ئه‌ڤرۆ نيوز:
ره‌وشا دراڤى ل بازارێن دهۆكێ ب گۆره‌يى نڤيسينگه‌هێن پاره‌گوهۆڕان ئه‌ڤرۆ رۆژا شه‌مبى رێكه‌فتى 6ى خزيرانا 2015ێ ب ڤى ره‌نگێ ل خوارێ بوو.
ره‌وشا دراڤى ل بازارێن دهۆكێ
نووترين نووچه
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
- كەسایەتییەكێ ئێزدی: چو جاران ئێزدیان جهێ خوە د ناڤا لەشكەرێ ئیراقێ دا نەدیتییە
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
سه‌ره‌كى Facebook
كۆژم و ژڤانێ هاتنا بودجا هه‌رێمێ يا هه‌يڤا گۆلانێ دهێته دياركرن
ئه‌ڤرۆ نيوز، نيوار محه‌مه‌د سه‌ليم:
ئه‌ندامه‌كێ جڤاتا نوونه‌رێن عيراقێ ل سه‌ر فراكسيۆنا پارتى ديموكراتى كوردستان راگه‌هاند كو ژڤان و كۆژمێ به‌هرا هه‌رێما كوردستانێ ژ بودجێ هه‌يڤا گۆلانێ هاتينه ده‌ست نيشانكرن و زێده‌ترى 30% كێمتر ژ بهايێ فرۆتنا په‌ترۆلا هه‌رێمێ يه.
حاكم سه‌رحان سلێڤانه‌يى د داخۆيانيه‌كێ دا بۆ ئه‌ڤرۆ نيوز گۆت: “وه‌زاره‌تا دارايا عيراقێ راگه‌هانديه كو بڕياره ل 10 هه‌تا 12ى ڤێ هه‌يڤێ به‌هرا هه‌رێما كوردستانێ ژ بودجێ يێ هه‌يڤا گۆلانێ بهێته ره‌وانه‌كرن”.
ئه‌ندامێ لژنا دارايى ل جڤاتا نوونه‌رێن عيراقێ زێده‌تر گۆت: “به‌هرا هه‌رێما كوردستانێ 600 مليار دينارێن عيراقى هاتينه دانان و ئه‌ڤه ژى نه ل دووڤ ئاستێ هنارتنا په‌ترۆلا هه‌رێما كوردستانێ يه ئه‌وا هاتيه فرۆتن”.
ئاماژه ب وێ چه‌ندێ ژى كريه كو ل سه‌ر حوكمه‌تا ناڤه‌ندى پێدڤيه 900 مليار دينارێن عيراقى وه‌كو بهايێ فرۆتنا په‌ترۆلا هه‌رێما كوردستانێ ره‌وانه‌يى هه‌رێمێ بكه‌ن، به‌لێ پێگريێ ب رێكه‌فتنێ ناكه‌ت و ئه‌وى كۆژمێ پاره‌يى ب دروستى ره‌وانه ناكه‌ت.
مه‌عصوم دێ ناما عه‌بادى گه‌هينيته بارزانى
ئه‌ڤرۆ نيوز:
په‌رله‌مانتاره‌كێ كورد ل جڤاتا نوونه‌رێن عيراقێ راگه‌هاند، د. فوئاد مه‌عصوم سه‌رۆك كۆمارێ عيراقێ د حه‌فتيا بهێت دا دێ چاڤ ب مه‌سعود بارزانى سه‌رۆكێ هه‌رێما كوردستانێ كه‌ڤيت و ناما عه‌بادى ل دۆر كێشێن په‌ترۆلێ يێن ناڤبه‌را هه‌دولا گه‌هينيته بارزانى.
عه‌ره‌فات كه‌ره‌م، په‌رله‌مانتارێ پارتى ل جڤاتا نوونه‌رێن عيراقێ بۆ رۆژناما “الشرق الاوسط” گۆت: “ب گۆره‌يى پێزانينێن وان، د. فوئاد مه‌عصوم سه‌رۆك كۆمارێ عيراقێ د حه‌فتيا داهاتى دا ل هه‌ولێرێ دێ چاڤ ب مه‌سعود بارزانى سه‌رۆكێ هه‌رێما كوردستانێ كه‌ڤيت و د وێ چاڤپێكه‌فتنێ دا، دووماهى پێشهات و په‌يوه‌نديێن ناڤبه‌را هه‌رێم و حوكمه‌تا عيراقا فيدرال، هێنه گه‌نگه‌شه‌كرن و ده‌رباره‌ى كێشێن په‌ترۆلێ و يێن ناڤبه‌را هه‌ردو لا و بودجێ هه‌رێما كوردستانێ، ناما عه‌بادى گه‌هينيته هه‌رێمێ”.
روون ژى كر كو عه‌بادى نه‌ڤێت كوردستانێ سه‌ربه‌خۆيا ته‌مام د پرۆسا فرۆتنا په‌ترۆلێ دا هه‌بيت و د ناڤ هه‌ڤپه‌يمانيا نشتيمانى يا شيعان دا ترسا وێ چه‌ندێ هه‌يه كو هه‌رێم ب ره‌نگه‌كێ سه‌ربه‌خۆ بڕيارێ ل سه‌ر فرۆتنا په‌ترۆلا خوه بده‌ت.
ئه‌ڤى په‌رله‌مانتارێ پارتى ئاماژه ب وێ چه‌ندێ ژى كريه كو هه‌كه ئه‌و ناما فوئاد مه‌عصوم دێ ژ به‌غدا گه‌هينيته هه‌رێمێ يا روون بيت كو حوكمه‌تا فيدرال ته‌كستى ل سه‌ر ره‌وانه‌كرنا بودجه‌يى ب ته‌مامى بۆ هه‌ولێرێ بكه‌ت، هه‌رێمێ ژى نه‌ڤێت كێشه و ئاريشان دروست بكه‌ت و دڤێت بگه‌هيته چاره‌سه‌ريان بۆ هه‌موو ئه‌و كێشێن د ناڤبه‌را هه‌دو لايان دا هه‌ين.
نێچيرڤان بارزانى دێ چيته سلێمانيێ
ئه‌ڤرۆ نيوز:
بڕياره ژ بوو پشكداريكرنێ د پلاتفۆرما هه‌موو پارێزگه‌هێن عيراقێ دا ئه‌وا بڕياره ل سلێمانيێ بهێته ئه‌نجام دا، سه‌رۆكێ حوكمه‌تا هه‌رێما كوردستانێ نێچيرڤان بارزانى سه‌ره‌دانا سلێمانيێ بكه‌ت.
ژێده‌ره‌كى بۆ خه‌ندان راگه‌هانديه: “سوبه‌هى نێچيرڤان بارزانى سه‌رۆكێ حوكمه‌تا هه‌رێما كوردستانێ دێ سه‌ره‌دانا باژێرێ سلێمانيێ كه‌ت”.
ئه‌وى ژێده‌رى ئاماژه ب وێ چه‌ندێ ژى كريه كو مه‌ره‌م ژ سه‌ره‌دانا سه‌رۆكێ حوكمه‌تێ پشكداريكرنه د پلاتفۆرما پارێزگه‌هێن عيراقێ دا، ئه‌وا دێ ل سلێمانيێ هێته ئه‌نجام دان.
ئاشكه‌را ژى كر كو بۆ جارا ئێكێ يه، هه‌موو پارێزگه‌هێن عيراقێ دێ د پلاتفۆرمه‌كێ دا كۆم دابن دا كو كارێ هه‌ڤپشك بدانن.
ميسى يێ تۆڕه‌يه
ئه‌ڤرۆ نيوز:
رۆژناما ماركا يا ئسپانى راگه‌هاند كو ستێرا يانا كه‌ته‌لۆنى و هه‌لبژارتيێ ئه‌رژه‌نتين، ليۆنێل ميسى يێ تۆره‌يه، به‌رى ياريا دووماهيا شامپيۆن ليگ ئه‌وا بڕياره ئه‌ڤرۆ بهێته كرن.
رۆژناما ماركا ئه‌گه‌رێ ڤێ تۆره‌بوونا ليونێل ميسى بۆ وێ چه‌ندێ ڤه‌گه‌راند كو ئه‌ويى نه‌ئاراميا و نه‌رحه‌تيا خوه ژ لژنا دووڤچوونا ماددێن هێزێ پێن قه‌ده‌غه‌كرى يا دياركرى و ئه‌و بوو ئه‌گه‌رێ سه‌ره‌كى ژى ليونێل ميسى د ئاهه‌نگا خوارخواستنێ ژى ژ ياريكه‌رێن هێلا ناڤين يێ يانێ تشاڤى ل رۆژا چارشه‌مبيا بۆرى ئاماده نه‌بوو.
بڕياره ئه‌ڤرۆ ياريا دووماهيێ يا قاره‌مانيا قاره‌مانێن خۆلێن ئورۆپى “شامپيۆن ليگ” د ناڤبه‌را هه‌ردو يانێن به‌رشه‌لۆنا يا ئسپانى و يوڤانتۆس يا ئيتالى دا بهێته كرن.
گۆره‌كێ ب كۆم يێ داعش هاته ديتن
ئەڤرۆ نیۆز، قائید میرۆ:
ل رۆژھەلاتێ باژێڕێ مووسل گۆڕەکێ ب کۆم ھاتە دیتن و تێدا تەرمێ ھژمارەکا زۆرا چەکدارێن بیانیێن داعش تێدا ھەنە.
سه‌عيد مه‌موزينى به‌رپرسێ راگه‌هاندنا لقێ 14 يێ پارتى ديموكراتى كوردستان ل مووسل بۆ ئەڤرۆ نیۆز گۆت: “ئەڤرۆ د دەمێ کارکرنا شوفەرەکێ دا ل قەزا قەرەقووش یا گرێدایێ پارێزگەھا نەینەوا، گۆڕەکێ ب کۆم ھاتە دیتن کو تێدا 111 تەرمێن چەکدارێن داعش ھەنە كو بەری نوکە ژ لایێ ھێزێن پێشمەرگە و فڕۆکەیێن ھەڤپەیمانان ھاتینە کوشتن”.
گۆتژی: “ئەف گۆڕێ ب کۆم ل گوندێ حومەیرە یێ رۆژھەلاتێ باژێڕێ مووسل بوویە و پتریا تەرمێن چەکدارێن داعش د ناڤا ئەڤی گۆڕی دا ھاتینە ڤەشارتن چەکدارێن بیانینە”.
ئينفوگرافيك: پێكهاتيێ به‌رشه‌لۆنا و يوڤانتۆس
مه‌ترسى ل سه‌ر سكرێن ديالا هه‌يه؟
ئه‌ڤرۆ نيوز:
وه‌زاره‌تا ناڤخۆ راگه‌هاند كو ئه‌وان لژنه‌ك ژ بوو پاراستنا سكرێن ديالا پێكئينايه و دێ ئه‌ركێ پاراستنا وان ئێخنه ستوويێ خوه ژ هه‌ر مه‌ترسيه‌كا بچيته سه‌ر.
ئاخفتنكه‌رێ ب ناڤێ وه‌زاره‌تێ عه‌ميد سه‌عد مه‌عن، د داخۆيانيه‌كێ دا بۆ سومه‌ريه نيوز گۆت: “سكرێن ديالا يێن ئاڤێ ژ جهێن گرنگ و ستراتيجى نه و وه‌زاره‌تا ناڤخۆ گرنگيه‌كا مه‌زن دده‌تێ”، ئاشكه‌را ژى كر كو نوكه چو مه‌ترسيێن ئه‌منى ل سه‌ر نينن، هه‌موو ده‌ڤه‌رێن سه‌ر ب وان سكران ڤه ل ژێر كۆنترۆلا هێزێن ئه‌منى نه”.
زێده‌تر گۆت: “پۆليسێن ديالا لژنه‌كا ئه‌منى يا تايبه‌ت بۆ سه‌رپه‌رشتيكرنێ ل سه‌ر فايلا پاراستنا سكرێن ئاڤێ پێكئينايه دا كو باشترين رێژا ئه‌منيه‌تێ ل وێ ده‌ڤه‌رێ بێخنه ستوويێ وان.
پێنج سكرێن ئاڤێ ل ديالا هه‌نه و به‌رچاڤترين ئێك سكرێ حه‌مرينه كو 50 كم ژ باكوورێ رۆژهه‌لاتێ به‌عقوبه يێ دووره وگه‌نجينه‌كا باشا ستراتيژى يا ئاڤا پارێزگه‌هێ يه و زێده‌ترى مليار مكه‌عه‌بێن ئاڤێ يه.
بابه‌كى ژ سه‌رۆك وه‌لاتى خواست زارۆيێن خوه بكوژيت
ئه‌ڤرۆ نيوز:
بابه‌كێ هندى داخواز ژ سه‌رۆكێ وه‌لاتى خواست كو ده‌ستووريێ بده‌تێ، هه‌ر شه‌ش زارۆيێن خوه ب كوژيت پشتى كو تووشى نه‌خۆشيه‌كا كێم وێنه بووين د مێشكێ خوه دا.
رۆژناما ده‌يلى مه‌يل يا بريتانى ئاشكه‌را كر كو زه‌لامه‌كێ هندى خواست كو سنوره‌كى بۆ ئازارێن زارۆيێن خوه يێن د ناڤبه‌را 8 بۆ 18 ساليێ دا بدانيت ئه‌وێن تووشى نه‌خۆشيا Canavan يا كێم وێنه بووين د مێشكێ خوه دا، ب ره‌نگه‌كى كو ئه‌وان هه‌ستێن گوهلێبوون و ديتنێ ژ ده‌ست داينه و ئيليف ژى بووينه.
د نامه‌كا كاريگه‌ر دا بۆ سه‌رۆكێ هندێ، بابێ وان، داخواز ژ زارۆيێن خوه كريه كو ئازارێن زارۆيێن خوه ب دووماهى بينيت ب رێيا كوشتنا وان يا ب ره‌حم دا، چونكو ئه‌و نه‌شێت ته‌حه‌مولا پارێن چاره‌كرنا وان بكه‌ت.
د ناما خوه دا دبێژيت: “ئه‌ز زێده‌تر نه‌شێم چاڤدێريا زارۆيێن خوه بكه‌م، سه‌ره‌رايى مووچێ خوه يێ هه‌يڤانه نه‌شێم زێده‌تر چاڤدێريا زارۆيێن خوه بكه‌م”, زێده‌تر دبێژيت: “د دو سالێن بهێت دا زارۆيێن من نه‌شێن هاتنوچوونێ ژى بكه‌ن، دێ ژياره‌كا گه‌له‌ك نه‌خۆش ب سه‌ر به‌ن”.
پشتى گه‌هشتنا نامێ ب سه‌رۆكى، ئه‌وى تيمه‌ك ژ نوشداران ره‌وانه وێرێ كرينه دا كو چاڤدێريا ره‌وشا زارۆيێن وى بكه‌ن و ژ لايێ ئابوورى ژى ڤه ژيانا وى دابين كر ژ پێدڤيێن ژيانێ.
پێله‌كا دى يا كوردێن رۆژئاڤا ئاواره بوون
ئه‌ڤرۆ نيوز:
ل ده‌سپێكا حه‌فتيا بۆرى، پێله‌كا دى يا نوو يا ئاوارێن كوردێن رۆژئاڤا به‌ر ب توركيا ده‌سپێكر و ب گۆره‌يى ژێده‌رێن توركى ژى كو بۆ فرانس پرێس يا فره‌نسى دايه زانين: “چار هزار كه‌س ژ ئه‌گه‌رێن هێرشێن داعش بۆ سه‌ر ده‌ڤه‌رێن كوردى ل سوريا ئاواره‌يى توركيا بووينه”.
ئه‌وى ژێده‌رێ توركى گۆت: “مه پێشوازى يا ل چار هزار ئاوارێن سورى كر، پتريا وان ژى ژن و زارۆ بوون ژ ترسا داعش دا ده‌ڤه‌رێن خوه ب جهـ هێلاينه”.
ئه‌و ئاوارێن ژێده‌رێ تورك ئاماژه پێ كرى، خه‌لكێ پارێزگه‌ها ره‌قه‌نه و ل ده‌رگه‌هێن سنورى گرێ سپى – ئاك چه‌كه‌نه يا ناڤبه‌را رۆژئاڤايێ كوردستانێ و باكوورێ كوردستانێ نه.
د حه‌فتيا بۆرى دا، هێزێن يه‌كينه‌يێن پاراستنا گه‌ل “يه‌په‌گه” هێرش بۆ سه‌ر داعش ده‌سپێكريه دا كو گرێ سپى بگرنه‌ڤه، ئه‌ڤ گره هه‌ردو باژێرێن كۆبانێ و قامشلۆ پێكڤه گرێدده‌ت.
رۆژناما حوريه‌ت يا توركى به‌لاڤكريه كو دبيت ژ ئه‌گه‌رێ ئالوزيان 15 هزار كه‌سێن دى ئاواره ببن، توركمانن و بنه‌جهێن ئه‌وان ده‌ڤه‌رانن.
ب گۆره‌يى دووماهى ئامار، 1.8 مليۆن ئاوارێن سوريا نوكه ل توركيا دبنه‌جهن و حوكمه‌تا توركيا ژى ل ڤێ دووماهيێ راگه‌هاند كو هه‌تا نوكه 5.5 مليار دۆلار ل ئاوارێن سوريا مه‌زاختينه.
نيشاندان
WP Facebook Auto Publish Powered By : XYZScripts.com