت ژ پێگه‌هێ خوه يێ جه‌ماوه‌رى يێ دو دل بيت.
پارتى: فه‌رموون 100 به‌ديلين بارزانى بيننه مه‌يدانێ
ئه‌ڤرۆ نيوز:
عه‌لى عه‌ونێ ئه‌ندامێ سه‌ركرداتيا پارتى ديموكراتى كوردستان بۆ ئاوێنه گۆت: “هه‌كه بێژين كاودان نه‌دخۆشن و پلا هه‌لبژارتن نه‌هێنه كرن، دێ بێژن پارتى دڤێت دكتاتۆريه‌تێ بكه‌ت، هه‌كه بێژين ژى بلا بهێنه كرن، دێ بێژن يا كاودانان تێكدده‌ت”.
زێده‌تر گۆت: “وه‌سان دبينم كو سه‌رۆكێ هه‌رێمێ كاره‌كێ باش يێ كرى ده‌ما گۆتى ئه‌ز داخوازا هه‌لبژارتنان دكه‌م، ئه‌وێن 100 پێگوهۆڕ ژى بۆ بارزانى هه‌ين بلا ب فه‌رموون و كه‌سێ رێگرى لێ نه‌كريه”.
پێشتر عه‌لى باپير ئه‌ميرێ كۆمه‌لا ئيسلامى راگه‌هاند بوو كو بۆ پۆستێ سه‌رۆكاتيا هه‌رێمێ، ئه‌و سه‌د به‌ديلێن مه‌سعود بارزانى يێن هه‌ين.
نيشاندان
WP Facebook Auto Publish Powered By : XYZScripts.com