ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى رێكه‌فتى 8ى چريا دويێ 2015 ئه‌سمانێ دهۆكێ دێ بۆ ئه‌ورێن ته‌مام هێته گوهۆڕين هه‌تا ئێڤارى و ده‌ليڤا بارينا بارانه‌كا هوور ل ده‌ڤه‌رێن جودا و ده‌مێن جودا يا هه‌يى.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن نزمێن ده‌ريا ناڤه‌راست كو هه‌وايه‌كێ هه‌تا راده‌كى سار بۆ سه‌ر هه‌رێما كوردستانێ دهێته پێشبينيكرن ئه‌سمانێ دهۆكێ دێ بۆ ئه‌ورێن ته‌مام هێته گوهۆڕين هه‌تا ئێڤارى و ده‌ليڤا بارينا بارانه‌كا هوور ل ده‌ڤه‌رێن جودا و ده‌مێن جودا يا هه‌يى.
پشكا پێشبينيان دايه زايه زانين كو دێ ئاراستێ باى ژى باكوورێ رۆژئاڤا بيت ب ره‌نگه‌كى د ناڤبه‌را 10 هه‌تا 20 كم دا و ماوێ ديتنێ ژى 8 بۆ دێ 10كم بيت و پلێن گه‌رمێ ژى دێ د ناڤبه‌را 11 بۆ 18 پلان دا بيت.
ئەڤرۆ نیوز، ئەیاد بەرواری:
وەزارەتا بەرەڤانیا عیراقێ ئەڤرۆ شەمبیێ راگەھاند ئەو ھەردو فرۆکێن ل فرۆکخانا بەغدا یا نێڤدەولەتی یێن چەکێ بێ دەنگ تێدا ھاتینە دیتن، ب سەر ھێزێن کەنەدی و سویدی ڤەنە.
وەزارەتا بەرەڤانیا عیراقێ ل رۆژا پێنجێ ڤێ مەھێ رۆھنکرنەک بەلاڤکربوو و تێدا ھاتبوو کو ل دووڤ فەرمانا فەرماندێ گشتیێ ھێزێن چەکدار و سەرۆکێ وەزیران (حەیدەر عەبادی) ئەو چەکێ دەستووردای یێ کو ژ ھەردو وەلاتێن کوێت و تورکیا بۆ ھەرێما کوردستانێ ھاتی، یێ ھاتیە ڤەگەراندن ڤە پشتی ھندەک دەبانجێن بێ دەنگ ھاتینە دیتن کو د لیستێن وی چەکێ دەستووردای دا نەبوو.
وەزارەتا ناڤبری د بەیانا خوە یا ئەڤرۆ شەمبیێ دا بێژیت” ئەو ھەردو فرۆکە ژ بنگەھێن خوە ژ تورکیا و کوێتێ یێن ھاتین و ئێک یا کەنەدی یە و یا دی سویدی یە و ھەردو فرۆکان چەک و کەلوپەلێن ھەردو ھێزێن کەنەدی و سویدی ئیناینە، نەبوو ھێزێن لەشکری و ئەمنی یێن ھەرێما کوردستانێ نە”.
ئه‌ڤرۆ نيوز:
به‌رپرسێن هێزێن ئه‌سمانى يێن فره‌نسى كو پشكه‌كن ژ ڤه‌كۆلينا تايبه‌ت ب ئه‌گه‌رێ كه‌فتنه خوارا فرۆكا رۆسى ل گزيرتا سيتا راگه‌هاند كو ب گۆره‌يى ڤه‌كۆلينێن هه‌تا نوكه هاتينه كرن ئه‌گه‌رێن كه‌فتنێ په‌يوه‌ندى ب شياشيێن ته‌كنيكى ڤه نينه، به‌لكو ژ نيشكه‌كێ ڤه ته‌قينه‌ك يا د ناڤ فرۆكێ دا روودايى و فرۆكه يا پارچه پارچه بووى.
ده‌رئه‌نجامێن ڤان ڤه‌كۆلينان گۆمانێن ئه‌گه‌رێ هێرشا توندوتيژى بۆ سه‌ر فرۆكێ زێده‌تر لێ دكه‌ن كو پێشتر داعش به‌رپرساتيا خوه ژ ڤێ كريارێ ده‌ربڕيبوو، گه‌له‌ك ژ وه‌لاتيێن رۆسى ژى دڤێت ڤه‌گه‌رنه رۆسيا، به‌لێ ئه‌وى وه‌لاتى گه‌شتێن خوه ل مسرێ راوه‌ستاندينه.
نوكه گۆمانا وێ چه‌ندێ دهێته كرن فرۆكا رۆسى يا 31ى چريا ئێكێ ب 224 كه‌س ڤه كو هه‌موو گه‌شتيارێن رۆسى بوون ل ده‌ڤه‌را سينا يا مسرێ كه‌فتيه خوار و ب تنێ ژنه‌ك ژێ رزگار بووى گۆمانا وێ چه‌ندێ لێ دهێته كرن كو به‌رى ئه‌و فرۆكه ب فريت چه‌ند كه‌سێن سه‌ر ب داعش بۆمبه د ناڤ وێ فرۆكێ دا دانابيت.
ئه‌ڤرۆ نيوز:
عه‌ره‌فات كه‌ريم، ئه‌ندامێ جڤاتا نوونه‌رێن عيراقێ ل سه‌ر فراكسيۆنا پارتى ديموكراتى كوردستان راگه‌هاند: شاندێ بلندێ هه‌رێمێ ئه‌ڤرۆ دێ ب سه‌رۆكاتيا نێچيرڤان بارزانى سه‌ره‌دانا به‌غدا يا پايته‌خت كه‌ت”.
دا زانين ژى كو مه‌ره‌ما سه‌ره‌كى يا سه‌ره‌دانێ پشكداريكرنه د پرسا ئه‌حمه‌د چه‌له‌بى يێ سه‌رۆكێ كۆنگرێ نشتيمانى”.
په‌رله‌مانتارێ پارتى زێده‌تر گۆت: “د ڤێ سه‌ره‌دانێ دا، شاندێ هه‌رێمێ دێ چاڤ ب حه‌يده‌ر عه‌بادى يێ سه‌رۆك وه‌زيرێن عيراقێ و ژماره‌ك به‌رپرس و كه‌ساتيێن سياسى كه‌ڤيت و د وێ چاڤپێكه‌فتنێ دا، دوسيێن هه‌لپسارتى يێن ناڤبه‌را هه‌رێمێ و حوكمه‌تا فيدرال دێ كه‌ڤنه به‌ر دانوستاندنێ”.
شاندێ هه‌رێمێ ب سه‌رۆكاتيا نێچيرڤان بارزانى سه‌رۆكێ حوكمه‌تا هه‌رێمێ يه و هه‌ر ئێك ژ قوباد ته‌له‌بانى جێگرێ سه‌رۆكێ حوكمه‌تێ و ئامانج ره‌حيم سه‌رۆكێ ديوانا حوكمه‌تێ و سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێمێ و رۆژ نورى شاويش جێگرێ سه‌رۆك وه‌زيران و فازل ميرانى سكرتێرێ مه‌كته‌با سياسى يا پارتى و فه‌رهاد ئه‌ترووشى پارێزگارێ دهۆك بيت.
ئه‌ڤرۆ نیۆز، هه‌رهین محه‌مه‌د:
سترانبێژێ گه‌نج و به‌رنیاس هه‌ڤال ئیبراهیم بۆ ئه‌ڤرۆ نیۆز ئاشكه‌راكر كو نوكه مژوولى كلپه‌كێ یه بناڤێ (شه‌هید دێ هه‌رژیت) كو ژپه‌یڤێن و ئاوازین غه‌ریب قادرو ئه‌ڤ سترانه ل ستودیویا فورم میوزیك هاتیه توماركرن و دێ ژده‌رهێنا سیپان عادل بیت و ژڤانه ل ده‌مه‌كێ نێزیك بهێته كلیپ كرن.
ئه‌ڤرۆ نیوز : كاروان باعه‌درى :
شیره‌تكارێ سگرتێرى گشتى ێى نه‌ته‌وێن یه‌كگرتى ئه‌دما دینك سه‌را په‌رستگه‌ها لالش دا،
دكومبونه‌كى دا نوینه‌رێ میرى ئیزدیا و بابه شیخ و چه‌ند كه‌سایه‌تى و به‌رپرسێن ئێزدیا ئاماده‌بوون ، نوینه‌رێ میرێ ئێزدیا و بابا شێخ دپه‌یڤه‌كێ دا ره‌وشا ئێزدیا ژ بۆ مێڤانى دینك شروڤه كرن دیسان دڤى كومبونێ دا شَێخ شامو ئه‌ندامێ په‌رله‌مانێ كوردستانێ و سه‌روكێ بنگه‌هێ لالش د په‌یڤه‌كێ دا ره‌وش و سه‌رهاتى و ده‌ردو داخوازیێن ئێزدیان گه‌َهاندنه ناڤبرى و ژى خواست ب جدى كار بكه‌ن و فشارێ بێخنه سه‌ر دام و ده‌زگایێن نیڤ ده‌وله‌تى ژبو ب جینوساید ناساندنا كه‌یسا كاره‌ساتا شنگال و دیسان هاریكارى كرنێن مرۆڤاتى ژبو ئاوارا ب تایبه‌ت پشتى رزگاركرنا شنگال.
ئه‌ڤرو نیوز ، نه‌وزاد زاده هلورى:
په‌یڤدارێ وه‌زاره‌تا خواندنا بلند و ڤه‌كولینێن زانستى یا حكومه‌تا هه‌رێما كوردستانێ بو ده‌زگه‌هێن راگه‌هاندنێ دا دیاركر كو سوبه‌هى رۆژا شه‌مبى دوماهیى ژڤانه بۆ وه‌رگرتنا فورمێن رێزا 12ێ ئاماده‌یى ب رێیا زانكولاین.
عه‌باس ئه‌كره‌م-ى زێده‌تر گۆت : ( پشتى دوماهیى هاتنا ماوه‌یێ وه‌رگرتنا فورمێن رێزا 12ێ ئاماده‌یى بۆ پێشكێشكرنا زانكو و په‌یمانگه‌هێن هه‌رێما كوردستانێ ب رێیا زانكولاین وه‌زاره‌تێ ماوه‌یێ سێ روژان وه‌كو دوماهى ده‌رفه‌ت بوو وان قوتابیێن كو فورم پێشكێشنه‌كرى درێژكر و قوتابى دكارن هه‌تا روژا شه‌مبى 7/11 ل ده‌مژمێر 12ێ شه‌ڤێ فورمان پێشكێشى زانكولاین بكه‌ین و ل ده‌مێ بورى وێڤه زانكولاین دێ هێته دائێخستن )
ئەڤرۆ نیوز، زنار:
ژێدەرێن رۆژنامەڤانی پەیامەک بلاڤکریە و تێدا دیارکریە یانا بەرشەلونە دەست ب لێگەریانا ھێرشبەرەکی کریە بۆ بھێزخستنا ھێلا ھێرشبەریا تیمێ ل ڤەگوھاستنێن زڤسانا ئەڤ سالەدا.
و رۆژناما ئای دی و کەنالێ نوس یێن ھولەندی د ڤی چارچوڤەی دا ئاشکرا کریە چەندین پەیوەندی ناڤبەرا کارگێریا یانا بەرشەلونە و یاریکەرێ ھولەندی روبن ڤان پێرسی ھێرشبەرێ یانا فەنەرباخچە یا تورکی دا پەیدابوینە بۆ ڤەگوھاستنا یاریکەرێ ناڤبری بۆ یانا بەرشەلونە و ڤان ژێدەرا ھوسا خویاکریە کو یانا کەتەلونی داخواز ژ یاریکەرێ ناڤبیر گریە زێدەتر گڤاشتنێ ل سەر یانا خوە یا نوکە یا تورکی بکەت داکو رێزێن ڤێ یانێ بجە بھێلیت د ڤەگوھاستنێن زڤستانا ئەڤ سالەدا.
نيشاندان