ئه‌ڤرۆ نیوز:
ب ئینفوگرافيك: ئه‌نجامێن هه‌لبژارتنێن توركیا
نووترين نووچه
- سەرۆكێ حوكمەتێ و قونسلێ فلستینێ دووماهی پێشهاتێن رەوشا غەزە گەنگەشەكرن
- د. خەلیل غازی: داهاتێ دەزگەهێن حوكمەتا ئیراقێ بۆ گەنجینەیا وەلاتی ناچن
- هەكە دۆزێن مللەتان د هندەك ویستگەهاندا تووشی راوەستییانێ ژی ببن، چو جاران ب دووماهی ناهێن
- مەسرور بارزانی و پاتریاركێ كەنیسەیا ئاشۆرییا رۆژهەلاتی دوپاتیێ ل پێشڤەبرنا كەلتوورێ پێکڤەژیانێ دكەن
- پارتی ل گەل ئێك لیستییێ یە ل دەڤەرێن كوردستانی یێن ل دەرڤەی ئیدارەیا هەرێمێ
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
سه‌ره‌كى Facebook
سه‌ركه‌فتنا هه‌ده‌پێ وسیناریویێن داهاتى
ئه‌ڤرۆ نیوز:
زێره‌ڤان به‌روارى شروڤه‌كارى سیاسى ل دۆر سیناریویێن بهێت یێن پاشه‌رۆژا توركیا دیاركر كو سه‌ركه‌فتنا لیستا HDP دێ گوهرینا سیاسى د هه‌ڤكێشه‌یێن توركى دا دروست كه‌ت ئه‌گه ر HDP ب ژیوارى سه‌ره‌ده‌رى د گه‌ل قوناغا داهاتى دا كر، دیسا ناسیونالیزما توركى هه‌ڤكار نابیت دگه‌ل هه‌ده‌پێ HDPو دبیته AKPهه‌ول بدت د گه‌ل HDP حكومه‌تێ دروست كه‌ت بو پێشڤه‌چوونا پروسێسا ئاشتیێ وگوهرینا ده‌ستوورى هه‌روه‌سا ل هه‌یڤا ٩ سالا ٢٠١٥ گونگرێ AKP دێ گوهرینا ب خو ڤه‌بینیت و دبیت ناكوكى ب كه‌ڤیته ناڤ رێزێن ڤێ پارتێ و پروژێ گه‌شه‌سه‌ندنا 2023 یێAKP بكه‌ڤیته ژێر مه‌ترسیا نه جێبه‌جیكَرنێ.
وێنێ خێزانا ده‌میرتاش ببینه
بۆ حه‌زژێكه‌رێن ده‌نگێ شڤان په‌روه‌ر
پارتى پیروزباهیا سه‌ركه‌فتنا هه‌ده‌پێ ل ته‌ڤایا گه‌لێ كوردستانێ دكه‌ت
ئه‌ڤرۆ نیوز:
محەمەد عەلی یاسین په‌یڤدارێ فراكسیۆنا پارتی دیموكراتی كوردستان ل پەرلەمانێ كوردستانێ، ب هه‌لكه‌فتا سه‌ركه‌فتنا هه‌ده‌پێ د هه‌لبژارتنێن توركیا دا، پیرۆزباهیێ ل هه‌موو گه‌لێ كوردستانێ دكه‌ت.
د راگه‌هاندنه‌كێ دا، فراكسیۆنا پارتی دیموكراتی كوردستان ل پەرلەمانێ كوردستانێ، كو وێنه‌یه‌ك بۆ ئه‌ڤرۆ نیوز هاتیه هنارتن، تێدا هاتیه: ب هه‌لكه‌فتا سه‌ركه‌فتنا پرۆسا هه‌لبژارتنێن توركیا و سه‌ركه‌فتنا پارتا دیموكراتا گه‌لان، هاده‌پ، ب ده‌ربازكرنا به‌ربه‌ستا 10% ژ هه‌لبژارتنێن وى وه‌لاتى، پیروزباهیێ ل ته‌ڤایا گه‌لێ كوردستانێ دكه‌ین.
ڤیدیو: ئوباما چ حسابه‌كێ بۆ عه‌بادى ناكه‌ت، ژ خو نه‌كه‌ن
به‌غدا موچێ هه‌یڤا پێنج ئێخسته سه‌ر حسابا بانكا حكومه‌تا هه‌رێمێ
ئه‌ڤرۆ نیوز:
فازل نه‌بى بریكارێ وه‌زاره‌تا دارایى یا عیراقێ راگه‌هاند كو وه‌زاره‌تا داراییا عیراقێ پارێ هه‌یڤا 5 ئێخسته‌ر سه‌ر حسابا بانكا هه‌رێما كوردستانێ و گۆت: پشتى نیڤرویا ئه‌ڤرۆ دوشه‌مبى، ب فه‌رمى بودجێ هه‌یڤا ئایارێ ئێخسته سه‌رحسابا بانكا هه‌رێما كوردستانێ.
فازل نه‌بى گۆت ژى: كوژمى وى پاره‌ى 508 ملیار دینارن و ئێخستینه سه‌ر حسابا بانكا ناڤه‌ندى یا هه‌رێما كوردستانێ.
بریاره ل چه‌ند رۆژێن بهێت، ئه‌و پاره ب نه‌قدى بگه‌هته هه‌رێما كوردستانێ و بۆ موچێ فه‌رمانبه‌ران بهێته مه‌زاختن.
بۆ هه‌یڤا نیسانێ ژى به‌غدا 488 ملیار دینار بۆ هه‌رێما كوردستانێ هنارتبوون و ره‌نگه حكومه‌تا هه‌رێمێ ل هه‌مبه‌ر كێم هنارتنا بودجێ هه‌رێمێ كارڤه‌دان هه‌بن و ئێدى نه‌فتێ ب رێیا به‌غدا نه‌هنێرن.
په‌رۆاز دێ بۆ UNESCO سترانه‌كێ بێژيت
ئه‌ڤرۆ نيوز:
په‌رواز حسێن نيه‌تا وێ چه‌ندێ هه‌يه ل رۆژا پێنجشه‌مبى دێ سترانه‌كێ بۆ رێكخراوا نه‌ته‌وێن ئێكگرتى بۆ په‌روه‌رده و فێركرن و كلتۆرى UNESCO بێژيت.
د راگه‌هاندنه‌كێ دا، رێكخراوان UNESCO راگه‌هانديه، سترانبێژ په‌رواز حسێن رۆژا پێنجشه‌مبى رێكه‌فتى 11ى خزيرانا 2015ێ دێ ل پاركا شار ل هه‌ولێر وه‌كو پشته‌ڤانيكرن بۆ هه‌وا يۆنسكۆ يا ب ناڤێ “ئێكگرتى نه ل گه‌ل كلتۆرى دا” دێ سترانه‌كێ بێژيت. دايه زانين ژى كو ئاهه‌نگ دێ يا ڤه‌كرى بيت و هه‌موو كه‌س دشێن پشكدار بن.
بزاڤا “ئێكگرتى نه ل گه‌ل كلتۆرى دا” بزاڤا پاراستنا كلتۆرێ جيهانێ د شه‌ر و هه‌ڤركيێن تايفى
هەڵمەتی (یەکگرتووین لەگەڵ کولتوور) هەوڵی پاراستنی کولتووری جیهانێ يه د ناڤا شەڕ هه‌ڤركيێن تايفى يێن نوكه كه‌فتينه د رۆژه‌ڤێ دا.
سوبه‌هى په‌رله‌مانێ كوردستانێ دێ كۆم بيت
ئه‌ڤرۆ نيوز:
سوبه‌هى رۆژا سێشه‌مبى 9ى خزيرانا 2015ێ، په‌رله‌مانێ كوردستانێ دێ روونشتنا خوه ئه‌نجام ده‌ت و بڕياره دانوستاندنا پرۆژێ قانوونا په‌يره‌وێ ناڤخۆ و چه‌ند پرۆژێن دى گه‌نگه‌شه بكه‌ت.
ب گۆره‌يى نوچه‌كێ په‌رله‌مانێ كوردستانێ، سوبه‌هى رۆژا سێشه‌مبى په‌رله‌مانێ كوردستانێ دێ روونيت و بڕياره خواندنا ئێكێ بۆ پرۆژێ قانوونا تاقانێن ئه‌نفالێ و قانوونا راستڤه‌كرنا ئێكێ يا قانوونا زمانێن فه‌رمى يا ژماره 6 يا سالا 2014 هێته كرن.
هه‌ر ديسا بڕياره دانوستاندن ل سه‌ر په‌يره‌وێ ناڤخۆ يێ په‌رله‌مانێ كوردستانێ ژى بهێته كرن ئه‌وێ به‌رى نوكه ژ لايێ په‌رله‌مانێ كوردستانێ ڤه هاتيه ئاماده‌كرن.
دێ بيته تۆز و پلێن گه‌رمێ بلند بن
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى ئه‌سمان دێ ساهى بيت و پاشان پيچ پيچه دێ تۆز ب ره‌نگه‌كێ سڤك بلند بيت ژ به‌ر زێده‌بوونا له‌زاتيا باى.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ فشارێن نزمێن گه‌رما سالانه بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 9ى خزيرانا 2015ێ ئه‌سمان دێ ساهى بيت و پاشان پيچ پيچه دێ تۆز ب ره‌نگه‌كێ سڤك بلند بيت ژ به‌ر زێده‌بوونا له‌زاتيا باى.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلێن گەرماتیێ دێ بلند بن وه‌كو هه‌ڤبه‌ركى ل گه‌ل رۆژێن به‌رى نوكه ب رەنگەکی د ناڤبەرا 20 بۆ 37 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باشوورێ رۆژهه‌لات بیت ب رەنگەکی دێ ل سه‌ر خوه و ناڤه‌ندى بیت د ناڤبەرا 10 بۆ 20 کلم د دەمژمێرەکێ دا، ماوێ دیتنێ ژی دێ 7 بۆ 8 کلم بیت.
نيشاندان
WP Facebook Auto Publish Powered By : XYZScripts.com