خۆلا ئینگلتەرا
ئیفەرتون و سەندرلاند دەمژمێر ١٦:٣٠
خۆلا ئیسپانیا
ئیبار و رایو ڤالیکانو دەمژمێر ١٤:٠٠
ریال بتیس و ئەتلەتیکو بلباو دەمژمێر ٢٢:٣٠
خۆلا ئیتالیا
جەنەوا و ناپولی دەمژمێر ١٧:٠٠
لاتسیو و میلان دەمژمێر ٢٢:٤٥
خۆلا ئەلمانیا
ھامبۆرگ و ھانوفەر ٩٦ دەمژمێر ١٧:٣٠
خۆلا فەرنسا
نیس و لیل دەمژمێر ١٦:٠٠
نانت و مارسلیا دەمژمێر ٢٣:٠٠
ئەڤرۆ نیوز:
ئەندامەکێ سەرکردایەتیا پارتی دیموکراتی کوردستان راگەھاند، پێدڤیە گۆڕان ل دۆر وان کارێن ئاژاوەگیریێ تێکدانێ ئەوێن ل ھەیاما بۆری ل سنۆرێ سلێمانیێ پەیدا بووین ھاتبا دەنگ، خویاکر ژی بۆمە ھەموویان جھێ پرسیارێ یە بوچی نەوشێروان نەھاتە دەنگ؟.
عەلی عەونی ئەندامێ سەرکردایەتیا پارتی دیموکراتی کوردستان بۆ رۆژناما ئەڤرۆ گوت” دبیت نەوشیروان ژ ھەڤالێن خوە یێ تورە و دلتەنگ بیت، چونکی نەشیان ئەو ئاژاوەگیریێ و تێکدانا وان ل سلێمانیێ ئەنجامدای بکێشنە ھەولێرێ و دھۆکێ، ئەز پێشبینیێ دکەم کو سەرکردێن گۆراِنێ چاڤەڕێی سزا و کارڤەدانێن مەزن ل ناوشیروانی دکەن، ژبەرکو وان د ڤەگوھاستنا کارێ ئاژاوەگیریێ دا شکەستن ئینا”.
عەلی عەونی گوت ژی” پارتی دیموکراتی کوردستانی ھەموو ڕێیێن قانونی دێ گریتە بەر و دێ وان بەلگان کۆم کەت یێن بووینە ئەگەر و ژێدەرێ وێ تێکدانێ و سۆتنا بارەگایێن پارتی و شەھیدکرن و بریندارکرنا کادرێن مە و خاپاندنا کورێن خەلکی، پێدڤیە ژی بەرپرسیارێن وان کارێن تێکدەرانە بۆ دادگەھێ بھێنە ھنارتن و دڤێت ئیدارا سلێمانیێ دووڤچوونەکا رژد بکەت داکو ئەو کارێن تێکدەرانە دوبارە نەبن و پێدڤیە گوران َمانیێ دووڤچوونەکا رژد بکەت داکو ئەو کارێن تێکدەرانە دوبارە نەبن و پێدڤیە ژی تاقمێ گۆڕان بەرپرسیارەتیا وێ تێکدانێ ب ستوویێ خوەڤە بگریت”.
ئەندامێ سەرکردایەتیا پارتی دیارکر” پشکا پارتی و گۆڕان د حوکمەتێ دا ھندی ئێک بوو، بەلێ تەحەمول نەکرنا نە بەرپرسیارەتیێ د ھێرشکرن و کریتکرن و نەشرینکرنا حوکمەتێ ل بەرچاڤێن خەلکی و پاشی پالدانا خەلکی بۆ سەر بارەگایێن پارتی ل سلێمانیێ و ب سۆژن و کادرێن مە شەھید بکەن و زارۆیان پالدەن بۆ تێکدانا رەوشا گشتی، بوو ئەگەر کو ئەو رێککەفتنا حوکمەت ل سەر ھاتیە پێکئینان، گۆڕانێ ب خو ئەو رێککەفتن ھەلوەشاند و نە پارتی یە رێککەفتن ھەلوەشاندی، بەلکو ئەنجامێن کریارێن وان رێککەفتنا ل گەل وان ھەلوەشاند”.
گوت ژی” تاقمێ گۆڕان ژئەنجامێ ڕەفتارێن خوە یا کەفتیە گوشە گەریەکا خراب دا، مە سەرێ گۆڕان ژی تەنا کر و گوتێ، چاوان ھوون حوکمەتن و جڤینا بێژنە حوکمەتێ؟ ھەرن ژ دەرڤەی حوکمەتێ و ب خوە ئۆپۆزسیۆن بن و سەرێ خوەژی تەنا کەن و یێ مەژی. ئۆپۆزسیۆنێ ژی ھندەک پرەنسیبێن ھەین و تشتێن ئەخلاقی یێن ھەین، نابیت پوختانێ بکەت ئەم ھیڤیدکەین ئەو سیاسیێن گۆڕان یێن کێم ئەزموونا سیاسی ھەی، ئەڤە بۆ وان ببیتە وانەک کو تو بێ قانوون بارەگایان ب سوژی و خەلکی ب کوژی و رەوشا خەلکی تێکبدەی، ئەو قانوونا بەرامبەری تە ژی خەلک دشێت بکاربینیت”.
عەلی عەونی دیاکر، پرۆپاگندێن تاقمێ گۆڕان ھەموو درەو بوون، ھەتا نوکە ئەو وەلاتێن جیھانێ یێن چاڤدێریێ دکەن دیاردکەن کو کو ئەولەویەتا کوردستانێ نە بابەتێ سەرۆکاتیێ و سیستەمێ ھەلبژارتنا سەرۆکێ ھەرێمێ یە ئەوژی ئەو بابەت و ئاریشەنە یێن گۆڕان دروست دکەن، بەلکو ل دەف وان ئەولیەت شەڕێ داعشێ یە کو شەڕەکێ سەرکەفتیانە ژ لایێ پێشمەرگێ کوردستانێ ب سەرپەرشتیا سەرۆک بارزانی دژی داعشێ یێ دھێتە کرن، چونکی سەرۆک بارزانی پاریزڤانێ دیموکراسیێ و پێکڤەژیانێ بویە دڤێ کوردستانێ دا، ئەوا تاقمێ گۆڕان دکەت ئەگەرێ تێکدانا بەلانسی یە، بزاڤا دەست برنێ بۆ کورسیێن کۆتا یێن نەتەوێن ل کوردستانێ دژین دژی دیموکراسیێ و پێکڤەژیانێ بوو، ئەوا گۆڕان دبێژیت و دکەت نەپاراستن و بەرقەراکرنا ئێمناھیێ یە ل ھەرێما کوردستانێ، لەوما خەلک گوھێ خوە نادەتێ و تاقمێ گۆڕان ژ ئەنجامێ ڤەخواندنەکا شاش گەھشتنە بریارەکا شاش”.
ئه‌ڤرۆ نيوز:
جێگرێ وەزیرێ دەرڤە یێ روسیا راگەھاند کو کورد پشکەک گرنگن ل سووریایێ و د شەرێ ل دژی داعشێ دا ژی ھەتا نھا شیاینە ل سووریایێ رۆلەک گرنگ بگێرن و ژ بەر ھندێ ژی دڤێت د کۆمبوونێن سەبارەت ب پاشەرۆژا سووریایێ دا کوردان نوونەرێن خوە ھەبن و ئەو داخوازا مافێ خوە بکەن و ئەم پشتەڤانیێ ل داخوازیێن کوردان دکەین.
میخائیل بوگدانۆڤ جێگرێ وەزیرێ دەرڤە یێ روسیا د پرێس کۆنفرانسەکی دا سەبارەت ب کۆمبوونا ١٧ وەلاتان یا کو ل ڤییەنا برێڤە چوویی ئاخڤی و دیار کر کو ھێشتا زوویە ئەم بێژین دێ پرسا سووریایێ ب رێیا دانوستاندنان ھێنە چارەکرن، کۆمبوونێن ھەتا نھا ھاتنە گێران باش بووینە لێ ھێشتا ئەم نەگەھشتینە چو ئەنجامەکێ و کۆمبوون دێ بەردەوام بن و گۆت: (ھێشتا ژی سەبارەت ب پاشەرۆژا سووریایێ ناکۆکی د ناڤبەرا مە و ئەمریکا دا ھەنە و د کۆمبوونا ڤییەنا دا ل سەر چەندین خالێن گرنگ رێککەڤتن ھاتنە کرن، لێ ھێشتا ژی ئەم نەشێین بێژین کو سەبارەت ب پاشەرۆژا سووریایێ مە شیایە کو ئەم بریارەکا ھەڤپشک بدەین و ژ بەر ھندێ ژی دێ کۆمبوون بەردەوام بن و ئەم ھیڤیدارین کو بگەھنە رێککەڤتنەکێ کو دووماھیێ ب قەیرانا سووریایێ بینیت).
سەبارەت ب رۆلێ بەرھنگاریا سووریایێ و داخوازیێن وان ژی جێگرێ وەزیرێ دەرڤە یێ روسیایێ راگەھاند کو مە بەری نھا ژی ل موسکو کۆمبوون ل گەل بەرھنگاریا سووریایێ گێرا و مە دڤێت داخوازیێن وان ژی ل بەرچاڤ بھێنە وەرگرتن و مە دڤێت د سووریا نوو دا ئەو ژی پشکدار بن و گۆت: (ھەکە براستی مە بڤێت قەیرانا سووریایێ چارە بکەین دڤێت گوھداریا ھەموو ئالیان بکەین، بێگومان نھا چەندین ھێز و ئالی ل سووریایێ ھەنە کو خوە وەک بەرھنگاریا وی وەلاتی نیشا ددەن، لێ ئەو د ناڤا خوە دا ئێک نینن و ناکۆکیێن وان ھەنە و ژ بەر ھندێ مە بەری نھا ژی دیار کربوو کو دڤێت ھێزێن بەرھنگاریا سووریایێ د ناڤبەرا خوە دا بگەھنە ھندەک رێککەڤتنان و داخوازیێن خوە زەلال بکەن).
ناڤھاتی سەبارەت ب کوردان ژی راگەھاند کو مە دڤێت د کۆمبوونێن کو سەبارەت ب پاشەرۆژا سووریایێ دا دھێنە گێران کورد ژی پشکدار بن، چونکو کورد پشکەک گرنگن ل سووریایێ و نھا ژی د شەرێ ل دژی داعشێ دا رۆلەک سەرەکی دگێرن و مە دڤێت د سووریایا نوو دا کورد خوەدان رۆلەک سەرەکی بن و مە بەری نھا ژی داخواز کربوو و دێ جارەکا دی ژی بێژین کو دڤێت کورد ژی د کۆمبوونێن سەبارەت ب پاشەرۆژا سووریایێ دا پشکدار بن و داخوازیێن خوە ب رەنگەکێ ئاشکرا دیار بکەن و گۆت: (مانا کوردان د ناڤ سووریا یا نوو دا بۆ سووریایێ و کوردان خالەک گەلەک باشە و دێ بیتە ئەگەرێ ب ھێزبوونا سووریا یا نوو و ژ بەر ھندێ گرنگە کو د کۆمبوونێن وەک ڤییەنا، یان ژی ھەر کۆمبوونەکا دی یا وەسا گرنگ دا کورد ژی پشکداریێ بکەن و داخوازیێن خوە دیار بکەن و ئەم پشتەڤانیێ ل داخوازیێن کوردان دکەین).
ل ئالیێ دی چاڤدێرێن سیاسی دیار دکەن کو د کۆمبوونا ڤییەنا دا دیسان ئالیێن پشکدار کو ١٧ وەلات بوون نەشیان سەبارەت ب پاشەرۆژا سووریایێ و چارەکرنا قەیرانا وی وەلاتی چو بریارەکێ بدەن و دێ کۆمبوونێن وان بەردەوام بن و ب کۆمبوونێن وەسا ژی قەیرانا سووریایێ چارە نابیت، چونکو ھەتا ناکۆکی د ناڤبەرا ئەمریکا و روسیایێ سەبارەت ب سووریایێ ھەبن کۆمبوونێن کو دھێنە گێران ژی ناگەھنە چو ئەنجامەکێ.
ئەڤرۆ نيوز:
وەزیرێ پەترۆلا عیراقێ راگەھاند شاندێ بلندێ ھەرێما کوردستانێ ل چەند رۆژێن بھێت دێ سەرەدانا بەغدا کەت.
د چوارچوڤێ کۆمبوونا پارێزگەھان دا ل دۆر برێڤەبرنا بادەکا پەترۆلێ کو ل پارێزگەھا زیقار برێڤەچوو، عادل عەبدولمەھدی وەزیرێ پەترۆلا عیراقێ د پرێس کۆنفرانسەکی دا گۆت:( ئەڤ شاندە ب مەرەما شروڤەکرنا پرسا رێککەفتنا پەترۆلێ و پشکا ھەرێمێ ژ قانوونا بودجا ٢٠١٦ یا عیراقێ دێ سەرەدانا بەغدا کەت).
ھەر د ڤی واری دا، سەفین دزەیی پەیڤدارێ حوکمەتا ھەرێما کوردستانێ راگەھاند، رێککەفتنا سالا بۆری یا ب دووماھی ھاتی و دڤێت رێککەفتنەکا نوو ل گەل بەغدا بھێتە کرن.
ئەڤرۆ نيوز:
کۆمپانیا کوندا یا راپرسیان دووماھی راپرسیا خوە سەبارەت ب ھەلبژارتنێن تورکیا ئاشکرا کر و ل گۆر وێ راپرسیێ دەنگێ ئاکپارتیێ ل گۆر ھەلبژارتنێن حەفتێ خزیرانێ کێمەکێ زێدە دبیت، لێ دیسان ئاکپارتی نەشێت ب تنێ حوکمەتێ ئاڤا کەت و دڤێت حوکمەتا ھەڤپەیمانی بھێتە ئاڤاکرن و دەنگێ پارتیا کۆماریا گەل ژی دێ وەک خوە بن و رەنگە ژی ھندەکێ زێدە ببیت لێ ئەو زێدەبوون د ئاستەکێ وەسا دا نابیت کو کاریگەریەکا خوە یا مەزن ھەبیت و دەنگێ پارتیا دیموکراتیک یا گەلان ژی دێ وەک جارا بۆری بیت و ئەو دێ چنە پەرلەمانێ تورکیا.
ل گۆر کۆمپانیا ناڤھاتی ژ بەر شەری و ناکۆکیێن نھا ل تورکیا دێ رێژا پشکداریا خەلکی زێدە بیت، ب تایبەتی ژی یێن کو ل تورکیا ھەست ب ھندێ دکەن کو مافێ وان دھێنە خوارن و زۆرداری ل وان دھێتە کرن دێ چنە سەر سندۆقێن دەنگدانێ و ژ بەر ھندێ ژی ئەو پشکداری دێ تا رادەکێ کاریگەریا خوە ل ئەنجامێن ھەلبژارتنان کەت، لێ د ئاستەکێ وەسا مەزن دا نابیت و دیسان دێ وەک حەفتێ خزیرانێ چار پارتی چنە پەرلەمانی و ئاکپارتی ژی نەشێت ب تنێ حوکمەتێ ئاڤا کەت، دڤێت ل گەل پارتەکا دی بگەھیتە رێککەڤتنێ و حوکمەتا ھەڤپەیمانی ل تورکیا بھێتە ئاڤاکرن.
ل گۆر راپرسیا کۆمپانیا گەزی یا راپرسیان ژی دەنگێ ئاکپارتی دێ ڤێجارێ بیتە ٤٣% و دێ ل گۆر ھەلبژارتنێن حەفتێ حزیرانێ دەنگێ وێ زێدە بیت، لێ دەنگێ پارتیا دیموکراتیک یا گەلان ژی دێ ھەر وەک حەفتێ خزیرانێ ١٣% بیت و ژ بەر ھندێ ژی ئاکپارتی نەشێت ب تنێ حوکمەتێ ئاڤا کەت و ھەلبژارتنێن ڤێجارێ چو جیاوازیەکا مەزن ل گەل یێن حەفتێ خزیرانێ نابن و دڤێت پارتێن سیاسی ل سەر ھندەک خالان بگەھنە رێککەڤتنەکێ و حوکمەتا ھەڤپەیمانی بھێتە ئاڤاکرن.
سەبارەت ب ھەلبژارتنێن کو دێ ئەڤرۆکە ل تورکیا برێڤە بچن، حسێن کایا چاڤدێرێ سیاسی ل ئستەنبۆلێ بۆ رۆژناما ئەڤرۆ راگەھاند کو ھەلبژارتنێن ڤێجارێ مرۆڤ دشێت وەک بەردەوامیا ھەلبژارتنێن حەفتێ خزیرانێ ببینیت، چونکو نھا ل تورکیا ھەڤسەنگی وەک بەرێ نەماینە و ھاتینە گوھۆرین و کوردان بریارا خوە دایە کو دەنگێ خوە بدەنە پارتیا خوە و ئالیێن نەتەوەپەرست و ئیسلامی ژی دەنگێ وان یێ دیارە و ئالیگرێن پارتیا کۆماریا گەل کو ئەو پارتی ژی ل تورکیا خوەدان سەنگە ئەو ژی دێ دەنگێ خوە دەنە پارتیا خوە و ژ بەر ھندێ ژی ئەز باوەرم ناکەم چو گوھۆرینێن وەسا بەرچاڤ ل تورکیا روو بدەن و گۆت: (دەنگێ کوردان بۆ ئاکپارتی د ماوەیێ ١٢ سالێن بۆری دا وەسا کر کو ئەو پارتیە بشێت ب تنێ ببیتە دەستھەلاتدار و حوکمەتێ ئاڤا کەت، لێ ئەو قۆناغ ژی د ھەلبژارتنێن حەفتێ خزیرانا بۆری دا ب داوی ھات و ئێدی کورد وەک جاران دەنگێ خوە نادەنە ئاکپارتی و شەرێ نھا ل تورکیا و باکورێ کوردستانێ ژی دێ وەسا کەت کو ئێدی کورد دەنگێ خوە نەدەنە وێ پارتیێ کو نھا دەستھەلاتە و زارۆیێن کوردان دکوژیت و ژ بەر ھندێ ئەز پێشبینی دکەم کو ھەلبژارتنێن ئەڤرۆکە وەک دوبارەکرنا ھەلبژارتنێن حەفتێ خزیرانێ بیت و چو گوھۆرینەکا وەسا بەرچاڤ روو نەدەت).
ئەڤرۆ نیوز:
ل پارێزگەھا دھۆکێ ل شوونا ئاڤا ڤەخوارنێ یا پاقژ، ل چەندین تاخان ئاڤا سۆر و پیس ھاتیە بەردان و ڤێ چەندێ خەلک دلگران کر و دبێژن، سازیێن پەیوەندیدار کەمتر خەمن د کارێ خوە دا، چونکو د ھەمان دەم دا ئەڤ جۆرێ ئاڤێ مەترسی ل سەر ژیانا وەلاتیان دروست دکەت.
ل دور ڤێ یەکێ وەلاتی سلێمان ئەحمەد دبێژیت: ل تاخێ ماسیکێ ئاڤا ڤەخوارنێ یا پیس و رەنگێ وێ یێ شێلی و ب سەر سۆری ڤە بۆ مە ھاتە بەردان، ئانکو ب چو رەنگان ئەڤ جۆرێ ئاڤێ ب کێری ڤەخوارنێ ناھێت، چونکو ئاڤ نە وەکو ھەر تشتەکیە و پێدڤیە لایەنێن پەیوەندیدار بزانن ژیانا خەلکی ھوسا دکەڤتیە د مەترسیێ دا و گۆت: نابیت ئەڤ جۆرێ ئاڤێ بۆ وەلاتیان بھێتە بەردان، ئەگەر ئاڤ ب ئێکجاری ژی نەبیت، ئەم پێدڤی ب ئاڤا ڤەخوارنێ یا پاقژین نەک بەروڤا ژی و تانکێن مە یێن مال ژی ھەموو تژی ئەڤ ئاڤا پیس بوون و نھا خەلک ل ڤان تاخان نەشێن ڤێ ئاڤێ ڤەخۆن.
زێدەتر دبێژیت: بۆ کێ بێژین، ھەر کەسێ ھاژ ژ ڤێ چەندێ نینە و ئەڤە مابوو ئەو ژی ب سەرێ خەلکی ئینا، لەورا ھڤیدارین ئەڤ بابەتە بھێتە چارەسەرکرن و ئێدی دووبارە نەبیتەڤە، نەخاسمە ل ڤی دەمی کو چەندین جۆرین نەخۆشیێ ژ ئاڤا ب ڤی رەنگی چێ دبن و ئەم سازیێن پەیوەندیدار ب ڤێ یەکێ خەمسار دبینین د ڤی کاری دا.
وەلاتی فەھمی عەبدولجەبار دبێژیت: ئەڤە نێزیکی ھەیڤەکێ جار جار ئەڤ جۆرێ ئاڤێ بۆ خەلکێ ئێتیتێ دھێتە بەردان و ماوەکێ درێژە خەلک ئاڤا موقەتر دکرن و ڤەدخۆن، چونکو بابەت یێ درێژ بووی و وەلاتی دنەچارن ئاڤێ ژی بکرن، بەلێ ئەڤە نەچارەیە، چونکو د وەختەکی دا ئەم نەشێین ژیارا خوە یا رۆژانە برێڤە ببەین ژ بەر قەیرانا دارایی کو ئەم ھەموو یێن بێزار کرین.
ژ لایەکێ دیڤە ل چەندین تاخێن دھۆکێ وەلاتیان ل رۆژا ئەینی گازندە ژ ئاڤا ڤەخوارنێ ھەبوون، چونکە رەنگێ ئاڤێ گەلەک یێ شێلی بوو و ب کێری ڤەخوارنێ نەدھات، لەورا داخوازێ ژ سازیێن پەیوەندیدار دکەین ئەڤ بابەتە بھێتە چارەسەرکرن و ئێدی چو حالەتێن ب ڤی رەنگی پەیدانەبن، دا کو وەلاتی ژ ھەر نەخۆشیەکا ژ ئاڤێ دروست بیت د پاراستی بن.
جەلال جەمیل، رێڤەبەرێ ئاڤا دھۆکێ گۆت: پشتی بارانێن ڤێ دووماھیێ بارین و بلندبوونا رووبارێ دیجلە پرۆژەی تەحەمولا ڤێ یەکێ نەکر و ئەڤ ئاڤە ژ فیلتەران دەرکەفت و ڤێرا نەگەھشت پاقژ بکەن و ئاڤ بۆ وەلاتیان ھات و ل قوناغا ئێکێ ھندەک ئاڤا شێلی گەھشتە باژێری و گۆت: ئەم ناچاربوین پرۆژەیی ھەموویێ ب راوەستینین، دا کو بشێین ھێدی ھێدی چارەسەریا ڤێ چەندێ بکەین و رێڤەبەرێ ئاڤا دھۆکێ ئەو چەند ژی دیار کر، کار یێ د پرۆژەی دا دھێتە کرن و ب زووترین دەم دێ ھێتە چارەسەرکرن.
ئه‌ڤرۆ نیوز: ڤه‌ده‌ر ره‌شاڤایی:
(سومت) گونده‌كێ خودان سرۆشته‌كێ جوانه و چه‌ند رێزه خانیه‌كێن بان سۆر لێ هه‌نه ل هه‌رێما (لاوه‌ر سه‌كسۆنی) ل باكۆرێ ئه‌لمانیا، هه‌ژمارا ئاكنجیێن وێ 102 كه‌سن كو هه‌ژمارا چێڵان هه‌تا نها ژ خه‌لكێ وێ پتربوو.
ئێدی ئه‌ڤ یه‌كه دی َهێـه گوهرین، ژبه‌ركو لدووڤ بریارا حكومه‌تا ڤێ هه‌رێما ئه‌لمانی ئه‌و گوند دێ هزا په‌نابه‌ران ژ ئیراق و سوریا و ئه‌فغانستانێ كو ژ شه‌ر و هه‌ژاریێ دره‌ڤن حه‌وینیت.
ل حه‌فتیا داهاتی دا 750 په‌نابه‌ر كو ده‌هـ جاركی ژ خه‌لكێ وێ پتره دێ ل ئاڤاهیێن ڤالا یێن وی گوندی هێنه حه‌واندن.
ل ده‌ستپێكا ڤێ مه‌هێ چریا ئێكێ، ب ئیمه‌له‌كی ژ به‌رپرسێ گوندی را كریستیان فابێل هاته راگه‌هاندن كو دڤێت جهێ هزار په‌نابه‌ران ل گوندێ خوه بكه‌ت، وی هزر كر ئه‌ڤ یه‌كه گالته‌كرنه‌كه لێ ل داویێ ده‌ركه‌ڤت راست.
بڤێ چه‌ندێ ئه‌ڤ گونده دێ بیته خودان بله‌زترین گه‌شه‌بوونا ئاكنجییان ل ئه‌ورۆپا، لێ نه بریێیه‌كا سرۆشی به‌لكو برێیا بیانییان.
خه‌لكێ ڤی گوندی پێ د دلخۆش نینن، لێ یا ژ ده‌ستێ وان دهێت كۆمبوونان بكه‌ن كا چاوا سه‌ره‌ده‌ریێ دگه‌ل وێ هه‌ژمارا مه‌زن بكه‌ن، ژبه‌ركو پشتی پێلا مه‌زنا كۆچبه‌ران ژ ده‌ستێ حكومه‌تا ئه‌لمانیا چوویه ده‌ر كو دڤێت ملیۆن كه‌سان بحه‌وینیت.
هه‌رچه‌نده پرانیا خه‌لكێ ڤی گوندی سه‌ر ب پارتا شیره‌تگارا ئه‌لمانیا ئه‌نگێلا مێركل ڤه نه لێ ڤێ روودانا هزرا وان تا راده‌كێ لدۆر ئه‌نگێلایێ گوهرییه كو ئه‌ڤ هه‌ژمارا مه‌زنا كوچبه‌ران لسه‌ر سه‌پاندی، و ب مه‌ترسی بۆ سه‌ر نفشێ ئه‌لمانی ل وێ ده‌ڤه‌رێ دزانن.
ئەڤرۆ نیۆز:
یانا ریال مەردید بەردەوامی دا سەرکێشیا خۆلا لیگا ئیسپانیا پشتی ئەڤرۆ شیای سەرکەفتنێ ل سەر یانا لاس پالماس توماربکەت د یاریێن حەفتیا دەھێ ژ خۆلێ ، ھەر سێ گولێن ریال ل نیڤا ئێکێ ھات بوونە تومارکرن ژلایێ یاریکەران ئیسکۆ، کریستانو رۆنالدو و خیسی .
ب ڤی ئەنجامی ریال مەردید خالێن خوە گەھاندنە ٢٤ خالا سەرێ لیستەیا خۆلێ پاراست.
نيشاندان