ئەڤرۆ نيوز:
سترانبێژا بەرنیاس ھێلی لۆڤێ راگەھاند سەرباری ئەو ئاستەنگێن درێیا ھونەری دا بۆ وێ پەیدابووین گەلەک ب زەحمەت بوون، لێ ئەو خوە ب سەرکەفتی دزانیت و دیارکر بۆ رۆژێن بھێن دێ وێ سپرایزێن باشتر ھەبن.
ناڤھاتی کو ئەو ب خوە خەلکا دھۆکێ یە، لێ دەمەکێ درێژە ل ژدەرڤە دژیت، دبێژیت: دەمێ من دەست ب سترانگۆتنێ کری ھەر ل دەستپێکی ھندەک ئاستەنگ بۆ من ھاتنە پێش و گەلەک کەسان حەز نەدکرن ئەز سترانان بێژم، بۆ نموونە ھەبوون دگۆتن ڤێ سنۆرێن دەربازکرین و دڤێت رێ لێ بھێتە گرتن، ھەروەسا ھندەک کەس ژی ھەبوون پشتەڤان بوون و دەستخۆشی ل من دکرن، ھەر چاوا بیت مە خوە راگرت، چونکو مەرەمەکا پیرۆز ل پێشیا مەبوو، ئەو ژی کا چاوا وەکو کچەکا کورد ژ دەرڤەی وەلاتی دێ شێم درێیا سترانێ دا خزمەتا وەلاتێ خوە کەم.
ھێشتا گۆت: راستە کلیپا منا ئێکێ گەلەک رەخنە بۆمن ھاتن، لێ ئەوا ل ڤێ دووماھیێ من ب ئنگلیزی گۆتی پتر ژ وێ بۆ من دەستخۆشی ھاتن و ئەڤێ چەندێ ئەز ھاندام کو پتر یا بەردەوام ببم و حەزژێکەرێن دەنگێ خوە پشت راست دکەم من دێ بۆ وان سوپرایزێن باشتر ھەبن، لەورا ژ ھەموو دلێ خوە دبێژم ئەز یا سەرکەفتیمە و من گەلەک قەید شکاندن.
من گەلەک قەید شکاندن
نيشاندان
